Jax sâu thưr 6 hnuz 3/3/2017

Đônx pênhz phax Nậm Nhừ, tỉnh Điện Biên uô jông hâux lưv njuôk moz trâu px

     Nậm Nhừ nhiv no cux zos iz hâur chor xã txov nhêv tiv zix huyện Nậm Pồ. Tas nro xã muôx 496 ziv chuôz zis, đros xar muôx 3.000 lênhx nênhs, kinh tế tsuôk khov trâu kôngz nuv. Thax tsav, cêr muk lok phiv liv, viv li txos nhiv no xã cux tsênhv cxiv uô tsik tâu tâu trạm y tế. Viv li, iz jiês trâus muôx moz gênhs, pêx xênhv ho tuôx trâu chor cán bộ, chiến sỹ Đônx pênhz phax Nậm Nhừ chiê njuôk kho. Iz shông tsik so muôx yênhx puô lênhx nênhs moz tuôx trâu Đônx pênhz phax Nậm Nhừ chiê tâu njuôk kho. Ciês shông 2016, taz viv tok jênhv 270 lênhx nênhs tuôs njuôk shuôk, kho moz, muôz yuôx. Cxaz chuôz sêiz Đại úy Lò Văn Chính, cán bộ quân y hâur đônx li iz jiês njuôk shuôk moz trâu pêx xênhv, pêz jênhv tâu lênhx cưk yuôx bộ đội pênhz phax no li siêz tsês trâu pêx xênhv.

    “Mê nhuôs no tsênhv trâus moz cuz hnôngk. Viv li mak nhiv no mê nhuôs tsênhv cuz, viv li tsuv hli trik yo cov mê nhuôs tsik you cuz. Thiêz hlôngr têx khâuz ndơưk nhiêk trâu mê nhuôs hnar. Hok no zos yuôx nox. Iz luz li no mak muôz phêiz uô oz jiês nox hâur iz hnuz. No gra yuôx muk”.

    Hax zav tso siêz đuô thâuv tâu pâuz, tas nro chor yuôx muôz trâu pêx xênhv co puôr lênhx zos phêiz txix chor yuôz muôz trâu cán bộ, chiến sỹ hâur taz viv. Tiv tsik muôx trạm quân dân y sik côngv, yuôx tsuôk tâu muôz txâuk chor nênhs hâur đônx, viv li taz viv chor yuôx tâu jênhv yênhx shong lok six tsơưs. Txơưv chor yuôx tsơưs, taz sik đros zos lênhx bộ đội lâul Hôx, txơưx jênhv thiêz siêz jông đros pêx xênhv, sơưr đơưk puôr lênhx đros phêiz kênh “Pêx xênhv đas jos cux zos zuk đas jos’. Viv li, iz luz yuôx nhoz xã tox siêz Nậm Nhừ nhiv no hax ziv tsiv gri đuô. Thiếu tá Lò Văn Ván, chính trị viên đônx pênhz phax Nậm Nhừ, huyện Nậm Pồ, tỉnh Điện Biên hêik:

    “Xã nhiv kruôr tâu phêiz viv li cxiv uô tsik tâu tâu qơư y tế chiê njuôk shuôk moz trâu pox nhuôs cxuô mênhx cxưx sâuv thax tsav. Viv li đros thiêz chor yuôx muôz chiê phưx vưv trâu cán bộ, chiến sỹ hâur uô jênhv vưv, pêz cux tưz phêiz kênh iz phênhv chor yuôx co chiê njuôk shuôk moz trâu pêx xênhv. Hâur ntu đhâu, pox nhuôs sơưr đơưk cux tsik so tuôx đônx pênhz phax chiê tâu njuôk shuôk moz thiêz muôz yuôx”.

    Tưz tsik zos phêiz kênh chor yuôx kho moz thâuv nênhs moz tuôx txos taz viv, hâur iz jiês muk tiv phaz chiê nriêr pâuz qênhx shênhx, chor cán bộ chiến sỹ puôr lênhx muôx nzir iz jênhv vưv zos cán bộ quân y. Đros têx chuôz zênhx muôx, lơưr cux bax đros iz chor yuôx, chiê njuôk shuôk moz thiêz muôz yuôx trâu pox nhuôs. Txơưv chor yuôx tsơưs xưz taz sik lơưr cux pâuz tiêk co zos têx phêiz kênh, zos tas nro chor lính lênhx cưk yuôx pênhz phax li siêz paz. Zơưv Pao Xênhv Shôngx, pêx xênhv nhoz jok Nậm Nhừ 3, xã Nậm Nhừ, huyện Nậm Pồ, tỉnh Điện Biên hêik:

   “Cur zênhx sưv đros muôx moz mak tuôx trâu cán bộ pênhz phax. Thâuv tưs lơưr cux njuôk shuôk thiêz muôz yuôx. Lơưr siez jông hênhr’.

      Têx kror hâux lưv zâu taz sik lok six jông, tsênhv niêx hnuz muôx nhoz qơư ntus đriv Nậm Nhừ. Lơưr-chor lính-chor cưk yuôx cux tsênhv niêx hnuz, yênhx six hơưv uô tiêr jông jênhv vưv chính trị tâu choz zok thiêz taz por đas jos trâu pêx xênhv sâuv thax tsav. Txix co paz uô trâu pêx xênhv truôx siêz, njênhs đuô trâu Đảng, têz qơưk. Tsuôk vav tiêk ntu zuôr txos, Trạm y tế xã Nậm Nhừ zuôr nzor tâu cxiv uô chiê tsoz phưz đas jos trâu pêx xênhv, chiê lơưr truôx siêz bo sêiz jor, por vêv ntus đriv têz qơưk./.

