Lai Châu tsik chiê chor xar, jêx jok cêv kuôk tiv ntux nas chuô

Xar Mù Sang, huyện Phong Thổ, tiv phaz trâus hiêv hnhar hâur oz jiês ntux nas đêx ngaz cuôr thâuv hli 4 thiêz hâur hlik hli 7 nhiv kruôr đhâu uô 4 lênhx nênhs tuôs, trâus hiêv txos pêx xênhv li cxuô zav tas ntâu tiv đêiv nhiêx. No cux zos tiv phaz muôx ntu cêr muk hâur xar thiêz ntâu ntu cêr muk têx jêx jok trâus ruôr hiêv ntâu, thâuv muôx yênhx châuv qơư trâus ar poz cxuz, uô cêv kuôk têx jêx jok hâur xar thiêz xar muk trâu têx xar txơưr đuô hâur thax tsav.

Txơưv trâus hiêv ntâu, taz sik tsik tâu muôx jiês tưs Mù Sang trâus cêv kuôk ntêr hnuz, tiv pêx xênhv cux paz zôngx ziv trâu chor nênhs uô cêr kho đuô thiêz hêik chor nênhs nhoz ntơưv qơư paz trâu chor nênhs thầu thoz huk, kho đuô cêv ntơưv têx qơư muôx ar poz cxuz tsơưs. Tiv zix, txos hâur chêix ntux nas, chính quyền tiv phaz tưz uô hâux lưv đros têx doanh nghiệp nhoz sâuv thax tsav chox têx mêir lok trâu ntơưv têx qơư phiv liv, chiê sêiz jor bax kho đuô têx cêr thâuv muôx yưv têx phiv liv tsik jông. Zơưv Trần Hải Quý, Giám đốc Công ty TNHH Hòa Quý, doanh nghiệp nhoz sâuv thax tsav huyện Phong Thổ hêik:“Pêz zos chor doanh nghiệp nhoz sâuv thax tsav huyện, tsênhv sir jos kriz uô têx côngz trinhx nhoz sâuv huyện, mak taz viv cux bax têx mêir, lênhx nênhs thiêz cxuô zav. Thâuv sâuv thax tsav huyện muôx yưv  ar poz uô cêr muk lok tsik  tâu, mak pêz cux paz uô cov cêr muk lok tâu đhâu sêiz tiv zix”.

Đros thax tsav zos tox trôngx nxaz tox, trâus cêv kuôk txix têx  cưx đêx cưx ha, chêix ntux nas chuô shông 2019, huyện ntus đriv Phong Thổ zos tiv phaz trâus ruôr hiêv ntâu lok zoz thôngz tiv zix tỉnh Lai châu, đros muôx 60 tiv đêiv ntâu. Đrâuv chor cêr 100, 4D, txox cêr 130, 132, mak chuôz li chor cêr muk trâu têx xar, jêx jok puôr lênhx trâus poz. Ntâu luz xar, jêx jok tưz zênhx trâus cêv kuôk ntêr hnuz, pêx xênhv muôx tsik txâuk zav nox thiêz tsuv muôx saz đrâuv paz mak thiêx zuôr taz por tâu luz nênhx. Zơưv Vương Thế Mẫn, Phưv chủ tịch UBND huyện Phong Thổ puz pâuz: Sâu chênhz zênhv txix shông uô ntêx, hâur chêix ntux nas chuô shông no, Ban chỉ huiz phax tar ntux têz uô hiêv thiêz zok nriêr chơưv paz huyện tưz chox kriê chính quyền xar, thị trấn yênhx lix chor đội cơ động tsik so qênhz yuôx chor qơư phiv liv zôngx ziv muôx ar poz siêz chiê hêik trâu pêx xênhv pâuz phax txar jav. Đuô li, chor xar muôx jênhv vưv hêik têx doanh nghiệp tsênhv uô têx côngz trinhx sâuv thax tsav, chiê sik côngv paz trâu huyện khưx phưx têx trâus hiêv lok zoz thôngz hâur chêix ntux nas chuô:“Pêz tưz cxiv tsa tsưr ziv chiê sêiz jor yênhx hnuz hmo, thiêz tiv zix chor lưx lươngv doanh nghiệp lox tôngv sâuv thax tsav thâuv muôx têx phiv liv mak sir jos dros thoz huk cov cêr muk lok tâu thôngz. Đros têx qơư tsuôk muôx iz txox cêr muk lok đhâu mak pêz njuôk xav tsưr ziv kriz uô nzir têx txox cêr txơưr chiê muôx cêr muk lok tâu. Hâur ntu zuôr txos, huyện tror cxiv uô têx tsưr ziv kho đuô, kriz uô nzir têx ntu cêr yiêz, chiê taz por ngaz tuk zoz thôngz hâur chêix ntux nas chuô”.

Chor doanh nghiệp thiêz pêx xênhv bax kriz uô tsưr ziv “4 ntơưv qơư” xưk li chox kriê, sêiz car ntơưv qơư, bax nênhs ntơưv qơư, viv li chor cêr muk têx xar, jêx  jok sâuv thax tsav huyện ntus đriv Phong Thổ tsik so tâu taz por muk lok tâu thôngz. Đuô li, huyện thiêz xar muôx tsưr ziv bax têx chuôz zênhx kôngz nuv, kôngz krâur, zav nox thiêz cxuô zav suv muôx txix thâuv hâur chêix ntux nas chuô viv li tưz taz por truôx tuk uô nox thiêz taz por luz nênhx trâu pêx xênhv hâur chêix ntux nas chuô./.

(Khắc Kiên-Lik Thox cxêik nhênhv)