Nênhs lâul Điện Biên sir jos đros cxaz chuôz phax tir thêir moz Covid-19

Đros thiêz tsôngv pêx xênhv nhoz uô nênhx iz ndis ciêz Mường THanh, TP Điện Biên Phủ, tỉnh Điện Biên, pos Phạm Ngọc Tuyết, Chủ tịch Hôiv Chữ thập đỏ, uô Phưv Ban por hưv tsôngv pêx xênhv sơưr đơưk ntơưv qơư no tưz lok six sưv. Shông no pos 61 shông, niêx hnuz gra luz loa nta suôz ntơưv têk đros trâu chor ntâuz bos kror ndâux, txix tas cik sơưr nzor tax txos zar tsâuk ntux, thâuv tưs krêz uô ciêz mak pos Tuyết muk li ntơư gra loa yax kriê, heik têx chuôz zis zuôr muôs huv thiêz tsôngv pêx xênhv uô jông trơưk cui tinhv lok phax tir thêir moz Covid-19 ntơưv têx qơư muôx chôngz nênhs.

Pos Phạm Ngọc Tuyết heik: Ciês luôs hâux lưv uô por hưv qơư nhoz li no pos tưz uô tâu xar muôx 17 shông. No puôr lênhx zos têx hâux lưv uô đơưz, tsi muôx iz đeiv nhiêx paz hlo, taz sik niêx hnuz pos thâuv tưs cux sir jos lês uô jông têx hâux lưv heik sâuv viv côngv thôngx, viv cxuô lênhx sơưr đơưk. Kror zov chênhr zos zuk pov jông siêz, shir phaz viv paz tâu cxuô lênhx cxuô tus cux iz zav li paz iz phênhv tưs côngz đas jos trâu hâux lưv tir thêir moz gênhk. Six hơưv no, iz chas heik tsôngv pêx xênhv iz tus nhoz kuôk cêv đêz iz tus ntơưv têx qơư chôngz nênhs, pos Tuyết cux tsênhv đros paz lês uô têx hâux lưv cxax yuôx vắc xin phax phôngz moz ntơưv chor qơư cxax yuôx hâur thax tsav phường thiêz:“Thâuv tsênhv tâu tsôngv niêv txir lax pêx xênhv sơưr đơưk njênhs, nhiêv txos, choz hâux lưv mak uô tâu đaz tsi cur cux zuôr sir jos đros uô. Cur uô hâux lưv viv zuk luz siêz, viv tsôngv niêv txir cưr tix nênhx tsa sơưr đơưk, thâuv cur uô têx hâux lưv no cur pov shir phaz thiêz jông siêz, txơưv tưz muôx kênh lênhx, têx tus lơưr tiêk cur truôv, chas tâu so tsi nhoz so tsênhv zuôr muk lês uô têx hâux lưv li ntơư, tưz tsi tâu iz cxênhz nhiêx zuôr uô đaz tsi. Taz sik cur ho xar txơưr, zuk tsênhv uô tâu đaz tsi paz pêx xênhv car tsix uô xưz, ntơư zos hâur zuk siêz xar, hâux lưv uô paz sơưr đơưk”.

          Muôx tus nhaz zos cưk yuôx txưv zênhv muk lês uô hâux lưv phax tir thêir moz gênhk, seiz njuôk shuôs đas jos, chơưv kho moz trâu chor nênhs trâul moz Covid-19 ntơưv tsêr yuôx chơưv kho têx lênhx nênhs trâul moz Covid-19 sôr 11, Thủ Đức (TP HCM), chiê tus nhaz tso siêz muk uô hâux lưv, pos Mai Thị Sáng, nhoz jok 13, phường Mường Thanh, TP Điện Biên Phủ tưz lênhk nhav tsoz phưz, tu hur si tus nhaz 3 lênhx nhuôv.

