Lớp kriê cơưv hâur pâuk ntơưr nhoz ntus đriv Đắc Nông

          Txos trâu thâuv tsâuk ntux, nhoz thax tsav ntus đriv Thuận An, huyện Đắc Mi, tỉnh Đắc Nông, zos tỉnh nhoz puôz ntus đriv Cam pu chia thiêz zos thax tsav qơư muôx chuô no nziês; taz sik lớp cơưv kriê hâur pâuk ntơưr nhoz jos sa Pa, chor cưk kriê zos tuz lênhv biên phôngx cux tsênhv shir phaz lul kriê hâur pâuk ntơưr trâu tsôngv px nhoz thax tsav qơư ntơư. Cưk kriê Lang Văn nam-tuz lênhv, phó chính trị viên, zênhx biên phôngx ntus đriv Thuận An hêik pâuz:

           “Lớp cơưv no muôx chor lâuk, hluôk, mê nhuôv zâu…puôr lênhx tuôx cơưv lớp kriê hâur pâuk ntơưr no. Ntơư cux chênhr zos tsôngv px sđ cux pâuz tâu têx muôx liv trâu thâuv cơưv pâuz nhênhv tâu bê ntơưr thiêz tsuv kriê li chas cov tsôngv px sđ thiêx pâuz nhênhv tâu bê ntơưr sêi”.

          Hâur luz chêix no, nhoz thax tsav xã ntus đriv Thuận An, huyện Đắc mi, tỉnh Đắc Nông, tsôngv px tsênhv gruk đêx lok trâu tsoz chos cà phê, tsoz chos hưx txoz; taz sik txos trâu thâuv tsâuk ntux, tsôngv px sđ cux tuôx muôx njêx muôs cxix cxuô chiê cơưv lớp cơưv kriê hâur pâuk ntơưr. Iz cxiê chuôz zis mak tas nro oz niêv txir thiêz mê nhuôv cux muk cơưv lớp cơưv kriê hâur pâuk ntơưr co.

           “Pox niêv mak muk khưr uô liêx têz, chor cưr cux muk cơưv ntơưr, taz sik tsuôk zos muk cơưv tsơưs xưz. Zuk tsik pâuz ntơưr, tsik pâuz muk zuôr yuôx tuô tsuôs caz hmoz trâu tsoz chos cà phê, tsoz chos hưx txoz. Cơưv ntơưr zos cơưv cov pâuz huôv tsar cêr uô nox. Chênhr zos li ntơư, cur tưz cơưv tâu iz ciêz lơưv”.

          Cưk kriê Trần Thị Mai, kriê ntơưr trâu tsêr cơưv cxênhx 1 Nguyễn Văn Trỗi, sêiz car oz lớp cơưv kriê hâur pâuk ntơưr cux thav pâuz tiêk: 60 lênhx cơưv hâur pâuk ntơưr no, muôx chor mê nhuôv txix 8 shông thiêz chor lâuk muôx 50 shông, hur si chor cơưv lớp cơưv kriê hâur pâuk ntơưr co puôr lênhx zos hêir nênhs Mnông thiêz iz ciêz cơưv 4 jiês; hâur cxuô jiês kriê cơưv hâur pâuk ntơưr, cux muôx chor pauz luk tuôx đros paz cxêik luk Mnông uô luk choz tsiz, tsôngv px sđ thiêx zôngx ziv cơưv pâuz tâu ntơưr.

          Iz chas kriê hâur pâuk ntơưr trâu tsôngv px hâur thax tsav, tuz lênhv zênhx biên phôngx ntus đriv Thuận An cux đros hâu nov ntơưv qơư fuô uô ntâu luôs hâux lưv paz px huôv tsar cêr uô nox, tsêz chos kôngz lôngk, tu zus tsiêx cxu, iz thênhv jux juk muôx luz nênhx truôx tuk tsâu sor, paz phênhv trâu luôs hâux lưv cxiv tsa jêx jos yiêz sâuv thax tsav xã Thuận An.

           “Chiê kriê hâur pâuk ntơưr trâu px mak tsuv muôx tuz lênhv Biên phôngx đros paz kriê thiêx cơưv kriê tâu tiêr ntơưr. Hâur luôs hâux lưv qênhz yuôx, sêiz kaz cxuô luôs hâux lưv, cux muôx tuz lênhv biên phônx đros uô, đros tsưx phưv an ninh jêx jos truôx tuk”.

          Trơưk li njuôk xav, oz lớp cơưv kriê hâur pâuk ntơưr nhoz jos Sa Pa thiêz Bù Đắc, xã Thuận An, huyện Đắc Mi, tỉnh Đắc Nông, cux zuôr cơưv suôx câuv trâu hnuz 30/4, zos ndax trâu chiv nhênhv 43 shông hnuz tir thâuv zênhx tros châuz faz Nam. Ntơư zos iz luôs hâux lưv ntâuk chiv nhoz thax tsav ntus đriv, paz phênhv cxươz cxiz tsôngv px huôv tsar cêr uô nox uô hnar thiêz đros tuz lênhv biên phôngx tsưx phưv truôx ntus đriv pêz têz qơưs./.

