Điện Biên: Ntux yiêz pênhz phaz paz max chuôz zis pluôs nhoz

ntus đriv

          Hâur six hơưv nox tsiêz Buô shông 2019 no, zênhx pênhz phax Pa Thơm, Bộ chỉ huiz bộ đội pênhz phax tỉnh Điện Biên zuôr tsês 70 gơưv nduôr blâuv đros ntâu phênhv huv trâu têx ziv chuôz zis pluôs, muôx luz nênhx txov nêhv sâuv thax tsav 2 xã ntus đriv Pa Thơm thiêz Thanh Chăn zos qơư mak taz viv tsênhv coar lik.

          Trung tá Vì Văn Tiên, Chinhr trị viên phưv Zênhx pênhz phax Pa Thơm, xã Pa Thơm, huyện Điện Biên, tỉnh Điện Biên puz pâuz: Hâur têx shôngk đhâu, 30 ntâu cei cêr ntus đriv đros thiêz têz qơưk Lào mak taz viv tsênhv coar lik thâuv tưs cux tâu tuôr truôx khov muôx côngv thôngx têx mênhx cxưx sâuv thax tsav paz max. Tsôngv box tưz tsênhz tsênhz muôz siêz jênhv pâuz hâur côngz xưv chiv chir huôv tsar kinh têr, heik kriê têx zav nênhs phamv cxâuv, por vêv tsưr qênhx ntus đriv têz qơưk. Viv li đrâuv huôx tôngv krưr nduôr blâuv chiê chuôz cxaz cêr sik côngv siêz đội đội thiêz tsôngv box, muôx cxaz têx phênhv huv trâu têx ziv chuôz zis pluôs mak hâur ntu uô ntêx, hâur thiêz đhâu thâuv nox tsiêz tas, taz viv cux chuôz tsar têx cán bộ chiến sỹ mul têx jêx jos uô vêv xênhz, luôx đrox, pâuz tâu qênhx shênhx hâur thiêz saz đrâuv ntus đriv chiê taz por txiv ngaz thiêz đros tsôngv box shir phaz nox tsiêz:“Canr bộ chiến sỹ thiêz pox nhuôs lok six jông siêz cxaz chuôz krưr nduôr blâuv, chuôz tsar cêr sik côngv siêz hâur bộ đội thiêz tsôngv box. Lok tsaz yênhx no li ziz njiêz mak pêz krưr nduôr chiê tsưr tsix khơưk muôz trâu têx ziv chuôz zis tâu sơưv cêr chei, chuôz zis pluôs nhoz thax tsav ntus đriv, muôx iz phênhv mê chiê tôngv vênhx pox nhuôs nox tsiêz sor si đuô, uô li chas chiê cxuô ziv chuôz zis puôr lênhx muôx nduôr blâuv shir phaz nox tsiêz”.

          Thâuv têx luz nduôr nhiv kruôr siêr, tâu bu lok mak hnuz ntênhs cux tâu tsưr tsix. Đros njiêz luv “ Ntux yiêz por vêv ntus đriv, nox tsiêz nhoz ntus đriv” sâuv xã Pa Thơm li qar tiêx muôx ntâu huôx tôngv vênhx huôv, vênhx ziv, thiv thao, tsưr ziv uô li trâur lâuk tâu tsưr tsix. Chinhr quyênx tiv phaz đros Zênhx pênhz phax Pa Thơm tsưr tsix seiz nus, tôngv vênhx thiêz khơưk muôz huv tsiêz trâu têx ziv chuôz zis pluôs, chuôz zis tâu sơưv cêr chei nhoz thax tsav ntus đriv. Thôngx cxix khơưk muôz ntâu phênhv huv trâu têx chuôz zis chính sách, shux xênhz pluôs sir jos cơưv ntơưr hênhr. Niêv lâuk Vì Thị Xôm, Chủ tịch Hội liên hiệp pox niêv xã Pa Thơm, huyện Điện Biên, tỉnh Điện Biên puz pâuz: Tsaz yênhx tưz paz trâu cán bộ thiêz tsôngv box têx mênhx cxưx sâuv thax tsav pâuz ntâu đuô lok vênhx huôv chax chês, mênhx cxưx li chinhz yênhx sik hluz, siz paz:“ Huôx tôngv no cux lok six muôx ziz njiêz thiêz chêx cuk đros têx ziv chuôz zis pluôs, chuôz zis zuôr xar pluôs, tso pov cán bộ zênhx pênhz phax li tôngv vênhx, chinhz yênhx sik côngv jông hâur bộ đội thiêz tsôngv box pluôs hâur xã”.

