Cheix tsâu sor nhoz tiêx đras liêx Buôn Triết ntơưv tox siêz Đắc Lắc

Zênhx max đros chuôz zis lêis sâu têx blêx thâux cưr lok trâu qơư ntâuk blêx, pos Nguyễn Thị Phán, nhoz jok Buôn Tung 1, xã Buôn Triết, shir phaz heik pâuz, khov ntux paz viv li têx blêx uô tâu hloz lox, pur siêr jông. Chiv no, pos tsêz chos 4 ha ntâu chor blêx tsư ha 8. Têx tuz luôv lơưr tuôx sâu zuôr ciês ntơưv liêx têz, viv li leis sâu thiêz muôs lok six zôngx ziv. Pos Phán njuôk xav, chuôz zis muôx têx tâu liv nhos 150 tsov đeiv hâur chiv blêx no.“Iz zav li cur chuôz zis tsêz uô zav nôngz blêx tsư ha mak 360 xưv phaz cux tax tâu 1,2 tênhr blêx. Hok tus grik trơưk li hâur ciêz đrôngs, shông no cux tâu gri mê njik pir li shông uô ntêx, lơưr chor tuz luôv tuôx sâu zuôr mak lêis sâu txos tưs cur cux lux tâu blêx trâu tuz luôv txos co. Blêx cux muôx qơư muôs, shông no gri têx blêx cux siêz mê njik, tsôngv px cưr tix nênhx tsa sđ muôs cux zôngx ziv muôs”.

Kuôk thax qơư co tsi yuô đêz, zơưv Nguyễn Công Hùng, nhoz jok Mê Linh 2, xã Buôn Triết chuôz zis, cux tsênhv max lêis sâu têx blêx. Zơưv heik, chuôz zis muôx 5 ha liêx, txix ntâu shông đhâu puôr lênhx tsêz chos zav nôngz blêx ST-24. Shông no, đros trâu uô blêx, zơưv tsênhv muôz zuôr xar 1.800 xưv phaz liêx hlôngr chos kok liêz thiêz. Ziv muôx nzir cêr jông siêz thiêz shir phaz đuô thâuv khơưz sâu chiv kok liêz no cux tâu ntâu, gri muôs ntơưv liêx têz zos txix 8-10 cxênhz đeiv iz cir. Blêx cux lêis sâu tâu nju đuô thiêz muôs tâu gri đuô pir li cxiê shông:“Shông no pov têx blêx tâu nju đuô, 360 xưv phaz tsuv sâu tâu 1,2 txos 1,3 tênhr blêx nhôngk, lêis sâu blêx nhôngk li co lok lux muôs ciês trâu chor tuz luôv, lơưr zuôr gri txix 6.700 đeiv iz cir. Thiêz têx tuz luôv tuôx zuôr ciês ntơưv qơư”.

Zos xã phênhv ntâu uô liêx têz, muôx têx liêx têz blêx ntâu đuô hur si hâur huyện Lắc, chiv kôngz ntux tsâus yiêz shông no, xã Buôn Triết tsêz chos zuôr xar 2 cxênhz ha blêx liêx. Trơưk li zơưv Bùi Mạnh Hải, Chủ tịch Ủy ban xã Buôn Triết, shông no, khov ntux paz, muôx txâuk đêx trâu uô têx liêx viv li blêx hloz lox jông, leis sâu tâu nju. Xav kror đruôz đraz iz ha tax 9 tênhr; lar heik, iz cxiê zav nôngz blêx li: Blêx tsư ha 8, ST-24, ST-25 lêis sâu tâu 12-13 tênhr. Blêx tâu chor tuz luôv tuôx sâu zuôr ciês ntơưv qơư, gri muôs txix 5.800-7 cxênhz đeiv iz cir seiz têx blêx zos zav blêx tưs. Pir li cxiê shông mak gri shông no siêz đuô iz cxênhz đeiv iz cir:“Tâu têz qơưk moz siêz txos, yưv pênhr cxiv uô txox cêr muk lol hâur xã cux iz zav li iz cxiê txox cêr muk lol hâur thax tsav, viv li lok six zôngx ziv trâu tsôngv px sđ muk uô liêx têz, thâux xa têx kôngz. Tiv 2 zos txos iz jiês no ntux cux tsênhv yar jông, zôngx ziv trâu tsôngv niêv txir cưr tix nênhx tsa sđ lêis sâu têx kôngz. Xã Buôn Triết muôx tsưr ziv uô nox cê uô trơưk li têx tưz pâuz thiêz pov đhâu cê uô lơưr têx tsưr ziv uô nox yiêz, muôx têx lênhx cxiz kôngz thiêz nênhs nhênhz chơưv khoa học moz siêz paz max txos, viv li iz cxiê zav nôngz blêx tsôngv box sđ gra lok chos hâur thax tsav, phênhv ntâu uô tâu trơưk tsưr ziv thiêz sâu tâu nju”.