Pos Sáng heik pâuz: Hnuz pâuz tiêk, tus nhaz zuôr muk uô hâux lưv đêz, paz chor qơư muôx chôngz nênhs trâul moz Covid-19 ntơư phax tir thêir moz, pos lok six cxơưx. Taz sik xav tinhv “Tir thêir moz gênhk xưk iz zav gâuk li tir ntâuk trol châuz”, tas nro têz qơưk tsuv sik thôngx siêz, siz paz, sik đros faz Nam tir thêir moz gênhk, viv li pos tưz heik tus nhaz tiêk, muk đêz tsuv tsưx phưv jông đas jos, tso siêz muk uô hâux lưv, nhoz tsêr tưz muôx cur uô lâul cxơưx. Txơưv lâul, tsi muôx đas jos taz sik niêx hnuz pos Sáng cux xa thiêz tok chor nhuôv muk cơưv ntơưr, tu, txoz cxơưx trâu têx nhuôv cxix cxuô chiê tus nhaz tso siêz muk uô hâux lưv tir thêir moz gênhk:“Cur cux heik tus nhaz tiêk, cox car tsix tso siêz lus muk uô hâux lưv phax tir thêir moz Covid-19, hâur tsêr tưz muôx pos zơưs txoz cxơưx, tu têx mê nhuôv, tso siêz  muk uô têx hâux lưv zok muôz, tsi cxoz xar ntâu, cxơưx ntâu txos chor nhuôv hâur tsêr. Tưz muk uô hâux lưv tir thêir moz li ntơư lênhx tưs cux nyei, taz sik tso siêz, hnar têx tsôngk yo por hưv zuk tus khênhx cov jông chiê uô hâux lưv seiz njuôk shuôs, chơưv kho moz trâu tsôngv pêx xênhv nhoz thax tsav muôx moz”.

Sir jos lês uô jông têx hâux lưv muôx liv thiêz tsênhv tsênhz, chor nênhs lâul nhoz Điện Biên cux tsênhv niêx hnuz hmo sir jos uô tsov iêr chi cax, uô ntêx nyuôs hâur cxuô luôs hâux lưv, sik đros tas nro têz qơưk tir thêir têx caz moz riêz nênhs./.

(Vũ Lợi-Riê Lâux cxeik, nhênhv)

Xav tênhv jos txov nhêv tiv zix ntu 2021-2025

Lơưr cuiz tênhv, têx jos tâu côngz jênhv txov nhêv tiv zix nhoz thax tsav tsôngv box mênhx cxưx tsơưs nênhs thiêz tox siêz tsuv zos jos muôx têx chuôz zis nênhs mênhx cxưx tsơưs nênhs hâur tas nro chor ziv chuôz zis nhoz uô nênhx ngaz tul yênhx côngv thôngx cxôngx 15% ndê muk thiêz tuôv zênhv 1 hâur 2 ploz tsênhr: muôx chor chuôz zis pluôs cxôngx 20% ndê muk (đros thax tsav niêv tiêx đras niêv đêx Cửu Long muôx chor ziv chuôz zis pluôs cxôngx 15% ndê muk lok sik muôx 30 ziv chuôz zis zos chuôz zis nênhs mênhx cxưx pluôs). Muôx chor ziv chuôz zis cxôgnxx 15% txos tsơưs đuô 20% (thax tsav niêv tiêx đras niêv đêx Cửu Long muôx chor chuôz zis pluôs cxôngx 12% txos tsơưs đuô 15%).

          Tiv 2 zos tsuv tuôv zênhv 1 hâur 3 ploz tsênhr (muôx 60% ntâu chor ziv chuôz zis pluôs zos chuôz zis mênhx cxưx tsơưs nênhs hâur tas nro chor chuôz zis pluôs hâur jos; tsi tâu muôx cêr muk lok cxôngx jos txos tsênhv qơư xã lok sik muôx cêr taz sik lax muk lok; tsi tâu muôx tênhv tênhz têz qơưk lok sik tưz muôx taz sik muôx 30% chor ziv chuôz zis tsi tâu tâu sir zôngv tênhv tênhz têz qơưk).

