Jax sâu thưr 2, hnuz xiêz 3/10/2016:

Chiê lênhx nênhs cxênhz jê-yênhx ziv chuôz zis pluôs

Jax 1: Xeir ziv chuôz zis pluôs tsik trơưk chei tso tơưv

Đinh Thị Muôn ziv chuôz zis nhoz jos vạn, xã Tân Phong, huyện Phù Yên, tỉnh Sơn la luz tsêr tsar lơưx kâus kiz jik, shor zuôr vâu thâuv tưs cux tsik pâuz; taz sik luz tsêr ntơư zos qơư chiê ziv chuôz zis nhoz huôv tsar cêr uô nênhx tâu ntêr shông lok. Shông no pos Muôn tưz muôx 60 shông thiêz zos lênhx nênhs uô hâux lưv chênhr hâur ziv chuôz zis. Lênhx txir thiêz oz lênhx cxêik tưz tâu tas siv nênhx, viv trâus cik caz moz gênhk; yuôr tus tuz cux paz uô tsik tâu zav hâux lưv tưs trâu niêv thiêz uô luz nênhx txov nhêv njuôr.

Trơưk li chei têz qơưs tso tơưv xeir chor ziv chuôz zis pluôs hâur ntu 2016-2020, chor chuôz zis nhoz thax tsav jêx jos tox siêz, sâu tâu 700 cxênhz iz lênhx hâur iz luz hli, tsuv tâu têz qơưs côngk nhav muôz tsênhv chei zos ziv chuôz zis pluôs. Zos xav li chor chor chei tez qơư tso tơưv li heik ntơư, pos Đinh Thị Muôn, tsuv tâu xav zos ziv chuôz zis pluôs; taz sik xã ho xeir tsik tâu pos Muôn zos ziv chuôz zis pluôs. Pos Đinh Thị Muôn heik:

 “Xã heik, tưz tâu ziv chuôz zis pluôs lơưv, tsik pov kaz uô li chas, tsuv siz hlôngr uô ziv chuôz zis pluôs. Xã cux tsik pâuz pluôs thiêz bluô nux; li ntơư, cur cux tsik tsik pov kaz uô li chas?”.

Pos Đinh Thị Muôn, tsik tâu xeir tsov zos ziv chuôz zis pluôs cux tsik uô li chas; taz sik iz cxiê ziv chuôz zis bluô nux ho tâu xã xeir tsov zos ziv chuôz zis pluôs. Pir li tsar jos Vạn, zos Đinh Văn Thực, nhoz ciês ntơưv iz saz tsênhv qơư xã Tân Phong, zos ziv chuôz zis uô tâu luz tsêr txơưz, vor vuôk hlâu, jông jav thiêz zuôr tâu ntâu chuôz zênhx cik nhiêx sir zôngv hauar ziv chuôz zis; tiv li chas xã ho xeir tâu zos ziv chuôz zis pluôs thiêz tsênhv tâu zôngv têz qơưs têx nhiêx pluôs muôz paz.

 “Tseiz no, cur uô tsar jos thiêz cur tsênhv kir txeik têz qơưs 100 triệu nhiêx, xã thiêx xeir tâu cur zos ziv chuôz zis pluôs”.

Zơưv Thực đros trâu 6 ziv chuôz zis txơưr đuô nhoz jos Vạn, nhiv kruôr tâu xã côngk nhav zos ziv chuôz zis pluôs ntơưv xã Tân Phong, cux tsik tâu px nhoz thax tsav ntơư jông siêz. Pos Hà Thị Khuyên heik:

 “Muôx iz cxiê ziv mak cur cux jông siêz zos ziv chuôz zis pluôs tiês tiês; taz sik pir li zơưv Đinh Văn Quyền; Đinh Văn Hải; Đinh Văn Thực; Định Văn Hoạt tsênhv uô côngz xưv hâur xã mak cur cux tsik jông siêz zos ziv chuôz zis pluôs”.

Thâuv tâu xeir zos ziv chuôz zis pluôs, cux zuôr tâu sir zôngv têz qơưs muôz nhiêx txiêx paz đhâu cxuô dự án; ntơư zos iz kro tsênhv, ziv chuôz zis tưs cux xar zos ziv chuôz zis pluôs.

