Jax sâu hnuz xiêz 2/10/2015:

Sơn La uô tâu truôx luôs hâux lưv txo grêk yêiz pluôs

 

 

Hâur têx shông đhâu lok no, tsôngv px hêir nênhs poz ziz nhoz jos Tòng, xã Chiềng Khừa, huyện Mộc Châu, tỉnh Sơn la, thâuv tưs cux tsik muôx txâuk đêx hur sir zôngv. Tsôngv px ntơưv no tsuôk sir zôngv têx đêx cxơưr pêv têx cưx ha ntưk lok. Hâur iz hnuz, cxuô ziv chuôz zis tsuv tâu siz hlôngr chus thiêz cưr êv 7-8 đra đêx lok trâu ziv chuôz zis sir zôngv. Taz sik, têx đêx sir zôngv ntơư cux tsik hur pês tsơưs, viv hâur chêix ntux kruôr ho tsik muôx đêx cxơưr, hâur chêix ntux nas mak đêx đro. Taz sik nhiv no tưz txơưr lơưv ntâu, luôs hâux lưv uô txo grêk yêiz pluôs ntu 2 tưz muôz pênhr nhiêx cxiv kho đuô côngz trênhx tok đêx hur lok trâu tsôngv px hâur jos sir zôngv. Pos Hà Thị Khố nhoz jos Tòng, xã Chiềng Khừa hêik pâuz:

Băng: “Ntu đrav ntêx tsik muôx đêx hur zôngv, px txov nhêv hênhr, muk gra êv đêx mak đêz hênhr, zos chor lâuk zênhx tsik muôx txâuk đas jos muk gra êv đêx lok sir zôngv ciês. Taz sik, ho tâu dự án txo grêk yêiz pluôs muôz pênhr nhiêx cxiv kho côngz trênhx tok đêx hur lok trâu hâur jos, tsôngv px sđ jông siêz hênhr”.

Iz chas muôz pênhr nhiêx cxiv kho côngz trênhx tok đêx lok sir zôngv, dự án txo grêk yêiz pluôs cux yax kriê tsôngv px jos Tòng bâux xêir lênhx nênhs hâur jos chiê sêiz car côngz trênhx tok đêx thiêz yax kriê tsôngv px sir zôngv đêx. Txix ntơư, tsôngv px sđ tưz pâuz sir zôngv đêx tsik uô tuôr xuôv tas ntâu đêx por tsês. Hâur chêix ntux kruôr, oz hnuz chor nênhs sêiz car đêx, tsuôk zos muk tso đêx iz jiês lok trâu luz pak đêx lox pêv hâur jos cov px muôx txâuk đêx sir zôngv. Tix lâus Hà Văn Xoang, sêiz car đêx nhoz jos Tòng, xã Chiềng Khừa hêik pâuz:

Băng: “Txix thâuv muôx côngz trênhx tok đêx lok sir zôngv, pêz sđ tưz sêiz car jông tus côngz trênhx ntơư. Lar hêik zos tsôngv px sđ tsuv uô trơưk chêi tso tơưv hâur jos thiêz chor nênhs sêiz car đêx tsuv tsik so muk sêiz shuôk cxuô qơư tok đêx, zos pov kror tưs zuôr trâus puôk tsuôx, tsuv zênhx max kho tsik chiê côngz trênhx tok đêx puôk tsuôx”.

Cxuô luz jêx jos nhoz thax tsav tox siêz, muôx tox trôngz câuv har cxaz thiêz nhoz đêz tsênhv qơư xã, li ntơư tsôngv px muk lok tsênhv njiz ntâu phiv liv. Taz sik, txix muôx dự án txo grêk yêiz pluôs ntu 2 tâu kriz uô, ntâu txox cêr muk trâu jêx jos thax tsav tox siêz đêz đrôngl, tưz jux juk cxiv uô tâu tiêr, zôngx ziv trâu tsôngv px sđ thâux kôngz lôngk muk lok hâur yênhx hnuz. Tix lâus Đruôk x muôk, uô tsar jos Suối Cáy, xã Suối Bâu, huyện Phù Yên hêik pâuz:

Băng: “Hâur ntu đrav ntêx tsik tâu muôx dự án no, zos muôx hâux lưv muk lok xar tas 30 phút thiêx txos. Taz sik nhiv no tâu dự án txo grêk yêiz pluôs muôz pênhr nhiêx cxiv uô tâu tiêr txox cêr no, tsuôk muk lok tas 15 phút tưz txos thiêz zôngx ziv trâu tsôngv px sđ thâux kôngz lôngk muk lok”.

Đhâu 5 shông fuô uô hâur 37 luz xã nhoz thax tsav txov nhêv li chor huyện:  Vân Hồ, Phù Yên, Thuận Châu, Bắc Yên, Mai Sơn, Mộc Châu…Dự án txo grêk yêiz pluôs tưz uô tâu truôx ntâu luôs hâux lưv jông, paz phênhv cxươz cxiz tsôngv px huôv tsar kinh tế-xã hội trâu cxuô tsênhv qơư. Zơưv Cầm Phạn, phó Giám đốc yưv pênhr, sêiz car dự án txo grêk yêiz pluôs tỉnh Sơn la hêik pâuz:

Băng: “Nhiv no luôs hâux lưv uô txo grêk yêiz pluôs tsênhv taz tov uô trâu ntơưv oz huyện Vân Hồ thiêz Mai Sơn, zos chor cxã tsik nhoz trâu hâur dự án; ntơư zos muôx tsôngv px jông siêz đros uô. Njuôk xav, zos uô trơưk dự án no hâur hur si tỉnh; pir li cxiv tsa jêx jos yiêz, zos txo grêk yêiz pluôs truôx đrênhk”.

