Quảng Ninh: “Đros têx hluôk nênhs sir jos uô hâux lưv phax tir thêir moz Covid-19”

Iz hnuz  3 jiês siz hlôngr jor, chor hluôk nênhs hâur Thị đoanx Quảng Yên nhoz trơưr ntơưv qơư seiz jor kror qơư Bạch Đằng-sâu nhiêx chêix tsar yêz muk lol đhâu zuôr muk trâu tỉnh Quảng Ninh. Chor yêz muk lol đhâu kror qơư no muôx txos 5 cxênhz luz iz hnuz, 8-10 cxênhz lênhx nênhs. Chor hluôk nênhs phênhz cêr, kriê qơư li chas trâu têx lênhx nênhs cheix yêz muk đhâu krêz heik pâuz lol zuk đas jos, txeik sâu têx mông, njuôk shuôs moz…..cov têx yêz tsi trâul nhoz tok ntâu luz. Nhoz seiz jor ndâux cêr hâur têx hnuz yar cuz sor, hnar têx chêr tsôngk tril yo ntov tsik điv pa, Vũ Văn Lâm heik: Khov pâuz tâu têx tsưr ziv uô hâux lưv txix têx jiês moz huôv xênhz uô ntêx ntơư, pêz tưz đros paz max trâu lưv lươngv công an, tuz lênhv, chor cưk yuôx, uô li chas chiê cê  qênhz shuôs tâu jông, cê chiê tsôngv px sđ muk lol tâu đhâu sei, zôngx ziv:“Hâur ntu yar ntux cuz sor lok six phiv liv, ntâu lênhx lơưr cux gênhs taz sik zos hluôk nênhs, pêz thâuv tưs tưz siz heik cov sik đros sir jos, uô tiêr têx hâux lưv zok muôz, thiêz thâuv tưs cux sir jos uô tas zuk li đas jos, tsưr ziv paz max px, sik đros txo grêk tsơưs moz gênhk”.

Iz jiês muôx moz huôv xênhz zos iz jiês chor tuz nxeik hluôk sơưr cêr muk lês uô cxuô luôs hâux lưv đros paz. Txix têx ntơưr choz muk uô têx hâux lưv jông siêz, Quảng Ninh muôx 2 cxênhz ntâu lênhx hluôk nênhs đros uô hâur 200 ntâu paz hluôk nênhs uô ntêx nyuôs phax tir thêir moz gênhk, seiz jor cêr ntơưv têx ndâux cêr muk lol hâur tỉnh, têx cêr zov chênhr, uô jông hâux lưv zok muôz thâuv muôx moz gênhk huôv xênhz, têx tsi jông yưv siv. Muôx njêx muôs nhoz yênhx jêx jok, thax tsav, ntâu lênhx hluôk thâuv tưs tưz ndo njôngr hâur đruôz siêz tsi plox lok px hâur têx suôv qơư trâul kuôk cêv phax tir thêir moz li lul uô tsâus ntâu lơưr têx cêr paz max, thâuv đros px zuôr têx zav nox zuôr trâul txos hâur niêx hnuz, paz kriê px têx mông, qêz suô qơư nhoz, tsuôs yuôx tuô lov caz moz….

Sâuv têx qơư cuz nxor, phiv liv, thâuv tưs tưz muôx chor hluôk nênhs zos têx lênhx cưk yuôx, bác sĩ hâur ngênhx y tế thiêz tuz lênhv. Chor cưk yuôx, bác sĩ hluôk tsi tiêk buôk ti seiz njuôk shuôs, kho moz trâu lênhx nênhs moz hâur têx hnuz Quảng Ninh muôx moz huôv xênhz, tsênhv uô ntêx nyuôs sơưr cêr muk paz max luôs 2 chas tỉnh đrâuv uô luôs hâux lưv seiz njuôk shuôs, kho moz thiêz. Bác sĩ Phạm Thanh Tùng, Khoa chơưv kho chor nênhs trâul moz hnhar tsêr kho moz Việt Nam-Thụy Điển Uông Bí, Quảng Ninh iz hâur têx lênhx bác sĩ hluôk sơưr cêr muk paz Bắc Giang uô hâux lưv seiz njuôk shuôs, kho moz gênhk heik:“Ntơưv tsêr kho moz tưz muôx nhos 200 lênhx tuôx paz Bắc Giang, thiêz txix ntơư cur cux tưz pâuz tâu moz nhoz Bắc Giang huôv xênhz lok six phiv liv. Nhiv no Bắc Giang lok six zuôr trâul txos têx lênhx cưk yuôx, bác sĩ txơưx njê, moz siêz uô jông hâux lưv chiê tuôx đros paz chơưv kho chor nênhs moz hnhar. Chênhr viv li, cur tưz txưv zênhv tuôx Bắc Giang uô hâux lưv chiê paz iz phênhv tưs zuk têx tsưr ziv, côngz đas jos đros chơưv kho moz gênhk, vav chiê siêz tiêk, jiês no Bắc Giang zuôr phax tir thêir tâu moz Covid-19”.

