Chor nênhs paz tuôr chiê vênhx huôv mênhx cxưx cxôngx nzor

Nhoz jok Ea Bông, xã Cư Êbur, thành phố Buôn Ma Thuột nhiv no, tsik yuôr chôngz nênhs pâuz hêik ei-rei (tsênhv tâu hêik tiêk hêik gâux siz lưr), khan lok sik uô têx zav sênhr suôz mênhx cxưx. Taz sik, ntơưv hnuz hôiv vênhx huôv thể thao cxuô mênhx cxưx tsơưs nênhs thành phố Buôn Ma Thuột tâu tsưr tsix uô hâur hlik hli 3 shông no, chôngz lênhx nênhs lok six nhiêv thâuv chor hluôk nênhs Ê Đê nhoz jok Ea Bông cxaz chuôz sik tưr nthuôr uô cêr lov jêv, hêik ei-rei, yuôz kênhx đing năm, đing puốt cux iz zav li chor nênhs txơưx yuôz.

Y Drim Ê’Ban, iz lênhx nênhs hâur chor nênhs dự thik puz pâuz, viv tsik xar cov pox côngz zơưv côngz têx vênhx huôv trâus pôngz plox, tix lâus đros chor hluôk nênhs hâur jok sir jos cơưv chor jax gâux no txix niêv txir thiêz chor nênhs lâul hâur jêx jok. Xuz thơưx mak tsuôk zos xar cơưv cov pâuz xưz, sik ziv cơưv mak ziv nhiêv, xưk li tror tis txos zuk mênhx cxưx luz nênhx thâuv ntêx. Cxaz chuôz hnuz hôiv zos tix lâus thiêz chôngz lênhx hluôk nênhs hêik tơưv tâu tiêk xar nriêr pâuz thiêz cơưv shâuv ntâu đuô lok zuk mênhx cxưx têx vênhx huôv.

“Cur pov lok six shir phaz viv tâu UBND thành phố tsưr tsix chiê chor hluôk nênhs tâu nriêr pâuz cơưv shâuv lok zuk mênhx cxưx têx vênhx huôv mênhx cxưx cux xưk li chiê tuôr chiê mênhx cxưx Ê Đê li têx vênhx huôv”.

Cux txix xar cơưv cov pâuz txos trâu nhiêv, Y Wăn Ê’Ban, nhoz jok M’Duk, phường Ea Tam, thành phố Buôn Ma Thuột tưz cơưv ntâuk đruôk tôngx. Y Wăn hêik, txix thâuv tsênhv zâu, pov zuk chor tix lâus tâu cơưv ntâuk đruôk, cur lok six nhiêv viv li thor niêv txir chiê muk cơưv. Tov kaz no, tâu nênhs kriê kriê ntâuk đruôk, Y Wăn tưz ntâuk tâu đruôk shôngz thiêz đruôk tôngx. Txơưv tsênhv zâu taz sik chor nênhs hâur đội ntâuk đruôk hluôk jok M’Duk tưz ntâuk tâu ntâu jax đruôk lax ntâu, tâu hu muk ntâuk hâur ntâu jiês ntênhk hôiv zos tiv phaz tsưr tsix.

“Cơưv ntâuk đruôk mak cux lok six shir phaz, lok six tso siêz zuk tâu tuôr chiê thiêz cơưv shâuv mênhx cxưx Ê Đê têx vênhx huôv. Cur vav tiêk ntu tov ntêx no đội ntâuk đruôk zuôr huôv tsar, zuôr tuôr chiê tâu nênhs Ê Đê li vênhx huôv thiêz tsik chiê nênhs Ê Đê têx vênhx huôv trâus pôngz plox”.

Lênhx tưs tâu tuôx txos jok Ako Dhông, thành phố Buôn Ma Thuột, muk shuôk nghệ nhân ama H’Loan, zuôr tâu sêiz pov nênhs Ê Đê li tsưr ziv uô têx zav sênhr suôz cxôngx nzor co. Zos xar nus tuk tsi lok vênhx huôv, zuôr tâu H’Hoa Niê, nghệ nhân tuk nxêik nzơưv hêik kriê. Txơưv hnuz nhôngs tsênhv hluôk, taz sik H’Hoa pâuz tsênhz lok zuk mênhx cxưx têx vênhx huôv. H’Hoa Niê hêik, lok six nhiêv hêik trâu tsôngv kruô pâuz lok zuk mênhx cxưx têx vênhx huôv jông: txix uô têx zav sênhr suôz cxôngx nzor, ntâuk đruôk txos trâu têx hâux lưv hâur yênhx hnuz xưk li uô ntâuz, hiêz cơưv, uô têx zav nox.

“Cur pov lok six shir phaz, zos iz lênhx hluôk nênhs mak cur zênhx xar njôngr tuôr chiê tâu zuk mênhx cxưx têx vênhx huôv txix kruôz kriê thiêz chiê hêik trâu sơưr đơưk pâuz txos nênhs Ê Đê luz nênhx yênhx hnuz thiêz uô nênhx nhoz li chak”.

Hok Y Dhông Byă, nhoz jok Ky, phường Thành Nhất, thành phố Buôn Ma Thuột, chor pax ntâuz sâuv têx ntâuz trâur lâus tâu chor pos, chor niêv uô jông uô tưz uô trâu tix lâus nhiêv txix thâuv tsênhv zos mê nhuôs zâu muôx 6-7 shông. Zos lênhx nhuôs tuz viv li tsik muôx lênhx tưs kriê, (Viv nênhs Ê Đê xav tiêk tsuôk zos pox niêv thiêx uô ntâuz, xơưk tsôngv yo), Y Dhông tưz chiv chir nriêr pâuz cơưv shâuv tsưr ziv uô. Nhiv no, txơưv lok six khưr uô nox, taz sik thâuv tưs muôx six hơưv, tix lâus cux jâuv chiê uô ntâuz. Y Dhông hêik, tiv nhiêv viv li xar tuôr tsês chiê, tov kaz no kruôz kriê trâu têx tuz nhuôs.

“Kror no mak tsik muôx lênhx tưs kriê zuk hlo viv zuk zos lênhx nhuôs tu, taz sik đros zuk siêz nhiêv mak zuk tưz sêiz lơưr uô thiêz cơưv shâuv chiê uô trơưk. Nhiv no mak zuk cux pâuz tas têx pax ntâuz ntơưr lơưv. Muk trâu têx jêx jok nhoz đêz, tox siêz mak pov muôx ntâu kror pax ntâu jông zuk cux kir lok chiê cơưv uô trơưk thiêz tuôr chiê cov tov kaz no tsik trâus pôngz plox thiêz kriê trâu têx tuz nhuôs”.

Tsik muôx lênhx tưs kriê, taz sik đros siêz nhiêv thiêz xar tuôr tsês chiê mênhx cxưx têx vênhx huôv jông, chôngz lênhx nênhs Ê Đê nhoz têx jêx jok tỉnh Đắk Lắk tưz chiv chir nriêr pâuz thiêz cơưv shâuv têx vênhx huôv, phongx cxưx txix ciês hâur luz nênhx niêx hnuz, chiê têx kror vênhx huôv, phongx cxưx jông co tsik trâus pôngz plox, tâu tuôr tsês chiê trâu cxênhx nênhs nhiv no pâuz txos./.

                                                                                                                 (TTTN-Lik Thox cxêik nhênhv)