Sơn La khưx phưx têx trâus puôk tsuôx, cxiv kho cêr mul lok txos trâu thax tsav trâus đêx nas uô hiêv ntơưv Mường La

       Trơưk li Phưv Giám đốc Sở zoz thôngz yêz lox tỉnh Sơn la Nguyễn Hợp Cường: Đêx nas lox đros trâu têx ar, poz jêz ntưk lol uô puôk tsuôx tas ntâu txox cêr mul lok hâur thax tsav huyện Mường La li: 2 txox cêr muk trâu tuk qox Nặm Păm, uô txox cêr lox 279 D trâus cxuz tas, tsi jông muk, uô 5 xã hâur huyện Mường La trâus kuôk cêv, muk tsi tâu đhâu luôs 2 chas thax tsav qơư đrâuv. Tỉnh txox cêr lox số 109 muk trâu xã Ngọc Chiến, tas nro ntu txix cêik cêr 2+300 txos cêik cêr 9 trâus đêx nas uô puôk tsuôx, ar, poz jêz cxuz tas. Iz chas 2 thax tsav qơư co, tsênhv yuôr ntâu ntu trâus xưz poz lox, tsi jông.... Xuz thơưx, xav hur tiz si têx trâus uô hiêv lok sâuv têx cêr mul lok tas muôx nhos 50 tỷ đeiv.

Ciês hâur hnuz xiêz 8/8 thâuv têx đêx tưz grik mê njik, cxuô taz viv tưz huiz tôngv têx yêz, công nhân cxiv uô tax tuk qox txix têx xor hlâu txuôk trâu 2 saz qox Nạm Păm thiêz uô cêr muk tax chiê thâux xa têx xiv huv zuôr trâus txos muk trâu tsôngv box thax tsav trâus đêx nas uô hiêv Mường La. Zơưv Nguyễn Hợp Cường, Phưv Giám đốc Sở zoz thôngz yêz lox tỉnh Sơn La heik:

      "Hâur ntu nhiv no mak zov chênhr đuô hur si zos tsuv taz por muôx tâu cêr mul lok đhâu qox thiêz khưx phưx ntu cêr txix cêik cêr 2+300 txos cêik cêr 9 ntơưv tơư tox Sam Síp chiê phưx vưv hâux lưv zok nriêr chơưv paz lênhx nênhs trâus moz trâus saz, trâus pôngz plox mông....thiêz khưx phưx têx trâus uô ruôr hiêv tiv đêx nas uô. Lok sâuv muk ntêr mak tul qox Nặm Păm zuôr tsuv cxiv uô đuô cov khor thiêz kho tas nro 7 cêik sâuv txox cêr lox 109. Iz chas ntơư zos têx ntu cêr, thax tsav kơưx, xưz poz mê njik mal cux tsuv cxiv kho chiê cêr khor, truôx jông mul lok".

       Têx hnuz no, canr bôv, kỹ sư, công nhân kỹ thuật Công ty seiz car thiêz cxiv uô cêr zoz thôngz mul lok số 1 Sơn La-taz viv seiz car txox cêr lox số 279D thiêz tỉnh txox cêr lox số 109 tưz sir jos uô hâux lưv thơưv hnuz thơưv hmo, hu ntâu têx yêz, lênhx nênhs đros trâu têx chuôz zênhx uz no tuôx đros paz cxiv kho cêr. Ntơưv tuk qox Nặm Păm, công ty cux tưz đei, khi tâu têx xor hlâu tax trâu 2 saz tơư qox, iz saz muôx 15 thiêr. Zơưv Trần Công Thìn, Phưv Giám đốc seiz car thiêz cxiv tsa cêr zoz thôngz số 1 Sơn La heik:

       "Đhâu thâuv tưz đơưk uô tâu têx hâux lưv xuz thơưx no, mak pêz heik cov cxiv kho, uô đuô 2 tơư qox cov khor chiê truôx trâu côngz trênhx no thiêz muk tâu ntêr. Lok sâuv txox cêr lox số 109 mak heik cxuô cấp qênhz yuôx, muôz nhiêx txiêx chiê cxiv uô, kho đuô tas nro ntu cêr trâus đêx nas cuôr yôngz, tsi jông ntơư".

        Chiê phưx vưv trâu luôs hâux lưv chơưv paz, khưx phưx têx trâus uô ruôr hiêv tiv nas chuô uô ntơưv huyện Mường La, Sở zoz thôngz yêz lox tỉnh Sơn la cux chox kriê zênhx max têx taz viv tso meir thiêz lênhx nênhs nhoz trơưr ntơưv qơư thâuv tưs muôx têx tuk tsi tsik jông zênhx max cxiv kho, thoz huk têx ar, poz jêz...... Têx ntu trâus đêx nas ngaz cêr tas, tsưr tsix cxok fiêx, cxok pak, xor lax caz thêir.....cov sơưr đơưk pâuz thiêz tsưr tsix seiz jor thơưv hnuz thơưv hmo têx thax tsav co. Iz chas ntơư, đros têx lưv lươngv muôx vax huôv hâur thax tsav phênhz cêr, kriê cêr ntơưv têx qơư co chiê yêz mul lok đhâu. Phênhz thiêz pheiz cêr trâu têx yêz lox mul lok, tsi tâu muk trâu têx ntu cêr riêz nênhs đêx nas ngaz, xưz poz, tsi muôx qox tiv đêx nas ntâuk yôngz qox tas chiê taz por truôx tuk trâu têx yêz mul lok, cux li taz por ngaz tuk côngz trênhx zoz thôngz./.

