Jax sâu thưr 4 hnuz 02/11/2016:

Sơ La: Sir jos uô cxuô luôs hâux lưv, viv tsơưr lươngv ngaz tuk vêv xênhz zav nox

       Pos Vũ Thị Mai li chuôz zis muôx 4 lênhx nênhs, nhoz phường Chiềng Lề, thành phó Sơn La txix ntâu shông lok no tsuôk zuôr hax huv zav nox ntơưv têx qơư sưv, lok sik tok chor mênhx cxưx gra jâuz hur tuôx muk muôs đhâu cêr chiê zuôr. Taz sik li, cux muôx ntâu jiês nênhs hâur tsêr trâus tsơưr tưx zav nox. Pos Vũ Thị Mai puz pâuz: Taz sik, viv sir zôngv ntâu, muôx ntâu jiês tsuv zuôr têx zav jâuz txix têx qơư txơưr đuô, viv li têx thâuv cux muôx nênhs hâur tsêr trâus tưx, viv li chuôz zis lok six cxơưx.

 “Nhiv no cur vav tiêk chính quyề lok sik chor ban muôx txơưx jênhv lok ngaz tuk hax huv zav nox tsuv sêiz kaz têx qơư lơưr muôs cxuô zav tsik taz por mak cxoz chiê luôs muôs thiêz tsik chiê pêx xênhv zuôr tâu”.

     Lơưr tsêr kho moz đa khoa tỉnh Sơn La li thôngz sâu, txix hâur shông txos nhiv no, tsêr kho moz tưz txêik tok tâu 65 jiês trâus tsơưr tưx zav nox, tsik tâu hêik txos yênhx puô txuz trâus tưx nhoz chor tsêr kho moz huyện. Pos Mai Lan Hương, phưv giám đốc tsêr kho moz đa khoa tỉnh Sơn La puz pâuz: Chor nênhs trâus tsơưr tưx no, txơưv tsik tâu tuôs, taz sik zos chơưv kho tsik ndar six hơưv zuôr njiz phiv liv, viv li tsêr kho moz hêik tsuv sir zôngv têx hax huv pâuz tsênhz qơư thiêz uô jông uô thâuv zuôr nox.

 “Tsêr kho moz hêik pâuz tiêk hâur qiv hơưv muôx ntâu txuuwrr txar mak tsês chiê zav nox lok six zov chênhr. Tiv oz zos thâuv sir zôngv zav nox mak tsuv nriêr pâuz cov tsênhz qơư, cux xưk li qênhz shuôk jông tsơưr lươngv zav nox, taz por zav nox tâu uô siêr jông thiêz huv tsưr ziv”

       9 luz hli hâur shôngk shông, Chi cục ngangz tuk vêv xênhz hax huv zav nox tỉnh Sơn La tưz sik côngv đros chor nganhx txơưx jênhv tsưr tsix zuôr xar 500 đoanx muk qênhz yuôx, sêiz kaz chor qơư uô zav nox, lơưr co tsuôk muôx 4.000/5.000 qơư qênhz shuôk tax ploz tsênhr ngaz tuk vêv xênhz zav nox. Taz sik tiv Sơn La zos tỉnh tox siêz thax tsav đêz đar, chi cục li chor nênhs uô hâux lưv qênhz yuôx tsênhv tsơưs, viv li tsênhv tsik tâu shuôk txos têx qơư uô zâu. Sir jos uô côngz xưv ngaz tuk vêv xênhz zav nox sâuv thax tsav tỉnh Sơn La hâur ntu zuôr txos, zơưv Nguyễn Mạnh Hà, Chi cục trưởng chi cục ngaz tuk vêv xênhz zav nox tỉnh Sơn La puz pâuz:

 “Hâur ntu zuôr txos Chi cục ngaz tuk vêv xênhz zav nox tỉnh Sơn La zuôr sir jos kriz uô chor huôx tôngv qênhz yuôx, sêiz kaz tsik so uô lơưr pháp luật li têx cuiz tênhv lok ngaz tuk zav nox ntơưv chor qơư uô xênhz yar, kinh doanh zav nox thiêz sêiz shuôk têx xor xưv tsưr tsix nox chôngz nênhx sâuv thax tsav tỉnh Sơn La, tiv zix zos tsiêz zax lix 2017”.