          Chiến sỹ Quàng Văn Anh, Zênhx pênhz phax Pa Thơm, xã Pa Thơm, huyện Điện Biên, tỉnh Điện Biên pheiz kênh, txơưv tsi tâu lok tsêr nox tsiêz taz sik tsôngv box têx mênhx cxưx sâuv thax tsav li têx cêr jông siêz tưz uô trâu têx chiến sỹ li pêz pov sor si đuô. Cxôngx co paz pêz muôx cxaz siêz sir jos por vêv truôx tul tsưr qênhx ntus đriv têz qơưk.        “ Shông no zos shông tiv 2 cur đros têx cán bộ chiến sỹ nhoz zênhx pênhz phax nhoz no đros pox nhuôs nox tsiêz. Cxaz chuôz tsaz yênhx krưr nduôr blâuv, chiv chir krưr tâu luz nduôr, xa trâu tsôngv box muôx luz nênhx txov nhêv sâuv thax tsav cur pov lok six jông siêz, lok six muôx ziz njiêz, pov tsuôk li tâu nox tsiêz hâur tsêr”.

          Iz cheix ntux yiêz tror lok txos sâuv ntus đriv Pa thơm, txơưv têx phênhv huv tsi lox, taz sik zos têx cêr jông siêz muôx ziz njiêz tror gôngr côngv chuôz tsar cêr niêv côngv siêz jông hâur mênhx cxưx, hâur bộ đội thiêz tsôngv box, taz por txiv ngaz truôx tul nhoz ntus đriv têz qơưk./.

                                 (Vũ Lợi- Txâur Vax cxeik nhênhv)

Ndis shuôk jêx jok Laox Cai tok ntux yiêz

Zênhx pâuz txos zos Sa Pa li luz xar txov nhêv tiv zix, taz sik nhiv no cêr muk lok hâur têx jok Tả Van tưz tâu uô txix bê tông jông hur si, đros muôx chor hêir nênhs Giáy, nênhs Tày, Hmôngz li têx tsêr cxôngx nzor nhoz đros hâur chor pax txir khơưz, txir đuôx tơưs liêz, đơưz. Têx hlôngr yiêz no muôx iz gôngr côngv tsik tsơưs txix zav du lịch côngv thôngx homestay. Xar nhiv no muôx 60 ntâu ziv chuôz zis uô du lịch homestay phưx vưv trâu tsôngv kruô zoz qơưx ndis shuôk, uô si, nhoz so ciês ntơưv qơư. Niêv tix Nông Thị Vang, mênhx cxưx Giáy nhoz jok Tả Van Giáy 1 hêik pâuz:“Cur muôz ntêr tsêr thiêz tsưr zis nênhs nhoz Hà Nội chiê uô du lịch côngv thôngx iz hli tâu 4 triệu đêiv. Cur mak uô nzir ntơưv no thiêz iz hli tâu 4 triệu đêiv thiêz”.

Tsưr ziv du lịch côngv thôngx ntơưv Laox Cai tưz muôx txix ntêr lok, taz sik tsik tâu muôx jiês tưs uô jông thiêz cêv kuôk jông xưk li nhiv no. tsôngv kruô du lix tuôx no nox nhoz, xênhz huôx đros tsôngv box, nriêr pâuz lok têx phôngx cxưx, vênhx huôv, uô nênhx nhoz hâur têx qơư yiêz. Pêx xênhv nhoz Laox Cai li yênhx puô homestay nhiv no tưz muôx yưv hâur têx ntâuz ntơưr, pov tsir hêik txos du lix nto bê. Niêv tix Nguyễn Thị Thanh Mai, iz lênhx kruô tuôx txix Hà Nội hêik:“No zos jiês tiv oz cur tror tuôx trâu Sa Pa, jiês iz trâu shông 2011. Jiês uô ntêx cur nhoz đrav thị trấn mak lok six chôngz nênhs thiêz lov jêv, jông đuô ntơưv no. Jiês no tuôx nhoz ntơưv jêx jok mak cur muôx pov tâu têx kror jông txơưr đuô, nhoz no mak uô luz nênhx xưk li tsôngv box sơưr đơưk nhoz ntơưv no”.

