Huyện Krông Buk (Đắk Lắk) nriêr tsưr ziv paz muôx hâux lưv uô trâu chor lox tôngv tror lok txix têx tỉnh faz Nam

Tas six hơưv cêv kuôk đhâu jiês tror lok ntơưv zuk qơư nhoz, tix lâus Y Ngọc Niê, nhoz jok Ktơng Dru,, xar Cư Né, huyện Krông Buk tsênhv zok nriêr hâux lưv uô ntơưv thax tsav qơư nhoz. Y Ngọc Niê puz pâuz, ntu uô ntêx tix lâus uô công nhân hâur công ty nhoz thị xar Bến Cát, tỉnh Bình Dương. Tiv moz Covid-19 uô phiv liv, đhâu ntâu hli tsuv nhoz ntơưv Bình Dương thâuv luz tỉnh no kriz uô ntov jông têx tsưr ziv chiê phax tar caz moz, txơưv tưz tâu cxax oz côngz yuôx vắc xin; taz sik tiv hâux lưv uô tsik truôx, zuôr zôngx ziv trâus cik tâu caz moz, têx nhiêx cxênhx txuôs tâu cux sir zôngv tas, tix lâus Y Ngọc tror lok zuk qơư nhoz chiê phax tar caz moz thiêz nriêr hâux lưv uô nhoz jê tsêr.

“Cur tsênhv xar tiêk thâuv muôx hâux lưv uô truôx tuk đuô mak zuôr zok nriêr iz kror hâux lưv uô cov huv đros trâu zuk. Viv cur nhiêv tsar yêz thiêz cux muôx ntơưr tsar yêz lơưv viv li thâuv caz moz tâu tir tar lơưv mak zuôr zok nriêr iz kror hâux lưv uô ntơưv iz công ty lok sik iz doanh nghiệp chiê tsar yêz. Hok uô ntêx mak cur zuôr nhoz tsêr chiê paz uô têx liêx têz, cux tưz zuôr txos trâu chêix sâu đê cà phê viv li cur zuôr muk đê txir cà phê chiê muôx nzir phênhv sâu”.

Cux tsênhv nhoz tok nriêr nzir phênhv sâu thâuv txos chêix sâu đê txir cà phê, tix lâus Lương Văn Hữu, nhoz jok Cư Mtâo, xar Ea Sin, huyện Krông Buk hêik pâuz, tix lâus tror lok txix Bình Dương trâu Đắk Lắk thâuv hli 7 txos nhiv no. Tiv chuôz zis txov nhêv, ar uô nox muôx tsơưs viv li kuôk no oz shông, thâuv tsênhv cơưv lớp 10 tix lâus tưz tso ntơưr tsês chiê muk uô công nhân trâu ntơưv Bình Dương. Txix kaz hli 5, moz Covid-19 uô phiv liv ntơưv têx tỉnh faz Nam, công ty txo grêk tsơưs lênhx nênhs uô hâux lưv, tix lâus đros chôngz lênhx nênhs txơưr đuô tưz tsuv so hâux lưv thiêz tror lok ntơưv zuk qơư nhoz. Hâur ntu nhoz tok  nriêr hâux lưv uô, tix lâus Hữu tưz đăngk cir đros chor hluôk uô hâux lưv phax tar caz moz ntơưv thax tsav qơư nhoz.

“Cur lok cur pov lơưr muk paz uô hâux lưv mak txov nhêv hênhr, cur lok txos tsêr lok cux tsuôk nhoz tsêr xưz uô tsik tâu đaz tsi hlo viv li cur cux đros lơưr muk uô têx hâux lưv co. Cur vav tiêk caz moz zuôr nzor tâu tir tar chiê sơưr đơưk tror muôx tâu luz nênhx jông li kuz”.

