Jax sâu thưr 7.4.3.2017:

Ntênhs phêv Tú Tỉ- Mênhx cxưx Giáy li cêr vênhx huôv jông hâur shôngk shông yiêz

Cheix ntux yiêz lol txos, cux zos tsôngv box mênhx cxưx Giáy sik côngv tês shir phaz tos txos hnuz tsưr tsix ntênhs phêv. Pox nhuôs lênhx tưs cux hnar têx chêr tsôngs yo chax chês jông tiv zix chiê sik đros tuôx cxaz chuôz ntênhs phêv.

          Ntênhs phêv Tú Tỉ tâu tuôr tsês cxôngx ntâu cxênhx nênhs lol no, zos cêr vênhx huôv reik đros đreiv đros tsôngv box mênhx cxưx hâur shôngk shông yiêz. Thâuv ntêx, tsuôk muôx txir nênhz thiêz iz cxiê ziv chuôz zis tsôngv box hâur xã thiêx tâu cxaz chuôz ntênhs uô nênhz Tú Tỉ. Nhiv no, đrâuv ntênhs uô nênhz tsênhv muôx cxaz têx tsưr ziv uô si lov jêv chax chês reik đros têx huôx tôngv luz nênhx thiêz uô xênhz yar...Yuôr ntênhs phêv, pox nhuôs tsi taz tâu cxaz chuôz, mak tsênhv pâuz tsênhz thiêz txưv haox lok zuk mênhx cxưx li cêr vênhx huôv jông co.

          Niêv lâuk Lò Thị Léo, iz lênhx tsôngv box tuôx cxôngx jos Sang Thàng 1, xã San Thàng shir phaz heik: Thâuv txos hnuz tsưr tsix ntênhs phêv, tsi muôx lênhx tưs heik lênhx tưs, pox nhuôs chiv chir qêz suô vax tsêr, cêr mul lol hâur jêx jos cov hur đu đuô. Lênhx tưs cux shir phaz, xar njôngr tâu sik paz max huôv tsar kinh tế, txu yeiz cxuôv pluôs. Pox nhuôs puôr lênhx xar njôngr têx shông zuôr txos zuôr tror sơưr tsưr tsix chiê têx tuz nhuôs tror tuôr tsês tâu zuk mênhx cxưx li têx vênhx huôv jông. Niêv lâuk Lò Thị Léo heik:

          “ Pêz mênhx cxưx Giáy iz shông muôx iz hnuz ntênhs phêv Tú Tỉ, zos ntênhs uô nênhz. Pêz cux tâu đhiê pax vuôs hâur hnuz ntênhs, pov lok six lov jêv. Pox nhuôs hnuz tưs cux tos njôngr txos hnuz tsưr tsix ntênhs, bax tsôngs yo jông chiê mul cxaz chuôz ntênhs phêv”.

          Qơư tsưr tsix ntênhs Tú Tỉ zos iz hâur pâus ntông lox nhoz hâur jos, tâu xor their jông. Txir nênhx cux tuôx ntơưv co cxôngx nzor chiê bax keiz, buô txi côngv. Lơưr tsôngv box nhoz no, Tú Tỉ zos đaz xênhz têz xênhz qơư, car đêx car ar. Đros thiêz siêz xar co, cxôngx ntâu shông no tsôngv box nhoz uô nênhx ntơưv thax tsav no thâuv tưs cux tuôr truôx phongz cxưx txi côngv đaz xênhz têz xênhz qơư. Phongz cxưx no tưz yênhx iz cêr vênhx huôv jông hâur tsôngv box mênhx cxưx Giáy li luz nênhx.

