Lào Cai phax tar moz ơưk buô châu Phi huôv xênhz

Txix kaz hli 7 txos nhiv no, têx lưv lươngv phax tir thêir nhiês zuôr muôs têx xiv huv uz no tsi trơưk chei tỉnh Lào Cai tưz qênhz pov thiêz tik cêr cxâuv trâu 3 lênhx nênhs zuôr muôs buô, thâux muk lok tsi trơưk chei đhâu ntus đriv txix Trung Quốc lok trâu VN. 30 ntâu tuk buô tsi pâuz tsênhz qơư zuôr tưz trâus muôz hlơưr por tsês.

Trơưk li ngênhx muôx vax huôv ntâuk grê, chênhr grê buô hâur têz qơưk tsar ndê siêz hâur ntu đhâu zos qir tiv trâu têx lênhx nênhs xar cov tâu liv ntâu zuôr buô txix Trung Quốc lok VN muôs.

Tâu pâuz, yênhx châuv shông lok no, hur si têx buô thiêz xiv huv txix grêix buô nhoz 2 đriv têz tsi muôx iz jiês tưs zuôr muk đhâu têx cêr chênhr, cêr lox, zos muôx cux tsuôk mul têx cêr mê.

Txix ciês hli 6/2018, seiz pov qênhx shênhx li heik sâuv ziv hnuz ziv phiv liv, Ủy ban tỉnh lào Cai tưz muôx ntơưr heik cxuô ngênhx, hâu nov ntơưv qơư lok sâuv nhiês zuôr têx buô Trung Quốc tsi trơưk chei lok hâur thax tsav. Nhiv kruôr tsi ntêr no, thâuv pov muôx yưv caz moz ơưk buô châu Phi huôv xênhz ntơưv Trung Quốc mak no tsênhv tsênhv zos iz cêr cxơưx lox trâu tsôngv px nhoz thax tsav ntus đriv.

Trơưk li zơưv Nguyễn Văn Thái, Đội tsar đội seiz car tênhx qơư sôr 9 (car seiz thax tsav huyện Mường Khương-tỉnh Lào Cai), taz viv nhiv kruôr tik cêr cxâuv iz lênhx nênhs nhiês zuôr muôs buô đhâu ntus đriv. Nhiv no, têx lênhx tiz nênhs zuôr muôs buô tsi trơưk chei li heik sâuv lơưr lok six txơưx jêik, khênhr ntiêr têx lênhx nênhs hâur thax tsav ntus đriv buôk ti muk saz têz qơưk đrâuv thâux xa iz tuk jux juk lok, đhâu ntơư li muôz lok uô cê muôs trâu têx tuz luôv, viv li lok six phiv liv qênhz pov, tir thêir:

“Buô Trung Quốc nhiês zuôr lok hâur VN txix ntâu tsưr ziv lok six txơưx jêik. Pêz chuôz tsar yax kriê tsưr ziv lok têx grêix buô Trung Quốc thiêz VN chiê tsôngv box sđ pâuz. Iz chas ntơư, heik tsôngv box cov tsi cxoz chuôz paz trâu têx lênhx nhiês zuôr buô tsi trơưk chei thiêz thâuv qênhz pov têx uô cxâuv li heik sâuv mak tsuv heik ciês trâu cơ quan muôx vax huôv pâuz chiê muôx tsưr ziv xưv lik”.

Zơưv Phạm Minh Phương, Phưv Chi cục tsar, Chi cục tu zus  tsiêx cxu tỉnh Lào Cai heik pâuz, hâux lưv phax tar caz moz ơưk buô châu Phi nhiv no tưz tâu Lào Cai fuô uô đêz đar hâur tas nro tỉnh. Tsi tiêk phax tir thêir nhiês zuôr muôs tsi trơưk chei têz qơưk, mal sik pâur, muôz puz hâur uô lax luôv, seiz shuôs nhoz tsôngv box 2 saz đriv têz cux tâu qênhz shuôs hur si. Taz sik, tsênhz tiês ntơư tsi zôngx ziv, lar heik  đros thiêz iz tỉnh muôx cêr đriv têz ntêr xar txos 200 cêik thiêz ntâu cêr mê lus mul lok đhâu xưk li Lào Cai:

“Zov chênhr đuô hur si cux zos yax kriê, vênhv tôngv trâu tsôngv box pâuz to tâuz têx tsi jông hâur caz moz riêz nênhs chiê tsôngv box sđ chênhr phax, tsi gra têx nôngz buô cux li têx xiv huv grêix buô txix saz đriv têz đrâuv lok hâur thax tsav. Iz chas ntơư, pêz cux chox kriê, hux jos đros cxuô thax tsav qơư cxơưz tiês tsuôk yuôx tuô lov caz moz, lar heik ntơưv têx jêx jok nhoz jê đriv têz”.

Zơưv Phương heik pâuz nzir, cxuô txox cêr muk lok đhâu ndis shuôs têz qơưk uô si, hâur thax tsav ntus đriv cux zos iz cêr cxơưx, viv qênhx shênhx caz moz buô muôx têx huôv xênhz, cik tâu txix lênhx nênhs mul lok đhâu gra đros têx zav nox uz no lok. Chênhr viv li, tsuv qênhz shuôs truôx jông thiêz tsuv muôx têx lưv lươngv sđ sik côngv tês đros paz tir thêir tsik chiê caz moz ơưk buô châu phi cik lok hâur thax tsav tỉnh Laox Cai./.

