Jax sâu thưr 5 hnuz xiêz 3.9.2015:

HUYỆN PLUÔS KBANG BAX TRÂU SHÔNG CƠƯV YIÊZ

          Tsêr cơưv phổ thôngz mênhx cxưx niêv txir zus mor cấp 1 Đăk Roong nhoz thax tsav tox siêz xã txov nhêv Đăk Roong, kuôk tsênhv qơư huyện Kbang muôx nhos 70 cei cêr. Tsêr cơưv tâu yênhx lix kuôk nor 4 shông lơưr trâur nuv tsêr cơưv niêv txir zus mor taz sik tsênhz mênhx mak zos tsêr cơưv nội trú, viv phênhv ntâu hâur 300 lênhx shux xênhz mênhx cxưx Ba Na puôr lênhx nhoz ciês ntơưv tsêr cơưv cxôngx hnuz thưr 2 txos thưr 6. Qir tiv zos viv têx mê nhuôs shux xênhz tsuv mul tơư 10 cei cêr ntâu thiêx li tuôx txos tsêr cơưv. Chiê paz shux xênhz, tsêr cơưv tưz huiz tôngv tâu ntâu pênhr jos hâur thiêz đrâuv tỉnh, cxiv tsa qơư nox nhoz trâu shux xênhz. Têx luz hlik ntux lol nas tsi so, shux xênhz tsuv nhoz 2 ciêz, muôx têx nhoz yênhx luz hlik thiêx li tâu lol tsêr iz jiês. Uô ntêx hâur shôngk shông cơưv yiêz 2015-2016, tsêr cơưv tsênhv sir jos muôz siêz, kho đuô têx tsêr uô mor nox, phongx so, phongx cơưv ntơưr đros têx theox chênhv zuôr trâus txơưr chiê tos shux xênhz. Zơưv Phạm Quốc Tuấn, Hiệu trưởng tsêr cơưv phổ thôngz mênhx cxưx niêv txir zus mor cấp 1 Đăk Roong, xã Đăk Roong, huyện Kbang, tỉnh Gia Lai puz pâuz:

Băng: “ Chiê bax trâu shông cơưv yiêz, tsov lơưr chor shux xênhz njuôs xav qơư nox nhoz, xênhz huôx tsêr cơưv tưz bax uô cxôngx hâur hlik hli 7. Yưv pênhr krêz đar cxuô theox chênhv. Txos six hơưv no pêz tưz taz por tas nro cơ sở cxuô zav chiê tos shux xênhz tuôx cơưv ntơưr”.

          Tsêr cơưv cấp 1 Sơn Lang, nhoz xã thax tsav 3 Sơn Lang, shông cơưv yiêz no muôx 100 ntâu shux xênhz mênhx cxưx Ba Na zuôr nox nhoz thiêz cơưv ntơưr ciês hâur tsêr cơưv, tsav muôx nhos 30% shux xênhz hâur tas nro tsêr cơưv. Phênhv ntâu têx mê nhuôs shux xênhz muôx luz nênhx txov nhêv, tsêr nhoz tsi jê tsêr cơưv ntơưr. No zos shông xuz thơưx tsêr cơưv tâu tỉnh Gia Lai thôngz đhâu paz txưv têx shux xênhz nox nhoz thiêz cơưv ntơưr ciês ntơưv tsêr cơưv. Txơưv tiêk cơ sở cxuô zav tsênhv txov nhêv, cán bộ, cưk kriê tưz sir jos bax cxix cxuô têx theox chênhv trâu shông cơưv yiêz. Pos Nguyễn Thị Phượng, hiệu trưởng tsêr cơưv cấp 1 Sơn Lang, xã Sơn Lang, huyện Kbang, tỉnh Gia Lai heik:

Băng: “ Bax trâu shông cơưv yiêz 2015-2016, tsêr cơưv tưz kho đuô cơ sở cxuô zav, lớp cơưv...chiê tos shux xênhz tuôx cơưv. Lok cơ sở bax trâu 100 lênhx shux xênhz nox nhoz thiêz cơưv ntơưr ntơưv tsêr cơưv cux tâu uô jông, tsêr cơưv cux xeir zuôr lênhx nênhs phưx vưv, tsoz phưz trâu têx mê nhuôs shux xênhz”.