          Qơư tsưr tsix uô nênhz tâu cheir lok six jông, tsuôk puz txir nênhx muôx jông đas jos, hnar tsôngs yo đuz tâu tuôx jê. Thâuv txir nênhz uô nênhz jiês tiv iz chiê zâuv đaz xênhz têz xênhz qơư lol, pox nhuôs sik đros tuô buô thiêz keiz ciês ntơưv qơư, hâu siêr thiêz uô nênhz jiês tiv oz. Txir nênhz hu têx đaz xênhz têz xênhz ar lol jênhv têx keiz, buô thiêz phôngv jông trâu pox nhuôs muôx iz cheix uô tâu kôngz lôngk, tu tâu tsiêx tâu cxu, muôx jông đas jos, chuôz zis shir phaz. Thâuv uô nênhz tas, tas nro sik đros jâuv nox mor...Zơưv Đào Mạnh Sơn, phưv chủ tịch UB xã San Thàng puz pâuz:

          “ Ntênhs phêv Tú Tỉ zos pox nhuôs xar njôngr iz shông yiêz ntux nas jông, uô tâu kôngz tâu lông, muôx jông đas jos, chuôz zis shir phaz. Đrâuv co shông no pêz tsênhv tsưr tsix cxaz tsaz yênhx vênhx ziv thiêz têx môn thiv thao, tso pov mênhx cxưx Giáy li cêr vênhx huôv chax chês jông li leiv poz, sik lâuz pak, tuôr nduôr blâuv...têx hâux lưv khênhr uô hâur pox nhuôs li xênhz huôx niêx hnuz”.

          Ntênhs phêv Tú Tỉ tưz tsênhz tsênhz yênhx tsôngv box têx mênhx cxưx xã San Thàng li iz hnuz ntênhs lox hâur shôngk shông yiêz. Đhâu co, gôngr phênhv tuôr truôx thiêz tror phuôx huiz mênhx cxưx Giáy li cêr vênhx huôv jông co, cxơưz tiês phongz yaox vênhx huôv, vênhx ziv, thiv thao nhoz cơ sở, sik côngv tês côngv siêz têx mênhx cxưx hâur xã. Thôngx cxix, ntênhs phêv cux zos six hơưv chiê tôngv vênhx pox nhuôs hâur xã sik tưr thik uô lox tôngv xênhz yar, cxiv tsa jêx jos ziv hnuz ziv vav mênhx, bluô nux./.

( Khắc Kiên- Txâur Vax cxeik nhênhv)

Phênhv thưr 7, hnuz xiêz 4/3/2017:

Ntêmnhk hội pax lâus Điện Biên shông 2017, zos hêik kriê du lix thiêz cxươz cxiz muôz pênhr uô

    Thor nus cox mê njik, ntơư zos jiês tiv 4, ntênhk hội pax lâus tâu tỉnh Điện Biên tsưr tsix, cox uô tix ho hêik kriê mê njik lok têx kror uô hlôngr yiêz hâur ntênhk hội no zos li chas?

    Hâur iz shông, tỉnh Điện Biên tsưr tsix ntênhk hội pax lâus iz jiês. Shông no, pêz cux tsưr tsix uô iz cxiê luôs hâux lưv yiêz; uô ntêx zos tưr têx “nxêik jông gâux” tuôx txix 8 tỉnh faz Bắc. Ntơư zos hêik kriê lok lênhx nênhs- têz qơưs Điện Biên thiêz cux zos hâur jiês chiê 8 tỉnh faz Bắc tuôx sik njik, sik kênh tsưr ziv cxươz cxiz huôv tsar du lix. Kror tiv 2 zos, tsưr tsix cxuô cêr vênhx huôv jông thiêz shông no zos thơưx jiês pêz tsưr tsix tưr yêz câux vaz thâux đra. Ntơư zos hêik kriê chor lâuk đrav ntêx têx tsưr ziv sir zôngv yêz câux vaz thâux đra tir ntâuk tros châuz Điện Biên Phủ.

   Ntênhk hội pax lâus zos iz luz bê jông thiêz pax lâus zos iz zav pax jông jav muôx trâu ntơưv suôz qơư tỉnh Điện Biên thiêz thiêz cxuô tỉnh faz Bắc. Chênhr zos li hêik ntơư, tỉnh pok muôx faz tsưr ziv tưs huôv tsar cov tâu truôx zav pax lâus jông jav ntơư?

