TÊX LÊNHX NÊNHS TUÔR TRUÔX LUZ NÊNHX NGAZ TUL NHOZ NTUS ĐRIV

          Zos tỉnh muôx cêr ntus đriv ntêr 468 ntâu cei cêr buôk têz qơưk Lào, ntâu muôx mêr cêr muk lok, hâux lưv qênhz yuôx ntus đriv, phax tar nhiês muk lok đhâu ntus đriv tưz tâu Bộ bộ pênhz phax Nghệ An uô jông, đêz đar thiêz muôx chêx cuk. Hâur co, tsov cưv txos tsưr ziv yax mông tsôngv box nhoz thax tsav ntus đriv. Đại tá Dương Hồng Hải, Phưv chỉ huiz Bộ chỉ huiz Bộ đội pênhz phax tỉnh Nghệ An puz pâuz:          “Pêz uô jông côngz xưv yax mông txos yênhx lênhx tsôngv box nhoz thax tsav ntus đriv, jav têx huôx tôngv sik côngv paz max lênhx nênhs muk lok đhâu ntus đriv; tsưr tsix uô têx thôngz ntơưr heik kriê nênhs phamv cxâuv ntơưv têx thax tsav buôk ntus đriv”.

          Sik côngv đros bộ đội pênhz phax, phênhv ntâu tsôngv box têx xã ntus đriv cux chiv chir muôz siêz siêz xar hâur côngz xưv phax tar moz Covid-19 li chox đeiv bos kror ndâux ntơưv qơư muôx chôngz lênhx nênhx, uô vêv xênhz, tsuôk yuôx tuô caz moz iz buôk ndis qơư nhoz uô nênhx. Tiv zix zos paz heik kriê trâu Bộ đội pênhz phax lok qênhx shênhx lênhx nênhs nhiês muk lok đhâu ntus đriv...Pos Lương Thị Tài, tsôngv box xã Phiêng Pằn, huyện Mai Sơn, tỉnh Sơn La heik:“Cux tâu têx cán bộ yax mông lok moz Covid-19 lok six riêz nênhs. Pov lênhx nênhs nhiês muk lok trâu pêz têz qơưk mak pov ceies trâu cán bộ pênhz phax Ba Sơn chiê chox muk cêv kuôk taz por trâu tsôngv box sđ”.

          Cxôngx qênhx shênhx moz Covid-19 ziv hnuz ziv huôv xênhz phêv liv, Bộ đội pênhz phax tỉnh Quảng Bình tưz yênhx lix 14 qơư seiz car sâuv têx cêr muk lok nhoz ntus đriv têz qơưk Lào chiê tir tar tsôngv box txix thax tsav muôx moz lok hâur pêz têz qơưk. Thiếu tá Lê Ngọc Gia, Chính trị viên zênhx pênhz phax Làng Ho, Bộ đội pênhz phax tỉnh Quảng Bình puz pâuz, hâur qênhx shênhx phêv liv no, bộ đội tâu tsôngv box nhoz ntus đriv paz lok six ntâu:“Pêz lok six jông siêz, txơưv nhoz ntus đriv zos taz viv phưv txơưx, pox nhuôs luz nênhx yuôr ntâu phêv liv taz sik pox nhuôs tưz gôngr côngv chuôz zênhx chuôz tas chinhz yênhx đros bộ đội. Hâur ntu zuôr txos pêz zuôr uô tiêr jông jênhv vưv phax tar moz Covid-19"

