Jax sâu thưr 2, hnuz  xiêz 4/4/2016:

Têx lênhx hluôk nênhs Yên Bái sik côngv tês cxiv tsa jêx jok yiêz

 

 

Xav tinhv tsưr ziv tiv 10 lok cxiv tsa jêx jok yiêz  zos luôs hâux lưv zov chênhr chiê txo grêk tsơưs qênhx shênhx têx lênhx hluôk nênhs hâur jok tso vax tsês chiê muk nox đêz, tỉnh đoanx Yên Bái tưz cxiv tsa tsưr ziv tsênhz mênhx chiê huôv tsar kinh tế thiêz yax kriê đêz đar txos trâu têx lênhx hluôk nênhs. Đhâu 5 shông uô, tas nro tỉnh tưz cxiv tsa tâu 300 ntâu trâur nuv, câu lạc bộ hluôk nênhs huôv tsar kinh tế, đros yênhx cxênhz lênhx hluôk nênhs cxaz chuôz, hâur ntơư muôx ntâu hâux lưv uô tưz sâu tâu txix 100-200 tsov đeiv iz shôngk.

Lar heik “ Câu lạc bộ hluôk nênhs siz paz huôv tsar uô nox” nhoz jok Hin Lò, xã Yên Thắng, huyện Lục Yên zos tix lâus Dương Văn Thu uô thơưx car seiz. Câu lạc bộ muôx zuôr xar 20 lênhx hluôk nênhs no tưz yưv pênhr uô ntâu zav meir, chuôz zênhx phưx vưv xênhz huôx li: meir gruk têx kiês nênhs, vuôz tsuôz; meir txiêr, cơư ntông, meir lêix têz, meir ntâuk blêx…..chiê phưx vưv tsôngv box hâur jok, hâur xã. Khov li co, iz lênhx hluôk nênhs muôx phênhv sâu tâu 3 tsov đeiv iz hlik. Tix lâus Nguyễn Quang Thuần, hluôk nênhs hâur câu lạc bộ no heik pâuz:

“ Đros têx lênhx hluôk nênhs siz paz huôv tsar uô nox hâur câu lạc bộ. Tiv iz chor hluôk tâu siz cơưv shâuv tsưr ziv uô nox, sir jos  hâur hlôngr yiêz têx tsoz chos, tâu buôk ti đros cơưv shâuv têx tsưr ziv yiêz hâur huôv tsar uô nox, muôx phênhv sâu tâu truôx đuô”.

Iz chas ntơư, Đoanx hluôk nênhs cộng sản HCM tỉnh Yên Bái tsênhv tsov cưv trâu uô lơưr tsưr ziv tiv 17, zos tsưr  ziv lok tênhx qơư hâur cxiv tsa jêx jok yiêz. Đoanx hluôk nênhs cxuô cấp tưz sir jos, moz siêz đros uô “ hnuz  ciêz njuôz hur jông” thiêz “ hnuz thưr 7 uô têx nuv jông siêz” zos tỉnh thiêz T.Ư Đoanx hluôk nênhs phuôx tôngv; qêz suô têx cêr muk lok jêx jok đu lus, hur si, heik tsôngv box sik đros qêz suô, xưv lik têx khâuz nhaz, kiês nênhs, vuôz tsuôz.

Tsuôk xav hâur huyện Lục Yên, đoanx hluôk nênhs tưz cxiv uô tâu xar muôx 60 kror qơư trâu têx vuôz tsuôz kiês nênhs ntơưv têx đrak liêx hâur xã Liễu Đô, Phanh Thanh, An Phú….. Têx luôs hâux lưv uô no tưz hu zâuv tâu 10 cxênhz lênhx hluôk nênhs đros cxaz chuôz. Tix lâus Hoàng Trung Chinh, Bí thư huyện đoanx huyện Lục Yên, tỉnh Yên Bái heik:

“ Têx lênhx hluôk nênhs sik côngv tês cxiv tsa jêx jok yiêz nhiv no, pêz tsênhv sir jos trâu tsưr ziv tênhx qơư. Tiv iz zos pêz heik tsôngv box sđ sik đros cxiv uô, khơưz têx kror trâu têx vuôz tsuôz, kiês nênhs ntơưv yênhx ziv chuôz zis. Tiv 2 zos heik cov sđ đros khơưz, cxiv uô têx qơư trâu têx vuôz tsuôz, kiês nênhs ntơưv têx liêx têz, tsi muôz têx hnaz tax, têik yuôx por tsês ntơưv têx”.

