Yên Bái: Cxuô lênhx cưk kriê nhoz tsêr cơưv ntơưr tox siêz sir

jos hêik shux xênhz tuôx trâu tsêr cơưv

Shông cơưv 2019-2020, tsêr cơưv ntơưr niêv txir zus mor cxênhx iz thiêz cxênhx oz xar Bản Công muôx 22 lớp, đros muôx 670 lênhx shux xênhz. Chiê shux xênhz tuôx cơưv ntơưr huv hnuz nhôngs, uô ntêx zuôr hla trâu shông cơưv yiêz, chor cưk kriê ntơưr hâur tsêr cơưv tưz sir jos muk trâu chor jêx jok, yênhx ziv chuôz hêik shux xênhz niêv txir chiê chor nhuôs tuôx cơưv ntơưr. Tix lâus Khua Xênhv Zax, nhoz jok Bản Công, xar Bản Công hêik:“Shông no cur tsêr muôx oz tuk mê nhuôs muk cơưv ntơưr. Ciêz uô ntêx chor cưk kriê ntơưr tuôx ti gâuk tsêr chiê hêik trâu chuôz zis pâuz têx mê nhuôs six hơưv cơưv ntơưr. Hnuz no chox chor mê nhuôs tuôx tsêr cơưv choz trâu chor cưk kriê ntơưr mak zuk lok six tso siêz. Chor nhuôs nhoz ntơưv no mak tâu cơưv ntơưr, muôx qơư nox nhoz, qơư pư lok six jông”.

Cưk kriê ntơưr Nguyễ Duy Tiến, Hiệu trưởng tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz xar Bản Công puz pâuz: Uô ntêx hnuz cơưv chênhr 4-5 hnuz, tsêr cơưv tưz piz tok shux xênhz thiêz bax qơư nox nhoz trâu chor shux xênhz. Hnuz cơưv xuz thơưx hâur shông cơưv yiêz, chor shux xênhz tuôx cơưv zos 95% ntâu:“Tsêr cơưv tưz tso tas nro chor cán bộ, cưk kriê ntơưr, xav tas nro chor cán bộ sêiz car muk trâu têx jêx jok chiê hêik chor shux xênhz; sik côngv đros cấp ủy, chính quyền, chor tsar jok hâur côngz xưv hêik shux xênhz. Lok six shir phaz chor shux xênhz tưz tuôx cơưv cxix cxuô txix ciês hnuz xuz thơưx”.

Tsêr cơưv Phôv thôngz mênhx cxưx niêv txir zus mor cxênhx iz thiêz cxênhx oz xar Bản Mù zos luz tsêr cơưv muôx chôngz shux xênhz tiv zix huyện Trạm Tấu đros muôx 1.400 lênhx, hâur co muôx zuôr xar 80% zos shux xênhz nox nhoz hâur tsêr cơưv. Phênhv ntâu chor shux xênhz nhoz têx jok đêz tsêr cơưv, six hơưv tuôx cơưv zos chêix ntux nas, viv li muk lok cux lok six phiv liv. Cưk kriê ntơưr Lò Văn Liên, Phưv hiệu trưởng tsêr cơưv ntơưr puz pâuz; côngz xưv hêik shux xênhz tuôx cơưv ntơưr muôx sik côngv đros chính quyền viv li tax tâu chêx cur siêz:“Txix ciês hâur shôngk shông pêz tưz phêiz côngz trâu chor cưk kriê ntơưr chiê muk hêik chor shux xênhz, sik côngv đros chor đoanx thêv xar hêik shux xênhz tuôx cơưv ntơưr. Nhiv no chor shux xênhz tuôx cơưv ntơưr thâuv hâur shông shông mak cux taz por, pêz zuôr sir jos hêik chor shux xênhz tuôx cơưv ntơưr cov cxix cxuô đuô. Lok qơư nox nhoz trâu shux xênhz mak nhiv no iz cxiê qơư cux tưz tâu uô jông viv li cux lok six taz por”.

Shông cơưv 2019-2020, huyện Trạm Tấu muôx 11.000 ntâu lênhx shux xênhz nhuôs zâu, cxênhx iz thiêz cxênhx oz. Lơưr thôngz sâu, ciês hnuz xuz thơưx piz hla trâu shông cơưv yiêz, chor shux xênhz tuôx cơưv cxênhx nhuôs zâu zos 80%, cxênhx iz muôx 91% ntâu thiêz cxênhx oz zuôr xar 88%.