          Đros tsưr ziv "tir tar moz li tir tar tros châuz" têx chiến sĩ bộ đội pênhz phax tỉnh Quảng Bình sik hlôngr jor ntơưv têx qơư seiz car moz sâuv têx cêr muk lok đros têz qơưk Lào. Têx chiến sĩ tsi nyei khưr, nox nhoz thiêz pư ciês pêv har jôngr chiê uô jênhv vưv. Pos Hồ Thủy, tsôngv box mênhx cxưx Vân Kiều nhoz jos Eo Bù- Chút Mút, xã Lâm Thủy, huyện Lệ Thủy, tỉnh Quảng Bình shir phaz heik, pov bộ đội uô jênhv vưv seiz car ntơưv jôngr lok six khưr viv li pox nhuôs tưz paz max, chuôz cxaz đas jos paz têx chiến sĩ uô tier jông jênhv vưv:"Zos pov lênhx nênhs muk đhâu ntus đriv mak pêz zuôr pov trâu bộ đội pênhz phax chiê lơưr pâuz thiêz tir tar. Đros bộ đội phax tar moz Covid-19 tsi chiê moz cik txos zuk jêx jos"

          Tuêv tos jênhv tsôngv box muk lok đhâu trôngx đriv ntiêx têz Cha Lo, tỉnh Quảng Bình puz pâuz, chiê seiz car jông lênhx nênhs muk lok ntơưv têx thax tsav ntus đriv, Bộ chỉ huiz bộ đội pênhz phax tỉnh Quảng Bình tưz yênhx lix 14 tuêv seiz car sâuv têx cêr muk lok đros têz qơưk Lào. Đại tá Trịnh Thanh Bình, Chỉ huy trưởng Bộ đội pênhz phax tỉnh Quảng Bình puz pâuz, đros hâux lưv muk seiz car, qênhz yuôx, Pênhz phax tỉnh Quảng Bình yax six vênhv tôngv pox nhuôs thax tsav ntus đriv sik côngv tês phax tar moz Covid-19:"Têx tuêv seiz car tsưr tsix seiz car jông lênhx nênhs muk lok đhâu ntus đriv. Đros co zos uô côngz xưv vênhv tôngv pox nhuôs muôz siêz jênhv pâuz lok côngz xưv phax tar moz"

          Zos iz lênhx tsôngv box tsi jênhv pâuz huv đros, cxix cxuô lok moz Covid-19 li têx riêz nênhs đros zuk thiêz côngv thôngx , mak txơưv lưx lươngv pênhz phax sir jos uô hâux lưv tir tar moz li chas cux tir tar tsi tâu têx nênhs fêv li tsưr ziv chox lênhx nênhs muk lok đhâu ntus đriv tsi trơưk chei./.

VOV4-Txâur Vax cxeik nhênhv

Qênhx siz zuôr nzor thiêz siz zuôr cxênhz jê nhoz thax tsav tsôngv box heir nênhs tsơưs

Zos iz xênhv thiêz nhiv kruôr muôx 16 shông, taz sik La Thị Hoa thiêz La Văn Nam  heir nênhs Đan Lai nhoz jok Cò Phạt, xã Môn Sơn, huyện Con Cuông, tỉnh Nghệ An cux siz zuôr uô txix gơưv. Hoa thiêz Nam gơưr tus nhuôv nxeik hloz tưz 2 shông, taz sik txix thâuv nhiv kruôr xênhz zus tâu lok, lênhx nhuôv no tưz zênhx trâul moz, tsi thôngx li lưv lênhx nhuôv txơưr đuô:“Cur thiêz cur tus txir siz njiz, pov siz nhiêv trâul cur chiê zuôr xưz. Cur thiêz txir gơưk cux jông siêz chiê ưz siz zuôr, ưz lok nhoz uô cê thiêz muôx mê tuz mê nhuôv taz tsi tâu nox yôngz đaz tsi hlo. Thâuv ntêx hnor lơưr tiêk, cur thiêz cur tus txir ưz cux zos nuk muôs, taz sik tsi uô li chas cux siz zuôr tâu hur si no”.