Hâur ntu uô cxaz nzir, txix hli 7/2015 txos hli 12/2018, iz chas paz cxiv uô vax tsêr; tsêr nhiêx ntiêx têz tưz muôx tsênhv chêi paz tỉnh Sơn La chiê huôv tsar kinh tế xã hội trâu cxuô tsênhv qơư hâur thax tsav tỉnh. Zos zuôr uô cov tâu truôx luôs hâux lưv ntơư, cxuô cấp cxuô ngênhx thiêz uỷ ban tỉnh Sơn La tsuv sik côngv têk đros uô thiêx zuôr uô tâu truôx cxuô luôs hâux lưv hêik sâu./.

                                                       (Tsu cxêik-nhênhv-Việt Anh Tây Bắc)

 

 

 

 

 

 

Phênhv “tsênhv chêi têz qơưs” hnuz xiêz 2/10/2015:

Tsênhv chêi paz qơư nhoz truôx

 

 

 

Nus: Zơưv Lò Văn Quyết nhoz huyện Nậm Pồ (Lai Châu) muôx luk nus: Cur zos nênhs txar qơư nhoz, cur chuôz zis nhoz hâur chor nênhs tsuv txar qơư nhoz yiêz. Zos li yêik trâu qơư nhoz yiêz, pêz tâu paz tsênhv chêi txar qơư nhoz li chak?

Têz: Hnuz 04/6/2013, Thủ tướng chính phủ tso tơưv cuêz tênhv số 33/2013 lok tror uô tsênhv chêi paz txar qơư nhoz trâu tsôngv box mênhx cxưx tsơưs nênhs txos shông 2015, lơưr co, tso chêi truz ntêr six hơưv uô cuêz tênhv số 33/2007/QĐ-TTg hnuz 5/3/2007 thiêz cuêz tênhv số 1342/QĐ-TTg hnuz 25/8/2009 txos 2015. Lơưr cuêz tênhv số 33/2007, Thủ tướng chính phủ tso tơưv tsênhv chêi  paz txar qơư nhoz trâu tsôngv box mênhx cxưx tsơưs nênhs ntu 2007-2010, đros chor tsênhv chêi paz tsênhv tsênhz:

- Paz yưv pênhr trâu côngv thôngx đros qơư nhoz tsêx tsung, nhiêx txiêx têz qơưk paz cxix cxuô cxuô zav zos: pâux nzir, uô plas qơư nhoz, kriz ar tsêz chos kôngz lôngk; cxiv tsa cêr muk lok, uô qơư tik tênhv tênhz, đêx liv zâu, cxiv uô đêx xênhz huôx, lớp cơưv ntơưr thiêz xênhz huôx côngv thôngx jêx jok thiêz iz cxiê côngz trênhx zov chênhr txơưr đuô sir zôngv hâur luz nênhx.

- Đros chor qơư nhoz yiêz shơư đros têx qơư kuz: Nhiêx txiêx têz qơưk paz trâu hâur xã đros phênhv 20 triệu đêiv iz chuôz zis, chiê zôngv trâu pâux nzir phênhv ar nhoz, ar uô kôngz lôngk trâu chuôz zis nhoz ntơưv qơư no trâus sâu chiê muôz trâu chuôz zis lok nhoz yiêz uô lơưr cuiz tênhv, phênhv tsênhv yuôr zôngv chiê yưv pênhr, kho đuô xã li têx vax tsêr cxuô zav.

- Paz trâu cán bộ huôv tsar côngv thôngx ntơưv qơư nhoz yiêz tsêx tsung, zos: Cán bộ y tế thiêz cán bộ cxơưz cxiz uô kôngz, jôngr nuv (2 lênhx nênhs).

- Paz nhiêx txiêx sir zôngv khoa học kỹ thuật, nôngz kôngz yiêz chox lok uô hâur 3 shông xuz thơưx, iz shông 30 triệu đêiv iz luz jok (qơư nhoz yiêz tsêx tsung). Paz ciês trâu chuôz zis txar qơư nhoz yiêz: Tâu choz zok ar nhoz, ar uô kôngz lôngk, thax tsav tsơưs tiv zix lơưr phênhv cuiz tênhv ntơưv cuêz tênhv sô 134/2004/QĐ-TTG.

- Paz muôx 15 triệu đêiv iz chuôz zis lok nhoz yiêz chiê cxiv uô tsêr nhoz, huôv tsar uô kôngz lôngk, zuôr kôngz krâur nox hâur 6 luz hli xuz thơưx txix thâuv txar lok nhoz qơư yiêz, đêx xênhz huôx; phênhv paz tsênhz trâu yênhx chuôz zis thiêz uô cxuô luôs hâux lưv zos UBND tỉnh cuiz tênhv.

- Đros chuôz zis txar qơư nhoz đros chor chuôz zis nhoz kuz tâu paz 1 triệu đêiv iz chuôz zis chiê uô plas tsêr. Paz txar qơư nhoz trâu chor chuôz zis txix qơư nhoz kuz txos qơư nhoz yiêz (Xav lơưr tsênhv tsênhz thâuv uô dự án). Chor chuôz zis tsir trâu kror uz kror no, thâuv tâu tsưr tsix qơư nhoz truôx qơư tâu sơưv chor tsênhv chêi  txơưr đuô xưk li pêx xênhv nhoz ntơưv qơư thiêz tâu txêik zênhx hangx tsênhv chêi xã hội li pênhr lơưr cuiz tênhv chiê huôv tsar uô kôngz lôngk, hlôngr yiêz luz nênhx./.

 

                                             (Thanh Thủy-Ly cxêik-nhênhv)