Jax sâu hnuz xiêz 3/11/2015

Tây Bar: Tsưr ziv tưs trâu taz por ngaz tuk zoz thôngz truôx đrênhk

10 luz hli hâur shôngk shông no, Tas nro thax tsav Tây Bắc, zos 6 luz tỉnh: Hòa Bình, Sơn La, Điện Biên, Lai Châu, Lào Cai, Yên Bái tưz muôx yưv 618 txuz txiêz nanv zoz thôngz, uô tuôs 310 lênhx nênhs, trâus saz 630 ntâu lênhx. Pir li tas nro têz qơưk mak tsav muôx 3,3% chor txuz, 4,3% chor nênhs tuôs thiêz 3,3% chor nênhs trâus saz. Txơưv tiêk txiêz nanv zoz thôngz tưz tâu txo grêk tas nro 3 kror, taz sik qênhx shênhx txiêz nanv zoz thôngz nhoz thax tsav Tây Bắc cux tsênhv txơưr txar phiv liv.

Qir tiv muôx yưv qênhx shênhx no uô ntêx zos tiv pêx xênhv li jênhv pâuz lok luật ngaz tuk zoz thôngz tsênhv kik, tsik tâu uô lơưr luật, chor nênhs phamv cxâuv tsênhv chôngz, tiv zix zos nênhs tsar yêz mêir. Têx phamv cxâuv phênhv ntâu zos hâuk chơưr bia thâuv tsar yêz, tsik ntông mov por vêv tâuz hâu, thâux chôngz nênhs…Thax tsav chor tỉnh tox siêz faz Bắc lox đar, cux uô phiv liv tsik tsơưs txos chor lưx lươngv txơưx jênhv li côngz xưv taz por ngaz tuk zoz thôngz. Cêr muk lok trâu chor xã tưz tâu cxiv uô jông đuô, taz sik tsênhv muôx tsik tâu txâuk têx fiêx hêik pâuz, njiê pov tsik đêz, chêx cur côngz xưv yax kriê, hêik pâuz pháp luật lok ngaz tuk zoz thôngz nhoz tiv phaz tax tsik tâu tâu chêx cur xưk li siêz xar…. Zơưv Trần Ngọc Sơn, chánh văn phongx ban ngaz tuk zoz thôngz tỉnh Lào Cai puz pâuz:

Băng: “Qir tiv tsênhv uô muôx yưv txiêz nanv zoz thôngz cux zos tiv nênhs cxaz chuôz zoz thôngz. Iz qir tiv thiêz zos tiv cơ sở cxuô zav thiêz têx chuôz zênhx, yêz cxaz chuôz zoz thôngz tsik taz por”.

Tsêx tsung phênhz qir tiv, chor têiv plor dự jiês cơưv cux hêik zuk tiv phaz li têx chênhz zênhv hâur côngz xưv taz por ngaz tuk zoz thôngz. Hâur co, tsêx tsung trâu chor tsưr ziv chênhr zos: sir jos uô côngz xưv yax kriê gra siêz pêx xênhv li jênhv pâuz thiêz uô lơưr pháp luật ngaz tuk zoz thôngz; huiz tôngv cxuô lưx lươngv, đoanx thể sik côngv taz por ngaz tuk zoz thôngz; chuôz cxaz uô côngz xưv qênhz yuôx xưv lik chor nênhs phamv cxâuv; tror huiz tôngv pênhr jos huôv tsar kho têx cêr muk lok; uô ntâu tsưr ziv chiê gra siêz chêx cur coangr lik têz qơưk lok hâux lưv no. Zơưv Khuất Việt Hùng, phưv chủ tịch chuyên trách Ủy ban ngaz tuk zoz thôngz têz qơưk hêik:

Băng: “Pêz tror uô cov tiêr chor văn bản pháp luật. Sik đros co tsuv kriz uô yax kriê, zo zux, hêik chiê Đảng, têz qơưk li chor cuiz tênhv, pháp luật, tsênhv chêi txos trâu pêx xênhv sơưr đơưk. Tsuv sir jos uô sêiz têx tsưr ziv cxiv kho, chiê taz por ngaz tuk zoz thôngz. Qênhz yuôx xưv lik phamv cxâuv tsuv uô đros đrêiv yax kriê”.

Tỉnh Sơn la thiêz chor tỉnh tox siêz thax tsav Tây Bắc tsênhv sir jos tax tâu tsưr ziv txo grêk tsơưs txiêz nanv zoz thôngz tas nro 3 kror txix 5-10% hâur shông no./.

                            (Bích Thủy-Trấn Long-Lik Thox cxêik- nênhv)

 Phênhv “Tsưr ziv uô kôngz” hnuz xiêz 3/11/205

Tir thêir caz hmoz tho nox ntông cà phê

Nus:Cur chos 2 ha cà phê, tâu 13 shông, tsoz chos cà phê ho trâus caz tho nox, cà phê trâus kruôr blôngx thiêz tuôs, muôx 40 tsoz cà phê trâus caz tho nox, cur cux muôz yuôx Sun phát chox lok tsuôs tuô caz, taz sik  caz cux tsênhv six tho nox. Thor nus qir tiv zos li chas thiêz tsuv uô li chas thiêx chơưv tâu chor cà phê ntơư?

Têz: Muôx yưv têx kror cox hêik ntơư, zos tsoz chos cà phê trâus caz tho lưx thiêz blôngx cà phê njưk, kruôr trâus tuôs. Ntơư zos caz tho nox tsoz chos cà phê thiêz muôx yưv trâu ntâu đêiv têz cà phê thiêz zav caz tho nox ntơư, uô trâu tsoz ntông cà phê lưx sâuv đêiv flâuz tơưr ntông, uô trau tsoz ntông cà phê ntơư trâus lưx, kruôr.

Tir thêir tsik chiê caz tho nox tsoz chos cà phê, tsuv uô trơưk têx faz tsưr ziv li đrav kaz:

-Tsik so muk sêiz shuôk, qênhz yuôx cxuô đêiv têz chos cà phê, zos pov muôx caz tho nox tsuv zênhx max muôz yuôx tsuôs tuô tir thêir.

-Zos tsoz chos cà phê trâus kruôr njik, taz sik luz chêr ntông tsoz chos cà phê tsik trâus caz tho nox. Zos pov muôx yưv li hêik ntơư, tsuv zênhx max muôz cơư txiêr tsoz chos cà phê zar caz tho nox ntơư por tsês. Đhâu ntơư, muôz iz cxiê zav yuôx chox lok qêz plênhr tsoz chos cà phê ntơư, cov caz cxoz tho nox./.

                                                 (Tsu Vưx, cxêik-nhênhv-Thanh Thuỷ)