Yên Bái chêx tsôngk phax tir thêir moz ơưk buô châu Phi tsik chiê cik đêz đar trâu cxuô qơư

Ciês thâuv muôx moz ơưk buô huôv xênhz, huyện Văn Chấn tưz chox kriê cấp ủy, hâu nov ntơưv qơư cxơưz tiês uô luôs hâux lưv yax kriê txos tsôngv px, lar heik zos têx chuôz zis tu zus, tsuv pâuz tsênhz lok cxuô zav caz moz ơưk li txơưr txar thiêz têx uô hiêv. Heik tsôngv box thâuv qênhz pov têx buô trâus moz, tsi cxoz muôz chor buô trâus moz ntơư muôs thiêz tsi tuô tsênhr, tsi muôz têx buô tuôs por tsês ntơưv têx, viv uô li ntơư zuôr uô moz siz cik sei. Iz chas co zos qir uô têx tsưr ziv kuôk cêv, tsuôs yuôx tuô, lov caz moz trâu 10 cxênhz chuôz zis tu zus nhoz thax tsav moz huôv xênhz thiêz zôngx ziv muôx moz chiê phax tir thêir moz siz cik. Zơưv Nông Ích Chấn, Phưv Chủ tịch Ủy ban huyện Văn Chấn, tỉnh Yên Bái heik pâuz:“Huyện tưz chox kriê têx cơ quan car uô đreiv têx hâux lưv sâuv thiêz hâu nov ntơưv qơư tsuôs yuô tuô, lov caz moz thiêz yênhx lix têx tổ qênhz yuôx lênhx ngênhx sir jos uô hâux lưv qênhz yuôx shuôs tsi so têx buô hâur thax tsav. Iz chas kuôk cêv, tsuôs yuôx tuô, lov caz moz, phax tir thêir moz, cux sir jos uô têx faz tsưr ziv vêv xênhz, tsuôs yuôx tuô caz moz nhoz têx thax tsav, suôv qơư riêz nênhs, zôngx ziv muôx moz huôv xênhz”.

Đros trâu cơ quan muôx vax huôv têx tsưr ziv, lênhx nênhs tu zus tsiêx cxu Yên Bái cux tưz bax tsưr ziv chiê por hưv zuk têx buô li: Tsi chiê têx lênhx nênhs saz đrâuv, chor nênhs hâur tsêr muk đêz lok mul lok hâur thax tsav tu zus; fmông jêz siz iz ndis têx qơư tu zus, cêr mul lok hâur guôx, qơư tu zus thiêz tsuôs nzir yuôx tuô, lov têx caz moz..... Pos Lê Thị Thúy, xã Minh Quân, huyện Trấn Yên heik:“Lơưr chuôz zis saz tov muôx buô trâus moz, nhiv no zuk cux lok six cxơưx. Nhiv no tsuôk pâuz tsuôs yuôx thiêz muôz têx hmôngr jêz siz lok fmông, tsi muk tov lơưr tsêr xưz, muôx đaz tsi mak puôr lênhx tuôx ntơưv trôngx vas siz hu thiêz siz heik xưz”.

