Jax thưr 6, hnuz xiêz 4/11/2016:

Lạng Sơn: Bax phax tir thêir ntux no njiv trâu tsiêx cxu shông 2016

      Thax tsav tox siêz Mẫu Sơn, huyện Cao Lộc thiêz Lộc Bình zos qơư xuz thơưx hlo trâus jiês ntux no njiv no hênhr hâur shông 2016. Nhiv no hâur thax tsav tưz muôx ntux nas yâur, jê tưv grêk kis 10-12 tưv. Tsôngv box 2 xã Mẫu Sơn hâur huyện Cao Lộc thiêz Lộc Bình tưz bax ntâu faz tsưr ziv chiê phax tir thêir ntux no trâu 806 tuk tưv, 256 tuk nhux đas xưk li: cxiv tsa, xor thêir đuô têx qơư cơư tsiêx, bax tơưk, xuô blêx chiê trâur trâu nhux tưv ntê hâur têx hnuz no njiv; bax tsês têx jâuz krâur li: Kuôr blêx….trâu tsiêx nox. Zơưv  Dương Dì Phùng, nhoz xã Mẫu Sơn, huyện Cao Lộc heik:

“ Cur chuôz zis tưz bax tâu tsês hur si lơưv, ntux tưz no, lok nas njuôs njêz, bax tơưk lok tsês chiê tâu trâur uô jâuz uô mor nox, hâu krâur trâu tsiêx cxu. 2, 3 hnuz sâuv no zuôr kho, xor thêir đuô têx qơư cơư buô, cơư nhux tưv, tsi chiê têx tsiêx cxu trâus no”.

      Khov uô trơưk têx tsưr ziv li heik sâuv, hâur thax tsav 2 xã tsi tâu pov trâus uô ruôr hiêv li chas tiv ntux no uô hlo. Tsôngv box sđ têx cêr cxơưx nhiv no zos ntux no njiv đros trâu lok nas muôx têx uô hiêv trâu têx liêx têz kôngz lôngk tsênhv siêr jov jơưv zuôr jông sâu. Zơưv Triệu Sáng Dùng, Phưv Chủ tịch UBND xã Mẫu Sơn, huyện Cao Lộc heik pâuz:

“ Txix hâur hnuz đhâu txos nhiv no cux lok six no lơưv, cxơưx trâu tsôngv box sđ sâu têx kôngz, cux heik tsôngv box bax, zos kror tưs kôngz siêr jông lêis sâu mak sâu zênhx max thiêz tsi tso têx tsiêx muk nox jâuz đêz, chiê tsiêx nưk nhoz nưk hâur guôx, lêis jâuz thiêz muôz kuôr blêx têx trâu nox….”.

    Txix ntux têx txơưr txar phiv liv, Sở kôngz nuv thiêz huôv tsar tox siêz tỉnh Lạng Sơn tưz muôx ntơưr chox kriê têx huyện, thị tsuv zênhx max fuô kriê tsưr ziv phax tar no trâu tsiêx cxu, chiê txo grêk tsơưs têx trâus uô ruôr hiêv trâu têx tsiêx cxu hâur thax tsav. Zơưv Lý Việt Hưng, Phưv giám đốc Sở kôngz nuv Lạng Sơn heik:

     “ Pêz yênhx lix têx đoanx côngz xưv muk têx jêx jok thiêz yênhx ziv chuôz zis chiê kriê tsôngv box sđ tsưr ziv qênhz yuôx thiêz phax tar yeiz no trâu têx tsiêx tu zus, hâur ntơư tsưv ziv txos thax tsav tox siêz; heik tsôngv box sđ, iz chuôz zis nhiêk tsuv bax nhiêk têx kuôr blêx chiê trâu tsiêx nox hâur têx hnuz ntux no njiv, thiêz cxiv kho, xor thêir đuô têx qơư  cơư tsiêx cxu….., luôs hâux lưv no pêz heik sđ cov uô tâu tiêr uô ntêx hnuz 20/11; heik kriê tsôngv px sđ têx hnuz ntux no njiv mak tsuv lêis jâuz lok trâu tsiêx nox ntơưv qơư, tsi cxoz tso muk nox jâuz đêz…..”./.

( TTĐB-Riê Lâux cxeik, nhênhv)

Phênhv thưr 6, hnuz xiêz 4/11/2016:

Chêi têz qơưs

Lênhx pox niêv pok thêv lênhx txir têx nux grê thâuv siz đrâux?

     Nus: Ưz oz niêv txir tưz zuôr siz tso siz đrâux, thâuv zuôr siz đrâux, cur tus txir tsênhv yuôr ntâu nux grê; ntơư zos têx nhiêx kir txêik huôv tsar cêr uô nox; taz sik têx nhiêx txiêx ntơư cur cux tsik pov tsik pâuz ciês. Li ntơư cur thor nus , cur pok tsuv đros thêv têx nux grê ntơư?

    Têz: Têx luk cox nus ntơư, cur têz  li đrav kaz:

Trơưk li quy tênhv ntơưv grê 60 chêi siz zuôr uô txix gơưv- cxiv tsa  chuôz zis shông 2014; thâuv oz niêv txir siz đrâux, zos siz txênhz chuôz zênhx chuôz tav đros trâu lênhx nênhs tiv 3, tsuv uô trơưk grê 27, 37, 45 chêi no.

    1, Oz niêv txir têx chuôz zênhx chuôz tav thiêz lênhx nênhs tiv 3 cux tâu uô txix thâuv đhâu siz đrâux tas; zos oz niêv txir ntơư saz lax tsik thôngz.

    2, Zos siz txênhz chuôz zênhx chuôz tav, tsuv uô trơưk quy tênhv ntơưv grê 27, 37 thiêz 45 chêi têz qơưs tso tơưv.

Trơưk li quy tênh ntơưv grê 37 chêi siz zuôr uô txix gơưv thiêz oz niêv txir ntơư têx chuôz zênhx chuôz tav, tsuv tâu sêiz siz bâus.

     3, Têx luôs hâux lưv zos oz niêv txir siz chos saz lax huôv tsar cêr uô nox, zuôr muôs hax huv…thâuv siz tso ntơư, oz niêv txir tsuv tâu uô cê thêv têx nux grê kir txêik ntơư cov zos đrêiv chêi têz qơưs.

      4, Sir zôngv têx pênhr nhiêx huôv tsar cêr uô nox hâur ziv chuôz zis.

    5, Tuz cxêik têx nux grê, niêv txir tsuv tâu thêv cov zos đrêiv li chêi têz qơưs tso tơưv.

     6, Trơưk li quy tênhv hâur chêi siz cik txos.

Iz chas ntơư, trơưk li quy tênhv ntơưv grê grê 30 chêi siz zuôr uoo txix gơưv hâur ziv chuôz zis; zos luôs hâux lưv cox tus txir kir txêik nhiêx chox lok huôv tsar cêr uô nox uô hnar hâur ziv chuôz zis thiêz trơưk li cơ quan Toà án njuôk xav, cox tsuv tâu đros cox tus txir thêv chor nux grê ntơư./.

                                                    (Tsu cxêik nhênhv-Thanh Thuỷ TTTB)