(An Kiên-Riê Lâux cxeik, nhênhv)

KRUÔZ KRIÊ SÂU, KHƠƯK TSÊS TÊX HNAZ, HƯX TRÂU YUÔX POR VÊV ĐROX TSUÔS ĐHÂU SIR ZÔNGV TAS

Hlôngr suôz: Đề án li tsưr ziv “Sêiz car, sâu tsês, hlơưr por tsês têx hnaz, hưx trâus yuôx por vêv đrox tsuôs đhâu sir zôngv tas hâur thax tsav tỉnh Sơn La ntu 2018-2020”.

“Đề án sêiz car, sâu tsês, hlơưr phâuk por tsês têx hnaz, hưx trâu yuôx por vêv đrox tsuôs đhâu sir zôngv tas hâur thax tsav tỉnh Sơn La ntu 2018-2020” Tso tơưv tsưr ziv tsênhz mênhx uô txos shông 2020 zuôr muôx 100% têx hnaz, hưx trâu yuôx por vêv đrox tsuôs đhâu sir zôngv tas tâu sâu tsês; 100% luz jêx jok, tiểu khu, Hợp tác xã uô xênhz yar kôngz nuv, thax tsav uô xênhz yar kôngz nuv tsêx trung sâuv thax tsav tỉnh muôx qơư trâu têx hnaz hưx trâu yuôx por vêv đrox tsuôs đhâu sir zôngv tas; uô tiêr cxiv luôs sâu tsês thiêz uô jông hâux lưv sâu tsês, thâux xa, xưv lik têx hnaz, hưx trâu yuôx por vêv đrox tsuôs sâuv thax tsav tỉnh. Shông 2018 zuôr tsêx trung têx tsênhv njiêz tsênhv tsênhz li:

- Yax kriê sâuv têx chuôz zênhx thôngz mông, cxiv uô têx fiêx, ntơưr; tsưr tsix kruôz kriê sâu tsês têx hnaz, hưx trâu yuôx por vêv đrox tsuôs đhâu sir zôngv tas ntơưv chor thax tưz cxiv uô qơư trâus têx hnaz, hưx co.

- Cxiv uô qơư trâu ntơưv thax tsav thành phố Sơn La, huyện Mộc Châu; chor hợp tác xã tưz kriz uô tsưr ziv VietGAP thiêz têx xar njuôk xav tax ploz tsênhr jêx jok yiêz shông 2018.

- Tsưr tsix sâu tsês, ntiv tsês têx hnaz, hưx trâu yuôx por vêv đrox tsuôs txix têx qơư tsês chiê lok trâu qơư trâu tsês 2 shông iz jiês (hli 6, hli 12), thâux xa chiê xưv lik, hlơưr, phâuk por tsês têx qơư tsês chiê 2 shông iz jiês.

- Uô siv hâux lưv sâu tsês têx hnaz, hưx trâu yuôx por vêv đrox tsuôs đhâu sir zôngv tas tso hâur têx chêi jêx jok, tiểu khu, hợp tác xã, têx qơư nhoz pêv hâur đêx.

Nhạc cắt

XƯV LIK TÊX HNAZ, HƯX TRÂU YUÔX POR VÊV ĐROX TSUÔS ĐHÂU SIR ZÔNGV TAS

Hlôngr suôz: Tror uô lơưr Sở kôngz thiêz huôv tsar jêx jok tỉnh Sơn La li tsênhv njiêz công văn số 1395 lok hâux lưv kruôz kriê tsử rtsix sâu tsês têx hnaz, hưx trâu yuôx por vêv đrox tsuôs đhâu sir zôngv tas. Phênhv no hnuz no pêz tror xa trâu sơưr đơưk mnôngs tsưr ziv xưv lik têx hnaz, hưx trâu yuôx por vêv đrox tsuôs đhâu sir zôngv tas.

1. Hnaz, hưx trâu yuôx por vêv đrox tsuôs đhâu sir zôngv tas tâu sâu txix têx qơư khơưk tsês tâu thâux xa muk txos trâu qơư xưv lik lơưr Bôv trưởng Bôv Tênhv qơư li cuiz tênhv ntơưv Thông tư sô 36/2015/TT-BVTV hnuz 30 hli 6 shông 2015 lok sêiz car têx vuôz tsuôz phiv liv.

2. Hâux lưv xưv lik têx hnaz, hưx co tsuv zos têx taz viv muôx txâuk tsar tov, txơưx jênhv xưv lik lơưr cuiz tênhv lok sêiz car têx zav vuôz tsuôz phiv liv.

3. UBND tỉnh thôngx ziv hâux lưv xưv lik têx hnaz, hưx trâu yuôx por vêv đrox tsuôs sâuv thax tsav tas nro tỉnh thiêz choz zok trâu Chi cục chos kôngz lôngk thiêz Por vêv đrox tsuôs-Sở kôngz nuv thiêz Huôv tsar jêx jok hêik pâuz kriz uô.

4. Hnaz, hưx trâu yuôx por vêv đrox tsuôs đhâu sir zôngv tas tâu xưv lik 2 jiês iz shông./.

                                                        (Bích Thủy-Lik thox cxêik nhênhv)