Lơưr zơưv Hoàng Kiên Cường, Chủ tịch Ủy ban huyện Krông Buk, tỉnh Đắk Lắk, txix hli 5 txos nhiv no, huyện tưz tok muôx nhos 6.000 lênhx nênhs tror lok txix têx tỉnh Bình Dương, Đồng Nai thiêz thành phố Hồ Chí Minh, phênhv ntâu zos chor nênhs muk uô nox tror lok. Đhâu ciês txêik tok tâu chor nênhs co tror lok, huyện tưz kriz uô têx hâux lưv qênhz yuôx y têr, phêiz qơư muk cêv kuôk lơưr cui tênhv chiê taz por ngaz tuk phax tar caz moz.

Đros têx tsưr ziv truôx tuk luz nênhx trâu pêx xênhv tror lok ntơưv zuk qơư nhoz, huyện cux tưz paz muôx hâux lưv uô nox muk ntêr trâu chor nênhs lox tôngv. Zơưv Hoàng Kiên Cường puz pâuz, huyện Krông Buk nhiv no muôx nhos 133 công ty, doanh nghiệp thiêz chuôz zis kinh doanh tsênhv uô ntâu kror hâux lưv sik txơưr, paz muôx hâux lưv uô truôx tuk trâu xar muôx 70 lox tôngv.

Đros co, nhiv no, tas nro huyện muôx zuôr xar 19.800 héc ta cà phê tưz zuôr txos trâu chêix sâu đê, đros njuôk xav zuôr sâu tâu muôx 44.200 tấn ntâu. Lơưr co zuôr tsuv muôx nhos 800 cxênhz côngz sâu đê, bâuv li xar muôx 27 cxênhz lox tôngv sâu đê hâur 30 hnuz. Têx shông đrav ntêx, iz shông huyện tsuv huiz tôngv muôx 6.600 ntâu lênhx nênhs txix têx tỉnh txơưr tuôx chiê paz đê cà phê. Shông no, tiv caz moz uô phiv liv; viv li chor lox tôngv hêik co zuôr huiz tôngv tsik tâu, hlôngr trâu co, huyện zuôr khov trâu chor lox tôngv tror lok txix têx tỉnh chiê cê taz por sâu đê tâu têx cà phê, cê paz muôx hâux lưv uô thiêz phênhv sâu ciês hâur ntu no trâu pêx xênhv./.

(TTTN-Lik Thox cxêik nhênhv)

Lênhx pox niêv txơưx huôv tsar cêr uô nox nhoz tơư trôngz Pha Đin

          Têx hnuz no, nôngx mênhx xã Phổng Lái, huyện Thuận Châu, tỉnh Sơn La tsênhv sâu têx blôngx njik yuôx zêx chiê muôs trâu HTX tsiv uô, zuôr muôv yuôx zêx Bình Thuận. HTX li tsưr ziv jiêz kra yuôx huôx tôngv tas công suất, uô yênhx hnuz hmo.

          Niêv lâuk Nguyễn Thị Bình pheiz kênh: Hâur têx shông 1960, niêv lâuk niêv txir nhoz Thái Bình tuôx trâu xã Phổng Lái chiê krêz phaz uô nox uô hâuk. Txos shông 1971 niêv lâuk tâu xênhz zus ntơưv Phổng Lái thiêz nhoz uô nênhx đros tsôngv px cxuô hêir nênhs thax tsav qơư no txix thâuv co txos nhiv no. Têx tox trôngz chos yuôx zêx njuôz jông nhoz đreiv hâur niêv lâuk siêz tsi plox, cux zos hâur pâus cxơưz cxiz niêv lâuk truôx siêz chos thiêz tsiv uô yuôx zêx yênhx zav tsoz chos tsênhv nhoz no. Kaz shông 2013, niêv lâuk Bình đros têx lênhx nênhs yênhx lix HTX Bình Thuận, qir thơưx HTX tsuôk tsiv uô thiêz muôs tơưv yuôx trâu niêv ciêz Đài Loan thôngz đhâu iz taz viv txơưr, thâuv co cux zos ntu choz yuôx zêx hâur Công ty yuôx zêx tiv phaz thiêz HTX viv li njiz lok six ntâu phêv liv:

          “Thax tsav chos thâuv co tsênhv zos Công ty li, viv li thâuv HTX sâu zuôr xiv huv trâu pox nhuôs thâuv yuôx zêx muôx ntâu mak Công ty tsi heik tul tsi, taz sik zos yuôx muôx tsơưs mak Công ty ho heik tiêk HTX txênhz, đhâu co HTX tso tsês tsi sâu zuôr thiêz, pox nhuôs tsi muôx qơư muôs ho heik trâu huyện, đhâu co huyện thiêx chox kriê lok, heik HTX sâu zuôr trâu pox nhuôs”.