Trơưk li haua nov xã Tân Phong heik pâuz: Hur si xã muôx 600 ntâu ziv chuôz zis pluôs. Xav mak hâur ntu đhâu, xã cux fuô uô luôs hauax lưv ntơư zos đrêiv têz qơưs têx chei tso tơưv; taz sik, thâuv nus txos, ho yuôr iz cxiê ziv chuôz zis pluôs, xã ho xeir tsik tâu zos ziv chuôz zis pluôs. Zơưv Đinh Văn Ngân, chủ tịch uỷ van xã hêik pâuz tiêk: Ntơư tsuv uô cov muôx txâuk bê trâu hâur ntơưr chiê xa trâu huyện huv hnuz nhôngl.

 “Uỷ ban huyện heik mak, zos uô têx ntâuz ntơưr xa trâu huyện  pôngz lis, tsuv tâu tso tsês tsik xav. Li ntơư, pêz puôr lênhx uô trơưk têx ntâuz ntơưr heik kriê”.

Px nhoz xã Tân Phong cux tsênhv nus tiêk: Pok zos cán bộ xã xeir têx nênhs cxênhz jê chiê uô ziv chuôz zis pluôs nhoz thax tsav qơư ntơư?./.

                                     (Tsu cxeik nhênhv-Thanh Thuỷ)

Phênhv thưr 2, hnuz xiêz 3/10/2016:

Xã Tân Châu, huyện Khoái Châu, tỉnh  Hưng Yên luôs hâux lưv cxiv tsa jêx jok yiêz uô tsik trơưk chei

Trơưk li heik pâuz lok uô têz qơưs qơư tsov txos cxiv tsa jêx jok yiêz ntơưv xã Tân Châu: Cêr muk lok jêx jok, qơư nox nhoz…, 90% ntâu têx qơư tsiv uô lax luôv hâur thax tsav uô tâu trơưk li tsưr ziv tso tơưv.

Taz sik, lơưr têx tuz sâu xor xưv sâu jênhv, cêr muk trâu xã Tân Châu tsênhv trâus puôk tsuôx, tưz tsi jông muk lok, pluô ar nqo niêz, viv ntâu yêz lox thâux xa têx xuôz jêz, thênh thiêz ar muk lok đhâu hâur niêx hnuz chiê phưx vưv trâu 3 luz tsêr meir tsiv uô vuôk luôx. Tix lâus Lê Thanh Trang, nhoz xã Tân Châu heik:

“ Hnuz tưs pluô ar cux pâus li no, viv têx yêz lox muk lok ntâu, 2, 3 hnuz no mak yêz muk iz hnuz hnuz, iz hmo hmo lok six pâus. Heik ntâu jiês taz sik cux li ntơư, xã canr bôv cux tsi pov uô hâux lưv li chas hlo”.

Xã Tân Châu nhiv no muôx 3 thax tsav qơư uô vuôk luôx tâu cxiv tsa lơưr trâur nuv chêx tsôngk thiêz jông, taz sik ho nhoz hâur thax tsav tsôngv box uô nênhx nhoz. Iz lênhx tsưr uô vuôk luôx cux lênhk nhav, tsênhv tsiv uô têx vuôk luôx, taz sik tsi tâu ntâuk grê txos têx uô hiêv trâu tênhx qơư. Yuôr ntơưv qơư tsav fuôx gox, muôx ntâu gox bo xuôz jêz nhoz no shơư trâu têx gox thâux xa têx chuôz zênhx, ar, poz jêz uô vuôk luôx, tok txos thâuv hmo ntux li uô hâux lưv. No cux chênhr zos qir tiv uô tênhx qơư ntơưv xã Tân Châu kiês nênhs vuôz tsuôz. Zơưv Phạm Văn Mạo, Phưv Chủ tịch UBND xã Tân Châu lênhk nhav: Uô tsi hur tênhx qơư; phênhv ntâu zos thâux xa têx ar, xuôz jêz trâu têx qơư tsiv uô vuôk luôx, lok sâuv yâu xuôz jêz mak cux muôx thiêz:

“ Zơưv, yâu xuôz jêz txos nhiv no cux muôx lênhx nênhs nhiês zơưv, yâu thâuv hmo ntux, lok sâuv xưv lik mak pêz cux muôx ntơưr heik trâu UBND huyện, tỉnh chiê uô li chas muôx faz tsưr ziv tưs đơưk uô hâux lưv no”.

