Tsôngv box Đồng Khê (Yên Bái) njiv phêv liv tiv doanh nghiệp tuô poz jêz

Đhâu tsôngv box nhoz uô nênhx iz buôk ndis Công ty TNHH Đại Đồng Tiến thiêz Doanh nghiệp tư nhân Thành Hương nhoz jos Bản Hốc, xã Đồng Khê, huyện Văn Chấn, tỉnh Yên Bái li thax tsav qơư tuô poz jêz Đồng Khê heik lok têx phêv liv mak lơưr tsênhv njiz trâus hâur iz ntu ntêr lok no.

Đhâu seiz shuôk tsênhv tsênhz, qơư tuô poz jêz no nhoz buôk niêv cêr 32, iz saz zos trôngz poz jêz iz saz zos têx ziv chuôz zis tsôngv box jos Bản Hốc nhoz uô nênhx. Saz hâur trôngz muôx yênhx puôk cxiv ndis poz jêz lox zâu uô yênhx pơưs. Đros co zos suôz têx zav meir, poz jêz thiêz yêz đror lok six lox. Muôx têx yêz mak thâux áp phan, muôx yêz thâux poz jêz, taz sik puôr lênhx zos thâux hnhar tsi trơưk cui tênhv, tsi their vor cov jông. Thâuv muk lok uô môngr poz jêz lok six pâus, poz jêz pôngz tas 2 saz ntus cêr...Zơưv Nguyễn Văn Thị- iz hâur têx ziv chuôz zis nhoz jos Bản Hốc tsêr nhoz jê Công ty TNHH Đại Đồng Tiến- taz viv trâus tsôngv box heik uô zênhr shar ntâu txos lơưr luz nênhx puz pâuz:“Pêz nhoz no lok six pâus tsuv cơư trôngx yênhx hnuz. Tiv 2 zos tuô poz jêz mak uô tsêr cux trâus tơưk plêz tas. Pêz tưz ntâu jiês muôx ziv chênhv thix ziv, shông tưs cux thix ziv taz sik tsi tâu tâu car chêx, tsôngv box tsuôk pâuz lav nhoz uô nênhx li ntơưv xưz”

Tiv ntâu luz hlik no thax tsav tsi pov muôx ntux lok nas. Môngr poz jêz za cxuô qơư, pâus tas têx ntông, tsoz chos thiêz đrox, sâuv têx trur tsêr, plas tsêr...Pos Nguyễn Thị Phượng, iz chuôz zis nhoz uô nênhx ntơưv no puz pâuz, đrâuv trâus môngr poz jêz pâus, têx zav meir tsênhv đror uô tôngs njêx, grus trâus têx pa muôx tưx....pox nhuôs nhoz no tsênhv trâus zênhr shar tiv têx yêz muk lok uô poz jêz pôngz tov têx cêr muk lok. Pos Phượng heik:“Tsôngv box thix ziv nhiv no uô li chas chiê thâux trơưk tsưr ziv, tsi thâux hnhar muk lok sâuv cêr uô poz jêz pôngz cxuô qơư, pox nhuôs cux trâus môngr jêz pâus ntâu. Zos suô zênhx max yêz muk lok đhâu mak tôngs njêx, njuôs xav uô muôx yưv txiêz nanv thiêz”

          Zơưv Nguyễn Xuân Gần, Chủ tịch UB xã Đồng Khê, huyện Văn Chấn puz pâuz: Sâuv thax tsav muôx 2 doanh nghiệp zos Công ty TNHH Đại Đồng Tiến thiêz doanh nghiệp tư nhân Thành Hương Nghĩa Lộ huôx tôngv tuô poz jêz ntơưv Bản Hốc. 2 taz viv no đrâuv tuô poz jêz uô chuôz zênhx cxiv tsa tsênhv uô têx luôk hâux lưv txơưr. Shông tưs xã cux pov pox nhuôs heik lok 2 công ty no li hâux lưv uô uô zênhr shar txos tsôngv box luz nênhx. Taz sik, đros xã li qênhx mak cux tsuôk đros 2 công ty no thav thiêz heik lơưr xưz:“Xã tưz đros công ty, doanh nghiệp thav uô li chas cov tuô poz jêz muôx six hơưv, tsi uô nzor lok sik lis uô zênhr shar txos tsôngv box luz nênhx. Lok môngr poz jêz pâus mak cux thix ziv công ty txu grês hâux lưv uô pâus txos cêr muk lok thiêz tsôngv box li tsêr nhoz. Taz sik doanh nghiệp cux tsi taz por tâu, tsênhv muôx tsôngv box tror muôx ziv chênhv heik lok vênhv thix no”.