          Đhâu zuôr xar 10 shông, txos nhiv no HTX li xiv huv yuôx zêx tưz khav tênhv tâu tsơưr lươngv, xiv huv tax OCOP cấp tỉnh, zos xiv huv công nghiệp nôngx cxênhz jông hâur tỉnh shông 2019, tax xiv huv nôngx cxênhz jông cấp thax tsav shông 2020 thiêz tâu Trung ương cungz ntơưr côngz jênhv xiv huv OCOP jông thax tsav txov nhêv ntu 2018-2020.

          HTX li tas nro phênhv sâu hâur 5 shôngk jê ntơưv no tax 10 tỷ đeiv ntâu iz shôngk, muôz hâux lưv uô trâu 30 lênhx nênhs lox tôngv tiv phaz thiêz tiv zix HTX tưz sik côngv sâu zuôr xiv huv trâu 400 ntâu ziv chuôz zis tsôngv box hâur thax tsav, paz pox nhuôs tso siêz huôv tsar kinh têr, uô bluô nux ntơưv tiv phaz txơưv moz Covid-19 tsênhv huôv xênhz phêv liv. Tix lâuk Lường Văn In, nhoz jos Trọ Phạng, xã Chiềng Pha, huyện Thuận Châu, công nhân tsiv uô yuôx zêx puz pâuz:

          “Hâur jiês moz Covid-19 huôv xênhz no pêz chor yuôx zêx uô tâu HTX sâu zuôr cux ngaz tul, tiv 2 zos cur tâu uô hâux lưv ntơưv no cux pov jông đuô, đhâu co cur muôx cxaz phênhv sâu, tso siêz uô hâux lưv thiêz huôv tsar tsêz chos yuôx zêx”.

          Txix têx trôngz yuôx zêx njuôz jông, nhiv no niêv lâuk Nguyễn Thị Bình đros têx lênhx nênhs hâur HTX tsênhv huôv tsar ju lix ndis shuôk uô si đros mênhv chêx muôx 16 hecta ntâu, ndaz ndơưv têz qơưk jông jav thiêz têx vênhx huôv jông ntơưv tiv phaz. Đros co, niêv lâuk Bình cux jông siêz cxaz chuôz uô phongz yaox tưr thik “pox niêv sir jos cơưv shâuv, uô lox tôngv, cxiv tsa chuôz zis shir phaz”, hâur huôv tsar kinh têr chuôz zis. Uô jông phongz yaox “Tas nro tsôngv box sik côngv siêz, cxiv tsa nôngx cxênhz yiêz, niêv đrôngs vav mênhx”; paz uô cêr zaoz thôngz nôngx cxênhz, cxix luôk tênhv tênhz hâur xã tsiv grê yênhx châuv tsov đeiv. Niêv lâuk Nguyễn Thị Bình heik:

          “Cux lok six môngr jông trâu cur, hâur luz nênhx mak cur tul txir, mê nhuôs cux ndaz ndơưv six hơưv chiê paz cur yưv pênhr, coar lik têx qơư muôv muôs thiêz ntu zuôr txos zos thax tsav ju lix ndis shuôk uô si no thiêz”

          Đros thiêz siêz tsi so sir jos uô, niêv lâuk Nguyễn Thị Bình tưz jênhv tâu têx cấp Hội pox niêv thiêz UB tỉnh Sơn La, huyện Thuận Châu li ntâu ntơưr kruôk, tsiv nhos zos lênhx pox niêv Việt Nam jông nhiv no chiê cxuô lênhx nênhs txơưr cơưv shâuv uô lơưr./.

(Trấn Long-Txâur Vax cxeik nhênhv)