Lai Châu chuôz tsar seiz car lênhx nênhs nhiês muk lok đhâu

ntus đriv

          Jos Na Sa Phìn, xã ntus đriv Huổi Luông, huyện Phong Thổ muôx zuôr xar 100 ziv chuôz zis tsôngv box mênhx cxưx Cho nhoz uô nênhx. Zos thâuv ntêx, hâux lưv muk lok nhoz ntus đriv 2 saz têz qơưk chiê seiz lênhx nênhs cxênhz jê, muk car ciêz tsưr tsix fênhx yax mak huôx tôngv no nhiv no tâu tso tsês. Tuêv phax tar moz côngv thôngx hâur jos cux tsênhv phuôx huiz jông hâux lưv pov têx lênhx nênhs nhiês muk lok đhâu ntus đriv tsi trơưk chei thiêz pov trâu lưx lươngv muôx txơưx jênhv.

          Tix lâuk Lý Phủ Cò, iz lênhx tsôngv box nhoz jos Na Sa Phìn puz pâuz: Tsi muk lok seiz nênhx tsa cux muôx têx phêv liv, taz sik chiê taz por trâu đas jos cur thiêz pox nhuôs cux uô trơưk têx tsưr ziv phax tar moz. Lơưr co, iz lênhx nênhs puôr lênhx cir ntơưr đros chính quyênx tiv phaz thiêz bộ đội pênhz phax tsi nhiês muk lok đhâu ntus đriv, tsi chiv chir njiz nênhs saz đrâuv têz qơưk, cux xưk li txu grês tsơưs tiv zix têx huôx tôngv chêx chôngk chongz lênhx nênhs thâuv tsi zuôr trâus:        “Têx hnuz jê ntơưv no muôx cxuô xor mông heik lok moz cik lok six sei viv li pox nhuôs cux uô trơưk chính quyênx tiv phaz li cui tênhv thiêz têz qơưk li cui tênhv phax tar moz. Pox nhuôs cux yax six heik tsuv ntông mov por vêv tâuz hâu, chox đeiv bos kror ndâux cov taz por”.

          Zênhx pênhz phax Huổi Luông nhoz sâuv thax tsav xã, đrâuv sik côngv đros chính quyênx tiv phaz cxơưz tiês yax mông, heik kriê tsôngv box uô jông têx tsưr ziv phax tar moz, cux tưz heik lưx lươngv chuôz tsar qênhz yuôx, seiz car por vêv ntus đriv, ndêx đriv têz chiê tir tar qênhx shênhx nhiês muk lok đhâu ntus đriv. Ntâu cán bộ, chiến sĩ tưz zuôr xar 2 shông tsi tâu lok tsêr, taz sik lơưr puôr lênhx sir jos uô jông jênhv vưv, truôx siêz đros têz qơưk tir tar tâu moz: Đại úy Phạm Tuân, Chính trị viên Zênhx pênhz phax Huổi Luông, huyện Phong Thổ puz pâuz:“Pêz tuôr truôx quân số 100% ntơưv têx qơư seiz car phax tar moz; thôngx cxix chuôz tsar côngz xưv qênhz yuôx, seiz car, tiv zix zos thâuv hmo ntux. Tiv 2 zos pêz chox kriê, vênhv tôngv tsôngv box thâuv pov muôx lênhx nênhs nhiês muk lok đhâu ntus đriv mak pov trâu bộ đội pênhz phax, cux xưk li tsi cxaz chuôz paz chox lênhx nênhs muk lok đhâu ntus đriv”.

          Zos thax tsav ar nxaz, muôx ntâu mêr cêr muk lok, zôngx ziv chiê lênhx nênhs nhiês muk lok đhâu ntus đriv tsi trơưk chei, uô caz moz cik lok Việt Nam; chiê tir tar tâu qênhx shênhx no, Zênhx pênhz phax Huổi Luông tưz tuôr truôx 6 qơư seiz car sâuv thax tsav, 2 qơư seiz car lưu động sâuv 13 cei cêr ntus đriv, 15 tul ndêx đriv têz mak Zênhx pênhz phax coar lik. Têx qơư seiz car no muôx lênhx nênhs jor yênhx hnuz hmo.

