Yên Bái: Hlôngr yiêz ntâu hâur cxiv tsa jêx jok yiêz nhoz Văn Yên

Ntơưv xã An Thịnh, huyện Văn Yên, uô ntêx thâuv uô tsaz yênhx jêx jok yiêz, phênhv ntâu têx cêr mul lok hâur jêx jok ntơưv jok li: Cây Đa, Lạc Hồng, Khe Cỏ....; têx cêr muk trâu têx đras liêx puôr lênhx lok six mê thiêz grêiv, tsi mul lok hlo. Chênhr viv li, xã xav tinhv cêr mul lok jêx jok zos iz hâur têx hâux lưv zuôr trâus uô uô ntêx hlo hâur cxiv tsa jêx jok yiêz. Xã tưz tsưr tsix cơưv tsôngv box sđ ntơưv têx jok muôx cêr mul lok đhâu, tiz jông fuô kriê têx tsưr ziv lok cxiv tsa jêx jok yiêz. Thâuv tsôngv box sđ tưz pâuz tsênhz, pov tâu têx muôx liv hâur cxiv uô cêr jông mul lok, ntâu chuôz zis tưz jông siêz hlo ntor têx shôngz ntông, muôz zuk têx lax caz yêv chiê tsês ar trâu krêz uô cêr đar jông mul lok. Lar heik li niêv lâuk Vương Thị Rớt chuôz zis thâuv krêz đar txox cêr mul hâur jêx jos Cây Đa-Lạc Hồng, chuôz zis tsi tiêk muôz 260 xưv phaz ar têz trâu uô cêr mak tsênhv jông siêz ruôr zuk iz qar tsêr nhoz chiê trâu cxiv uô cêr mul lok cov ndax. Niêv lâuk Vương Thị Rớt heik:

“Cur chuôz zis xar, txox cêr no  uô tâu tiêr, jông hur si trâu  cur chuôz zis thiêz sđ. Heik cxuô zos chiê trâu tsôngv box sđ hâur jok muôx cêr jông mul lok thiêz zôngx ziv đuô trâu cur chuôz zis viv li tưz jông siêz ruôr, tsês ar trâu cxiv uô đar cêr cov zôngx ziv mul lok đhâu”.

Yuôr ntơưv xã Đông An, xav tinhv luôs hâux lưv gra siêz phênhv sâu tâu trâu tsôngv box zos tsưr ziv, hâux lưvv uô ntêx ciês hâur cxiv tsa jêx jok yiêz. xav tưz njuôk hov tâu thax tsav uô têx zav kôngz li: Qơư chos ntông cuiv fix lok zos đâux txis, qơư uô têx kôngz chiv ntux tsâus sâuv têx liêx têz uô 2 chiv blêx, qơư chos tâux trâu tsiêx cxu nox, qơư công nghiệp....chiê nzaz nzơưv têx muôx jông lok sâuv têx ar têz thiêz uô kôngz sâu tâu nju. Đhâu ntơư, tưz uô yênhx iz cxiê trâur nuv tâu trơưk tsưr ziv li: Trâur nuv chos tsơưz tênhv liêz, trâur nuv tu zus luôr, tsiv kôngz-jôngr nuv.... Txix têx uô tâu trơưk têk ntơư, xã sir jos txos shông 2019 uô cov tâu 100% têx luôs hâux lưv lok cxiv tsa jêx jok yiêz, tsar ndê phênhv sâu tâu trâu lênhx nênhs xav kror đruôz iz lênhx tâu txix 45 tsov đeiv lok shông 2020. Zơưv Trần Xuân Ngọc, Bí thư Đảng ủy xã Đông An, huyện Văn Yên heik pâuz:

“Chiê uô tâu luôs hâux lưv huôv tsar kinh tế, XH cux li gra siêz phênhv sâu tâu trâu tsôngv box txos shông 2020 tâu 45 tsov đeiv iz lênhx nênhs iz shông, BCH Đảng ủy sir jos trâu luôs hâux lưv hlôngr yiêz têx tsoz chos, tsưr ziv huôv tsar uô nox. Lar heik, moz siêz txos chos thiêz tu jông têx  ntông nox txir, chos tsơưz, chos kriêr. Iz chas ntơư cux muôz jông six hơưv trâu uô têx nuv txơưr đuô”.

Đhâu 6 shông ntâu uô luôs hâux lưv cxiv tsa jêx jok yiêz, đros tsưr ziv “Têz qơưk thiêz tsôngv px sik đros uô”, txos nhiv no, huyện Văn Yên tưz muôx 5 xã uô tâu hâux lưv cxiv tsa jêx jok yiêz zos Đại Phác, Yên Hưng, Đông Cuông, Xuân Ái, Yên Phú thiêz njuôk xav zuôr suôx câuv trâu shông no, huyện zuôr muôx nzir 2 xã uô tâu luôs hâux lưv co thiêz zos xã Yên Hợp, An Thịnh. Iz chas ntơư, huyện tsênhv muôx 5 xã uô tâu txix 10-15 luôs hâux lưv, tsi yuôr xã tưs uô tsi tâu 5 luôs hâux lưv hlo. Co chênhr zos huyện sir jos chox kriê hâur fuô uô têx hâux lưv cxiv tsa jêx jok yiêz, cux li cxuô pênhr paz trâu têx xã hâur fuô uô têx hâux lưv ntơư, lar heik zos chor xã uô tâu tiêr nzor têx nuv sâuv. Zơưv Hà Đức Anh, phưv Chủ tịch ủy ban huyện Văn Yên, tỉnh Yên Bái heik pâuz:

