Jax sâu thưr 2.2.1.2017:

TUÊV TXEIK PÊNHR- ZÊNHX HANGX KÔNGZ NUV THIÊZ PHUÔV TSAR NÔNGX CXÊNHZ SƠN LA

         Jos Hụm, xã Chiềng Xôm, thành phố Sơn La li tuêv txeik pênhr muôx zuôr xar 100 lênhx hôiv viên thâuv tưs cux tâu ntâus grê siêz lok chêx cuk huôx tôngv khov sir zôngv pênhr txeik thiêz thêv nux grê, nhiêx liv trơưk six hơưv; tsi chiê muôx qênhx shênhx yuôr nux grê tsi tâu thêv. Zơưv Quàng Văn Phóng, tuêv tsar tuêv puz txeik pênhr jos Hụm puz pâuz: Thôngz đhâu tuêv txeik pênhr, tsôngv box hâur jos tưz tâu txeik pênhr sei đrơưv chiê yưv pênhr tsiv uô xênhz yar, huôv tsar qơư tsêz chos, tu zus buô, nhux...cxôngx co jos tsi yuôr ziv chuôz zis pluôs thiêz.

          “Thâuv ntêx tsi muôx zênhx hangx puz txeik pênhr mak tsuôk muôx 2,3 ziv tu zus nhux, taz sik nhiv no hâur jos tưz muôx 40 ziv tu zus nhux, iz ziv muôx 2,3 tul ndê mul. Têx ziv chuôz zis puôr lênhx zus keiz, iz ziv cxôngx 50 txos 100 tul, muôx têx ziv cxôngx 300 txos 400 tul”.

          Cxôngx Zênhx hangx kôngz nuv thiêz huôv tsar nôngx cxênhz li pênhr puz txeik zos 200 tsov đeiv, tix lâuk Tòng Văn Quân chuôz zis nhoz jos Hụm nhiv no tsênhv zus zuôr xar 30 tul nhux đas. Phênhv sâu cxôngx hâux lưv muôs nhux chuôz zis sâu liv tâu 150 tsov đeiv. Tix lâuk Quân heik:

          “Thâuv ntêx chuôz zis muôx 1,2 tul xưz, taz sik nhiv no muôx 30 tul nhux; zus keiz, chos txir khơưz thiêz. Nhiv no chuôz zis cux muôx nox muôx tsês”

          Zênhx hangx kôngz nuv thiêz huôv tsar nôngx cxênhz Sơn La txos nhiv no tưz yênhx lix 450 tuêv puz txeik pênhr, 42 qơư puz txeik pênhr ntơưv têx xã...tas nro pênhr tưz puz txeik ndê txos 1.500 tỷ đeiv. Hâux lưv têx hội viên Hội pox niêv, Hội nôngx mênhx sơưr txeik pênhr thôngz đhâu tuêv puz txeik pênhr zos trâur nuv tsi taz paz pox nhuôs zôngx ziv txeik pênhr, mak tsênhv muôz theox chênhv chiê têx ziv chuôz zis sik paz max hâur tsiv uô xênhz yar. Trâur nuv cux paz zênhx hangx puz txeik pênhr zôngx ziv đuô, taz por tâu pênhr. Zơưv Phạm Văn Hoa, giám đốc Zênhx hangx kôngz nuv thiêz huôv tsar nôngx cxênhz tỉnh Sơn La puz pâuz:

          “Tas nro huôx tôngv puz txeik pênhr đhâu tuêv no puôr lênhx đhâu têx đoanx thêv, têx đoanx thêv li txơưx jênhv zos heik kriê pox nhuôs lok khoa học, kỹ thuật, tsoz chos, tsiêx tu zus. Lok Zênhx hangx mak zuôr heik kriê pox nhuôs têx tsưr ziv txeik pênhr, uô ntâuz ntơưr trâu pox nhuôs”.

