Tiv li chak chor chuôz zis pluôs nhoz Lai Châu ho txo grêk tsơưs đuô pir li Nghị quyết tso tơưv?

Đhâu ciês Đại hôiv Đảng bộv khóa 13, six cxiv 2015-2020, Ban chấp hành Đảng bôv tỉnh Lai Châu tưz tso tơưv Nghị quyết số 02 lok txo grêk yêiz luôs truôx đrênhk ntu 2016-2020, hâur co sir jos cov iz shông txo grêk tsơưs tâu 3-4% chor chuôz zis pluôs; muôx oz huyện tơưv đhâu huyện pluôs…Chiê uô tâu tsưr ziv no, Lai Châu tror uô truôx jông tsưr tsix Đảng nhoz têx xar pluôs cov uô chak muôx txâuk txux chi đas jos chiê sêiz car chính quyền, chor đoanx thêv thiêz pêx xênhv uô tiêr jông têx jênhv vưv  tâu choz zok.

Tsaz yênhx cxuôv yêiz thiv pluôs, paz muôx hâux lưv uô  tâu cxuô cấp, nganhx sir jos uô ntơưv têx tiv phaz, lơưr tsưr ziv “tỉnh sêiz shuôk xar, huyện sêiz shuôk jêx jok, xar sêiz shuôk jông yênhx ziv chuôz zis”. Zơưv Trần Đỗ Công, Phưv giám Đốc Sở Lox tôngv-Xaz pênhz thiêz Xar hôiv tỉnh Lai Châu puz pâuz, hâur têx shông đhâu, têx tsênhv chêi paz thiv pluôs tâu tỉnh kriz uô cxuô nro xưk li tsaz yênhx thiv pluôs sêiz thiêz truôx đrênhk ntơưv têx huyện pluôs lơưr tsaz yênhx 30a, tsaz yênhx 135, paz lok y têr, zoz zux, paz nhiêx pênhr trâu chor chuôz zis pluôs:“Đuô li, tỉnh Lai Châu tưz sir jos kriz uô têx dự án, đề án chiê paz huôv tsar kinh têr-xar hôiv thax tsav txov nhêv tiv zix li: paz pênhr nhiêx, chuôz zênhx cxuô zav trâu chor chuôz zis pluôs huôv tsar uô nox, sir jos cxơưz cxiz uô kôngz, jôngr nuv, kriz uô têx tsưr ziv kruôz kriê chiê paz trâu pêx xênhv luz nênhx hlôngr yiêz đuô”.

Uô tsênhz mênhx đuô Ban chấp hành Đảng bôv tỉnh khóa 13 li Nghị quyết số 02 lok thiv pluôs truôx đrênhk ntu 2016-2020, Ủy ban tỉnh Lai Châu tưz tso tơưv cuêz tênhv số 31/2016 chiê tso tơưv tsaz yênhx thiv pluôs truôx đrênhk ntu 2016-2020, đros nhiêx txiêx kriz uô zuôr xar 4.600 tiv đêiv. Tsaz yênhx tâu kriz uô đros têx tsênhv chêi lok six cxix cxuô chiê paz trâu chor chuôz zis pluôs, zuôr xar pluôs tâu paz têx dịch vụ huôv tsar uô nox, hâur co tsuv hêik txos paz pênhr trâu chor chuôz zis pluôs, zuôr xar pluôs huôv tsar uô nox. Niêv tix Lò Thị Thương nhoz xar Mường Kim, huyện Than Uyên hêik:“Thâuv ntêx no chuôz zis lok six txov nhêv viv tsik muôx pênhr chiê uô nox. Thâuv muôx tsênhv chêi paz pênhr txêik trâu chor chuôz zis pluôs, cur chuôz zis tưz txêik hâur zênhx hangx tsênhv chêi xar hôiv huyện tâu 30 triệu đêiv. Muôx pênhr lơưv mak chuôz zis yưv pênhr trâu tu zus tsiêx cxu. Nhiv no chuôz zis ho txêik nzir chiê chos txir chuôz thox, táo, txir thênhx caz chiê kinh têr chuôz zis huôv tsar đuô”.