   Pax lâus zos iz zav pax jông jav, khênhr muôx hâur chêix ntux yiêz, lar hêik zos thâuv têis cik sơưr nzor, sêiz pov têx pax lâus ntơư jông jav hênhr. Cur cux xav tiêk: Ntơư zos iz zav pax jông jav tiv iz muôx trâu suôz qơư faz Bắc. Chênhr zos li hêik ntơư, hâur ntâu shông đhâu lok no, tỉnh Điện Biên cux tsưr tsix, tỉnh Điện Biên tưz tsưr tsix chos tâu muôx 5 cxênhz tsoz ntông pax lâus trơưk oz saz ntus cêr, txix đrôngl Điện Biên phủ txos trôngz pha đin. Đros ntơư, pêz cux chos ntông pax lâus trơưk oz saz ntus cêr ntơưv đrôngl Điên Biên phủ, chos trâu têx yar tiêx hâur cxuô luz tsêr cơưv, tsênhv qơư xã. Đros ntơư, tỉnh Điện Biên cux tsênhv taz tov chox car cxuô cấp ngênhx uô trơưk luôs hâux lưv, huôv tsar chos thiêz tsưx phưv truôx ntông pax lâus chiê tsôngv kruô tuôx ndis ntux tâu sêiz shuôk.

   Uô li hâur jiês tsưr tsix ntênhk hội pax lâus shông 2017, tỉnh Điện Biên pok muôx faz tsưr ziv tưs chiê gra ntông pax lâus chox muk chos trâu đrôngl Hà Nội?

   Tỉnh Điện Biên tưz đros đrôngl Hà Nội, chiê chos 500 tsoz ntông pax lâus trơưk oz saz ntus cêr Võ Nguyên Giáp, txix tus qox Nhật Tân muk trâu saz yar yêz ntux Nội Bài. Ntơư zos chiê gra Điện Biên têx cêr nênhx vênhx huôv jông muk trâu đrôngl Hà Nội. Luôs hâux lưv chos ntông pax lâus trơưk oz saz ntus cêr Võ Nguyễn Giáp cux chênhr zos chiê px hur si têz thiêz tsôngv kruô têz qơưs đrâu pâuz txos Đại tướng Võ Nguyên Giáp têx tsưr ziv đas jos tir ntâuk zênhx tros châuz Điện Biên Phủ.

   Luôs hâux lưv chênhr hâur ntênhk hội pax lâus zuôr kriz uô hâur đraz hli 3 thiêz ntênhk hội zuôr uô truz ntêr tas hli 5; zos li hêik ntơư, đhâu ntênhk hội pax lâus hâur đraz hli 3, ho zuôr uô zav tưs?

  Ntênhk hội pax lâus shông no zuôr tsưr tsix trâu hmo 12/3, ntơư zos kriz uô cxuô cêr lov jêv huôv tsar cêr thôngx siêz đros trâu cxuô hêir nênhs tỉnh Điện Biên têx cêr nênhx vênhx huôv jông thiêz hâur jiês kriz uô no cux zuôr tâu tso ciês sâuv Đêix xa đuôz thiêz Đêix nta suôz VN. Têx cêr lov jêv ntơư tâu uô txix hnuz 11/15 hli 3; đhâu hnuz 15/3, cux zuôr tsưr tsix uô trâu têx huyện thiêz iz cxiê jêx jos. Txos trâu hnuz xiêz 7/5, zos luôs hâux lưv uô hơưv tok chiv nhênhv tir ntâuk zênhx tros châuz Điện Biên Phủ chiê yax kriê tsôngv hluôk sđ pâuz txos chor lâuk đrav ntêx têx tsưr ziv đas jos cxiv kho têz qơưs truôx tuk.

Uô cox tsâus./.

                                              (Tsu cxêik nhênhv-Thuỳ-ThuỷTTTB)