“Têx xã nhoz hâur cxiv tsa jêx jok yiêz nhiv no, huyện tsênhv cxơưz sei uô iz cxiê luôs hâux lưv zos têz qơưk txơưx jênhv yưv pênhr uô li: Cxiv uô ciêz, yar tiêx uô si lok sik qơư trâu têx vuôz tsuôz, kiêk nênhs. Iz chas ntơư, cux sir jos trâu uô têx hâux lưv zos hâu nov ntơưv qơư thiêz tsôngv box txơưx jênhv, hâux lưv chiê sir jos cov iz shông huyện zuôr muôx 3 xã uô tâu hâux lưv cxiv tsa jêx jok yiêz”.

Đros thiêz hâu nov ntơưv qơư têx cêr moz siêz, tsôngv box sđ thôngx ziv, sik côngv tês, huyện Văn Yên tsênhv sir jos cov nzor yênhx iz hâur têx huyện xuz thơưx hâur tỉnh Yên Bái uô tâu luôs hâux lưv cxiv tsa jêx jok yiêz./.

(Thừa Xuân-Riê Lâux cxeik, nhênhv)

Têx ntâuz ntơưr tsuv muôx chiê tror uô đuô Đăngk cir yêz ô tô

Fôngx zưs Cà Văn Thanh nhoz thành phố Sơn la nus: Thâuv muk uô hâux lưv lok cur uô cur luz hnaz pôngz, viv li cur têx ntâuz ntơưr cux pôngz tas, hâur co muôx ntơưr đăngk cir yêz ô tô. Zos li cur thor nus tiêk têx ntâuz ntơưr tsuv muôx chiê uô đuô đăngk cir yêz ô tô li chak? Thor ho paz kriê trâu cur. Cur thor uô tsâus ntâu!

Uô tsâus cox tưz muôx luk nus tuôx txos pêz pêz phênhv nus thiêz têz lok pháp luật, đros cox lo luk nus mak pêz têz li đrav kaz trâu cox pâuz:

Tsưr yêz tuôx trâu Phòng cảnh sát zoz thôngz huyện, tỉnh, TP nhoz Trung ương qơư tưz uô ntơưr đăngk cir yêz uô ntêx tsik pov muôx iz cxiê ntâuz ntơưr li đrav kaz:

- Zos têk zos tiz nênhs nhoz Việt Nam:

+ Muôx ntơưr CMND. Zos ntơưr CMND lok sik qơư nhoz sâu hâur CMND tsik huv đros li qơư nhoz sâu hâur ntơưr đăngk cir yêz mak muôz ntơưr sổ hộc khẩu…

+ Muôx nênhs sơưr thơưx cơ quqn, taz viv uô côngz xưv li ntơưr hêik trâu luôs pâuz, đros ntơưr chứng minh Công an lok sik Quân đội; zos tsik li mak tsuv muôx tơưr tâu nênhs sơưr thơưx cơ quan, taz viv uô côngz xưv li xav jênhv.

+ Thể shux xênhz cơưv hệ tsêx trung txix 2 shông tror sâur hâur chor tsêr cơưv Trung cấp, cao đẳng, địa học, học viện; lok sik tsêr cơưv ntơưr li ntơưr paz hêik trâu luôs pâuz.

- Zos tiêk zos nênhs Việt Nam nhoz saz đrâuv têz qơưk uô nênhx nhoz thiêz uô hâux lưv ntơưv Việt Nam, mak muôz sổ tạm trú lok sik sổ hộ khẩu thiêz hộ chiếu (tsiv yuôr six hơưv) lok sik têx ntâuz ntơưr txơưr đuô muôx tsiv gri hlôngr trâu Hộ chiếu.

- Zos têx cơ quan, tsưr tsix Việt Nam:

+ Nênhs tuôx uô đặng cir yêz muôx ntơưr CMND đros nênhs sơưr thơưx cơ quan, tsưr tsix li ntơưr hêik pâuz.

+ Doanh nghiệp liên doanh lok sik doanh nghiệp 100% muôx pênhr saz đrâuv têz qơưk, văn phongx hlôngr njêx muôs, doanh nghiệp saz đrâuv têz qơưk uô nox ntơưv việt Nam, chor tsưr tsix phi chính phủ, nênhs tuôx đăngk cir yêz muôx ntơưr CMND thiêz ntơưr hêik pâuz; zos tiêk tsưr tsix co tsik muôx ntơưr hêik pâuz mak tsuv muôx cơ quan sêiz car thênhv siêz li ntơưr hêik pâuz.

Tsưr yêz chiv chir sâu cxuô kror hâur ntơưr thor đăngk cir yêz lơưr ntơưr công an muôz./.

(Thanh Thủy-Lik Thox cxêik nhênhv)