Đhâu 5 shông uô tsaz yênhx “ hluôk nênhs Yên Bái sik côngv tế cxiv tsa jêx jok yiêz” tưz muôx yênhx puô côngz trênhx, nuv uô zos têx hluôk nênhs li, tâu uô tiêr. Lok sâuv huôv tsar kinh tế, côngz trênhx thiêz tênhx qơư tưz yênhx hluôk nênhs Yên Bái têx nuv uô zov chênhr. Chênhr li heik ntơư, tưz muôx zuôr xar 200 cêik cêr jêx jok, xar muôx 100 cêik cêr muk lok hâur têx liêx têz tâu têx lênhx hluôk nênhs cxiv kho, uô đuô yiêz; 114 luz tsêr vênhx huôv, 128 luz tsêr nhoz trâu shux xênhz nhoz hâur tsêr cơưv, cơưv ntơưr niêv txir zus mor; tsêr niêv côngv siêz, 44 qơư uô si tâu luôv xuôz jêz, xi măng uô tâu tiêr.  Lok sâuv kinh tế, đoanx hluôk nênhs cxuô cấp tưz chos tâu 420 ha têz txir tuôz ziz, 100 ntâu ha têz yuôx zêx Shan Tuyết; krêz uô tâu 5 ha liêx tơư ntêir ntơưv huyện Trạm Tấu thiêz Mù Cang Chải….đros trâu ntâu hâux lưv uô tâu txơưr đuô. Txix têx hâux lưv heik sâuv tưz paz tâu lok six ntâu trâu tas nro tỉnh Yên Bái tsaz yênhx cxiv tsa jêx jok yiêz, muôx 6 xã uô tâu luôs hâux lưv cxiv tsa jêx jok yiêz thiêz 40 xã uô tâu 10 tsưr ziv tror zar sâuv. Chiê tror uô tâu jông phôngz yaox “ hluôk nênhs sik đros cxiv tsa jêx jok yiêz “ hâur six hơưv zuôr txos, đôngx chir Lương Mạnh Hà, phưv Bí thư thường trực tỉnh đoanx Yên Bái heik:

“ Ban thường vụ tỉnh đoanx tưz xav tinhv têx tsưr ziv, hâux lưv uô zov chênhr hâur cxiv tsa jêx jok yiêz, chiê hluôk nênhs uô têx tsưr ziv, hâux lưv fiv đros tsưr tsix đoanx tsưr ziv, pênhr xưv li: Fuô uô têx tsưr ziv tiv 2, 3, 6, 17 lok cxiv tsa têx côngz trênhx, vêv xênhz tênhx qơư, uô tsưr ziv tiv 10, 13 lok tsưr tsix huôv tsar uô nox, gra siêz phênhv sâu tâu…..”.

Đros têx lênhx hluôk nênhs tsưr ziv, cêr moz sêz lus uô nuv, 222 cxênhz ntâu lênhx hluôk nênhs Yên Bái tsênhv sir jos sik côngv tês cxiv tsa jêx jok yiêz, cov ziv hnuz ziv muôx ntâu xã uô tâu luôs hâux lưv no./.

(Thừa Xuân-Riê Lâux cxeik, nhênhv)

 

 

 

 

 

Phênhv thưr 2 hnuz xiêz 4/4/2016:

Têiv plor côx hôiv jênhv lok chor pov cov côngz xưv six cxiv

 

 

Đhâu sêiz shuôk chor pov cov, têiv plor Thox Xuân Sùng, đoanx Sơn La tsov cưv tiv zix txos chính phủ thiêz thủ tướng chính phủ li pov cov six cxiv viv hêik tiêk, têz qơưk li cxuô huôx tôngv puôr lênhx tâu pov txix chính phủ li chox kriê. Lơưr zơưv Thox Xuân Sùng, pov cov zos thủ tướng Nguyễn Tấn Dũng li pov cov hêik ntơưv côx hôiv tưz hêik mênhx têx chêx cur, thôngx cxix ndax ndênhk, tsênhz mênhx hêik têx kror uô tsik tâu tâu mak tập thể chính phủ thiêz thủ tướng uô tsik tâu hâur six cxiv đhâu. Zơưv Thox Xuân Sùng njênhs tiêk, txix pov cov no, zuôr muôx ntâu jax cơưv chênhz zênhv hâur chính phủ li côngz xưv coangr lik trâu six cxiv zuôr txos:

 “Cur lok six vav tiêk, txix pov cov no, chính phủ khóa yiêz zuôr sâu tâu têx jax cơưv chênhz zênhv tsiv gri trâu côngz xưv sêiz car, uô chak cov buôs ti thiêz jê pêx xênhv đuô, sâu tâu pêx xênhv li têx ziv chênhv chiê chính phủ chox kriê. Nhoz no chox kriê zos uô jông Đảng, côx hoiv li têx cêr chêi zos yênhx têx kror tsênhv tsênhz cov uô chak lok muôx tâu chêx cur cxix cxuô”.