          Trung tá Lê Văn Quyết, Zênhx tsar Zênhx pênhz phax Huổi Luông puz pâuz: Cxôngx thâuv moz huôv xênhz txos nhiv no, Zênhx pênhz phax tưz ntês thiêz chox muk cêv kuôk zuôr xar 200 lênhx nênhs nhiês muk lok đhâu ntus đriv, tir tar tâu 100 ntâu lênhx nênhs nhiês muk lok đhâu ntus đriv tsi trơưk chei:“Pêz tưz sik côngv đros cấp ủy chính quyênx tiv phaz chiê tuôr truôx têx tuêv seiz car chiê tơưv txênhz phax tar nênhs nhiês muk lok đhâu ntus đriv; ciêr chênhr chox têx lênhx nênhs nhiês lok Việt Nam muk cêv kuôk lơưr cui tênhv. Tiv 2 zos pêz chuôz tsar heik tsôngv box uô jong têx tsưr ziv phax tar moz; tiv zix zos 5K hâur phax tar moz nhiv no. Têx lênhx nênhs nhiês muk lok đhâu ntus đriv lok sik cxôngx thax tsav muôx moz lok tiv phaz tsuv heik kriê y tế”.

          Ntus đriv tâu tuôr truôx, seiz car jông tưz gôngr phênhv chox lok luz nênhx ngaz tul trâu têx jêx jos nhoz tox siêz Tây Bắc. Txơưv muôx ntâu phêv liv, taz sik iz lênhx cán bộ, chiến sĩ bộ đội pênhz phax thiêz cấp ủy, chính quyênx tiv phaz nhoz no tsênhv sir tas zuk li đas jos, truôx siêz đros tas nro têz qơưk nzor tir tar tâu moz, uô li chas chiê cxuô jêx jos thiêz têz qơưk tror ngaz tul huôv tsar./.

(Khắc Kiên- Txâur Vax cxeik nhênhv)

Cưk kriê ntơưr tox siêz Sơn La paz trâu chor shux xênhz txix tas nro siêz xar

Txix ciês kaz hli 9, cưk kriê Phạm Thị Bích Thảo, kriê môn ngữ văn đros chor cưk kriê ntơưr kriê têx môn txơưr đuô nhoz tsêr cơưv cxênhx pêz Chu Văn Thịnh, huyện Mai Sơn tưz sir jos kriê nzir ntơưr tsik zuôr nhiêx txiêx trâu tas nro 338 lênhx shux xênhz cơưv lớp 12 chiê tưr thik cơưv tiêr ntơưr cxênhx pêz têz qơưk shông no. Hâur co, xar muôx 50% chor shux xênhz cơưv ntơưr kik tưz tâu chor cưk kriê ntơưr sir jos kriê nzir trâu zar hnuz kêix yênhx hnuz; thiêz 1 hli ntâu tror lok no thâuv jiês thik tưz zuôr txos mak kriê nzir trâu thâuv hmo ntux thiêz. Lơưr cưk kriê ntơưr Phạm Thị Bích Thảo: Ciês đros môn Văn, tsêr cơưv nhiv no tsênhv yuôr muôx 80 lênhx shux xênhz cơưv tâu kik. Cxơưx trâu chor shux xênhz, xar cov chor shux xênhz thik tâu cơưv tiêr ntơưr cxênhx pêz chiê muôx tâu luz nênhx jông đuô zos kror chiê chor cưk kriê ntơưr ntơưv no sir jos yênhx hnuz hmo, yar ntux, lok nas lok sir jos uô cxuô kror hâux lưv hâur tsêr cov tiêr chiê tuôx muk trâu tsêr cơưv kriê nzir trâu chor shux xênhz mak tsik zuôr iz kror nhiêx tưs hlo:“Chor shux xênhz ntơưv no mak 95% zos shux xênhz mênhx cxưx, chor shux xênhz luz nênhx tsênhv yuôr ntâu kror txov nhêv. Viv li pêz zênhx sêiz chor shux xênhz zưk li zos zuk têx mê nhuôv. Thiêz pêz cux sir jos chiê paz trâu chor nhuôs, vav tiêk ntu tov ntêx no chor nhuôs zuôr muôx  tâu luz nênhx jông đuô”.

