Quảng Ninh: Sir jos cxax côngz tiv 1 yuôx vắc xin phax moz Covid-19 trâu tsôngv box mênhx cxưx tsơưs nênhs nhoz têx xã ntus đriv

Xav txos tas hli 8, zuôr xar 50 cxênhz tsôngv box têx xã nhoz buôk ntus đriv ntơưv huyện Bình Liêu, huyện Hải Hà thiêz TP Móng Cái tỉnh Quảng Ninh tưz tâu cxax txâuk 2 côngz yuôx vắc xin phax moz Covid-19, tax 98% ntâu jiês cxax yuôx no. Hâur co, huyện Bình Liêu tưz cxax tâu trâu 15 cxênhz ntâu lênhx nênhs, phênhv ntâu uô tiêr hâux lưv cxax yuôx vắc xin phax moz Covid-19 trâu tas nro tsôngv box 18 shông ndê muk, tsav zuôr xar 50% jênh số tas nro huyện.

          Pos Chìu Mản Múi, mênhx cxưx Cho nhoz xã Đồng Văn, huyện Bình Liêu thiêz zơưv Voòng Sáng Làu nhoz xã Quảng Sơn, huyện Hải Hà puz pâuz: “Cxax côngz tiv 1 lok mak tsi pov tul tsi, đas jos jông, muk uô hâux lưv fênhx yax, muk car ciêz uô si fênhx yax. Côngz tiv 2 hnuz no cur cxax mak cux pov fênhx yax, lok six tso siêz”.

          “Tâu cxax yuôx vắc xin phax moz no pêz cux pov taz por trâu zuk, trâu pox nhuôs cux xưk li tas nro xã hội. Ntu no moz Covid-19 tsênhv lok six huôv xênhz zov chênhr, pêz tâu cxax yuôx cux lok six jông siêz”.

          Đros thax tsav phênhv ntâu zos tox trôngz siêz tsênhv yuôr ntâu phêv liv, tsôngv box nhoz uô nênhx tsi chêx chôngk, chiê uô tsưr ziv cxax yuôx vắc xin phax moz Covid-19 taz por thiêz trơưk tsưr ziv, têx tiv phaz ntus đriv Quảng Ninh tưz xar tơưv ntâu tsưr ziv yax mông, vênhv tôngv tsôngv box. Têx tuêv côngz xưv sik côngv đros têx tsar jos, lâuk jos, txir ndâux txir luk uô ntêx muk cxax yuôx, thôngz xor mông cxix cxuô đhâu têx jiês khiêz phêv, xênhz huôx, sâuv cxix luôk nta suôz, loa cxôngx luk mênhx cxưx, mạng xã hội...Ntơưv qơư cxax yuôx bax cxix cxuô têx chuôz zênhx phưx vưv cxax yuôx thiêz seiz njuôs đas jos đhâu thâuv cxax tas. Six hơưv cxax hâur hnuz cux tâu truz ntêr huv đros pox nhuôs li côngz xưv. Khov co krêz uô hâux lưv cxax côngz tiv 2 ntơưv têx xã ntus đriv Quảng Ninh tâu tsưr tsix jông, sei đrơưv đuô.

          Pos Nguyễn Thị Tuyết Hạnh, Chủ tịch UB huyện Bình Liêu puz pâuz, hâux lưv tsôngv box sâuv thax tsav tâu cxax yuôx vắc xin phax moz Covid-19 đêz đar zos iz hâur têx hâux lưv uô jông chiê tror chuôz tsar côngz xưv phax tar moz, côngv đros têx tsưr ziv txơưr uô jông, chuv tôngv tuôr truôx taz por sâuv thax tsav:“Bình Liêu zuôr chuôz tsar yax mông, thôngz xor mông, muôz siêz tsôngv box li jênhv pâuz hâur côngz xưv phax tar moz lơưr tsưr ziv 5K. pêz zuôr tror thôngz sâu têx lênhx nênhs cxôngx txâuk 12 shông hnuz nhôngs txos tsi tâu nto 18 shông, nênhs muôx moz gênhs, têx lênhx nênhs tsi nhoz sâuv thax tsav.....tâu cxax yuôx phax moz Covid-19 chiê krêz uô hâux lưv cxax yuôx hâur têx jiês tov kaz thâuv tâu cungz yuôx vắc xin huv đros, chuôz tsar lênhx nênhs tâu cxax yuôx phax moz Covid-19 sâuv tas nro thax tsav”./.