Têx li shux xênhz heir nênhs Đan Lai cơưv txos tos txos nta tsi tiêr, tso ntơưr tsês chiê zuôr txir mak shông tưs cux muôx, nhuôv nxeik 14 shông tsi tâu zuôr txir  tưz seiz zos uô gâux lâul lơưv. Thiêz lơưr tsưr ziv xar lok sâuv siz zuôr cux lok six zôngx ziv cơưk, chor tuz nxeik lơưr siz nhiêv, siz hluz trâul mak têx lâul tso mêx jênhs mul heik, muk krêiz, krêiz tas li nox tơư yôngz, tso gơưv tuz nxeik co lok nhoz uô cê, hok nox yôngz mak nox thâuv tưs cux tâu hur si. Hâur jok Cò Phạt, zuôr txir zuôr pox niêv nzor thiêz siz zuôr cxênhz jê zos têx khênhr muôx yưv. Niêv lâul La Thị Nga zuôr txir thâuv muôx 14 shông, taz sik Nga tus nuk cux zos Nga tus txir zơưv zix:“Lơưr xar zuôr txir zuôr pox niêv cux car qơưx xưz, thâuv ntêx zuk muôx hnuz nhôngs iz zav li lơưr mak tưz muôx mê tuz mê nhuôv tas lơưv, txơưv cưr tix, nuk muôs lok cux six, zos tưz siz hluz siz nhiêv trâul chêk zuôr xưz, zuôr têx cxênhz jê ziv jông đuô, lơưr chor hluôk siz nhiêv chiê lơưr lok nhoz uô cê, xênhz zus tuz ci, tsi siz hluz, siz nhiêv mak siz đrâux nhiêk mul nhiêk đros niêv đros txir nhoz”.

Iz cxiê gơưv niêv txir heir nênhs Đan Lai nhoz Con Cuông, tỉnh Nghệ An siz zuôr nzor thiêz siz zuôr cxênhz jê  zos iz kro lar heik txos lok sâuv cêr siz zuôr uô txix gơưv thiêz đas jos xênhz zus nhuôv, viv no uô muôx ntâu têx tsi jông trâu luz nênhx, cik txos jênh sôr. Trơưk li pos Nguyễn Thị An-Giám đốc HealthBridge Canađa ntơưv Việt Nam, nhiv no taz viv tsênhv fuô uô iz cxiê dưv anr tsoz phưz đas jos ntơưv Sơn La mak qênhx shênhx no tưz uô ruôr hiêv lok six ntâu txos tsơưr lươngv luz nênhx nox nhoz:“Pêz pov lok six tsênhz, tsơưr lươngv jênh sôr uô ruôr hiêv ntâu nhoz têx tuz nxeik hluôk tsênhv tsi tâu pâuz taz, tsi tâu hloz tiêr nênhs tưz xênhz zus mê nhuôv, uô trâu lênhx nhuôv xênhz zus tâu lok trâul muôx moz gênhk li uz li no, chơưz poz tsi txơưx hloz, iz kro thiêz zos uô trâu chor nhuôv siz zuôr nzor mak tus nxeik khênhr tso ntơưr tsês, cơưv tsi tas ntâuz ntơưr, li tsi yuô muôx txux chi tsưr ziv jênhv pâuz lok sâuv txoz cxơưx trâu chuôz zis, tu thiêz kruôz kriê têx mê nhuôv. Zos six chiê muôx yưv têx li heik no, zuôr uô trâu lơưr luz nênhx, ntu tov kaz, têx mê tuz mê nhuôv lơưr cux xưk li ntơư, ziv tsi jông xưz”.

Qênhx shênhx siz zuôr nzor thiêz siz zuôr cxênhz jê uô ruôr hiêv lox txos luz nênhx nox nhoz, xênhz huôx. Têx lênhx nhuôv xênhz zus tâu lok trâul muôx moz gênhk ntâu, nox tsi txâuk jâuz mor, txoz cxơưx tsi tâu trâu têx tuz nhuôs luz nênhx cov jông xưk luôs lưv tus. Co cux zos qir tiv uô trâu zuk iz heir nênhs, iz chuôz xênhv tsi muôx cêr huôv vav, uô tsi jông txos chuôz zis cux iz zav li xã hội. Chênhr viv li, luôs hâux lưv yax kriê, lok sik bax têx tsưr ziv choz kriê trâu chor uô niêv lok têx li heik sâuv zos lok six zuôr trâul tâu moz siêz txos./.

                            VOV4-Riê Lâux cxeik, nhênhv