Chiê uô jông jênhv vưv hâur shông cơưv, đrâuv tsov cưv txos hêik shux xênhz tuôx cơưv ntơưr, Phongx Zoz zux thiêz Thox cxov huyện cux tưz hêik chor tsêr cơưv ntơưr kriz uô qênhz yuôx têx vax tsêr cxuô zav chiê kho đuô cov ndar six hơưv, phưx vưv jông trâu hâux lưv kriê thiêz cơưv ntơưr./.

(Đinh Tuấn-Lik Thox cxêik nhênhv)

PHÊNHV NÔNGX MÊNHX ZUÔR TSUV PÂUZ

Iz lênhx tsar jok txơưx huôv tsar uô nox

Đhâu thâuv cxiv tsa chuôz zis, luz nênhx tưz txov nhêv lok ziv trâus txov nzir thiêz, viv muôx 2 tuk nhuôv. Txơưv tiêk hur si 2 niêv txir sir jos khưr huôv tsar uô nox, taz sik tiv tsi muôx pênhr, tsi muôx tsưr ziv uô viv li tas ntâu côngz đal jos uô cux tsi tâu ntâu, sir jos khưr cux tsuôk txâuk nox, uô tsi tâu bluô nux. Tax txos shông 2013, thâuv tỉnh-huyện muôx tsưr ziv muôz têx zuz ntông nox txir tuôx chos ntơưv xã Giang Ma, zơưv zos iz hâur têx chuôz zis uô ntêx nyuôs hâur xã muôz têx têz uô tsi jông kôngz hlôngr chos siv têx txir đuôx siêr nzor. Đhâu 3 shông txix 2013 txos shông 2015, zơưv tưz chos tâu 100 tsoz, txuôk lơưr co zơưv chos nzir 25 tsoz txir khơưz, 80 tsoz txir juôx lok zos txir lê. Txos nhiv no, zơưv chuôz zis tưz muôx  200 ntâu tsoz ntông nox txir, sâu tâu txix 30-50 tsov đeiv iz shông. Iz chas ntơư, têx têz txir khơưz, txir juôx lok zos txir lê cux qir txi txir, zuôr tâu sâu đê. Đuô li, zơưv chuôz zis tsênhv sir jos uô poz cưk, blêx, tu zus nzir zuôr xar 10 tuk buô, keiz ok thiêz nhux tưv chiê paz lêix têz. Xav kror đruôz đraz zơưv chuôz zis iz shông phênhv sâu tâu yưx hur si têx uz no tas cux tâu txix 70-80 tsov đeiv iz shông. Txix iz chuôz zis muôx luz nênhx txov nhêv, txos nhiv no zơưv chuôz zis zos iz hâur têx chuôz zis bluô nux hâur jok.

Nhạc cắt

Tsi tiêk zos iz lênhx pâuz sir jos huôv tsar uô nox chiê hla đhâu têx cêr txov, zơưv tsênhv sir jos đrol lês uô têx hâux lưv XH, thâuv tâu bo xeir uô tsar jok, zơưv moz siêz uô jông hâux lưv zok muôz, uô ntêx nyuôs hâur cxuô cêr nuv, iz chas ntơư yax kriê, vênhv tôngv tsôngv px sđ đros uô lơưr Đảng, têz qơưk têx chei, cui tinhv, paz sik pheiz kênh zuk tsưr ziv huôv tsar uô nox trâu têx lênhx tsôngv box xar huôv tsar uô bluô nux chiê cxơưz gra luz nênhx vav mênhx. Tsar jok Lừ Xênhv Shôngx tưz yênhx iz tsov iêr chi cax chiê trâu nênhs Hmôngz nhoz jok Sử Thàng cơưv shâuv, uô trơưk, sir jos huôv tsar uô nox uô hnar, sik thôngx siêz, siz paz hla đhâu cêr txov, yeiz pluôs./.

Phênhv “Nôngx mênhx zuôr tsuv pâuz” ciêz no tsuôk xâul li no xưz. Phênhv no zos Đeix nta suôz VN nhoz faz Tây Bắc đros tsênhv qơư cxiz kôngz têz qơưk uô./.

(Thào Ly biên soạn-Riê Lâux cxeik, nhênhv)