(Hữu Lợi-Lik Thox cxêik nhênhv)

Phênhv thưr 6, hnuz xiêz 3/3/2017:

PHÊNHV TSÊNHV CHEI THIÊZ LUZ NÊNHX 2

Tênhx qơư muk uô hâux lưv saz đrâuv luôs 2 chas têz qơưk: Lênhx nênhs lox tôngv xeir tsov muk li chas?

      Tsôngv box….! Lok six ntâu lênhx nênhs siz zâuv zok nriêr muk trâu Hàn Quốc lok sik xeir muk trâu têx têz qơưk châu Âu, Úc, Canađa, Mỹ…… txơưv pâuz tiêk, lok six lax chiê muk tâu trâu têx têz qơưk heik sâuv.

Zok nriêr tênhx qơư huv đros:

    Seiz cxuô, chiê muk tâu uô hâux lưv trâu têx têz qơưk muôx phênhv sâu tâu siêz, nênhs lox tôngv tsuv muôx txux chi tsưr ziv jông (ntơư zos txơưx uô nuv, cơưv tas ntơưr siêz….) thiêz pâuz heik têx luk saz đrâuv luôs 2 chas têz qơưk li uô tâu hâux lưv. No zos kror lax uô tâu hâur ntu nhiv no, chiê uô tâu li heik ntơư, nênhs lox tôngv tsuv đhâu thox cxov tsơưs tsơưs 18 luz hlik đros trâu têx nhiêx khiêz cơưv tsưr ziv uô nuv, luk saz đrâuv luôs 2 chas têz qơưk thiêz têx nhiêx khiêz txơưr đuô.

    Tsưr ziv jông yax zos tsuv xeir trâu zuk  tênhx qơư fiv đros. Trung Đông tâu seiz zos qơư jông chiê trâu ntâu lênhx lox tôngv tox siêz VN muk uô hâux lưv saz đrâuv têz qơưk. Têx têz qơưk li: Ả Rập thôngx ziv ( UAE), Qatar, Ả Rập Saudi zos 3 têz qơưk hâur thax tsav Trung Đông lênhk nhav nênhs lox tôngv VN ntâu yax muk uô hâux lưv. Zos têx têz qơưk Ả Rập Saudi thiêz Qatar zuôr trâus ntâu lênhx lox tôngv uô hâux lưv cxiv tsa mak nhoz têz qơưk Ả Rập thôngx ziv, suôv qơư muôx Dubai, iz thành phố to bê lus nhoz  châu Á, ho zuôr trâus txos ntâu lox tôngv uô têx nuv txơưr đuô li: Nhênhz chơưv, kỹ thuật…..

     Muôx têx khav tinhv hâur ntu nhiv no, Trung Đông tsênhv zos tênhx qơư jông chiê hu zâuv ntâu lênhx nênhs lox tôngv muk uô hâux lưv, viv phênhv sâu tâu cux siêz, xav kror đruôz đraz tâu txix 500 USD txos 800 USD iz hlik iz lênhx lox tôngv zos uô têx nuv li: hav tênhv, hav, đhok têx kuôr hlâu thiêz 350 USD txos 500 USD iz hlik iz lênhx lox tôngv  phưv thôngz thiêz uô têx hâux lưv cxiv tsa, iz chas ntơư têx nhiêx txiêx zôngv xuz thơưx thêv trâu têx uz têx no tsuôk tas muôx 1.500 USD txos 2 cxênhz USD iz lênhx nênhs. Nzir trâu ntơư, nênhs lox tôngv tsênhv sơưv têx chei paz li: Lênhx tsưr zuôr nênhs lox tôngv uô hâux lưv co tsênhv zuôr ntơưr yêz za mul lok trâu nênhs lox tôngv thiêz lar heik zos hâur ntu nox nhoz, uô hâux lưv ntơư, nênhs lox tôngv tsi trâus thêv têx nhiêx sê uz no hlo.

    Iz chas co, tsênhv heik txos têx tênhx qơư li Nga-Lơưr têz qơưk zuôr trâus txos ntâu lênhx nênhs uô têx hâux lưv li: Xơưs tsôngk trik yo, paz uô têx hâux lưv hâur tsêr, uô hâux lưv lênhk tok kruô ntơưv têx tsêr kruô….zos tênhx qơư muôx phênhv sâu tâu cux tsi tsơưs, fiv đros trâu sơưr đơưk, tsưr  ziv xeir tsov cux tsi yuô uô đrux, seiz mak jông trâu têx lênhx lox tôngv tox siêz hâur pêz têz qơưk muk uô hâux lưv.

     VN tsưr ziv tso nênhs lox tôngv muk uô hâux lưv saz đrâuv luôs 2 chas têz qơưk ziv hnuz ziv krêz đar tso muk trâu ntâu têz qơưk thiêz thax tsav, muôz nzir six hơưv trâu nênhs lox tôngv muk uô hâux lưv. Lar heik zos nênhs lox tôngv tsuv xeir tsov li chas cov fiv đros chiê txo grêk tsơưs yax têx tsi jông trâu zuk xưz./.

                                                                                         (Thanh Thủy-Riê Lâux cxeik, nhênhv)