Jax thưr 6, hnuz xiêz 4/11/2016:

Lạng Sơn: Bax phax tir thêir ntux no njiv trâu tsiêx cxu hâur shông 2016

    Thax tsav tox siêz Mẫu Sơn, huyện Cao Lộc thiêz Lộc Bình zos qơư xuz thơưx hlo trâus jiês ntux no njiv no hênhr hâur shông 2016. Nhiv no hâur thax tsav tưz muôx ntux nas yâur, jê tưv grêk kis 10-12 tưv. Tsôngv box 2 xã Mẫu Sơn hâur huyện Cao Lộc thiêz Lộc Bình tưz bax ntâu faz tsưr ziv chiê phax tir thêir ntux no njiv trâu 806 tuk tưv, 256 tuk nhux đas xưk li: cxiv tsa, xor thêir đuô têx qơư cơư tsiêx, bax tơưk, xuô blêx chiê trâur trâu nhux tưv ntê hâur têx hnuz muôx ntux no njiv; bax tsês têx jâuz krâur li: Kuôr blêx….trâu tsiêx nox. Zơưv  Dương Dì Phùng, nhoz xã Mẫu Sơn, huyện Cao Lộc heik:

“ Cur chuôz zis tưz bax tâu tsês hur si lơưv, ntux tưz no, lok nas njuôs njêz, bax tơưk lok tsês chiê tâu trâur uô jâuz uô mor nox, hâu krâur trâu tsiêx cxu. 2, 3 hnuz sâuv no zuôr kho, xor thêir đuô têx qơư cơư buô, cơư nhux tưv, tsi chiê têx tsiêx cxu trâus no”.

     Khov uô trơưk têx tsưr ziv li heik sâuv, hâur thax tsav 2 xã tsi tâu pov trâus uô ruôr hiêv li chas tiv ntux no njiv uô ruôr hiêv. Tsôngv box sđ têx cêr cxơưx nhiv no zos ntux no njiv đros trâu lok nas muôx têx zuôr uô ruôr hiêv trâu têx liêx têz kôngz lôngk tsênhv siêr jov jơưv zuôr jông sâu. Zơưv Triệu Sáng Dùng, Phưv Chủ tịch UBND xã Mẫu Sơn, huyện Cao Lộc heik pâuz:“ Txix hâur hnuz đhâu txos nhiv no cux lok six no lơưv, cxơưx trâu tsôngv box sđ sâu têx kôngz, cux heik tsôngv box bax, zos kror tưs kôngz siêr jông lêis sâu mak sâu zênhx max thiêz tsi tso têx tsiêx muk nox jâuz đêz, chiê tsiêx nưk nhoz nưk hâur guôx, lêis jâuz thiêz muôz kuôr blêx têx trâu nox….”.

    Txix ntux têx txơưr txar phiv liv, Sở kôngz nuv thiêz huôv tsar tox siêz tỉnh Lạng Sơn tưz muôx ntơưr chox kriê têx huyện, thị tsuv zênhx max fuô kriê tsưr ziv phax tar ntux no njiv trâu tsiêx cxu, cov txo grêk tsơưs têx trâus uô ruôr hiêv trâu têx tsiêx cxu hâur thax tsav. Zơưv Lý Việt Hưng, Phưv giám đốc Sở kôngz nuv Lạng Sơn heik:

“ Pêz yênhx lix têx đoanx côngz xưv muk têx jêx jok thiêz yênhx ziv chuôz zis chiê kriê tsôngv box sđ tsưr ziv qênhz yuôx thiêz phax tar yeiz no trâu têx tsiêx tu zus, hâur ntơư tsưv ziv txos thax tsav tox siêz; heik tsôngv box sđ, iz chuôz zis nhiêk tsuv bax nhiêk têx kuôr blêx chiê trâu tsiêx nox hâur têx hnuz ntux no njiv, thiêz cxiv kho, xor thêir đuô têx qơư  cơư tsiêx cxu….., luôs hâux lưv no pêz heik sđ cov uô tâu tiêr uô ntêx hnuz 20/11; heik kriê tsôngv px sđ têx hnuz ntux no njiv mak tsuv lêis jâuz lok trâu tsiêx nox ntơưv qơư, tsi cxoz tso muk nox jâuz đêz…..”./.

                                             (TTĐB-Riê Lâux cxeik, nhênhv)

Phênhv thưr 5.3.11.2016:

