Sơn La: Sir jos hlôngr yiêz hành chính công

Tsênhv qơư hành chính công tỉnh Sơn La nhoz ciês hâur đrôngl thành phố, tâu uô jông qơư đros muôx 19 sở, ngành tỉnh thiêz cơ quan Trung ương nhoz sâuv thax tsav li  23 qơư uô ntâuz ntơưr. Đuô li, tsênhv qơư tsênhv muôx iz kror qơư hêik kriê pêx xênhv, tsưr tsix thiêz Doanh nghiệp lok sâuv têx ntâuz ntơưr hành chính thiêz iz kror qơư sêiz shuôk uô têx ntâuz ntơưr. Txơưv tiêk chor cán bộ uô hâux lưv ntơưv tsênhv qơư zos chor nênhs uô hâux lưv trâu têx Sở, nganhx lok uô thiêz lênhx cán bộ tưs cux sir tas đas jos tsưr ziv uô tâu truôx cxuô luôs hâux lưv zok muôz. Luôs hâux lưv tok jênhv, uô ntâuz ntơưr hành chính khoa học, paz trâu cxuô sở, ban, ngành zôngx ziv uô tâu tiêr ntâuz ntơưr.

Niêv tix Trương Thị Hòa, Công ty Cổ phần Sơn Hà Chi nhanh Sơn La thiêz tix lâus Lưu Văn Tiên, nhoz thành phố Sơn La hêik:

“Kror cur pov xuz thơưx zos zôngx ziv đuô. Sơưr đơưk nhoz no kruôz kriê lok six jông. Jiês xuz thơưx ciês cur uô hâux lưv no mak cux tsik tâu pâuz, lơưr kriê trâu cur cov cur uô jông đuô”.

“Cur pov zôngx ziv đuô zos tuôx trâu têx sở, viv tuôx trâu chor sở mak zuk tsuv zok nriêr chor sở, hok ntơưv no mak tas nro tsêx trung iz kro mak zôngx ziv đuô, cêir chêx cux zôngx ziv, sơưr đơưk uô jông hêik kriê, tsênhv yuôr đaz tsi mak lơưr kriê trâu zuk uô nzir, tsik uô trâu zuk lax xar”.

Đhâu thâuv piz uô txix hnuz xiêz 2/6/2017 txos nhiv no, Tsênhv qơư hành chính Công tỉnh Sơn La tưz txêik tâu 16.300 ntâu ntâuz ntơưr hành chính. Hâur co, uô tiêr thiêz muôz uô ntêx six hơưv tênhv 88% ntâu; chor ntâuz ntơưr muôz kênhz tsuôk tsav muôx 1%. Sơn la zos tỉnh xuz thơưx ciês hâur têz qơưk, hlôngr yiêz tsưr ziv uô ntâuz ntơưr hành chính zos chủ tịch UBND tỉnh cxiv tsa hlôngr yiêz uô trâu iz kror qơư, hêik tsênhz mênhx txêik tok ntâuz ntơưr hành chính txix Tsênhv qơư hành chính công txos Văn phongx UBND tỉnh sêiz car thiêz uô tâu truôx. Zơưv Cao Xuân Hải, Giám đốc tsênhv qơư hành chính công tỉnh Sơn la puz pâuz:

“Đros cán bộ, công chức hâur tsênhv qơư mak tsuv tsik so gra siêz txux chi uô hâux lưv, tsưr ziv haur sik thav, njiz đros pêx xênhv, paz trâu lơưr uô tâu sêiz thiêz zôngx ziv đuô têx ntâuz ntơưr. Chor tsưr tsix, tiz nênhs, doanh nghiệp muôx ntâuz ntơưr cêir chêx txix cấp tỉnh mak lơưr cux tsik thav tuôx trâu tỉnh lơưv mak lơưr muôz ntâuz ntơưr trâu tsênhv qơư hành chính công nhoz huyện, thành phố, đhâu co muôz trâu tsênhv qơư hành chính cấp tỉnh thiêz muôz trâu chor sở ban, ngành cêir chêx”.

Txơưv tiêk nhiv kruôr piz uô tsik ntêr, taz sik tsênhv qơư hành chính công ntơưv tỉnh Sơn La thiêz cxuô huyện, thành phố tưz uô tâu truôx đuô cxuô ntâuz ntơưr pir li ntu đrav ntêx. Cxuô Sở, ban, ngành luôs hâux lưv uô ntâuz ntơưr hành chính tưz uô tâu sêi đrơưv đuô, muôx liv trâu sđ. Six hơưv uô têx ntâuz ntơưr tưz tâu txo grêk txix 10% txos 30% pir li ntu đrav ntêx. Zôngx ziv trâu têx cơ quan, tsưr tsix, tiz nênhs li luôs hâux lưv qênhz yuôx, sêiz kaz thiêz tsuôk tuôx trâu iz kror qơư uô têx ntâuz ntơưr, paz muôx tênhv qơư uô hâux lưv jông, tsênhz mênhx, zôngx ziv đuô./.

(Hồng Việt-Lik Thox cxêik nhênhv)

Têz nus lok chế độ so thâuv xênhz zus mê nhuôs

           Fôngx zưs Lèo Thị Phương nhoz huyện Yên Châu, tỉnh Sơn La nus: “ Cur zos cưk kriê cấp 1, cur muôx six hơưv so xênhz zus mê nhuôs trơưk six hơưv so ntux sor 2 luz hlik. Li ntơưv lơưr BHXH mak cur tâu so 6 luz hlik zos 2 luz hlik so sor thiêz lok sik so xênhz zus mê nhuôs 6 luz hlik côngv cxaz 2 luz hlik so sor. Viv lơưr Chei cưk kriê mak cưk kriê tâu so sor 2 luz hlik. Zos qênhx shênhx li cur mak uô li chas? Thor BHXH paz têz thiêz heik kriê uô hồ sơ ntâuz ntơưr li chas?”

          Grê 35 Chei BHXH 2006 cuiz tênhv, phênhv tâu sơưv bâuv 100% phênhv fênhz pheiz nhiêx shar, nhiêx côngz yênhx lix gôngr BHXH 6 luz hlik thâuv so hâux lưv. Đros fôngx zưs zos xênhz zus mê nhuôs hâur six hơưv uô hâux lưv thiêz côngv đros six hơưv so sor zos 6 luz hlik tâu so sor zos six hơưv fôngx zưs thor so xênhz zus. Vênhv thix đrâuv six hơưv uô hâux lưv thiêz tsi xav hâur six hơưv xav so xênhz zus nhuôs. Thâuv co khov txos ntâu six hơưv chiê seiz shuôk thiêz njuôs xav six hơưv tâu so.

          Li ntơưv, fôngx zưs so xênhz zus nhuôs hâur six hơưv so sor thiêz sơưv chế độ so xênhz zus mê nhuôs zos BHXH thêv. Pháp luật nhiv no cux tsi cui tênhv tsênhz mênhx lok vênhv thix fôngx zưs nus, chiê car chêx tâu qênhx liv no fôngx zưs tsuv thix ziv hiệu trưởng tso so uô ntêx thâuv so xênhz zus nhuôs lok sik tsi max thor so uô ntêx thâuv so xênhz zus mê nhuôs./.

                                                                                                 (Thanh Thủy- Txâur Vax cxeik nhênhv