“Đros trâu têx hluôk nênhs sir jos phax tir thêir moz Covid” hluôk nênhs Quảng Ninh tưz xar tơưv, uô ntâu faz tsưr ziv yax kriê lok phax tar moz, lar heik zos uô lơưr têx tsưr ziv yiêz thôngz xa mông. Khov muôx têx hluôk nênhs muk yênhx thax tsav, jêx jok, chuôz zis jux juk kriê px đhok uô têx heik pâuz lok moz Covid-19, têx lênhx px sir zôngv Bluezone hâur tỉnh tưz tax 40% ntâu, jux juk sưv đros trâu krêz heik pâuz lok zuk đas jos đhâu têx mông yiêz li heik sâuv. Mạng XH, Zalo tâu zôngv chiê siz heik kriê, pheiz kênh têx mông uz no muôx hâur luz nênhx niêx hnuz. Hu zâuv tas nro sđ hâur XH sik đros paz, uô tâu têx luz câuk mov ntông phax tir thêir caz moz, têx phênhv huv, ntâuz bos kror ndâux, cuô đêx yuôx nzuôr têk, tsôngk tril yo hnar phax tir thêir moz….tâu choz txos chor nênhs sir jos uô hâux lưv niêx hnuz hmo seiz jor têx ndâux cêr muk lol, tuz lênhv tsưx phưv đriv têz, bác sĩ, cưk yuôx thiêz hur si têx lênhx nênhs muôx luz nênhx txov nhêv.

Txix thax tsav tox siêz đêz đrôngs, ntus đriv txos trâu poz hiêr, chor tuz lênhv hluôk Pênhz phax đros yax kriê trâu 6 cxênhz ntâu chuôz zis px têx tsưr ziv lok phax tar moz gênhk, 7.200 chuôz zis đas cir chos luk tsi muk lol đhâu thax tsav, đriv têz tsi trơưk chei, đros yơưz phơưz têx lênhx nênhs uô cxâuv cui tinhv lol phax tar caz moz, buôk ti phax tir thêir têx txuz uô cxâuv chei têz qơưk. Tix lâus Phạm Hồng Thái, Phưv Bí thư Tỉnh đoanx Quảng Ninh heik pâuz:“Hâur six hơưv zuôr txos, hluôk nênhs Quảng Ninh zuôr tror hu zâuv tas nro sđ hâur XH sik đros côngv têk uô têx luôs hâux lưv, cxơưz paz đas jos trâu chor thax tsav muôx moz, suôv qơư trâul kuôk cêv. Iz chas ntơư tror tso têx paz hluôk nênhs uô ntêx nyuôs hâur thax tsav muk đros paz px uô têx hâux lưv jông siêz, hux jos đros têx taz viv taz por tsưx phưv truôx tuk thax tsav, uô qơư trâu sđ tror huôv tsar uô nox uô hnar”.

Hnuz 30/5 nhiv kruôr đhâu, têx yêz thâux xa Đoanx hluôk nênhs, Hội liên hiệp hluôk nênhs VN tỉnh Quảng Ninh chor hax huv, têx zav nox, chuôz zênhx seiz njuôk shuôs, kho moz tưz muk txos trâu Bắc Giang, gra hluôk nênhs têx cêr sik pheiz kênh, côngv têk paz max txos thax tsav muôx moz huôv xênhz. Uô ntêx nyuôs, shir phaz lus uô têx hâux lưv jông siêz, chor hluôk nênhs tưz thiêz tsênhv paz tsưx phưv truôx tuk thax tsav qơư, sik đros phax tir thêir, txo grêk tsơưs moz gênhk./.

                                              (VOV4-Riê Lâux cxeik, nhênhv)