          Đros thiêz nganhx zaoz zux li sir jos, chiê bax trâu shông cơưv yiêz, ntơưv ntâu xã thax tsav tox siêz huyện Kbang tsênhv muôx chôngz têx lênhx nênhs jông siêz, shux xênhz li niêv txir paz txưv. Cxuô lênhx nênhs sik đros kho đuô lớp cơưv, thôngx cxix chos jâuz, tu zus keiz, buô...chiê shux xênhz cơưv ntơưr, nox nhoz ciês ntơưv tsêr cơưv. Niêv lâuk Nguyễn Thi Trúc Phương, tsar đoanx têx lênhx nênhs jông siêz cxôngx TP HCM tuôx huyện Kbang paz txưv nganhx zaoz zux bax trâu shông cơưv yiêz heik:

Băng: “ têx shux xênhz nhoz no tsênhv txov nhêv cxuô zav. Cur nhoz Sài Gòn tuôx pov zuk tsuv paz max têx shux xênhz lok chuôz zênhx, chinhz yênhx. Txơưv tiêk tsi ntâu taz sik co zos cur li siêz jông, viv li pêz sir jos iz shôngk thâuv tror tuôx no zuôr paz tâu mê njik trâu têx cưk kriê thiêz shux xênhz nhoz no”.

          Shông cơưv yiêz no, tas nro huyện Kbang muôx 15 cxênhz ntâu lênhx shux xênhz, cơưv ntơưr ntơưv 53 tsêr cơưv cxôngx tsêr cơưv mê nhuôs zâu txos cấp 3. Đros thiêz thax tsav tox siêz đêz đrôngs, muôx chôngz tsôngv box mênhx cxưx tsơưs nênhs nhoz uô nênhx, huyện li phênhv paz txưv tsênhv kis, têx shôngk đhâu, cấp ủy, chính quyênx têx cấp thiêz tsôngv box sâuv thax tsav tưz sir jos tsoz phưz trâu zaoz zux chiê yênhx trus muôz siêz tsơưr lươngv kriê thiêz cơưv ntơưr. Đros co, chính phủ li têx tsênhv chei tsov cưv txos thax tsav tox siêz, thax tsav mênhx cxưx tsơưs nênhs cux phuôx huiz chêx cuk ntơưv huyện Kbang. Hâur co muôx trâur nuv tsêr cơưv niêv txir zus mor. Shông cơưv yiêz no, tas nro huyện muôx 7 tsêr cơưv niêv txir zus mor thiêz 6 tsêr cơưv muôx shux xênhz cơưv ntơưr tâu nox nhoz ntơưv tsêr cơưv, đros muôx nhos 1.600 lênhx shux xênhz tâu sơưv chế độ. Trâur nuv tsêr cơưv niêv txir zus mor tưz paz huyện tuôr truôx shux xênhz mul cơưv ntơưr thiêz tsơưr lươngv zaoz zux tsi so tâu muôz siêz. Txos six hơưv no, tas nro têx tsêr cơưv hâur huyện tưz uô jông cxuô hâux lưv tos shông cơưv yiêz 2015-2016. Pos Hoàng Thị Quế, phưv tsar Phongx zaoz zux thiêz thox cxov huyện Kbang, tỉnh Gia Lai heik:

Băng: “ Đros thiêz nganhx zaoz zux Kbang mak txos six hơưv no tưz bax cxix cxuô kror chiê tos shông cơưv yiêz. Lok cơ sở chuôz zênhx chuôz tas, cưk kriê ntơưr cux xưk li shux xênhz tưz tâu bax cxix cxuô. Txos hnuz 24/8 zos shux xênhz cấp 2 tuôx cơưv, cxênhx mê nhuôs zâu thiêz cấp 1 mak qir cơưv cxôngx hnuz 31/8, uô trơưk biên chế shông cơưv”.

