Jax sâu thưr 2 hnuz 3/4/2017

Kon Tum: Chor tuz lênhv hluôk đros phongz yaox cxiv tsa jêx jok yiêz

    Tưz ntâu hmo, lâul jok A Djon, nhoz jok Đăk Lung, xã Kon Đào, huyện Đăk Tô cux pư tsik tsâus jos, tsưr ziv xar njôngr tiêk, tsuv uô li chas cov uô tiêr txox cêr jêx jok yiêz, zos đrêiv li luôs haux lưv xã tso tơưv. Lơưr lâul jok li njuôk xav, chiê uô tâu txox cêr bê tông ntêr 600 thiêr, đar 3 thiêr, tsuv muôx yênhz cxênhz lênhx công nhân. Hok thâuv co pox nhuôs hâur jok muôx tsik chôngz lênhx nênhs, iz cxiê nênhs mak tsuôk pâuz tuôr triêv txuôk luôx têz, nhiv no cor txos suôz jêz, poz jêz, xi măng, têx jâuv zuôr tsik pâuz uô. Lâul A Djon li cêr cxơưx tưz tâu đơưk thâuv thượng úy Lê Khắc Hoa, sêiz car qơư uô xênhz yar nhoz Phongx tuôr nhiêx Sư đoàn 10 tuôx paz. Đhâu iz zar hnuz kêix sêiz lax, têik cik hnuz tov kaz, 25 lênhx  cán bộ tuz lênhv tuôx jêx jok paz pêx xênhv uô cêr muk lok. Lax hêik tâu tas lâul jok A Djon li cêr shir phaz:

  “Pox nhuôs tsik muôx tsar tov chiê zuôr xi măng, zuôr poz jêz, suôz jêz. Muôx têz qơưk paz mak zuk tsuv sir jos uô. Muôx bộ đội paz mak iz zav zuk uô zuôr tas oz hnuz, sik tsuôk uô hâur iz hnuz xưz. Kror co mak shir phaz. Uô tsâus cán bộ tưz paz trâu pêx xênhv”.

  Hâur 2 xã tưz uô tiêr jêx jok yiêz zos Tân Cảnh thiêz Diên Bình, huyện Đăk Tô muôx chor cán bộ, chiến sĩ Sư đoàn 10-Quân đoàn 3 li têx paz. Lơưr muôx njêx muôs, paz pêx xênhv, paz chính quyền xã sâuv cxuô kror. Txix yax kriê, hêik tsôngv box nox nhoz huv vêv xênhz, tso tsês têx phongx cxưx pôngz kaz…tuôx paz pêx xênhv kriz phaz uô liêx đêx, kho đuô vax tsêr, uô cêr muk lok, tuôr truôx ngaz tuk… Khov co chor xã truz lur đuô six hơưv uô tiêr 19 luôs hâux lưv cxiv tsa jêx jok yiêz. Kror tsuv hêik zos thâuv muk tiv phaz, tas nro chor cán bộ, chiến sĩ sư đoàn 10 puôr lênhx tsov cưv txos pêx xênhv, jê pêx xênhv, pâuz pêx xênhv, cơưv pêx xênhv thiêz muôx txơưx jênhv trâu pêx xênhv”, sêiz paz pêx xênhv zos lênhx lính li cêr shir phaz. Chiến sĩ Lao Tiến, phòng Hậu Cần, sư đoàn 10 puz pâuz:

   “Đros cur mak paz pêx xênhv uô trâu cur lok six shir phaz. Paz tâu pêx xênhv cur lok six tso siêz. Cur zuôr paz pêx xênhv uô têx hâux lưv hnhar nhoz tiv phaz no. Cur zuôr paz pox nhuôs hla đhâu têx phiv liv hâur luz nênhx”.

   Muôx iz kror lok six zôngx ziv jênhv pâuz, co zos kror tưs muôx cán bộ, chiến sĩ sư đoàn 10, kror qơư co muôx hlôngr yiêz hênhr. Xưk nhoz xã Kon Đào, sư đoàn tưz paz yênhx cxênhz hnuz côngz uô lox tôngv paz uô tiêr sêi đuô txox cêr bê tông jêx jok ntêr 12 cêik cêr; cxiv uô oz tuk qox lav muk thiêz paz trâu pêx xênhv hâur xã ntâu hâux lưv chiê gra siêz luz nênhx, xưk li hlôngr yiêz liêx têz; paz zuz nôngz, pênhr, kỹ thuật; kho đuô tsêr cơưv ntơưr, vax tsêr…Lok têx paz co, zơưv Lê Văn Quân, Chủ tịch UBMTTQ Việt Nam xã Kon Đào puz pâuz:

   “Lưx lươngv sư đoàn 10, Quân đoàn 3 cxaz chuôz lok six chôngz. No zos iz hâur chor lưx lươngv lok six zov chênhr paz trâu pox nhuôs lok six ntâu hâux lưv. Tưz tsik zos cêr muk lok, qox mak tsênhv paz trâu pox nhuôs tas nro lok huôv tsar kinh tế”.

   Sir jos đros uô, muôx chêx cur, co zos kror mak phongz yaox “Quân đội côngv jos đros cxiv tsa jêx jok yiêz” tưz thiêz tsênhv muôx nhoz tỉnh Kon Tum. Hâur co, cán bộ, chiến sĩ sư đoàn 10-Quân đoàn 3 tưz zos yênhx chính quyền thiêz pêx xênhv tiv phaz li qơư khov vav thiêz njênhs njôngr./.