Phax tar nênhs phamv cxâuv zax zênhz nhoz ntus đriv Điện Biên

          Điện Biên tâu xav zos thax tsav muôx têx nênhs fêv khênhr thâux gra zax zênhz cxôngx Lào lok Việt Nam, cux chênhr zos li heeik ntơư, zav nênhs phamv cxâuv no li huôx tôngv sâuv ntus đriv ziv zov chênhr, phưx txuôx đuô. Nênhs phamv cxâuv zax zênhz tsênhv zôngv vưv qiv tir tar lưx lươngv muôx txơưx jênhv thâuv tâu qênhz pov. Zos lưx lươngv uô ntêx nyuôk tơưv txênhz phax tar nênhs phamv cxâuv lok zax zênhz, Phongx phax tar zax zênhz thiêz nênhs phamv cxâuv, Bộ đội pênhz phax tỉnh Điện Biên têx shôngk đhâu tưz chuôz tsar lưx lươngv, seiz car jông têx thax tsav cuz nxor lok zax zênhz, truôx siêz tsi chiê muôx yưv têx hâux lưv tsi jông. Iz trinh sát nhoz phongx phax tar zax zênhz thiêz nênhs phamv cxâuv, Bộ đội pênhz phax tỉnh Điện Biên pheiz kênh:“Nênhs phamv cxâuv li têx tsưr ziv yiêz phênhv ntâu zos têx tuz nhuôs hâur iz xênhv nênhs, sik đros huôx tôngv, thâux gra, iz lênhx nhiês muôx nhiês jênhv vưv txơưr, nênhs seiz shuôk, pov taz por mak heik têx lênhx nênhs txơưr thâux gra lok hâur thax tsav chiê muôs. Nhiês muk lok đhâu têx mêr cêr, têx kror tsuô nhoz ntus đriv, hlôngr lênhx nênhs thâux gra chiê đas lưx lươngv muôx txơưx jênhv”.

          Đros chinhz yênhx, txơưx jênhv siêz hâur uô jênhv vưv, têx cán bộ, chiến sĩ Bộ đội pênhz phax cxaz chuôz côngz xưv tơưv txênhz, phax tar nênhs phamv cxâuv lok zax zênhz thâuv tưs cux muôz siêz chinhz yênhx tsưv ziv, tsi so sir jos hla đhâu têx phêv liv, chiê uô tiêr jông têx tsưr ziv côngz xưv tso tơưv, tir tar tâu nênhs fêv li hâux lưv thâux gra zax zênhz đhâu ntus đriv Điện Biên. Lơưr chiz coaz muôx txơưx jênhv tỉnh Điện Biên puz pâuz, cxôngx hâur shôngk shông txos nhiv no, Bộ đội pênhz phax Điện Biên tưz seiz car thiêz sik côngv đros têx lưx lươngv muôx txơưx jênhv txơưr tsi so ruôr yênhx côngz 134 chuyên án, txuz án, ntês tâu 154 lênhx nênhs phamv cxâuv lok zax zênhz, sâu tâu zuôr xar 6 cir zênhz đơưz, 252 cxênhz 600 njiêr zax zênhz shơư yuôx; 3,3 cir zax zênhz thiêz 6 cir zax zênhz poz jêz.

          Đros thax tsav tox siêz, muôx ntâu mêr cêr, viv li nênhs phamv cxâuv lok zax zênhz khênhr liv zôngv thâux gra zax zênhz cxôngx ntus đriv saz têz qơưk đrâuv lok hâur thax tsav, tiv zix zos ntus đriv Việt-Lào. Viv li cán bộ, chiến sĩ pênhz phax tsuv uô muôx chêx cuk ntâu tsưr ziv nghiệp vụ txơưr chiê nriêr pâuz xor mông cxôngx tsôngv box cungz. Qênhz yuôx, xav tênhv têx xor mông chiê phưx vưv muôx chêx cuk côngz xưv tơưv txênhz đros zav nênhs phamv cxâuv riêz nênhs no, gôngr phênhv ruôr yênhx côngz ntâu chuyên án, txuz án lok zax zênhz:“Hâur ntu đhâu txơưv têx lưx lươngv muôx txơưx jênhv tsênhv krêz uô ntâu tsưr ziv zov chênhr taz sik qênhx shênhx nênhs phamv cxâuv zax zênhz sâuv thax tsav ntus đriv tỉnh tsênhv lok six cuz nxor. Taz sik đros chinhz yênhx chuv tôngv sir jos, pêz zuôr krêz uô têx tsưr ziv nghiệp vụ pâuz tâu qênhx shênhx, coar lik jông têx lênhx nênhs. Cxôngx co uô têx chuyên án, tsưr ziv thiêz uô muôx chêx cuk tsưr ziv phax tar zax zênhz”.

          Tơưv txênhz, tir tar nênhs phamv cxâuv zax zênhz sâuv thax tsav ntus đriv tỉnh Điện Biên thâuv tưs cux muôx ntâu phêv liv, taz sik têx cán bộ, chiến sĩ bộ đội pênhz phax Điện Biên thâuv tưs cux truôx siêz sir jos tơưv txênhz tir tar zav nênhs phamv cxâuv no, chiê tuôr truôx tsôngv box li luz nênhx ngaz tul nhoz thax tsav ntus đriv pêz têz qơưk no./.

                                                         (Vũ Lợi-Txâur vax cxeik nhênhv)