Điện Biên: Chôngz lênhx shux xênhz cxơưx hlo đros hâux lưv txo grêk 50% điểm tsov cưv lơưr thax tsav

Tsuôk yuôr xar muôx 1 hli lơưv xưz, jiês thik tưr cơưv tiêr ntơưr cxênhx pêz têz qơưk shông no tưz zuôr tâu tsưr tsix. Nhiv no, hâux lưv cơưv nzir tsênhv tâu 5.500 ntâu lênhx shux xênhz sâuv thax tsav tỉnh Điện Biên sir jos kriz uô. Đhâu môngs hêik pâuz lok Bôv zoz zux thiêz Thox cxov li têx xor mông hlôngr yiêz hâur jiês thik tưr cơưv tiêr ntơưr cxênhx pêz têz qơưk shông no, chôngz lênhx shux xênhz cxơưx hlo thâuv điểm tsov cưv txos lơưr thax tsav trâus txo grêk, tsuôk yuôr 50% pir li điểm côngx tsov cưv zos 1,5. Taz sik, ntơưv jiês thik tưr cơưv tiêr ntơưr cxênhx pêz têz qơưk shông no, điểm côngx tsov cưv txos zos 0,75 điểm. Kror no uô trâu tsik tsơưs shux xênhz cxơưx hlo thiêz hêik tiêk tsuv sir jos cơưv chiê pâux nzir trâu chor điểm zuk tsik tâu côngx nzir zuôr uô trâu shux xênhz gênhk thiêz cxơưx. Bùi Nguyễn Hương Giang, shux xênhz lớp 12 A2, tsêr cơưv cxênhx pêz thành phố Điện Biên Phủ, tỉnh Điện Biên hêik:

“Nhiv no cur li siêz xar uô ntêx jiês thik cơưv tiêr ntơưr cxênhx pêz têz qơưk 2018 mak lok six cxơưx, tiv zix zos đros điểm tsov cưv txos tưz tâu Bôv txo grêk txos yuôr muôx iz đraz viv li cur lok six cxơưx. Đuô thiêz kror đăngk cir trâu iz luz tsêr cơưv đại học xưk li Kinh tế Quốc dân hax zav uô trâu cur cxơưx đuô”.

Hok đros ntâu lênhx shux xênhz mênhx cxưx tsênhv cơưv ntơưr ntơưv chor tsêr cơưv phôv thôngz thax tsav txov nhêv mak hêik tiêk, Bôv li hlôngr yiêz lok điểm tsov cưv tsik tâu huv đros, uô phiv liv trâu chor shux xênhz muôx tsơưs tsar tov, six hơưv cơưv ntơưr. Cà Anh Tuấn, mênhx cxưx Thái, shux xênhz tsêr cơưv cxênhx pêz huyện Điện Biên, tỉnh Điện Biên hêik tiêk:

“Cur xar mak tsik thav hlôngr yiêz txo grêk 50% điểm tsov cưv txos lơưr thã xtsav viv điểm tsov cưv txos lơưr thax tsav zos kror paz cxơưz cxiz chor shux xênhz tox siêz xưk li pêz. Zos txo grêk 50% mak kror phiv liv trâu chor shux xênhz li pêz mak zuôr lax thik tâu nzir chor điểm co. Nhoz tox siêz chor shux xênhz mênhx cxưx li cur phênhv ntâu zos têx tuz nhuôs hâur chuôz zis uô kôngz nuv viv li cux tsik muôx ntâu six hơưv chiê cơưv shâuv”.

Txơưv hâux lưv kriê ntơưr thiêz cơưv ntơưr cux xưk li chor shông uô ntêx, taz sik Bôv zoz zux thiêz Thox cxov li hâux lưv hlôngr yiêz điểm tsov cưv txos lơưr thax tsav hâur jiês thik tưr cơưv tiêr ntơưr cxênhx pêz têz qơưk shông no cux uô trâu chor cưk kriê ntơưr sâuv thax tsav cxơưx.