Têiv plor bùi Đức Thụ, đoanx Lai Châu jêhv tiêk, 5 shông đhâu, hâur qênhx shênhx têz qơưk thiêz ntiêx têz njiz ntâu phiv liv, têx chêx cur kinh tế xã hội tax tâu zos tas nro cxiv luôs chính trị li sir jos, hâur co uô ciês zos chính phủ thiêz thủ tướng. Lơưr zơưv Bùi Đức Thụ, chính phủ li kror yiêz hâur chox kriê six cxiv đhâu zos thâuv muôx têx hlôngr yiêz tưz hêik ndar six hơưv trâu côx hôiv chiê kho đuô têx tsênhv chêi. Xưk li kho đuô chor luật nhiêx sê, truôx tuk kinh tế, sir zôngv huv đros nhiêx txiêx têz qơưk. Zơưv Bùi Đức Thụ hêik:

 “Lok Chính phủ, đrâuv hlôngr yiêz hâur coangr lik chox kriê kinh tế mak kror yiêz zos hlôngr yiêz hành chính hâur six cxiv đhâu, uô ntâuz ntơưr trâu hâux lưv nhiêx sê, hải quan, bảo hiểm xã hội tâu chính phủ tsov cưv sir jos chox kriê uô. Phuôx huiz têx chêx cur co, vênhv thix hlôngr yiêz hành chính tsuv tâu uô đêz đar thiêz uô cov tsênhz đuô sâuv tas nro cxuô kror hâur luz nênhx xã hội”.

Đros côx hôiv li pv cov six cxiv, chor têiv plor hêik tiêk, pov cov tưz puz pov tas nro côx hôiv li cxuô kror côngz xưv hâur six cxiv khóa 13, nhoz côngz xưv lập pháp, sêiz kaz thiêz cuêz têhv têz qơưk li têx vênhv thix zov chênhr. Ntâuk gri siêz têx chêx cur tsênhv tsênhz thiêz côx hôiv khóa 13 li têx hlôngr yiêz, têiv plor Vũ Xuân Hồng, đoanx Phú Thọ puz pâuz, cxaz chuôz 4 khóa côx hôiv, taz sik côx hôiv khóa 13 tưz sir jos uô côngz xưv lập pháp, tiv zix zos hlôngr yiêz Hiến Pháp đros tso tơưv hiến pháp shông 2013. Côx hôiv cux tưz tso tơưv chor văn bản quy phạm pháp luật lox tiv zix txix thâuv têx txos nhiv no, đros tsơưr lươngv ziv hnuz ziv siêz. Kror no puz pov côx hôv li đas jos cxiv tsa pháp luật cux xưk li tsơưr lươngv chor têiv plor tâu gra siêz đuô:

 “Lok six ntâu chor bộ luật, luật tâu cxiv tsa, kho đuô thiêz zov chenhr tiv zix zos kruôz kriê uô lơưr luật co puôr lênhx tâu uô lơưr Hiến pháp tâu uô jông tiv zix. Pêz nhiv kruôr uô 2, 3 shông xưz taz sik tưz pov muôx chêx cur tsênhv tsênhz. Viv li, hâur six cxiv côx hôiv no mak pêz muôx tâu iz bản Hiến pháp yiêz huv đros têz qơưk li qênhx shênhx huôv tsar yiêz”.

Chor têiv plor hêik tiêk, têx jênhv tênhv ndax ndênhk, txơưx jênhv, hêik mênhx têx uô tsik tâu tâu thiêz sâu chêhz zênhv hâur côx hôiv, chủ tịch têz qơưk, chính phủ, Thủ tướng chính phủ li pov cov côngz xưv zuôr zos kror chiê six cxiv zuôr txos, têz qơưk zuôr muôx têx lênhx tov hênhr đuô, uô trâu pêz têz qơưk tax tâu ntâu chêx cur đuô hâur ntu zuôr txos./.

                                                                     (TTT-Lik Thox cxêik nhênhv)