Chiê paz muôx hâux lưv uô thiêz muôx nzir phênhv sâu trâu pêx xênhv, têx tiv phaz txix huyện txov nhêv txos huyện huôv tsar tưz cxiv tsa tsưr ziv uô nox trâu yênhx thax tsav, yênhx xar, jêx jok thiêz yênhx ziv chuôz zis lơưr tsưr ziv uô ntâu kror, kriz uô ntâu kror hâux lưv chiê paz huôv tsar tâu kror liv ntơưv yênhx thax tsav, đros txoz cxơưx ciês hâux lưv huôv tsar jôngr nuv ntơưv qơư, tu zus lơưr tsưr ziv kôngz jôngr nuv uô cê, kho đuô qơư nhoz trâu pêx xênhv cov huv đros cê taz por uô nox tâu truôx jông, cê taz por ngaz tuk côx phax. Zơưv Phạm Văn Hiển, Phưv Bí thư Thường trực huyện ủy Mường Tè hêik, Mường Tè zos huyện pluôs nhoz tỉnh Lai châu, hâur co thax tsav tsôngv box mênhx cxưx Mảng, La Hủ zos thax tsav pluôs hâur huyện. Ntu đhâu, huyện tưz sik côngv đros HĐND tỉnh qênhz shuôk jông lok luz nênhx, vênhx huôv, zoz zux, y têr… thax tsav tsôngv box Mảng thiêz La Hủ; đros co zos muôx têx tsưr ziv uô huv đros tsênhv tsênhz, uô tsênhz mênhx lơưr Đảng bôv tỉnh li tsưr ziv thiv pluôs:“Đros tsôngv box mênhx cxưx tsơưs nênhs tsênhv pluôs chôngz, uô ntêx huyện Mường Tè chox kriê têx cơ quan uô hâux lưv no thiêz cấp ủy chính quyền kriz uô jông têx tsaz yênhx dự án têz qơưk paz trâu pêx xênhv tsuv tâu uô cov jông; tsưr tsix uô jông têx tsưr ziv huôv tsar, tiv zix zos uô jông tsaz yênhx iz xar iz hax huv chiê pox nhuôs uô nox cov tâu truôx jông”.

Cxiv luôs cêr vax tsêr cxuô zav tâu yưv pênhr uô, têx tsênhv chêi paz uô nox, hâux lưv uô tâu tỉnh moz siêz txos, tsênhv chêi paz lok y têr zoz zux tâu kriz uô jông, pêx xênhv luz nênhx cxuô zav tâu hlôngr yiêz jux juk, ntu 2016-2020, tỉnh Lai Châu li chor chuôz zis pluôs tâu txo grêk muôx 4% ntâu, hâur co chor huyện pluôs zos 5% ntâu, siêz đuô tsưr ziv Nghị quyết tưz tso tơưv. Txos kaz shông 2018, oz huyện Than Uyên thiêz Tân Uyên tưz tơưv đhâu bê ntơưr zos huyện pluôs; txos kaz shông 2019 muôx 15 hâur tas nro 75 xar tưz tơưv đhâu chor xar txov nhêv tiv zix; chor chuôz zis pluôs nhoz tỉnh xav txos kaz shông 2020 yuôr muôs 16% ntâu.

Ntơư zos hêik tơưv tâu tsênhz mênhx cấp ủy cxuô cấp tỉnh Lai Châu tưz sir jos kriz uô jông lơưr Nghị quyết hâur ntu đhâu./.

(TTTB-Lik Thox cxêik nhênhv)