Cux trơưk li zơưv Hải, chiê paz max tsôngv px truôx siêz uô nox uô hâuk, hâu nov ntơưv qơư tưz tsưr tsix têx jiês cơưv, kriê cxaz tsưr ziv uô nox, xeir têx nôngz kôngz jông, tsuôs yuôx tuô lov caz hmoz. Iz chas ntơư, xã cux paz sik côngv đros têx HTX thiêz chor qơư muôz nôngz kôngz jông, txâuk njênhs  thiêz têx HTX sâu zuôr tsôngv px têx kôngz uô tâu. Tsôngv px cux bax uô lơưr têx tsưr ziv uô nox yiêz viv li hâux lưv tsoz phưz thiêz sâu têx blêx ziv hnuz ziv uô tâu jông. Đros trâu têx tsoz chos công nghiệp, tsoz chos blêx tưz zok nriêr tâu qơư sơưr nhoz thax tsav tox siêz no, paz taz por txiv ngaz kôngz krâur thiêz phênhv sâu tâu truôx tuk trâu tsôngv px./.

(VOVTN-Riê Lâux cxeik, nhênhv)

Têx lớp kriê cxaz tsi pôngz nhiêx txiêx cxôngx têx cưk kriê li

siêz jông

          Tưz 2,3 luz hlik no, txơưv yar ntux lok sik lok nas, thâuv txos 8 six tsâus ntux hâur niêx hnuz cưk kriê ntơưr nhoz tsêr cơưv THPT Tông Lệnh, huyện Thuận Châu, tỉnh Sơn La ho sik hlôngr muk kriê cxaz ntơưr trâu 30 lênhx shux xênhz THPT cơưv lớp 12. Cưk kriê Nguyễn Quang Hòa, Phưv Hiệu trưởng tsêr cơưv puz pâuz: No zos lớp kriê cxaz tsi pôngz nhiêx txiêx mak tsêr cơưv yênhx lix tsês trâu shux xênhz zos mê nhuôs tsôngv box mênhx cxưx tsơưs nênhs cơưv tsi yuô pâuz ntơưr, njuôs xav zuôr thik tsi tâu hâur jiês thik cơưv tiêr THPT, chêx chôngk phênhv ntâu lok iz cxiê môn cơưv li Toán, Văn, Luk Anh. Iz lênhx shux xênhz puôr lênhx nhiês muôx nhiês têx phêv liv txơưr, tsi muôx theox chênhv muk cơưv cxaz ntơưr:       “Têx mê nhuôs shux xênhz mak nhiês muôx nhiês luz nênhx txơưr. Muôx têx lênhx tsi muôx txir, niêv mak muk zuôr txir viv li tsuôk đros pos zơưs nhoz. Muôx têx lênhx tsi muôx niêv, txir muk zuôr pox niêv, tsuv đros niêv đaz txir đaz nhoz. Lok sik muôx têx lênhx mak trâus sêv khiz lok luz chêr. Muôx têx lênhx muôx niêv muôx txir taz sik chuôz zis lok six txov nhêv”.

          Tòng Văn Duy, shux xênhz lớp 12A5 thiêz Lèo Thị Tươi, shux xênhz lớp 12A6, tsêr nhoz jos Cha, xã Bó Mười, kuôk tsêr cơưv 2,3 châuv cei cêr pheiz kênh:“Cur txir pôngz tưz tâu muôx nhos 1 shôngk ntâu lok no, cur chuôz zis lok six txov nhêv. Cxôngx thâuv tsênhv zâu cur tsi tâu muk cơưv cxaz ntơưr jiês tưs hlo, viv li cur cux xar njôngr thik tiêr ntơưr, luz nênhx txov nhêv li no, cur xar tâu tror muk cơưv ntơưr mak cux lax!”