Taz sik, đhâu zuôr xar iz hlik muôx moz huôv xênhz xuz thơưx ntơưv huyện Văn Chấn, xav txos hnuz 29/5, tưz muôx 8 hâur 9 thax tsav qơư ntơưv tỉnh Yên Bái muôx moz ơưk buô châu Phi huôv xênhz, đros thiêz xar muôx 1.900 tuk buô trâus moz thiêz xar tas hur si têx buô muôz hlơưr por tsês muôx 80 ntâu tênhr. Iz hâur têx qir tiv uô moz ơưk buô châu Phi huôv xênhz siz cik sei thiêz ntơưv têx xã tox siêz đêz đrôngs cux muôx moz hur si zos hâux lưv phax tar moz nhoz iz cxiê thax tsav qơư uô tsi truôx, tsi qênhz shuôs jông fax thâux têx nôngz buô, grêix buô. Muôx kênh suôv qơư tiv têx chuôz zis tu zus zuôr nôngz buô txix thax tsav muôx moz lok, thiêx uô huôv xênhz moz ơưk buô châu Phi. Txix qênhx shênhx moz siz cik sei, tỉnh Yên Bái tưz chox kriê cxuô thax tsav qơư qênhz shuôs đuô hur si hâux lưv phax tar moz ơưk buô châu Phi chiê tso tơưv têx faz tsưr ziv phax tir thêir huv đros thiêz jông; qir uô têx tsưr ziv tsuôs yuô tuô, lov caz moz trơưk li tưz fuô kriê. Iz chas ntơư tỉnh uô lơưr têx tsênhv chei paz hlơưr por tsês têx buô trâus moz; yax kriê trâu tsôngv box sđ pâuz lok têz qơưk tsênhv chei paz, tir thêir tsi chiê muôz têx buô muôx moz muôs ntâu. Đros trâu têx li heik co, tỉnh cux yênhx lix 47 qơư seiz jor, qênhz shuôs moz tsiêx cxu tax, muôz zuôr xar 7 cxênhz lir yuôx đros têx chuôz zênhx chiê tsuôs tuô, lov caz moz ntơưv têx qơư muôx moz, qơư riêz nênhs thiêz qơư seiz jor, qênhz shuôs moz; muôz 3 luz meir tso tênhv tuô buô phưx vưv hâux lưv hlơưr por tsês têx buô muôx moz. Zơưv Nguyễn Văn Khánh, Phưv Chủ tịch Ủy ban tỉnh Yên Bái heik pâuz:“Ủy ban tỉnh tưz chox kriê Sở Kôngz nuv thiêz huôv tsar tox siêz, cxuô sở ngênhx cik txos uô lơưr hur si têx tsưr ziv zênhx max phax tir thêir moz ơưk buô châu Phi. Muôz tas nro têx buô moz thiêz tâu xav tiêk trâus moz ntơư hlơưr por tsês thiêz tsi khênhr fax thâux têx buô, xiv huv grêix buô mul lok hâur thax tsav muôx moz. Tsưr tsix yax mông, fuô kriê trâu tsôngv box pâuz lok moz têx txơưr txar thiêz tsưr ziv phax tar chiê txix ntơư tir thêir moz ơưk buô châu Phi siz cik đêz đar”.

Đros trâu ntâu faz tsưr ziv uô uô cê, tỉnh Yên Bái tsênhv sir jos cov nzor phax tar tâu thiêz txo grêk tsơưs moz ơưk buô châu Phi siz cik đêz đar trâu ntâu thax tsav qơư./.

                          (Thừa Xuân-Riê Lâux cxeik, nhênhv)

Sơn La bax lênhx nênhs li chak trâu jiês thik tưr cơưv tiêr ntơưr lớp 12 thôngz têz qơưk shông 2019?

Nus: Uô ntêx thor cox puz pâuz txos six hơưv no, hâux lưv bax trâu jiês thik tưr cơưv tiêr ntơưr lớp 12 thôngz têz qơưk shông 2019 ntơưv tỉnh Sơn La tưz tâu kriz uô li chak?

Têz: Jiês tưr cơưv tiêr ntơưr lớp 12 thôngz têz qơưk shông 2019 ntơưv tỉnh Sơn La muôx 10.608 lênhx shux xênhz cxaz chuôz dưv thik, chor shux xênhz zuôr thik tưr ntơưv 33 qar thik, đros muôx 453 qar thik. Txos six hơưv no, cxuô côngz xưv bax trâu jiês thik tưz tâu kriz uô jông huv lơưr cuiz tênhv. Tsênhv tsênhz zos pêz tưz yênhx lix tâu Ban sêiz car thik tưr. Ban sêiz car thik jiês no muôx 6 luz tsêr cơưv cxaz chuôz, zos: Học viện pov chir yax kriê, Đại học kiểm sát, Đại học sư phạm Hà Nội 2, Đại học tài chính-zênhx hangx, Cao đẳng sư phạm tỉnh Điện Biên thiêz Cao đẳng sư phạm Hòa Bình. Pêz cux tso tơưv cuêz tênhv yênhxx lix hôiv đôngx thik, hâur co muôx lênhx tov Sở, lênhx tov chor phongx ban thiêz tiv zix zhsông no lênhx tov chor tsêr cơưv Đại học, cao đẳng tuôx sêiz shuôk thik ntơưv tỉnh cux cxaz chuôz ciês trâu Hôiv đôngx thik thiêz chor Ban thik. Tiv 2 zos lok cxuô zav mak pêz tưz bax jông cxiv luôs camera sêiz kaz nhoz têx qơư zov chênhr, xưk li uô têx jax thik, qơư tsês chiê têx jax thik, qơư chấm thik…Tsuv hêik tiêk no zos iz côngz xưv bax trâu jiês thik tưz tâu uô jông, cxix cxuô, tas nro tưz bax tiêr. Txos six hơưv no mak tsik yuôr kror tưs phiv liv.

