Tsaz yênhx “Sóng thiêz mêir tính trâu chor nhuôs” paz muôx cêr shir phaz trâu têx thax tsav nhoz tox siêz đêz đrôngl ntơưv Đắk Lắk

Sơưr tok uô ntâuz ntơưr txêik jênhv Vinaphone đêiv sim data tsik tas nhiêx txiêx zos VNPT huyện Cư Mgar paz ciês ntơưv tuk nhuôv nxêik luz tsêr cơưv ntơưr, tix lâus Y Rít Kbuôr, iz ziv chuôz zis muôx luz nênhx txov nhêv nhoz jok Sút Mđưng, xar Cư Suê puz pâuz, kror paz no lok six muôx grik lox. Tix lâus chuôz zis muôx oz tuk mê nhuôv tsênhv cơưv ntơưr cxênhx iz thiêz cxênhx oz, puôr lênhx tsuv cơưv trực tuyến tiv moz Covid-19 tsênhv phiv liv. Tix lâus chuôz zis tsik muôx nhiêx chiê zôngv mạng internet, zos thêv nhiêx điện thoại chiê kriz mạng 3G, 4G trâu mê nhuôv cơưv ntơưr trực tuyến mak zuôr tas lok six ntâu nhiêx, cux zos iz kror lok six phiv liv pir đros iz chuôz zis pluôs li tix lâus ziv chuôz zis. Tâu paz sim tsik tas nhiêx txiêx li no, zuôr paz trâu tix lâus tsik yuô cxơưx txos têx mê nhuôv li hâux lưv cơưv ntơưr trực tuyến lơưv:“Tuk nhuôv hloz cơưv lớp 7, tuk zâu cơưv lớp 1. Muôx iz tuk mak cơưv thâuv zar têis cik, iz tuk mav cơưv thâuv zar hnuz kêix. Cux zos cơưv đhâu điện thoại, zuk cux tsuv sir jos xưz. Lok six uô tsâus trâu VNPT tưz paz trâu pox nhuôs nhoz đêz, tox siêz li pêz, chiê têx mê nhuôv tâu cơưv ntơưr online li no”.

Pos Nguyễn Thị Bích Ngọc, Nênhs sêiz car tsêr cơưv Cxênhx iz Lê Thị Hồng Gấm, xar Cư Suê, huyện Cư Mgar, tỉnh Đắk Lắk puz pâuz, đros têx thax tsav nhoz tox siêz đêz đrôngs, thax tsav tsôngv box mênhx cxưx tsơưs nênhs, lok six ntâu ziv chuôz zis txov nhêv thiêz njiz ntâu phiv liv hâur hâux lưv chiê chor nhuôs cơưv ntơưr trực tuyến. Hok qênhx shênhx caz moz sâuv thax tsav mak cux tsênhv phiv liv, hâux lưv cơưv ntơưr trực tuyến têx jêuv tsênhv zuôr truz ntêr. Tsaz yênhx paz sim data tsik tas nhiêx txiêx li no trâu shux xênhz niêv txir thiêz cưk kriê ntơưr tưz paz lok six ntâu trâu tsêr cơưv ntơưr li hâux lưv kriê cơưv ntơưr:“No zos iz kror paz lok six jông, viv chor nhuôs mak puôr lênhx txov nhêv hur si, mạng internet chiê cơưv ntơưr mak tsik truôx. Viv li têx paz no lok six jông trâu hâux lưv cơưv ntơưr trực tuyến, thiêz cux paz tâu trâu shux xênhz niêv txir, viv lơưr luz nênhx cux txov nhêv thiêz”.