          “ Thâuv cơưv tiêr cxênhx 3, txơưv tsi tâu muk cơưv Đại học, cao đẳng taz sik cur cux tror muk cơuv shâuv hâux lưv uô chiê muôx tâu iz hâux lưv truôx tul thiêz luz nênhx zuôr txu grês phênhv tưs têx phêv liv”.

          Thâuv ntêx, fênhx pheiz iz shông tsêr cơưv THPT Tông Lệnh muôx muôx nhos 10-15 lênhx shux xênhz thik tsi tâu THPT. Cxơưx lok shux xênhz li luz nênhx tov kaz no, đros siêz xar njôngr 100% têx shux xênhz puôr lênhx thik tâu tốt nghiệp, cxôngx shông cơưv 2019-2020 txos shông cơưv no, Ban giám hiệu tsêr cơưv, đros têx cán bộ, cưk kriê tưz truôx siêz krêz lớp kriê cxaz tsi zuôr nhiêx txiêx trâu shux xênhz tsi yuô pâuz ntơưr lok thâuv hmo ntux cxôngx 8 six txos 10 six ntơưv tsêr cơưv. Lơưr cưk kriê Nguyễn Thị Minh Xen, kriê môn Văn mak txơưv muôx lok six ntâu hâux lưv hâur tsêr cơưv, hâur tsêr, taz sik cưk kriê cux sir jos muk kriê ntơưr trâu shux xênhz. Đrâuv co têx shux xênhz cơưv txơưx đuô cux cxaz chuôz paz kriê cxaz trâu têx shux xênhz cơưv tsi yuô pâuz ntơưr cxôngx zôngv zuk li luk mênhx cxưx chiê fôngx zưs zôngx ziv to tâuz đuô:“Hâur ntu kriê ntơưr mak cưk kriê cux tsuv bax li chas cov huv đros têx hâux lưv hâur tsêr cơưv thiêz hâur chuôz zis, tiv zix pêz li qơư tsov txos zos ndar txos pêz têx shux xênhz nziv hluz”.

          Khov têx cưk kriê thiêz shux xênhz li têx sir jos, ntơưv jiês thik cơưv tiêr THPT têz qơưk shông 2020 nhiv kruôr đhâu, chêx cuk tax tâu jông đuô trơưk li siêz xar. Cưk kriê Nguyễn Quang Hòa, Hiệu phó tsêr cơưv THPT Tông Lệnh shir phaz heik:“Li tsêz no, thâuv jênhv tâu chêx cuk jiês thik cơưv tiêr cxênhx 3 mak cur tưz lok cuô muôs viv muôx nhos 30 lênhx shux xênhz njuôs xav zuôr thik tsi tâu ntơưr puôr lênhx thik tâu 100%. No zos cêr shir phaz tiv zix. Thâuv têx shux xênhz tơưv shux mak shux xênhz cux ndo txos têx cưk kriê tưz kriê ntơưr trâu zuk”.

          Shông cơưv no, tsêr cơưv muôx 373 lênhx shux xênhz khối lớp 12 đăng cir dưv thik cơưv tiêr cxênhx 3, hâur co muôx zuôr xar 30 lênhx shux xênhz cơư tsi yuô pâuz ntơưr tâu tsêr cơưv paz kriê cxaz tsi zuôr nhiêx txiêx. Hâur ntu kriê cxaz txos thâuv suôv câuv jiês thik cơưv tiêr THPT, tsêr cơưv vênhv tôngv têx ziv chuôz zis kinh doanh tsêr so nhoz jê tsêr cơưv paz têx shux xênhz muôx tsêr nhoz đêz muôx qơư nox so tsi pôngz nhiêx txiêx, taz por. Tiv zix, hâur 2 hnuz thik, cxôngx tsưr ziv hu grus hâur xã hội, tsêr cơưv sâu bê têx shux xênhz muôx luz nênhx txov nhêv chiê paz pluôk nox sơưr nzor thiêz tar su tsi zuôr nhiêx txiêx ntơưv tsêr cơưv.

          Đros Tòng Văn Duy, Lèo Thị Tươi thiêz têx fôngx zưs txơưr, cưk kriê li siêz jông, txơưx jênhv chênhr zos đas jos paz têx shux xênhz thiêz chuôz zis khưx phưx têx phêv liv, sir jos tax chêx cuk siêz hâur jiês thik cơưv tiêr THPT zuôr txos./.

                                                    Đức Anh, Thào Ly-Txâur Vax cxeik nhênhv