          Đros thiêz tas nro têz qơưk, huyện tox siêz Kbang, tỉnh Gia Lai, têz qơưk zênhz shôngx Núp tưz truôx siêz trâu shông cơưv yiêz, hâur cấp ủy li sir jos cxuô co, chính quyênx, nganhx muôx txơưx jênhv thiêz tsôngv box  cux tsov cưv ntâu txos zaoz zux./.

                                       (TTTN- Txâur Vax cxeik-nhênhv)

Phênhv thưr 5, hnuz xiêz  3/9/2015:

Lênhx cưk kriê ntơưr moz siêz lul viv shux xênhz, cxiv kho tsêr cơưv ntơưr

Têx lênhx fôngx zưs đros kriê ntơưr uô cê heik, cưk kriê Vũ Mạnh Cường zos lênhx uô ntêx nyuôs hâur cxuô luôs hâux lưv, moz siêz lus viv shux xênhz. Hâur jax pêv thav lok lênhx cưk kriê ntơưr no, thâuv tưs nưk tưz uô iz luz tsov iêr chi cax trâu têx shux xênhz pluôs, sir jos cơưv ntơưr hênhr ntơưv suôv qơư, cưk kriê Cường tưz muôx jiês tâu muk txos, nhoz kriê ntơưr. Iz chas ntơư zos têx lớp cơưv đaz pêk tuôs, lav uô lav cơưv, vor grênhz, xor shôngz, tsi muôx txâuk chuôz zênhx kriê cơưv ntơưr. Têx đuôz, cêr txov nhêv ntơư thâuv tưs tưz uô trâu cưk kriê Cường xar njôngr txos, zuôr uô li chas chiê muôx tâu qơư jông trâu shux xênhz nhoz cơưv, xar muk xar lok cưk kriê Cường tưz iz siêz truôx bo muk thor têx doanh nghiệp, tsưr tsix, nênhs siêz jông, cưr tix nênhx tsa sơưr đơưk chơưv paz chiê têx shux xênhz nhoz tox siêz muôx jông qơư nhoz, cơưv ntơưr, xênhz huôx. Cưk kriê Vũ Mạnh Cường heik:

Băng: “Zuk xênhz thiêz hloz lox nhoz suôv qơư tsôngv box heir nênhs tsơưs, tov kaz no cux uô hâux lưv, kriê ntơưr, nhoz đros tsôngv box heir nênhs tsơưs, zuk pox niêv cux kriê ntơưr ntơưv thax tsav tox siêz txov nhêv. Tsi pâuz shor zos viv li chas, chuôs li zuk lok six hluz chor shux xênhz nhoz tox siêz, xar pheiz kênh têx cêr txov, phiv liv đros shux xênhz. Lênhx cưk kriê ntơưr nhiêx hli tsi ntâu, viv li tưz paz tsi tâu têx shux xênhz. Zuk xar tiêk, zuk sir jos mê njik, moz siêz trâu ntuô trâu luôs hâux lưv, đros thor têx nênhs siêz jông, doanh nghiệp, tsưr tsix siz chos gôngr paz cxiv kho têx tsêr lớp cơưv ntơưr trâu shux xênhz”.

