Jax sâu thưr 4 hnuz 1/3/2017

Sơn La: Hợp tác xã kông nuv tsênhv huôx tôngv phiv liv

        Tỉnh Sơn La nhiv no muôx zuôr xar 6.000 ha ar chos jâuz, njuôk xav muôx 77.000 tấn iz shông, phênhv ntâu zos jâuz nox njil, txir, kok…Taz sik, thax tsav no cux zos pêx xênhv chiv chir chos thiêz uô tsơưs. Tỉnh nhiv kruôr muôx 18 hợp tác xã uô xênhz yar jâuz, txir, kok đros thax tsav muôx 100 ntâu ha, njuôk xav muôx 4.000 tấn ntâu iz shông. Hâur qênhx shênhx uô chuôs li tas nro chor hợp tác xã tưz sir zôngv khoa học kỹ thuật lok uô, 6 hợp tác xã tưz tâu cungz jênhv VietGap. Chor hợp tác xã sâuv thax tsav tỉnh li têx jâuz, txir, kok tâu nênhs sir zôngv ntơưv têx ciêz đrôngs Hà Nội thiêz chor tỉnh iz ndis ntâuk gri siêz thiêz tâu sêiz shuôk jông tsơưr lươngv txix ar, đêx, nôngz, qir zuôv, yuôx por vêv đrox tsuôs txos trâu tsoz phưz, sâu đê thiêz muôs tâu uô jông. Taz sik, chor hợp tác xã no tsênhv muôx tsơưs pênhr chiê cxiv uô qơư, zuôr mêir phưx vưv uô xênhz yar, tsik tâu phuôx huiz tâu kror liv huôv tsar. Zơưv Mai Đức Thịnh-sêiz car Hợp tác xã dịch vụ huôv tsar kôngz nuv 19-5 Mộc Châu puz pâuz:

        “Đros chor hợp tác xã kôngz nuv mak pêx xênhv txêik pênhr đros nhiêx liv lơưr cơ chế thị trường mak lok six lax chiê tror yưv pênhr trâu uô xênhz yar kôngz nuv, viv nhiêx liv bâuv chak mak tưz tror thêv tas trâu têx nhiêx liv co lơưv. Đuô li tsênhv yuôr ntâu phiv liv tsik jông, ntux têz, caz hmoz uô hiêv txos thiêz lok six phiv liv”.

        Lơưr zơưv Nguyễn Hữu Tăng, sêiz car Liên minh Hợp tác xã tỉnh Sơn La puz pâuz: Nhiv no kỹ thuật uô ntơưv chor hợp tác xã uô xênhz yar kôngz nuv nhoz Sơn La tsênhv yuôr ntâu kror tsik tâu tâu, qơư uô cxuô zav tsik tâu cxix cxuô, cxiv luôs đêx liv muôx tsik tâu cxuô tas nro thax tsav uô, cêr muk lok tsik tâu jông phiv liv txos sâu đêx, muôl muôs têx hax huv. Chor hợp tác xã sir zôngv công nghệ siêz, tax ploz tsênhr VietGap tsênhv tsơưs; côngz xưv uô thiêz tsês chiê thâuv sâu đê tas tsênhv tsơưs, phênhv ntâu zos lav uô uô ntêx, têx zav trâu tsênhv zos lav uô. Tiv zix, lok six tsơưs chor hợp tác xã buôs ti tâu pênhr txêik lơưr chính phủ li nghị định 55, txơưv tiêk Nghị định tâu sêiz zos kror paz jông tiv zix trâu tas nro chor tsưr tsix, tiz nênhs. Zơưv Nguyễn Hữu Tăng hêik:

        “Đhâu sêiz shuôk qênhz yuôx mak Sơn La nhiv no muôx 10% Hợp tác xã  muôx ar, hâur co phênhv ntâu zos ar uô xênhz yar. Taz sik chor ar no cux tsênhv tsik tâu muôx ntơưr cungz jênhv, viv li tsik muôx ntơưr chiê xav gri txêik pênhr, viv li chor hợp tác xã cux txêik tsik tâu chor pênhr txêik thương mại. Oz zos tsik tâu buôs ti têx dự án cik txos sir zôngv khoa học công nghệ”.

