Phênhv pênhr lox paz nôngx mênhx Gia Lai hlôngr yiêz  uô kôngz nuv

          Shông 2017, thôngz đhâu Hội bộ đội lâuk huyện Chư Păh , Gia Lai li tuêv txeik pênhr, bộ đội lâuk Đặng Thanh Vân (nhoz thị trấn Phú hòa) truôx siêz txeik 800 tsov đeiv chiê hlôngr vax chos cà phê yênhx vax chos txir chuôz thox, đros chos têx zav ntông nox txir txơưr thiêz krêz đar cxaz 2 pas zus njês, cxiv tsa qơư tu zus keiz, tu zus buô, uô trâur nuv vax-pas-guôx. Ntu zuôr txos, chuôz zis li 800 tsoz txir chuôz thox tưz txos six hơưv sâu đê, cxix luôk guôx tu zus cux phuôx huiz chêx cuk thâuv grê muôs greix buô chuôz ndê siêz. Shông no, zơưv Đặng Thanh Vân tror txeik pênhr chiê yưv pênhr kho đuô trâur nuv kinh têr chuôz zis:“2,3 shông jê ntơưv no chính sách zênhx hangx kôngz nuv thiêz huôv tsar nôngx cxênhz puz txeik ntâu đuô viv li cur truôx siêz uô, uô cêr bê tông, cur yưv pênhr uô phênhv sâu cux ngaz tul”.

          Zơưv Nguyễn Duy Cường, Chủ tịch Hội bội đội lâuk huyện Chư Păh, Gia Lai puz pâuz, nhiv no, têx hội viên bộ đội lâuk hâur huyện tưz tâu txeik pênhr cxôngx zênhx hangx kôngz nuv thiêz huôv tsar nôngx cxênhz thôngz đhâu tuêv paz txeik pênhr. Tsi taz sik côngv jông đros zênhx hangx chiê muôx pênhr phưx vưv zoz qơưx krêz đar tsiv uô, huôv tsar kinh ter, tuêv paz txeik pênhr tsênhv sik côngv paz txưv têx tuêv viên sir zôngv muôx chêx cuk pênhr txeik. Lơưr zơưv Nguyễn Duy Cường, khov phênhv pênhr 30 tỷ đeiv cxôngx zênhx hangx kôngz nuv mak bộ đội lâuk nhoz huyện tưz uô yênhx côngz têx trâur nuv huôv tsar kinh têr chuôz zis:“Yưv pênhr qir thơưx lok six ntâu, viv li zuôr trâus zênhx hangx kôngz nuv thiêz huôv tsar nôngx cxênhz huyện paz txưv, đrâuv co zos hội viên bộ đội lâuk li paz txưv”.

          Đros thiêz Hội bộ đội lâuk, nhiv no, Hội nôngx mênhx thiêz Hội pox niêv huyện Chư Păh cux paz txưv 1 cxênhz 900 ntâu lênhx hội viên txeik pênhr ntơưv zênhx hangx kôngz nuv thiêz huôv tsar nôngx cxênhz chi nhánh Chư Păh, đros tas nro pênhr puz txeik zos 183 tỷ đeiv. Txeik 800 tsov cxôngx zênhx hangx thôngz đhâu tuêv txeik pênhr Hội nôngx mênhx, chuôz zis zơưv Vũ Hồng Duân (jos 4, thị trấn Phú Hòa, Chư Păh) tưz cxiv tsa tâu cxix luôk qơư tu zus yênhx côngz 500 tul buô zuôr greix. Đros qơư tu zus no, zơưv tsênhv zus cxaz 30 tul niêv buô sha nhuôs, chiv chir cungz nôngz buô chiê tu zus. Hâur 1 đraz shông huôx tôngv, zơưv Vũ Hồng Duân chuôz zis tưz sâu liv tâu 1 tỷ đeiv:“Nhiv no cur tsênhv txeik zênhx hangx kôngz nuv 800 tsov đeiv. Pênhr no cur zôngv chiê yưv uô nox. Yưv pênhr uô qơư tu zus, li ntơưv thiêx muôx chêx cuk, li shông no grê muôs siêz, niêv buô sha nhuôs chiê tror tu zus, hâur 1 đraz shông cur tưz muôs 250 tul buô, fênhx pheiz sâu liv tâu 4 tsov iz tul buô”.

          Pos Bùi Phương Liên, Phưv giám đốc Zênhx hangx Agribank chi nhánh Chư Păh (nhoz Agribank Đông Gia Lai) puz pâuz, txos nhiv no, chi nhánh tưz krêz uô 82 tuêv puz txeik pênhr thôngz đhâu têx tsưr tsix đoanx thêv, puz 2 cxênhz 100 ntâu lênhx nênhs txeik pênhr tas nro 201 tỷ đeiv. Phênhv pênhr no tưz gôngr phênhv paz nôngx mênhx phuôx huiz têx muôs jos cxôngx ar têz, chênhz zênhv tsiv uô, uô yênhx côngz têx trâur nuv kinh têr, tso lok chêx cuk siêz:“Zênhx hangx Agribank tưz sik côngv đros têx hội, đoanx thể, heik cấp ủy, chính quyênx tiv phaz đros Agribank yênhx lix têx tuêv puz txeik pênhr. Cxôngx co, chi nhánh puz txeik muôz pênhr, thôngz đhâu phênhv puz txeik chuôz zis, txu grês cêr pluôs, muôz siêz qơư tsiv uô, muôz siêz tsôngv box li luz nênhx”.

          Krêz đar txos tas nro tỉnh Gia Lai, tâu pâuz nhiv no Agribank Đông Gia Lai tưz krêz uô 912 tuêv puz txeik pênhr sik côngv đros têx tsưr tsix, đoanx thêv, paz tsôngv box tâu txeik pênhr tsov cưv chiê tsiv uô kôngz nuv, tas nro phênhv tưz puz txeik zos 2 cxênhz tỷ đeiv. Têx phênhv puz txeik mak Agribank Đông Gia Lai tưz krêz uô hâur vênhv thix kôngz nuv tsênhv phuôx huiz chêx cuk siêz, gôngr phênhv jông hâur huôx tôngv tror hlôngr yiêz tsoz chos thiêz cxiv tsa nôngx cxênhz yiêz nhoz ntơưv tiv phaz./.

(VOV Tây Nguyên-Txâur Vax cxeik nhênhv)