Cưk kriê ntơưr Kiều Anh Dũng, Hiệu phưv Tsêr cơưv cxênhx pêz Chu Văn Thịnh puz pâuz: shux xênhz hâur tsêr cơưv phênhv ntâu zos têx tuz nhuôs tsôngv box Hmôngz, Thái, Khơ Mú tuôx txix Mai Sơn li 12 xar nhoz đêz, tox siêz tuôx cơưv. Viv li, chor shux xênhz txix ciês thâuv xêir zuôr mak txux chi zênhx kik lơưv. Đros co, tiv kinh têr chuôz zis tsênhv txov nhêv, jênhv pâuz kik, shux xênhz niêv txir mak chiê chor shux xênhz trâu tsêr cơưv kruôz kriê, sêiz shuôk thiêz chor shux xênhz tsênhv tsik tâu sir jos, moz siêz hâur cơưv ntơưr. Chiê paz trâu chor shux xênhz, txơưv tsik muôx nzir phênhv sâu, taz sik chor cưk kriê ntơưr cux tsês ntâu six hơưv chiê kriê nzir têx ntâu ntơưr trâu chor shux xênhz txix tas nro zuk luz siêz xar chiê cov chor shux xênhz pâuz ntâu đuô:“Chor cưk kriê ntơưr mak sir jos viv zos zuk hâux lưv thiêz cux zos viv têx shux xênhz. Đhâu six hơưv kriê nzir, tas nro chor môn kriê nzir mak tâu qênhz yuôx, ntâu gri tsơưr lươngv chor shux xênhz đhâu yênhx ntu. Thiêz tsêr cơưv nhiv no cux tsênhv tror kriê nzir trâu chor shux xênhz, tiv zix zos chor shux xênhz cơưv pâuz tsik tâu truôx têx ntâuz ntơưr co”.

Cux xưk li chor cưk kriê ntơưr nhoz tsêr cơưv cxênhx pêz tox siêz Tông Lệnh, huyện Thuận Châu thiêz tsêr cơưv ntơưr cxênhx pêz Chu Văn Thịnh, huyện Mai Sơn, tas nro chor tsêr cơưv ntơưr cxênhx pêz thiêz tsêr cơưv Phôv thôngz Mênhx cxưx nội trú tỉnh Sơn La tưz thiêz tsênhv sir jos kriê nzir têx ntâu ntơưr trâu chor shux xênhz lớp 12 zuôr thik tưr hâur jiês thik cơưv tiêr ntơưr cxênhx pêz, hâur co muôx ntâu lớp kriê nzir tsik zuôr nhiêx txiêx trâu chor shux xênhz tsênhv pâuz tsik tâu cxix cxuô têx ntơưr. Xav txos six hơưv no, tas nro tỉnh tưz muôx zuôr xar 800 lênhx cưk kriê ntơưr kriê nzir ntơưr tsik zuôr nhiêx txiêx trâu zuôr xar 9.000 lênhx shux xênhz ntơưv yênhx puô lớp cơưv. Zơưv Nguyễn Văn Chiến, Phưv Giám đốc Sở Zoz zux-Thox cxov tỉnh Sơn  La puz pâuz:“Sở Zoz zux-Thox cxov tưz chox kriê chor tsêr cơưv ntơưr phênhz cxuô chor shux xênhz. Đros chor shux xênhz zuôr thik tưr tsik tâu ntơưr, đrâuv cơưv uô cê mak zuôr muôz phêiz uô yênhx lớp chiê kriê nzir trâu chor shux xênhz cov chor shux xênhz pâuz tsênhz thiêz uô tâu têx jax thik. Hâux lưv kriê nzir trâu chor shux xênhz mak tâu chor tsêr cơưv ntơưr sir jos uô jông. Pêz khav tênhv tiêk đhâu kriê nzir hâur shông cơưv, tiv zix zos hâur têx hli kaz shông cơưv no, chor shux xênhz tưz pâuz tâu ntâu đuô”.

Jiês thik tưr cơưv tiêr ntơưr cxênhx pêz têz qơưk shông no, tỉnh Sơn La muôx 11.460 lênhx nênhs shênhz đăngk cir dưv thik. Đros Mê Xênhv Zax, mênhx cxưx Hmôngz, shux xênhz tsêr cơưv cxênhx pêz Chu Văn Thịnh, huyện Mai Sơn thiêz chor fôngx zưs cơưv lớp 12, chor cưk kriê ntơưr li têx sir jos kriê nzir trâu chor shux xênhz no, chênhr zos kror paz trâu chor shux xênhz moz siêz, sir jos cơưv ntơưr cov tâu jông đuô, chiê thik tưr cov tâu điểm siêz tiv zix:“Cur nhoz tox siêz tuôx cơưv, niêv txir tsik pâuz ntơưr. Chor cưk kriê ntơưr tưz tses lok six ntâu six hơưv kriê trâu pêz. Cưk kriê ntơưr tưs sir jos tuôx lok six đêz tuôx ntơưv no chiê kriê ntơưr trâu pêz. Viv li cur cux hêik hêik trâu zuk tiêk tsuv sir jos đuô thiêz chiê thik tưr cov tâu ntơưr, tsik uô trâu chor cưk kriê ntơưr pôngz siêz”./.

(Bích Thủy-Lik Thox cxêik nhênhv)