        Taz por ngaz tuk vêv xênhz zav nox tưz tsik zos yênhx lênhx nênhs, hur si lực lươngx li txơưx jênhv mak zos tas nro xã hội sik côngv têk đros uô. Tỉnh Sơn La tsênhv tsêx tsung trâu hâux lưv qênhz yuôx, sêiz kaz uô xênhz yar thiêz zuôr muôs hax huv zav nox, paz taz por đas jos trâu lênhx nênhs sir zôngv./.

                                                                                         (Hoàng Long-Lik Thox cxêik nhênhv)

Phênhv thưr 4.2.11.2016:

PHÊNHV ĐAS JOS THIÊZ SIV NÊNHX

MOZ HLƯZ TÂUZ HÂU TIV CAZ MOZ MÔ CẦU

MOZ YƯV THIÊZ TSƯR ZIV PHAX TAR

          Moz cik đhâu cêr uô pa tiv grus tâu têx pa, kâuz ndâus...muôx caz moz. Pir li nôngk cxav lok sik gru kâuz ndâus đhiê lol lo lênhx nênhs txơưr nhoz uô cê đros lênhx nênhs moz, zôngv uô cê têx chuôz zênhx, nox hâuk đros nênhs moz mak zôngx ziv cik trâus caz moz. Cxuô lênhx nênhs puôr lênhx zuôr trâus cik caz moz hlưz toz hâu mô cầu, tiv zix zos mê nhuôs zâu.

          Lơưr Cục y tế dưv phax, Bộ y tế, six hơưv caz moz phuôv xênhz zos 4 hnuz, taz sik cux muôx têx zos 2 txos 10 hnuz. Caz moz tsuôk cik trâu lênhx nênhs. Caz moz cik sei đuô hâur cheix moz phuôv xênhz, thâuv qiv hươv caz moz phuôv xênhz, lok sik nox hâuk, nhoz uô nênhx tsi huv vêv xênhz, tsi uô jông phax moz...

          Thâuv seiz njuôs moz nzor thiêz kho trơưk tsưr ziv cux muôx txos 5%-10% nênhs moz trâus tuôs, fênhx yax zos hâur 24 txos 48 six thâuv muôx têx moz yưv. Moz hlưz tâuz hâu tiv caz moz uô hlưz tâuz hâu moz zov chênhr, muôx njik las njês lok sik uô zênhr shar txos luz nênhx tov kaz no đros thiêz 10 txos 20% têx lênhx nênhs tâu chơưv kho jông.

          Moz hlưz tâuz hâu tiv caz moz mô cầu uô muôx yuv, zôngx ziv uô trâu lênhx nênhs trâus moz co trâus tuôs, viv li tsuv tsov cưv chơưv kho ziv nzor ziv jông. Chênhr zos li ntươ, thâuv jênhv pov têx moz yưv njuôs xav zos trâus moz hlưz tâuz hâu tiv caz moz mô cầu mak tsuv ciêr chênhr chox nênhs moz mul qơư y tế kho moz.

          Cục y tế dưv phax heik kriê iz cxiê tsưr ziv phax tar moz:

          - Uô jông vêv xênhz lênhx nênhs: yax six zôngv yuôx saz phongx nzuôr tês, zôngv cuô njêr zâus ndâux...

          - Uô jông vêv xênhz qơư nhoz, qơư uô hâux lưv.

          - Chuv tôngv cxax yuôx phax moz trâu mê nhuôs zâu, yuôx phax moz tâu cxax ntơưv têx qơư cxax yuôx y tế.

          - Thâuv pov sor tâuz hâu, điês tâuz hâu, ntuôr...tsuv ciêr chênhr mul qơư y tế chiê seiz njuôs shuôk thiêz kho moz./.

                                                                                                                          (Hồng Việt- Txâur vax cxêinh nhênhv)