                                                                     (Tsu cxêik nhênhv-TTT)

Tơưr greix tưv uô kâuz- Tsôngv box Thái Sơn La li zav nox nto bê

Chiê uô zav nox nto bê no pox nhuôs zôngv tơưr nhux đas lok sik tơưr tưv uô, tiv zix pox nhuôs khênhr zôngv tơưr tưv, tsuv zôngv đeiv tơưr tưv tuôz, kriêr tâux grênhz tuôr mos, cxur ciz muôz tuôr uô môngr, kêx, cuô txoz đros njêr, thax, mix chênhr....

          Chiê muôx tâu tơưr greix tưv kaz, tsuv xeir thiêz uô trơưk tsưr ziv kriê. Uô ntêx zôngv đêx râuz bâu nzuôr cov hur, muôz mê njik môngr yâur đo chiê nzuôr. Nzuôr yênhx đeiv tơưr greix. Lơưr co, muôz tơưr greix cxiêz sâuv kror chuz cov siêr đax, ho muôz tso trâu hâur đêx nzuôr cov hur thiêx li chox mul hâu tsơưk cov muôs, mav li muôz lol cxôngr. Tix lâuk Tòng Văn Yên, nhoz jos Pảng, xã Chiềng Đen, thành phố Sơn La, tỉnh Sơn La puz pâuz cxaz:

          “ Tơưr greix tưv cxôngr lox li cxeik tês, nzuôr đêx bâu, muôz cxiêz cov siêr đax, tsư kaz tror chox mul nzuôr txơưv tâu. Muôz hâu cov muôk, taz sik tsi cxoz hâu ntêr nox thiêx kaz”.

          Thâuv hâu siêr muôz cxôngr lox luôx li ntir tês. Tsuv zôngv triês njê thiêx cxôngr tâu zôngx ziv, thâuv cxôngr tas muôz môngr cxur, kriêr tâux grênhz, kêx, cuô txoz, thax, njêr thiêz đêx bâu txiês hâu uô cê. Tix lâuk Tòng Văn Yên, nhoz jos Pảng, xã Chiềng Đen, TP Sơn La puz pâuz:

          “ Tas nro têx thax, njêr, mix chênhr, kriêr tâux grênhz, kêx, hor txoz co muôz hâux shơư tơưr greix thiêz tso hâur teis vor cov ntuv. Đhâu iz ciêz txơưv nox tâu, nox đros jâuz cxưz cxôngr mos lok six kaz”.

          Tơưr greix tưv thâuv nox kaz kaz, kâuz kâuz, muôx njik njiv txoz, tsư kaz lok six jông nox. Hâur tsôngv box Thái Sơn La muôx lok six ntâu zav nox, tơưr greix tưv kâuz zos zav nox kaz thiêz nto bê, lok six huv đros nox nduôr blâuv. Chênhr viv li hâur hnuz tsiêz chuôz zis tưs cux muôx zav nox no, xưk li nênhs nhoz tiêx đras nox đros jâuz kâuz.

          Tơưr greix tưv kâuz nhiv no tsi zos hnuz Tsiêz thiêx li uô nox, mak nhiv no hâur têx tsêr uô zav nox nhoz Sơn La cux muôx ntâu. Viv tsôngv kruô li siêz nhiêv, ntâu chuôz zis cux uô chiê muôs chiê muôx cxaz phênhv sâu, grê muôs fênhx pheiz 1 cir cxôngx 80 txos 100 cxênhz đeiv. Niêv lâuk Lường Thị Mai, nhoz Bản Lầu, phường Chiềng Lề, TP Sơn La zos iz lênhx nênhs khênhr uô tơưr greix tưv kâuz chiê muôs puz pâuz:

          “ Thâuv ntêx cur uô chiê chuôz zis nox xưz, cxuô lênhx nênhs tuôx nox thiêz kruôk txos zav nox no viv li cur uô chiê muôs siv, cxôngx co cur txơưv uô hâux lưv no, cur chuôz zis cux muôx phênhv sâu ngaz tul cxôngx muôs tơưr greix tưv kâuz”.

          Nhiv no hâur têx chuôz zis nênhs Thái nhoz Sơn La, đros têx zav nox nto bê txơưr, têx hưx tơưr greix tưv kâuz zos zav nox zuôr trâus muôx sâuv trôngx mor hâur têx hnuz tsiêz, hnuz ntênhs./.

            (Lường Huyền – Txâur Vax cxeik nhênhv)