Cux hâur têx ntâuz ntơưr heik pâuz lok sâuv uô lơưr tsaz yênhx cxiv tsa jêx jok yiêz nhoz xã Tân Châu heik mênhx: Xã muôx 100% tsêr cơưv cxuô cấp zos: cxênhx nhuôs zâu, cxênhx iz, cxênhx 2 muôx cxix têx chuôz zênhx jông phưx vưv kriê thiêz cơưv ntơưr trơưk li têz qơưs cui tinhv. Lơưr têx ntâuz ntơưr heik pâuz no, tsêr cơưv cxênhx nhuôs zâu ntơưv jok Hợp Hòa đar muôx 220 xưv phaz, muôx 2 qar tsêr cơưv, 60 lênhx nhuôs thiêz 2 lênhx cưk kriê ntơưr. Thâuv muk txos tsêr cơưv no, seiz shuôs mak tưz tsi zos li heik sâuv, lớp cơưv nhuôs zâu đaz pêk tuôs, tưz puôk tsuôx tas ntâu, qar tsêr cơưv tsuôk đar muôx 20 xưv phaz, qơư uô si mak mê thiêz grêiv. Cưk kriê Nguyễn Thị Lam, seiz car lớp cơưv nhuôs zâu heik:

“ Tsêr cơưv cux uô tsi tas zuk txux chi pênhr xưv viv qơư uô si tsuôk đar muôx 20 xưv phaz, têx nhuôs mak chôngz viv li tsi muôx qơư uô si trâu chor nhuôv. Qar tsêr cơưv cux grêiv, tsuôk đar 20 xưv phaz viv xar kriê têx nhuôs lơưr tsưr ziv yiêz trơưk têz qơưs cui tinhv lok cux kriê tsi tâu. Ntơư zos tsêr cơưv xã cxiv uô cux tâu 2, 3 châuv shông lok lơưv”.

Txos iz jiês no, UBND xã Tân Châu tsênhv thôngz đhâu UBND huyện Khoái Châu dưv anr cxiv uô tsêr cơưv cxênhx nhuôs zâu đros thiêz pênhr yưv uô muôx 11 tỷ đeiv. Nhiv no chor nhuôs cxênhx nhuôs zâu, phênhv ntâu tsênhv nhoz cơưv tax trâu têx tsêr vênhx huôv. Taz sik hâur xã têx ntâuz ntơưr cux sâu tiêk tưz uô tâu  cxix cxuô luôs hâux lưv no.

Lơưr ntâu lênhx tsôngv box ntơưv xã Tân Châu heik, hâux lưv cxiv tsa jêx jok yiêz nhoz no cux yuôr ntâu kror tsi tâu tsênhz mênhx, sâu ntâu zav nhiêx txiêx tsi trơưk cui tinhv. Txơưv UBND huyện Khoái Châu tưz paz 40 tsov đeiv nhiêx iz shông chiê thoz huk, cxiv kho têx cưx đês liêx, taz sik xã cux sâu tsi tâu iz lênhx nênhs 10 cxênhz đeiv thiêz ntâu têx nhiêx txơưr đuô. Tâu pâuz, têx nhiêx sâu no tưz tâu HĐND, UBND xã Tân Châu tso trâu hâur Nghị quyết chiê sđ uô lơưr. Zơưv Đỗ Văn Ngời-Bí thư Đảng ủy, chủ tịch HĐND xã Tân Châu heik:

“ Uô lơưr cui tinhv jênh tsuv, ntơưv qơư muôx hur si Nghị quyết HĐND, pêz tưz seiz lax sâu têx nhiêx no chiê thoz huk têx cưx đês liêx, pêz choz cxuô jêx jok seiz lax trâu tsôngv px, lơưr jông siêz, thôngx ziv hur si”.

Tsênhz tiês lok sâuv luôs hâux lưv cxiv tsa jêx jok yiêz nhoz xã Tân Châu, huyện Khoái Châu tsênhv yuôr lox six ntâu nuv tsuv seiz lax thiêx zuôr uô tâu tiêr. Thiêz muôx têx no tsi tiêk muôx nhoz xã Tân Châu, huyện Khoái Châu, tỉnh Hưng Yên mak nhoz ntâu thax tsav, suôv qơư txơưr đuô hâur hur si thôngz têz qơưs cux muôx têx muôx li heik sâuv./.

                                                          (TTT-Riê Lâux cxeik, nhênhv)