       Sơn La muôx ntâu kror liv lok đêx ar, qiv hơưv chiê huôv tsar kôngz nuv, tiv zix zos uô xênhz yar jâuz, txir, kok. Taz sik, chor hợp tác xã cxaz chuôz trâu kror no cux tsênhv tsơưs, tsik tsêx tsung; qơư muôs chor hax huv kôngz nuv tsênhv tsơưs. Zơưv Võ Kim Cự, chủ tịch liên minh hợp tác xã Việt Nam hêik tiêk tỉnh tsuv kho đuô thiêz sir jos cêv kuôk huôv tsar Hợp tác xã đros uô têx hax huv chênhr, hâur co, tsov cưv txos thax tsav cxuô zav qơư cêv kuôk, txix co tsêx tsung cxiv tsa txix têx tsiv gri hax huv Hợp tác xã. Zơưv Võ Kim Cự hêik mênhx:

      “Sơn La tsuv tsêx tsung trâu hax huv chênhr, uô kror paz chiê uô đêz đar trâu tas nro thax tsav. Oz zos Sơn La tsuv muôx tsênhv chêi hênhr đuô thiêz jông đuô chiê huôv tsar muk ntêr”.

       Nhiv no tỉnh Sơn La tsênhv sir jos qênhz shuôk đuô cêv kuôk thiêz têx tsênhv chêi chiê kriz uô paz huôv tsar Hợp tác xã uô xênhz yar jâuz, txir, kok ngaz tuk sâuv thax tsav tỉnh; tror sir jos uô tsaz yênhx thương mại đros têx thị trường cxôngx nzor thiêz kriz đar têx qơư yiêz. No zos tsar tov zôngx ziv trâu chor Hợp tác xã jâuz, txir kok sâuv thax tsav cxiv tsa, hêik pâuz têx hax huv chiê paz gra siêz phênhv sâu, paz thơưz cxiv tsa cxiv tsa jêx jok yiêz nhoz tiv phaz./.

(Hồng Việt-Lik Thox cxêik nhênhv)

Phênhv thưr 4 hnuz xiêz 1/3/2017:

Tsênhv chêi ntơưr bảo hiểm (Phênhv 2)

          Pos Trương Thị Như Kiều nhoz đrôngl HCM nus tiêk: Cur ký ntơưr nhiêx hli 12 triệu đêiv, hâur ntơư, nhiêx hli zos 7 triệu đêiv, nhiêx hli uô hâux lưv cxaz nzir zos 5 triệu đêiv thiêz nhiêx zuôr trox yêz chêix muk lok tas 1 triệu đêiv. Li ntơư, shông 2018, cur pok tâu công ty tso thêv nhiêx bảo hiểm trơưk li têx nhiêx sâu tâu 12 triệu đêiv?

          BHXH đrôngl HCM têz cox luk nus li đrav kaz:

          Trơưk li chêi bảo hiểm xã hội shông 2014 thiêz têx ntâuz ntơưr hâur chêi hêik kriê, xav txix hnuz xiêz 1/1/2018 tror sâu, nhiêx hli thêv zuôr ntơưr bảo hiểm xã hội zos nhiêx li thiêz têx nhiêx hli sâu tâu cxaz nzir trơưk li quy tênhv chêi uô hâux lưv.

          Nhiêx hli cxaz nzir zos chor nhiêx chiê nzir trâu cxuô luôs hâux lưv uô, xav txix têx phiv liv txos trâu cxuô luôs hâux lưv uô, siz lok hnhar, nhiêx txiêx trâu lênhx nênhs sêiz car.

          Têx luôs hâux lưv cxaz nzir, cux zâuk oz tos siz chos saz lax uô cov tsênhz mênhx:

          Cxuô luôs hâux lưv cxaz nzir tsuv xav tênhv cov tâu truôx, tsênhz mênhx lok nhiêx txiêx đros trâu têx nhiêx hli tưz tâu ký hâur ntơưr chiê uô hâux lưv hâur yênhx luz hli hâur ntu uô hâux lưv thiêz têx luôs hâux lưv uô tâu tsênhz mênhx chiê thêv nhiêx hli trâu tus uô hâux lưv ntơư./.

                            (Tsu  cxêik, nhênhv-Thanh Thuỷ)