Nus: Sở tưz bax têx cán bộ li chak chiê hlôngr trâu chor cán bộ uô cxâuv chêi hâur jiês thik tưr tsêiz no?

Têz: Lok hâux lưv no mak Bôv Zoz zux-Thox cxov tưz muôx chox kriê tsênhv tsênhz. Lơưr tsưr ziv, cêr chêi, pêz tưz zuôr txis sở têx phongx, ban; oz zos chor nênhs lênhx tov têx tsêr cơưv đại học, cao đẳng sik côngv đros; tiv oz zos trưởng têx phongxm ban chor tsêr cơưv cao đẳng, đai học. Viv li mak chor nênhs nhoz têx tsêr cơưv đại học, cao đẳng cxaz chuôz sêiz car thik shông no zuôr muôx nhoz cxuô kror hâux lưv, txix Ban sêiz car, txos hôiv đôngx thik thiêz chor Ban thik. Txos six hơưv no mak tas nro cxuô lênhx nênhs tưz tâu bax tiêr jông lơưv”.

Nus: Đhâu têx phiv liv hâur jiês thik tưr shông uô ntêx, têx vênhv thix tưs tâu nganhx tsov cưv txos sâu chênhz zênhv chiê hâux lưv tsưr tsix jiês thik shông no cov tâu truôx đuô?

Têz: Lơưr cur mak têx phiv liv tiv zix txix shông uô ntêx têx jâuv zos tiv iz kror têx chêix hâur tsưr ziv thik tưr tsik tâu uô truôx jông. Taz sik, têx hâux lưv co tưz tâu Bôv Zoz zux-Thox cxov chox kriê hâur kriz uô têx chêi thik tưr shông no. Viv li, cur xar tưz truôx jông lơưv, mak zos xar uô cxâuv shông no cux uô tsik tâu.

Nus: Chiê chor shux xênhz thiêz nênhs hâur chuôz zis tsik cxơưx txos têx phiv liv li jiês thik shông uô ntêx; thôngx cxix muôx tâu tsưr ziv, truôx siêz jông tiv zix hla trâu jiês thik tưr cơưv tiêr ntơưr  lớp 12 thôngz têz qơưk shông no, nganhx tưz uô hâux lưv yax kriê jông li chak? Thor cox puz pâuz nzir?

Têz: Ban sêiz car tưz cơưv thiêz kriz uô têx jênhv vưv. Thành viên Ban sêiz car muôx chủ tịch, lok sik phưv chủ tịch UBND têx huyện. Pêz cux xav jênhv côngz xưv yax kriê zos kror hâux lưv xuz thơưx. Tiv iz zos yax kriê trâu đoanx thêv, pêx xênhv sơưr đơưk, tiv zix zos shux xênhz niêv txir thiêz chor shux xênhz pâuz tâu têx chêi thik. Tiv oz zos uô jông têx tsênhv njiêz chiê tsưr tsix jông jiês thik tưr no. Tsênhv tsênhz, cxuô lênhx nênhs cux tso siêz lok côngz xưv bax trâu jiês thik, viv cxuô kror tưz tâu bax jông thiêz cxix cxuô lơưv.

Thor uô cox tsâus ntâu!

                                                                      (Thu Thùy-Lik Thox cxêik nhênhv)