(TTĐB-Txâur Vax cxeik nhênhv)

Jêx jok hlôngr yiêz khov muôx têz qơưk chor tsaz yênhx yưv pênhr paz

Hâur têx shông đhâu, đros kriz uô truôx jông lơưr Đảng, têz qơưk têz cêr chêi, tỉnh Yên Bái tưz tso tơưv, kriz uô ntâu tsênhv chêi mênhx cxưx sâuv thax tsav; hâur co tsêx trung yưv pênhr huôv tsar kinh têr-xar hôiv; tuôr tsês chiê thiêz phuôx huiz tsiv gri vênhx huôv cxôngx nzor, taz por ngaz tuk côx phax thax tsav tsôngv box mênhx cxưx tsơưs nênhs thiêz tưz uô tâu jông lok ntâu kror. Chor chuôz zis pluôs tas nro tỉnh grêk tsơưs txix 32% (shông 2016) txos yuôr 7% ntâu shông 2020. Hok ntơưv têx huyện pluôs li Mù Cang Chải shông 2016 zos zuôr xar 67% mak shông 2020 tưz grêk tsơưs txos yuôr kik đuô 9%. Yên Bái tưz tso tơưv têx tsênhv chêi paz, hâur co muôx tsênhv chêi paz uô kôngz jôngr thiêz đêx nuv lơưr HĐND tỉnh li Nghị quyết 69.

Tâu paz 8 triệu đêiv lơưr HĐND tỉnh Yên Bái li Nghị quyết 69, tix lâus Dờ Xênhv Zax nhoz jok Púng Luông, xar Púng Luông, huyện Mù Cang Chải, tỉnh yên Bái tưz yưv pênhr chiê uô tsêr guôx thiêz tu zus 30 tuk yil. Khov sir jos cơưv shâuv têx kỹ thuật tsưr ziv tu zus đhâu chor lớp kruôz kriê thiêz đhâu têx ntâuz ntơưr, pov chir viv li tix lâus chor yil  hloz lox thiêz huôv tsar jông, paz chuôz zis muôx nzir phênhv sâu thiêz zuôr uô bluô nux tâu. Txix uô tâu xuz thơưx tix lâus Dờ sêiz lax đros pox niêv sir jos huôv tsar chor yil cov muôx txos 100 tuk hâur ntu zuôr txos. “Iz tuk  yil iz shông xav tas cxuô kror zuôr paz trâu zuk sâu tâu 400-500 cxênhz đêiv. Thâuv pêx xênhv nhoz tox siêz, đêz đrôngs tâu paz, mak cux zos iz kror tsưr ziv chiê paz trâu pêx xênhv txo grêk cêr yêiz pluôs”.

Niêv tix Vũ Thị Minh Thủy nhoz jok Ngã Ba Kim, xar Púng Luông ziv chuôz zis cux tâu paz 15 triệu đêiv lơưr HĐND tỉnh Yên Bái li Nghị quyết 69 chiê huôv tsar tu zus, đros qơư zus muôx 3 tuk mâuv buô sha mê nhuôv thiêz 20 tuk buô muôs grêix. Gruôs thiêz sir jos uô nox ho tâu cxuô cấp chinhr quyền txoz cxơưz txos tsưr tsix chor lớp kruôz kriê lok kỹ thuật tu zus viv li tsêiz no chuôz zis tưz muôs tâu muôx 3 tấn ntâu buô grêix sâu tâu lok 200 triệu đêiv ntâu. Niêv tix Vũ Thị Minh Thủy hêik: txix phênhv sâu no tưz tsik zos paz trâu niêv tix chuôz zis hla đhâu cêr pluôs, mak têx tuz nhuôs tsênhv tâu muk cơưv ntơưr cxix cxuô, luz nênhx cux tsik yuô  txov nhêv lơưv: “Zos tiêk tsik muôx caz moz huôv xênhz, uô nox tâu truôx li no mak kinh têr lok six truôx tuk. Vav tiêk chuôz zis zuôr tror tâu paz têx pênhr nhiêx chiê tu zus cov ntâu đuô”.