Phênhv: NÔNGX MÊNHX ZUÔR TSUV PÂUZ

Tu zus tưv công nghiệp: tsưr ziv uô jông, chêx cuk siêz

Zos tsôngv box Hmôngz nhoz xã Si Pa Phìn, hâur têx tov ntêx, tix lâuk Thính x Vax tưz pov têx har jôngr ntông trâus ntor luôx chiê zuôr ar tsêz chos kôngz lôngk, phênhv ntâu tsôngv box luz nênhx txov nhêv. Shông 2010, tix lâuk Thính cơưv chuyên nganhx Lâm Sinh, tsêr cơưv Lâm nghiệp Hà Nội. Đros têx txux chi cơưv shâuv tâu, đros hluôk nênhs li siêz sir jos thiêz xar njôngr uô bluô nux sâuv zuk thax tsav qơư nhoz. Tix lâuk Thính tưz xeir trâur nuv chos jôngr chiê huôv tsar cêr uô nox. Tix lâuk đros chuôz zis chos 2 hecta ntâu têx tsoz ntông keo, ntông chiêz, bạch đàn, ntông đaz…. Taz sik, tix lâuk li trâur nuv tsi tâu  trơưk li tsưr ziv siêz xar, tiv ar têz tsuôs, qiv hơưv tsi huv đros; hâur 3 shông phênhv ntâu têx tsoz chos tsi huôv tsar. Tix lâuk Thính pheiz kênh: “njiê têx trôngz jôngr zuk chos, tas nro zuk siêz xar njôngr tsi pov huôv tsar, cur qiv siêz hênhr. Taz sik ziv qiv mak ziv truôx siêz cxiv uô tsưr ziv txơưr cov huv đros. Cur xar, chos ntông tsi tâu trơưk tsưr ziv siêz xar, chos tâux zuôr zôngx ziv đuô, viv li cur nriêr pâuz tsưr ziv chos tâux nxư thiêz tu zus nhux tưv- huôv tsar kinh têr chuôz zis”.

Nhạc cắt

          Tix lâuk yax six nriêr pâuz xor mông đhâu ntâuz ntơưr, fôngx zưs, tiv zix zos muk seiz shuôk, cơưv shâuv ntâu trâur nuv kinh têr jông nhoz têx tiv phaz txơưr. Tix lâuk Thính cuiz tênhv xeir trâur nuv tu zus tưv chiê chêx chôngk huôv tsar kinh têr, tix lâuk tưz yưv pênhr cxiv tsa guôx tu zus, côngv đros chos tâux nxư. Đros tsưr ziv tu zus jông, zôngv têx tsưr ziv yiêz lok tu zus. Tưv tâu cơư hâur guôx puz nox jâuz, têx qir tsiêx chiê tu zus chaz trâu keiz, ok nox.

Nhạc cắt

          Qơư tu zus đar muôx nhos 2 hecta, đrâuv mênhv chêx uô guôx tu zus muôx nhos 20 tul tưv, tas nro mênhv chêx tsênhv yuôr tix lâuk chos tâux nxư. Đros chor tưv nhiv kruôr zuôr lok, tưv nxâus tâu tsoz phưz iz kror qơư: tâu cêv kuôk iz ntu chiê tsi cik moz trâu têx tul tưv txơưr, tâu cxax yuôx phax moz cxix cxuô, jâuz zos tâux nxư nhôngs thiêz tâux vâuv kâuz. Đros tsưr ziv tu zus li ntơưv, tsuôk muôx nhos 3-4 luz hlik tưv tưz muôs tâu. Đros tsưr ziv uô no, niêx shông tix lâuk chuôz zis muôx phênhv sâu zos zuôr xar 200 tsov đeiv.

Nhạc cắt

Tix lâuk Thính x Vax chuôz zis li trâur nuv tu zus tưv “công nghiệp” tsi taz huv đros xã li tsưr ziv tu zus nhux tưv nhux đas uô hax huv, huyện li tsưr ziv njuôs xav thax tsav huôv tsar kinh têr, cux tsênhv paz tsôngv box hâur xã hlôngr yiêz cêr cor cav tu zus nhux tso lav. Zơưv Vàng A Kỳ, Bí thư Đảng ủy xã Phìn Hồ jênhv tênhv: “Thính x Vax zos iz lênhx đảng viên jông nhoz tiv phaz, txơưx huôv tsar kinh têr chuôz zis. Nưs chuôz zis li Trâur nuv tu zus tưv mak xã pov muôx chêx cuk, cxôngx trâur nuv no paz ntâu chuôz zis txơưr cơưv shâuv uô lơưr.

Nhạc cắt

Tix lâuk Thính x Vax li trâur nuv tsênhz tsênhz lok six jông chiê tsôngv box hâur xã thiêz têx xã sâuv thax tsav huyện tsov cưv cơưv shâuv uô lơưr, yênhx trus muôx tsưr ziv tsưr tsix tsiv uô, hlôngr yiêz tsiêx tu zus muôx chêx cuk.

Phênhv “nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN iz suôv Tây Bắc uô. Muôx tsênhv qơư cxuêz kôngz têz qơưk paz txưv./.

(Lik Thox- Txâur Vax cxeik nhênhv)