          Pir li nhoz tỉnh Thái Nguyên. Lơưr bê tâu thôngz đhâu jos txov nhêv tiv zix thax tsav tsôngv box mênhx cxưx tsơưs nênhs thiêz tox siêz ntu 2021-2025, Thái Nguyên muôx 50 jos txov nhêv tiv zix nhoz 22 xã sâuv 5 huyện zos: Võ Nhai, Định Hóa, Đồng Hỷ, Phú Lương, Phú Bình. Hâur têx xã, jêx jos, thax tsav qơư nhoz tưz hla đhâu xã, jêx jos, thax tsav qơư nhoz txov nhêv tiv zix nhoz tỉnh Thái Nguyên, muôx ntâu tiv phaz tưz uô tiêr tsaz yênhx cxiv tsa nôngx cxênhz yiêz. Muôx tâu hâux lưv no zos khov sik côngv têx phênhv pênhr jos, pênhr tsov cưv trâu têx thax tsav no, hâur co tsuv heik txos têx tsaz yênhx cxiv tsa nôngx cxênhz yiêz, tsaz yênhx 135, đề án 2037, cxôngx co tưz hlôngr yiêz tas nro kinh têr xã hội thax tsav mênhx cxưx tox siêz, hlôngr yiêz chinhr quyênx tiv phaz cux xưk li tsôngv box li siêz xar. Zơưv Nguyễn Thái Nam, Tsar ban mênhx cxưx tỉnh Thái Nguyên puz pâuz:         “Đros cấp ủy chinhr quyênx tiv phaz li chinhz yênhx truôx siêz uô, txos shông 2015, pêz zuôr txu grês iz đraz chor xã txov nhêv tiv zix, sir jos txos shông 2030, Thái Nguyên zuôr tsi yuôr thax tsav txov nhêv tiv zix tưs thiêz”.

          Tsưr ziv sir jos cov tsi yuôr thax tsav txov nhêv tiv zix zos iz jênhv vưv zov chênhr hâur chính sách mênhx cxưx, cux xưk li hâur hâux lưv uô Nghị quyết Đại hội Đảng bộ tỉnh Thái Nguyên six cxiv yiêz. Chor jêx jos, xã hla đhâu jêx jos, xã txov nhêv tiv zix sâuv thax tsav tỉnh Thái Nguyên txu grês tsi taz zos hâux lưv jông hâur KTXH mak tsênhv zos hâur pâus chiê cxiv tsa thiêz krêz uô têx tsaz yênhx chính sách mênhx cxưx hâur ntu zuôr txos. Lơưr zơưv Đỗ Danh Huân, Phưv Chủ tịch UB huyện Đồng Hủy, Thái Nguyên: “Pêz chêx chôngk hlôngr yiêz tsôngv pox nhuôs li siêz xar, lok vênhv thix cxuôv cêr yeiz pluôs, muôz siêz tsôngv box luz nênhx, uô uô cê têx phênhv pênhr thiêz hu grus cxôngx xã hội chiê uô hâux lưv cxuôv cêr yeiz pluôs”.

          Tsov lơưr têx tiv phaz li pov cov lok chêx cuk pheiz thax tsav tsôngv box mênhx cxưx tsơưs nênhs thiêz tox siêz lơưr ploz tsênhr cui tênhv ntơưv Thủ tướng chính phuv li Cuiz tênhv số 33/2020/QĐ-TTg, hnuz 16/9/2021, Bộ trưởng, Chủ nhiệm UB mênhx cxưx tưz cir Cuiz tênhv số 612/QĐ-UBDT thôngz đhâu bê 13 cxênhz 222 jêx jos txov nhêv tiv zix, muôx: 11 cxênhz 179 jos nhoz xã thax tsav III; 736 jos nhoz xã thax tsav II; 1 cxênhz 184 jos nhoz xã thax tsav I thiêz 123 jos nhoz xã muôx jos nhoz thax tsav tsôngv box mênhx cxưx tsơưs nênhs thiêz tox siêz sâuv thax tsav 41 tỉnh, thành phố nhoz saz Trung ương. Hâur ntu tsưr tsix uô, zos muôx siz pheiz lok sik sik côngv, cxuôv por tsês lok sik hlôngr bê, UB tỉnh chox kriê têx sở, nganhx muôx txơưx jênhv qênhz yuôx, xav tênhv lơưr ploz tsênhr thiêz ntâuz ntơưr lơưr cui tênhv ntơưv Thủ tướng chinhr phuv li Cuiz tênhv số 33/2020/QĐ-TTg hnuz 12/11/2020 xa trâu UB mênhx cxưx thôngz sâu, seiz shuôk thiêz cuiz tênhv hlôngr yiêz, kho đuô.

          Cuiz tênhv no muôx txux zôngv cxôngx hnuz cir tso tơưv thiêz hlôngr trâu Bộ trưởng, Chủ nhiệm UB mênhx cxưx li Cuiz tênhv số 433 hnuz 18/6/2021 lok thongz đhâu bê chor jêx jos txov nhêv tiv zix thax tsav tsôngv box mênhx cxưx tsơưs nênhs thiêz tox siêz ntu 2021-2025./.

(VOV4-Txâur Vax cxeik nhênhv)