HLUÔK NÊNHS SIR JOS HLA PHÊV LIV

          Seiz tix lâuk Dương Văn Thu li luz tsêr truôx jông, pas đêx zus njês, vax chos txir thênhx caz nhoz jos Hin Lò, xã Yên Thắng, huyện Lục Yên tỉnh Yên Bái, tsi muôx lênhx tưs xar tiêk: no zos iz lênhx hluôk nênhs kuôk nor 2,3 shông đrav ntêx tsênhv mul trâu cxuô qơư nriêr jos uô. Thu cux hêik pâuz tiêk: Thâuv cơưv tiêr ntơưr lớp 12, tix lâuk trâu mul Hà Nội; Hải Phòng đros siêz xar hlôngr yiêz luz nênhx, taz sik ziv mul đêz, ziv pôngz ntâu côngz mak phênhv sâu cux tsi tâu pês tsơưs. Shông 2007, tix lâuk tror lol trâu zuk têz qơưk kir txeik pênhr nhiêx qir tês chos txir thenhx caz Vinh, khơưz pas đêx zus njês thiêz chos ntông keo, bồ đề sâuv mênhv chêx đar 4 hecta ar têz. Viv gruôs cơưv shâuv tsưr ziv chos thiêz tsoz phưz, viv li têx tsoz txir tâu chos puôr lênhx chiêx hloz jông. Đhâu 3 shôngk chos, txir thênhx caz thiêz pas njês tưz tso lol phênhv sâu ngaz tul muôx nhos 70 txos 80 tsov đeiv iz shôngk. Tix lâuk Dương Văn Thu, nhoz xã Yên Thắng, huyện Lục Yên heik:

          “ Thâuv cơưv tiêr ntơưr, tsi tâu txơưx xar viv li mul ntâus jus lok six ntâu qơư. Jênhv pov uô hâux lưv mak ntâu taz sik phênhv sâu tâu kis, cur tror lol kuz têz qơưk chiê phuôv tsar kinh tế. Thâuv cưr tưz yênhx côngz cur thiêx vênhv tôngv, paz max iz cxiê hluôk nênhs muôx ar têz chiê phuôv tsar kinh tế chuôz zis, paz têx fôngx zưs muôx phênhv sâu thiêz jav đêz têx tiv nanv xã hội”.

          Tsi taz gruôs uô nox uô hâuk trâu zuk chuôz zis xưz mak tix lâuk Dương Văn Thu tsênhv sơưr cxiv tsa tâu “Qơư hluôk nênhs sik côngv paz uô nox uô hâuk” zos tix lâuk uô tus sêiz car chiê chêx chôngk têx đoàn viên hluôk nênhs tsi muôx hâux lưv uô hâur jos sik đros phuôv tsar kinh tế chuôz zis. Txos nhiv no, tưz muôx 15 lênhx nênhs cxaz chuôz đros ntâu trâur nuv li: chos txir thênhx caz, txir lưk, tu zus njês; puz ntiêr têx zav meir li meir grus ar, meir heir liêx...Cxôngx “Qơư hluôk nênhs sik côngv paz uô nox uô hâuk” muôx phênhv sâu 100 tsov đeiv ntâu iz shôngk. Tix lâuk Nông Văn Đạt, lênhx nênhs nhoz hâur câu lạc bộ puz pâuz:

          “ Cxaz chuôz têx paz hluôk nênhs sik paz max uô nox uô hâuk tiv iz tâu cơưv shâuv têx lênhx nênhs txơưr hâur câu lạc bộ, tiv oz zos tâu hlôngr yiêz khoa học tsưr ziv uô yax six”.

          Tix lâuk Dương Văn Thu nhiv no tsênhv zos iz lênhx nênhs tâu đoàn viên hluôk nênhs hâur jos, xã njênhs njôngr tuôx cơưv shâuv tsưr ziv tu zus njês, chos jôngr....Lênhx tưs xar cơưv shâuv tix lâuk puôr lênhx jông siêz heik kriê têx chinhz zênhv zuk muôx tâu... Tix lâuk Hoàng Trung Chinh, bí thư huyện đoàn Lục Yên, tỉnh Yên Bái heik lok đoàn viên Dương Văn Thu li no:

          “ Đros thiêz đoàn viên Dương Văn Thu zos iz đeiv iêr chi cax lul hâur sik paz max phuôv tsar kinh têr thiêz chêx chôngk têx hluôk nênhs. Thôngz đhâu têx jiês khiêz phêv BCH krêz đar, huyện đoàn tưz heik kriê lênhx nênhs no txos têx cơ sở đoàn chiê tuôx cơưv shâuv uô lơưr đồng chí Thu”.

          Trâur nuv phuôv tsar kinh têr zos tix lâuk Dương Văn Thu uô tus sêiz car, tưz tâu tỉnh đoàn Yên Bái xeir thiêz kruôk zos trâur nuv kinh têr hluôk nênhs jông tas nro tỉnh ntu 2009-2014. Tix lâuk Thu ntâu jiês tâu kruôk, zos iz hâur 10 lênhx nênhs tâu jênhv giải thưởng Lương Định Của shông 2013; tâu trung ương Đoàn khơưk muôz bê sêiz car truôx trâur nuv “Qơư hluôk nênhs sik côngv paz uô nox uô hâuk”, tuêv sik hux jos, Hợp tác xã hluôk nênhs jông tas nro têz qơưk shông 2014. Thiêz shông 2016, tix lâuk tâu tỉnh đoàn Yên Bái xeir zos iz hâur têx lênhx nênhs jông uô lơưr Hloz Hôx li lul heik kriê./.

                                         (Thừa Xuân- Txâur Vax cxeik nhênhv)