Shông 2005, tỉnh Laox Cai muôx 2 zav du lix côngv thôngx ntơưv xar Bản Hồ thiêz San Sả Hồ zos tsưr tsix Bánh Mì ntiêx têz paz cxiv uô. Lơưr co, pêx xênhv ntơưv qơư tâu paz hêik kriê tsưr ziv sik thav luk thiêz uô zav nox, nriêr pâuz kriz uô têx tsiv gri vênhx huôv ntơưv thax tsav qơư nhoz chiê phưx vưv du lix. Txos nhiv no tsưr ziv du lix côngv thôngx tưz tâu kriz uô đêz đar trâu ntâu xar txơưr đuô nhoz Sa Pa, Bắc Hà, Bát Xát, Văn Bàn, Bảo Yên. Ciês Sa Pa muôx 200 ntâu ziv chuôz zis uô dịch vụ du lix. Phênhv sâu kik tiv zix cux tâu txix 30-50 triệu đêiv iz shông, ntâu ziv chuôz zis sâu tâu txix 100-150 triệu đêiv. Iz chas chor qơư du lix jêx jok muôx txix ntêr shông nhoz Sa Pa li: Bản Hồ, Cát Cát, Tả Van, Tả Phình, chor huyện tox siêz Bắc Hà, Bát Xát, Mường Khương cux muôx nzir chor qơư du lix yiêz li: Tả Van Chư, Bản Phố, Mường Hum, la Pán Tẩn…muôx chôngz lênhx kruô hâur thiêz đrâuv têz qơưk tuôx ndis shuôk uô si. Tix lâus Ly Seo Dũng, mênhx cxưx Hmôngz nhoz xar Bản Phố, huyện Bắc Hà hêik:“Cur tưz cơưv đhâu ntâu jiês lok uô du lịch ntơưv tsêr viv li cur tưz kriz uô thiêz cux paz huôv tsar tâu kinh têr ziv chuôz zis”.

Zơưv Nguyễn Đình Dũng, Phưv giám đốc Sở Vênhx Huôv, thể thao thiêz du lix tỉnh Laox Cai puz pâuz: du lix côngv thôngx tưz tsik zos paz muôx kror liv lok kinh têr, xar hôiv trâu côngv thôngx jêx jok mak tsênhv paz huôv tsar thiêz tuôr tsês chiê têx vênhx huôv jông, por vêv tênhv qơư xar hôiv trâu thax tsav qơư nhoz:“Du lịch côngv thôngx huôv tsar ntơưv Lào  Cai lok six ntâu. Thôngz đhâu co paz trâu cxiv tsa jêx jok yiêz. Nhoz no iz zav li luôs hâux lưv phênhv sâu trâu chuôz zis pluôs, uô xênhz yar. Du lịch huôv tsar mak muôx chôngz tsôngv kruô tuôx thiêz têx hax huv pox nhuôs uô tâu mak zuôr muôs tâu ciês trâu tsôngv kruô. Đuô li muôx têx luôx hâux lưv txơưr đuô li viễn thông thiêz têx qơưk du lịch no xar zaz zâuv tâu tsôngv kruô mak tsuv tsov cưv txos tênhv qơư…”

Tsik tâu muk txos trâu têx jêx jok mak cux tiêk tsik tâu tuôx txos Laox Cai. Têx jêx jok nhoz plox pliês ntơưv têx saz trôngz, hax huv du lix jêx jok, qơư côngv thôngx mênhx cxưx uô nênhx nhoz zos têx qơư jông jav trâu tsôngv kruô hâur thiêz đrâuv têz qơưk tuôx ndis shuôk uô si hâur chêix ntux yiêz./.

                               (Thanh Thủy-Lik Thox cxêik nhênhv)