Zos iz hâur têx doanh nghiệp uô ntêx hlo hâur kriz uô tsaz yênhx “sóng thiêz mêir tính trâu chor nhuôs” sâuv thax tsav, zơưv Trịnh Văn Dũng, Phưv Giám đốc kinh doanh VNPT Đắk Lắk puz pâuz, đhâu Sở Zoz zux, taz viv tưz paz nhiêx txiêx thiêz chuôz zênhx cxuô zav muôx 1 tiv đêiv ntâu. Đros co, taz viv tưz uô nzir chor qơư tso sóng chiê taz por sóng trâu chor nhuôs nhoz tox siêz, đêz đrôngs cơưv tâu ntơưr trực tuyến. Thôngx cxix, ntơưv têx chi nhánh cấp huyện cux kriz uô paz sim data tsik tas nhiêx txiêx khov lơưr qênhx shênhx tsênhv tsênhz:“Moz Covid-19 tsênhv phiv liv xưk li nhiv no mak têx tsêr cơưv ntơưr sâuv thax tsav qơư zuôr kriz cơưv ntơưr tsês trung tsik tâu tâu. Chor nhuôs cux tsênhv tsuv cơưv đhâu tsưr ziv online thiêz hâur co muôx lok six ntâu ziv chuôz zis muôx luz nênhx txov nhêv, tsik muôx chuôz zênhx, tsik muôx mạng trâu chor mê nhuôv cơưv ntơưr. Đhâu Sở Zoz zux, VNPT tưz muôx tsưr ziv paz mêir tính bảng thiêz sim data, kror paz no tas muôx 1 tiv đêiv”.

Lơưr Sở Zoz zux tỉnh Đắk Lắk li thôngz sâu, đhâu iz hli ntâu kriz uô tsaz yênhx “sóng thiêz mêir tính trâu chor nhuôs shuv xênhz”, txos nhiv no tas nro tỉnh tưz tsêik tâu têx paz zos nhiêx txiêx thiêz chuôz zênhx cxuô zav muôx 5 tiv đêiv ntâu. Hâur co, ciês cán bộ, nhân viên, nênhs lox tôngv hâur công đoàn ngành tưz sik côngv tâu chor nhiêx muôx 4 tiv đêiv trâu cuiv “mêir tính trâu chor nhuôs”. Nhiv no tsaz yênhx cux tsênhv tror hêik tas nro xar hôiv, sơưr đơưk sik côngv paz:“Ủy ban tỉnh tưz chox kriê Sở Zoz zux muôx tsưr ziv hêik pâuz chiê hêik tas nro xar hôiv, chor cơ quan ban nganhx hâur cxiv luôs chinhr triv cux xưk li pêx xênhv sâuv thax tsav tỉnh Đắk Lắk sik côngv paz trâu nganhx zoz zux, paz trâu chor shux xênhz muôx luz nênhx txov nhêv, chor shux xênhz njiz trâus phiv liv tiv moz Covid-19 muôx  tâu mêir tính, chuôz zênhx cơưv ntơưr trực tuyến jông tiv zix chiê taz por tsik tuôx tsêr cơưv ntơưr taz sik cux tsik tso cêr cơưv ntơưr tsês”.

Tas nro tỉnh Đắk Lắk nhiv no muôx 400.000 ntâu lênhx shux xênhz cxuô cấp cơưv, tiv moz Covid-19 txơưr txar phiv liv, shux xênhz tas nro tỉnh tsênhv tsuv cơưv ntơưr trực tuyến. Taz sik, lơưr nganhx zoz zux li thôngz sâu, muôx txos 76.000 lênhx shux xênhz tsik muôx têx chuôz zênhx chiê cơưv ntơưr trực tuyến, chor shux xênhz no mak puôr lênhx zos chor chuôz zis pluôs, zuôr xar pluôs nhoz ntơưv têx thax tsav tox siêz, đêz đrôngs. Cxuô cấp, cxuô nganhx thiêz têx doanh nghiệp, nênhs siêz jông li têx cêr paz đhâu tsaz yênhx “sóng thiêz mêir tính trâu chor nhuôs shuv xênhz” tsênhv paz muôx ntâu cêr shir phaz trâu chor nhuôs nhoz tox siêz, đêz đrôngs, paz trâu hâux lưv kriê thiêz cơưv ntơưr tâu uô zôngx ziv đuô./.

(TTTN-Lik Thox cxêik nhênhv)