          Đros thiêz nênhs sâu xor xưv VOV thav lok njiêz luv no, 2 doanh nghiệp heik sâuv puôr lênhx puz pâuz lơưr tsi uô zênhr shar txos tsôngv box luz nênhx. Taz viv li huôx tôngv yax six tâu chiz coaz muôx txơưx jênhv tuôx qênhz yuôx, seiz car.

          Tâu pâuz, Công ty TNHH Đại Đồng Tiến zos zơưv Trần Thành Công uô nênhs hlôngr njêx muôs lok vax huôv, nhoz xã Đồng Khê, huyện Văn Chấn. Công ty no nhiv no tsênhv ntiêr tỉnh Yên Bái li 75 cxênhz yiv ndis ar nhoz jos Bản Hốc chiê huôx tôngv tuô poz jêz, muôx six hơưv txos shông 2042. Yuôr doanh nghiệp tư nhân Thành Hương Nghĩa Lộ mak zos zơưv Vũ Văn Thành hlôngr njêx muôk lok vax huôv. Txix no txos shông 2041, taz viv no cux tâu tỉnh puz ntiêr zuôr xar 22 cxênhz yiv ndis ar nhoz thax tsav no chiê tsiv uô chuôz zênhx cxiv tsa...

          Tsôngv box li têx thix ziv tsi tâu car chêx txos qơư; côngv đros hâux lưv têx doanh nghiệp tror krêz đar huôx tôngv hâur iz ntu ntêr li ntơưv, uô tsôngv box nhoz Bản Hốc heik taz, tsôngv box xã Đồng Khê, huyện Văn Chấn tỉnh Yên Bái heik cxuô lok six cxơưx lok lơưr li luz nênhx zuôr tror trâus uô zênhr shar đhâu ntâu cxênhx nênhs thiêz./.

(Trịnh Xuân-Txâur Vax cxeik nhênhv)

Iz cxiê tsưr ziv tu zus keiz hâur cheix ntux no

          1/Bax chôngx tu zus:

          - Chôngx tu zus tsuv their cov jông, tsi trâus chuô, zos nriêr tsi tâu qơư tsi trâus chuô, pox nhuôs tsuv tsov cưv their cov jông chiê keiz tsi trâus no, zos pox nhuôs tsês qơư cov điv pa hâur chông, zos uô kis cux tsi jông, zuôr yâu chuô lok hâur chôngx zôngx ziv uô keiz trâus moz. Đros ntơư, tsu tơưk tênhz cov keiz sor si, tiv zix zos têx hnuz ntux no njiv.

          - Chôngx tu zus tsuv muôz pheiz uô yênhx qơư mê, cov zôngx ziv uô sor, tsi chiê keiz nhoz hâur qơư đar zuôr tsi sor.

          - Qêz suô chôngx keiz tsik chiê kiêk nênhs.

Nhạc cắt

          2/ Tsưr ziv tsoz phưz, tu zus keiz hâur cheix ntux no.

          - Muôz krâur trâu keiz nox cxix cxuô têx tsơưr pưr, nox cxaz B.Complex chiê keiz muôx đas jos. Iz chas cxax yuôx vắc xin phax moz ơưk trâu keiz tâu têz qơưk paz txưv; tsuv cxax yuôx lơưr tsưr ziv, cxix cxuô têx zav yuôx li: Marek; Gumboro; thox plaz; đôngs nyar...lơưr thú y hêik kriê.

          - Têx hnuz ntux no tsuv tso keiz lis đuô, cơư nzor đuô. Hâur chôngx keiz thâuv tưs cux sor si, hur đu. Tsuôs yuôx tuô caz moz lơưr six hơưv cui tênhv.

          - 5-7 hnuz hlơưr txir bồ kết cxơưz trâu keiz iz jiês, chiê paz phax tar moz tsik chiê keiz trâus moz ơưk.

Nhạc cắt

          3/ Têx tsưr ziv uô cov keiz sor si đuô

          - Zôngv têx tsưr ziv li trâur tơưk, hlơưr xuô blêx, hnhaz blês...Taz sik, thâuv trâur, hlơưr têx suô blêx, hnhaz blês, tsuv muôx qơư tso pa hluôr tơưk đhâu trâu saz đrâu.

          - Pox nhuôs tsuv tơưk tênhv tênhz uô sor trâu keiz ntê. Thâuv zôngv lok hmo ntux tsuv their tênhz tsi chiê chi keiz trâu keiz, kêiz thiêx jông pư tsâus jos./.

                                              (TTKN-Txâur Vax cxeik nhênhv)