(TTTN-Lik Thox cxêik nhênhv)

Phênhv thưr 2, hnuz xiêz 3/4/2017:

Mông Sơn: Đảng uô ntêx nyuôs-tsôngv box jông siêz, thôngx ziv  uô trơưk

   Đảng bộ xã Mông Sơn, huyện Yên Bình nhiv no muôx 142 lênhx đảng viên, xênhz huôx nhoz 12 chi bộ, hâur ntơư, muôx 10 chi bộ jok. Xav tinhv tsưr ziv, hâux lưv uô cov yênhx xã jêx jok yiêz lok shông 2017, luôs hâux lưv fuô uô tưz tâu Đảng ủy xã cxiv uô tsênhv tsênhz, đros trâu hâux lưv vênhv tôngv tsôngv pêx xênhv sơưr đơưk tsưr tsix uô lơưr têx luôs hâux lưv, tsi nhoz, tsi tok txos têz qươs.

   Six hơưv fuô uô, xã Mông sơn xav tinhv tsênhv njiêz zov chênhr yax zos gra siêz tsôngv box thiêz tas nro cxix luôs chính trị li txux chi, tsưr ziv jênhv  pâuz lok têx muôx liv, zov chênhr hâur cxiv tsa xã jêx jok yiêz. Hâur ntơư, chêx tsôngk trâu cxiv tsa cxix luôs chính trị truôx, sir jos uô jông hâux lưv choz kriê têx tsưr ziv uô nuv, cêr uô nênhx trâu canr bôv , đảng viên paz gra siêz sơưr đơưk txux chi tsưr ziv hâur uô tiêr cxuô luôs hâux lưv lok cxiv tsa jêx jok yiêz.

   Lar heik hâur cxiv tsa jêx jok yiêz nhoz Mông sơn zos phôngz yaox  uô cêr mul lok jêx jok. Zos xưk li đrav ntêx, heik txos thax tsav qơư no, tsi tsơưs lênhx tưz heik txos têx cêr mul lok phiv liv viv yar ntux pa ar pâus, ntux nas mak bluô, taz sik nhiv no, 12 cêik cêr mul lok jêx jok tưz tâu cxiv uô yiêz thiêz luôv xuôz jêz tâu 80%, zôngx ziv muk lok.

   Uô tâu têx li heik ntơư, zos muôx têx canr bôv, đảng viên uô ntêx nyuôs thiêz tsôngv box jông siêz, thôngx ziv đros côngv tês uô. Iz chas uô jông luôs hâux lưv yax kriê, vênhv tôngv, taz por uô tâu trâu sơưr đơưk đros pâuz, đros pov, muôx cêr thôngx siêz hâur tsôngv box mak têx canr bôv, đảng viên luôs hâux lưv uô ntêx nyuôs, heik tâu, uô tâu muôx pưs txux lok six zov chênhr.

   Txos nhiv no, tsôngv box sơưr đơưk hâur xã tưz muôz 5 cxênhz xưv phaz ar têz chiê cxiv uô cêr mul lok jêx jok, têx doanh nghiệp hâur thax tsav paz 16 cxênhz ntâu yiv đruôz poz jêz cxuô zav chiê lênhv puô cêr mul lok. Khov li ntơư, hâux lưv uô cêr mul lok jêx jok- zos iz hâux lưv phiv liv uô yax, taz sik tưz uô tâu tiêr nzor txix ciês shông 2014.

   Iz chas ntơư, hâux lưv cxiv kho, uô đuô tsêr vênhx huôv cux tâu canr bôv, đảng viên thiêz tsôngv pêx xênhv sir jos paz thiêz uô. Txos nhiv no, tas nro xã tưz cxiv uô yiêz 100 luz tsêr vênhx jêx jok tâu trơưk têz qơưk tsưr ziv....

Têx shuôz njêl uz no hâur pak đêx Thác Bà cux tâu tsôngv box krêz ntâuk muôz tâu trơưl têk, têx ziv chuôz zis ntâuk muôz têx shuôz njêl puôr lênhx tâu côngz ntơưr tso chei, tâu yax kriê lok sâuv por hưv têx đêx, shuôz njêl; li ntơư, niêx shông ntâuk muôz shuôz njêl tâu truôx tuk, muôx phênhv sâu tâu siêz trâu tsôngv box.

   Zươs Lương Xuân Hạnh-Bí thư Đảng ủy xã Mông Sơn heik pâuz: "Cxiv tsa jêx jok yiêz nhoz Mông Sơn, iz chas têx lênhx đảng viên uô ntêx nyuôs hâur cxuô luôs hâux lưv, moz siêz paz cxiv tsa, mak Đảng bộ cux phênhz cônhz yênhx lênhx nênhs hâur Ban chox kriê tsaz yênhx lok cxiv tsa jêx jok xã Mông Sơn muôx vax huôv seiz car, cux li tsưr tsix uô iz kro nuv jux juk, phênhz côngz tsênhz mênhx têx hâux lưv uô trâu xã, trâu jok, trâu tsôngv box thiêz muôx six hơưv tsênhv tsênhz trâu uô cov tiêr têx hâux  lưv zok muôz"./.

(Báo Yên Bái-Riê Lâux cxeik, nhênhv)