Huyện Mù Cang Chải tưz sir jos yax kriê, hêik chor chuôz zis sir jos đăngk cir uô chor tsưr ziv tu zus cov huv đros trâu yênhx ziv chuôz zis. Txos nhiv no, huyện tưz muôx 86 ziv chuôz zis đăngk cir đros tas nro nhiêx txiêx muôx 1,4 tiv đêiv ntâu. Khov co, tas nro huyện li chor tsiêx cxu tâu muôx 73.000 tuk. Zơưv Vax Bua Tủa, Chủ tịch UBND xar Púng Luông, huyện Mù Cang Chải puz pâuz:“Thâuv muôx chor pênhr no mak phênhv ntâu chor chuôz zis pluôs tâu txêik pênhr, hâur co chuôz zis tưs cux muôx nhux tưv chiê tu zus, paz trâu chor chuôz zis hla đhâu cêr pluôs jux juk. Muôx têx chuôz zis cux sir zôngv chor pênhr nhiêx co chiê kriz đar tsưr ziv tu zus”.

Huyện Mù Cang Chải xav jênhv tror sir jos yax kriê Nghị quyết 69 li tsênhv njiêz, tsênhv chêi paz txos trâu pêx xênhv sâuv thax tsav pâuz; sir jos cxiz tsa, kriz uô chor tsưr ziv chos kôngz lôngk, tu zus têx zav kôngz thiêz tsiêx cxu kaz jông muôx ntơưv thax tsav qơư li kêiz đuz grêis, buô, yil, txir tuôz ziz, txir hơưk….chuôz cxaz uô choz zok kỹ thuật, paz chiê txêik tâu pênhr nhiêx cux li têx tsưr ziv lok tsoz phưz, phax tar caz moz, vêv xênhz tênhv qơư; tror hêik chor hợp tác xã kôngz nuv sâuv thax tsav sir jos đăngk cir têx tsưr ziv uô nox lơưr saz muôx tsiv gri siêz đuô.

Lơưr zơưv Đỗ Văn Chiến, kuz Chủ nhiệm-Bôv trưởng Ủy ban Mênhx cxưx (nhiv no zos Chủ tịch Ủy  ban Trung ương MTTQVN) mak đề án no muôx:“Đề án no tsênhv njiêz uô zos uô 10 dự án thiêz xav mak muôx 3 kror yiêz. Kror tiv iz zos phênhz tsênhz đuô thax tsav mênhx cxưx tsơưs nênhs thiêz tox siêz, xav jênhv tsênhv mênhx têx thax tsav qơư txov nhêv tiv zix chiê txix co tsêx trung yưv pênhr cov huv zos paz uô tâu nox truôx jông, paz huôv tsar tâu pênhr jos trâu thax tsav tsôngv box mênhx cxưx tsơưs nênhs thiêz tox siêz. Uô nox no mak đros đrêiv pêz krir chênhr zos: huôv tsar kinh têr jôngr nuv, por vêv thiêz huôv tsar jôngr; tu zus, huôv tsar paz txiêx cxu lơưr yênhx thax tsav qơư; paz uô nox txix têx zav sâm thiêz yuôx đrox njuôz tsiv gri huv đros trâu đêx ar ntơưv yênhx thax tsav qơư. Đơưk kho têx phiv liv tiv zix trâu pox niêv thiêz nhuôs zâu thax tsav mênhx cxưx tsơưs nênhs thiêz tox siêz. Đros co zos đơưk kho têx kror li siz zuôr cxênhx jêx, siz zuôr nzor thiêz tso tsês têx phongx cxưx pôngz kaz; tsêx trung huôv tsar zoz zux, y têr chiê gra siêz tsơưr lươngv dân sôr thiêz tox siêz”.

Tsaz yênhx tsưr ziv têz qơưk Huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030 tâu kriz uô zuôr paz uô hlôngr yiêz siêz xar, tsưr ziv uô thiêz paz trâu tsôngv box mênhx cxưx tsơưs nênhs sir jos cov hla đhâu cêr pluôs hâur luz nênhx./.

(Giàng Seo Pùa-VOV4-Lik Thox cxêik nhênhv)