          Hâur shông zuôr txos no, Zênhx hangx kôngz nuv thiêz huôv tsar nôngx cxênhz Sơn La sir jos muôz nhiêx kir txeik cov tax tâu 12.500 tỷ đeiv, muôz kir txeik thôngz đhâu têx tuêv puz txeik pênhr tax 3000 tỷ đeiv. Đros hâux lưv kriz uô muôx chêx cuk trâur nuv tuêv puz txeik pênhr, Agribank Sơn La xav tênhv tsi so hlôngr yiêz tsưr ziv puz txeik, ntâuz ntơưr uô zôngx ziv đuô; thôngx cxix tso tơưv ntâu qơư uô cov jông trâu tsôngv kruô, tiv zix zos tsôngv kruô thax tsav nôngx cxênhz chiê pênhr puz txeik txos pox nhuôs nôngx mênhx sei thiêz zôngx ziv./.

                          (Hồng Việt-Txâur Vax cxeik nhênhv)

Phênhv thưr 2, hnuz xiêz 2/1/2017:

Têx kror yiêz hâur chêi têz qơưs shông 2015

      Chêi dân sự zos chêi muôx ntâu kror tsuv tâu cxiv kho đuô cov huv đros hâur luz nênhx. Taz sik, hâur yênhx, muôx yưv ntâu kror phiv liv cik txos chêi dân sự cux, têix nus tsuv cxiv kho đuô cov huv đros. Chêi dân sự shông 2015, tâu cxiv kho đuô cxaz nzir ntâu kror. Thứ trưởng Bộ tư pháp Nguyễn Khánh Ngọc xav tiêk:

      “Chei dân sự zos chêi uô huv đros px huôv tsar cêr uô nênhx hâur yênhx hnuz thiêz ntơư cux chênhr zos cxươz cxiz sđ huôv tsar kinh tế xã hội, muôx luz nênhx truôx tuk”.

      Chêi dân sự shông 2015 cxiv kho đuô, cxaz nzir ntâu quy tênhv lok px li vax huôv cik txos têx bê sâu tsês hâur ntâuz ntơưr, tsưx phưv px luz côngz luz bê. Hâur ntơư, quy tênhv tsênhz mênhx hêik lok kriz xênhz, kriz bê, pox niêv, txir nênhx…zos đrêiv chêi têz qơưs. Chênhr zos li hêik ntơư, pox niêv thiêz txir nênhx tsuv sâu bê cov tsênhz mênhx, huv đros zos đrêiv quy tênhv chêi têz qơưs. Zơưv Nguyễn Thanh Tú,  Vụ trưởng vụ chêi dân sự-kinh tế, Bộ tư pháp hêik pâuz:

      “Grê 37 chêi dân sự shông 2015 hêik lok tsưx phưv sêiz car lênhx nênhs, pox niêv txir nênhx. Li ntơư tsuv tso trâu hâur chêi uô cov tsênhz mênhx”.

Chêi dân sự shôbf 2015, muôx ntâu kror yiêz quy tênhv hêik lok sik thav txos muôz nhiêx txiêx kir txêik. Tsênhz mênhx zos  grê 420 quy tênhv, cxuô luôs hâux lưv uô cov huv đros trơưk li têx ntâuz ntơưr, oz tos tưz sâu tsês.

       Luật sư Trương Thị Hoà, Hội liên hiệp pox niêv vir ndâuk thành phố HCM xav tiêk: chiê uô cov zos đrêiv chêi dân sự, cxuô ntâuz ntơưr cik txos tsuv tâu cxiv kho đuô, cxaz nzir, uô cov huv đros lok sik muôx ntơưr hêik kriê hêik lok têx hlôngr yiêz chêi dân sự shông 2015.

       Chêi dân sự shông 2015, zos iz chêi zov chênhr chiê cxiv tsa tâu ntâu quy tênhv yiêz. Chênhr zos li hêik ntơư,  iz cxiê quy tênhv cik txos chêi tsuv tâu cxiv kho đuôz cxaz nzir thiêz hâur ntu zuôr txos no,  Chính phủ thiêz cxuô Bộ, ngênhx tsuv qênhz yuôx, tsuv cxiv kho đuô, cxaz nzir lok sik tso tơưv têx ntâuz ntơưr yiêz, uô cov huv đros hâur ntu nhiv no./.

(Tsu cxeik, nhênhv-TTT)