Hmôngr jông, cưk kriê ntơưr Vũ Mạnh Cường têx sir jos ntơư tưz tâu chôngz lênhx tsôngv box, cưr tix nênhx tsa sơưr đơưk jông siêz, đros pheiz kênh, paz nhiêx txiêx cxiv kho, uô đuô. Jux juk têx côngz trênhx tưz tâu cxiv tsa, uô tiêr hâur shux xênhz thax tsav tox siêz cêr jông siêz, shir phaz. Ntơư zos lớp cơưv yiêz nhoz jok Diềm, xã Nghĩa Tâm, côngz trênhx đêx hur ntơưv têx tsêr cơưv cxênhx nhuôs zâu, cxênhx iz thiêz cxênhx 2 xã Suối Bu, xã An Lương; têx qơư seiz, nhênhv ntơưr tsi tas nhiêx ntơưv têx xã: Đại Lịch, Cát Thịnh, Nghĩa Sơn, Nghĩa Tâm; meir tính, meir liv đêx, ntơưr cơưv, ntơưr sâu trâu iz cxiê luz tsêr cơưv txơưr đuô. Lar heik, têx hnuz hâur cheix ntux sor, shux xênhz zuôr so ntơưr nhiv kruôr đhâu tix lâus hâux lưv uô lok six ntâu chiê đros têx lênhx nênhs siêz jông thiêz chor cưk kriê ntơưr hâur tsêr cơưv cxênhx iz thiêz cxênhx 2 xã Suối Bu fuô uô luôs hâux lưv cxiv uô iz luz tsêr nhoz trâu shux xênhz nhoz tsêr cơưv niêv txir zus mor, đros chor nhiêx tâu sơưr đơưk siz chos paz muôx nhos 200 tsov đeiv, uô hlôngr luz tsêr kuz, tưz puôk tsuôx tsi jông nhoz tas ntơư. Cưk kriê Vũ Mạnh cường cux hu zâuv sơưr đơưk siz chos paz chiê cxiv uô tsêr lớp cơưv  yiêz hlôngr trâu têx qơư cơưv tsi jông,  đaz pêk tuôs tưz uô kuôk no 20 shông đrav ntêx ntơưv qơư cơưv jok Lềnh, tsêr cơưv cxênhx iz Sơn Thịnh. Nhiv no, 3 qar tsêr lớp cơưv tưz tâu cxiv uô truôx jông, muôx qơư tơưv trôngx, qơư uô si thiêz xor lax caz ndis khor kho, kror mak thâuk ntêx cưk kriê ntơưr thiêz shux xênhz jok Lềnh tưz xar tsi txos. Cưk kriê Vũ Mạnh Cường heik:

Băng: “Trơưk cur tsưr ziv xar zos yưv pênhr cxiv uô têx côngz trênhx truôx, khor kho, ntâu lênhx tâu nhoz uô hâux lưv, cơưv ntơưr; ntơư tsuv zos côngz trênhx jông thiêz truôx, muôx tas nro sơưr đơưk siz côngv tês uô. Thâuv lơưr tâu cxaz chuôz mak lơưr pâuz tâu ntơư zos zuk sik đros uô, đhâu co sơưr đơưk thiêx pov muôx liv. Txix luôs hâux lưv uô li no, têx mê tuz mê nhuôv cêr cơưv txux tâu gra siêz, thiêz zôngx ziv vênhv tôngv tâu têx tuz nhuôs tuôx tsêr cơưv chiê cơưv ntơưr”.

Cưk kriê ntơưr Vũ Mạnh Cường tsưr ziv, hâux lưv uô, iz chas sơưr đơưk kruôs nxiês txos, tsênhv tâu têx lênhx fôngx zưs uô hâux lưv, kriê ntơưr uô cê đros cưk kriê Cường cux tưz siz chos paz mê njik nhiêx txiêx, côngz đas jos đros uô tiêr têx côngz trênhx, hur tiz si viv têx shux xênhz tox siêz nziv hluz. Cưk kriê Hoàng Hạnh, uô hâux lưv uô cê đros cưk kriê Cường heik li no:

Băng: “Cưk kriê Cường têx tsưr ziv, hâux lưv uô tưz paz tâu lok six ntâu trâu chor cưk kriê ntơưr thiêz shux xênhz tox siêz. Seiz njiê cưk kriê Cường, tsi tiêk zos iz tsov iêr chi cax trâu shux xênhz, mak ciês pêz têx lênhx cưk kriê ntơưr cux pov njôngr cưk kriê Cường lok six sir jos; moz siêz paz tsưr ziv, đas jos viv zuk têx shux xênhz”.

Cưk kriê Vũ Mạnh Cường têx sir jos, hâux lưv uô, txơưx xar tơưv tsưr ziv jông viv tsêr cơưv, viv shux xênhz lok six muôx liv trâu zoz zux tox siêz tsênhv yuôr ntâu txov nhêv lok cxuô zav li nhiv no./.

( Đinh Tuấn-Riê lâux cxeik, nhênhv)