                                                   (Thanh Thủy-Riê Lâux cxeik, nhênhv)

Pox niêv doanh nhân hluôk kriz uô nox nhoz tox siêz Lào Cai

         Xav txix thâuv tâu jênhv lok uô hâux lưv ntơưv Công ty TNHH dịch vụ tsêr hur lào Cai, niêv tix Nùng Thị Liên li hâux lưv uô sưv hâur 5 shông đhâu zos uô vêv xênhz tsêr nhoz, văn phòng, iz hâur công ty li ntâu dịch vụ. Hâur six hoưv uô hâux lưv ntơưv no, niêv tix Liên thiêz chor nênhs txơưr đuô puôr lênhx lok six tso siêz uô hâux lưv muk ntêr viv công ty li têx tsov cưv, paz trâu zuk:

        “Zuk hâux lưv uô cux tâu 5 txos 6 triệu đêiv iz hli. Txix thâuv uô hâux lưv hâur công ty mak công ty lok six tsov cưv txos công nhân, thêv nhiêx bảo hiểm trâu zuk thiêz thâuv muôx moz gênhs mak tuôx sêiz nus jông. Uô hâux lưv ntơưv no mak lok six jông”.

         Txix iz công ty zâu đros chor nhiêx pênhr tsơưs, nhiv no hla đhâu ntâu phiv liv đros têx sir jos siêz, Công ty tsêr hur Lào Cai tưz huôv tsar tsik tsês, cungz ntâu dich vụ vêv xênhz công nghiệp tsêr mêir, xí nghiệp, tsêr kho moz, chor côngz trình vêv xênhz tênhv qơư đô thị, thâux xa thiêz xưv lik têx vuôz tsuôz. Txos nhiv no Công ty khav tênhv tâu cungz bê ntơưv thị trường Lào Cai. Niêv tix Nguyễn Thị Nga nhoz thành phố Lào Cai puz pâuz:

        “Công ty dịch vụ tsêr hur cux zos qơư txâuk njênhs trâu pêz xêir tsov. Công ty muôx têx lưx lươngv nhân viên sir jos uô hâux lưv thiêz muôx txơưx jênhv”.

       Tsôngv kruô li siêz nhiêv zos kror paz trâu lênhx pox niêv nhiv kruôr muôx 30 shông Nghiêm Thị Lan sir jos uô hâur công ty. Hla đhâu têx phiv liv lok pênhr, đas jos thị trường, lênhx nênhs thiêz sir jos uô hâux lưv, nriêr pâuz, cơưv shâuv, txos nhiv no Công ty TNHH dịch vụ tsêr hur Lào Cai tưz muôx 300 ntâu lênhx nênhs nhoz cxuô kror hâux lưv. Niêv tix Nghiêm Thị Lan puz pâuz:

        “Cur cux vav tiêk Công ty ziv hnuz ziv huôv tsar đuô thiêz, paz muôx hâux lưv uô trâu ntâu lênhx nênhs lox tôngv ntơưv tiv phaz. Nhiv no ntơưv Công ty cux tưz huôv tsar nzir iz dịch vụ thiêz zos vêv xênhz tênhv qơư đô thị, chiê sâu tsês thiêz xưv lik têx vuôz tsuôz xênhz huôx nhoz tas nro chor tsêr mêir thiêz chor xã nhoz đêz, tox siêz”.

          Kriz uô nox huôv tsar doanh nghiệp zos vênhv thix jênhv tâu tas nro ax hội li tsov cưv txos, tâu cxuô ngành, cxuô cấp tsov cưv cxơưz cxiz thiêz paz tsar tov. Niêv tix Nghiêm Thị Lan, nhoz hâur 10 doanh nhân hluôk uô tâu nox jông thôngz têz qơưk 2017 zos iz hâur chor doanh nghiệp yênhx côngz nhoz tỉnh Lào Cai tưz huôv tsar thiêz sơưr truôx sâuv ciêz đrôngs. Đhâu co paz uô trâu chor doanh nghiệp hluôk txơưr đuô hâur tỉnh njênhs thiêz cơưv shâuv huôv tsar, paz trâu huôv tsar kinh tế-xã hội tỉnh Lào Cai./.

(Thanh Thủy-Lik Thox cxêik nhênhv)