Ntênhs hội lêiv poz 3 têz qơưk VN-Lol Tsuôk-Trung Quốc têx cêr sik thôngx siêz

Ntênhs hội lêiv poz tâu tsưr tsix ntơưv huyện Mường Tè, tỉnh Lai Châu jiês no uô côngv thôngx cxuô heir nênhs hâur thax tsav ntus đriv 3 têz qơưk ntâu txux chi vênhx huôv, cêr lov jêv uô si, têx zav nox kaz. Lar heik, têx txux chi li: Txi côngv, lêiv poz; sik tưr thik uô cxuô heir nênhs têx txux chi cêr nênhx vênhx huôv jông;  nthuôr uô lov jêv; sik tưr hnar heir nênhs tsơưs têx tsôngk tril yo jông, piêr kriê thiêz muôs cxuô heir nênhs tsơưs têx xiv huv vênhx huôv, jux lix.... Zơưv Hoàng Phúc Kiến, Tsar ban côngz xưv mặt trận thôngx ziv huyện Giang Thành, tỉnh Vân Nam, Trung Quốc heik pâuz: Đoanx đại biểu huyện Giang Thành lok six shir phaz thâuv jiês xuz thơưx tuôx trâu Mường Tè cxaz chuôz dưv ntênhs hội. Pêz tso đoanx, têx lênhx nênhs đros uô cxix cxuô têx txux chi cêr lov jêv trơưk li tsưr ziv. Têx uô trâu pêz chor nênhs tuôx đros côngv cêr lov jêv jông siêz thiêz shir phaz zos VN hâux lưv bax cxuô luôs hâux lưv trâu ntênhs hội, shir phaz lus tok tsôngv kruô thiêz px nhoz no li têx cêr nhiêv kruô:“Ntênhs hội tưz uô tsênhz mênhx tâu cxuô heir nênhs hâur cxuô thax tsav qơư li têx txux chi vênhx huôv jông thôngz đhâu têx huv hâur hội ciêz, krêz nthuôr uô cêr lov jêv thiêz sik tưr hnar têx tsôngk tril yo jông..... No tsênhv tsênhv zos iz kror muôx liv, chuôz tsar cxuô heir nênhs cêr sik thôngx siêz thiêz siz paz muôv muôs nhoz 3 têz qơưk VN-Lol Tsuôk-Trung Quốc”.

Ntênhs hội lêiv poz tsi tiêk zos tsôngv px têx huyện nhoz jê ntus đriv 3 têz qơưk têx cêr siz chuôs njiz, mak tsênhv zos six hơưv piêr kriê cxuô heir nênhs tỉnh Lai Châu têx txux chi vênhx huôv jông thâuv nzor heik cxuô thiêz tsôngv px cxuô heir nênhs huyện Mường Tè txux chi cêr nênhx vênhx huôv trâu tsôngv fôngx zưs sđ sâuv ntiêx têz pâuz txos. Đhâu têx nuv uô li heik sâuv tưz chuôz tsar cxiv tsa nzir tsôngv px têx huyện hâur 3 têz qơưk li cêr sik thôngx siêz, siz hluz siz paz; heik lol px VN cêr nhiêv kruô, nhiêv têz qơưk. Zơưv Lỳ Lóng Chờ, nhoz jok Sang Sui, xã Vàng San, huyện Mường Tè, tỉnh Lai Châu heik pâuz:“Iz heir nênhs nhiêk muôx nhiêk têx txux chi cêr nênhx vênhx huôv txơưr tsi siz thôngx. Đros thiêz heir nênhs Hà Nhì mak zos lơưv. Nênhs La Hủ, nênhs Mảng, nênhs Poz Ziz zos Poz Ziz, Cống zos Cống, Hmôngz zos Hmôngz. Muk seiz mak pâuz tâu cxuô heir nênhs nhiêk muôx nhiêk têx txux chi vênhx huôv txơưr tsi siz thôngx”.

Ntênhs hội lêiv poz 3 luz têz qơưk VN-Lol Tsuôk-Trung Quốc thiêz têx hâux lưv uô hâur ntênhs hội tưz uô muôx nzir cêr sik paz sik thôngx siêz nhoz đảng bộ, hâu nov thiêz tsôngv px ntus đriv 3 têz qơưk. Thôngz đhâu ntênhs hội, chor nênhs tuôx đros côngv cêr lov jêv, nthuôr uô têx txux chi tâu siz chuôs njiz, sik cơưv shâuv, tâu pâuz txos luôs 2 chas têz qơưk đrâuv li têx txux chi cêr nênhx vênhx huôv jông, uô trâu tsôngv px sđ muôx cêr sik thôngx siêz truôx jông hâur six hơưv zuôr txos. Zơưv Trần Đức Hiển, Phưv Chủ tịch ủy ban huyện Mường Tè, tỉnh Lai Châu heik pâuz:“Hâur six hơưv zuôr txos, zuôr tror choz seiz car, nthuôr uô têx txux chi vênhx huôv cov jông, chiê cê phưx vưv trâu tuôr tsês, por hưv chiê têx heir nênhs tsơưs txux chi vênhx huôv thiêz krêz uô jông têx cêr nênhx phôngz cxưx vênhx huôv ntơư trâu tsôngv kruô tuôx ndis shuôs ntux seiz uô si, iz chas co uô qơư chiê huôv tsar ju lix hâur thax tsav huyện”.

Ntênhs hội lêiv poz 3 têz qơưk VN-Lol Tsuôk-Trung Quốc, muôx liv lok six jông trâu 3 têz qơưk cêr coaz siv fôngx zưs, chiê chuôz tsar têx huyện nhoz jê ntus đriv tâu siz chuôs njiz, sik paz, sik cơưv shâuv têx txux chi tsưr ziv huôv tsar uô nox. Đhâu xor xưv chính trị, vênhx huôv no zuôr paz cxơưz huôv tsar kinh tế-XH, taz por côx phax, txiv ngaz, cxiv tsa cêr sik thôngx siêz, sik paz lês uô têx hâux lưv nhoz Đảng bộ, hâu nov thiêz tsôngv px thax tsav ntus đriv 3 têz qơưk./.

(Khắc Kiên-Riê Lâux cxeik, nhênhv)