Cưk kriê Đoàn Thị Thu Anh, kriê luk Anh, tsêr cơưv cxênhx pêz thành phố Điện Biên Phủ, tỉnh Điện Biên puz pâuz: Hâux lưv taz por ploz tsênhr txux chi cơưv ntơưr, hlôngr yiêz tsưr ziv kriê ntơưr, qênhz yuôx ntâuk gri, chuôz cxaz huôv tsar txux chi trâu shux xênhz cux tâu chor cưk kriê ntơưr sir jos kriz uô. Taz sik, shux xênhz nhoz tox siêz, nhoz đêz, thax tsav mênhx cxưx tsơưs nênhs li đas jos cơưv ntơưr tsik siêz, đros txo grêk điểm tsov cưv txos lơưr thax tsav zuôr uô trâu shux xênhz cxơưx thiêz xar ntâu. Txix co, cưk kriê ntơưr cux tsuv kriê nzir trâu chor shux xênhz, tiv zix zos luk Anh, môn nhoz hâur tổng hợp thik chênhr, zênhx tâu sêiz zos shux xênhz tox siêz li môn cơưv cxơưx hlo:

“Zos xưk pir đề thik đros shux xênhz li tsênhv njiê cơưv mak phiv liv đuô lok six ntâu. Iz zav li môn luk Anh, tsênhv njiêz mak têx jâuv iz zav, taz sik qênhz yuôx têx jax luk nhênhv cux zos iz kror phiv liv trâu shux xênhz lơưv. Kror tsênhv njiêz qênhz yuôx lok luk hêik mak tsơưs đuô, ciês tsưr ziv nhênhv ntơưr tưz tsav muôx 40% tas nro chor điểm hâur bài cux uô phiv liv lok six ntâu trâu shux xênhz. Co zos iz hâur têx kror têz tsênhz tiêk tiv li chak điểm thik môn luk Anh ho kik”.

Bôv zoz zux thiêz Thox cxov grêk 50% điểm tsov cưv lơưr thax tsav zos chiê taz por kror siz bâus đuô trâu chor shux xênhz nhoz cxuô thax tsav sik txơưr. Taz sik, têx hlôngr yiêz no puôk tâu huv đros chor shux xênhz tox siêz txov nhêv? Chêx cur jiês thik tưr tsik pâuz shor li chak, taz sik tưz uô phiv liv lok six ntâu trâu cưk kriê ntơưr thiêz shux xênhz Điện Biên, cux xưk li chor tỉnh tox siêz Tây Bắc./.

(Vũ Lợi-Lik Thox cxêik nhênhv)

Huôv tsar đảng viên pox niêv heir nênhs tsơưs nhoz thax tsav tox siêz Yên Bái-Sir jos hla đhâu têx phiv liv

Têx lênhx Đảng viên pox niêv heir nênhs tsơưs li pưs txux lok sik zov chênhr ntơưv thax tsav tox siêz đêz đrôngs, tsênhv yuôr ntâu cêr nênhx pôngz kaz thiêz txov nhêv. Zov chênhr thiêz zuôr trâul txos zos li ntơư, taz sik chiê xeir tâu iz lênhx tso nhoz hâur đảng thiêz kriê txux chi tâu trâu iz lênhx đảng viên pox niêv muôx txâuk tsưr ziv, txux chi siêz, ntơư ho zos iz kro lok six phiv liv nhoz cxuô thax tsav qơư. Niêv lâuk Hảng Thị Dông, Chủ tịch Hội pox  niêv vir ndâuk xã Bản Công, huyện Trạm Tấu heik pâuz:

“Phênhv ntâu têx chuôz zis, lơưr tsi xar chiê chor pox niêv muk xênhz huôx hội lok sik têx xênhz huôx txơưr đuô. Chor pox niêv ho tsi pâuz ntơưr, tsi muôx txux chi tsưr ziv viv li lơưr tsơưs pâuz thiêz tsơưs đrol lês uô têx hâux lưv no. Xar xeir iz lênhx pox niêv tso nhoz hâur đảng mak tsuv pâuz tsênhz lơưr luz nênhx, txix thâuv tsênhv zâu muk cơưv ntơưr, txos trâu thâuv hloz tiêr nênhs mak zuk uô hâux lưv vênhv tôngv chuôz zis cov chiê đros cxaz chuôz têx jiês xênhz huôx li jux juk hloz tiêr tâu....”.

Pâuz tâu chor pox niêv tox siêz têx phiv liv thiêz uô tuôr thênhv ntơư, hâur têx shông đhâu, Hội pox niêv huyện Trạm Tấu tưz tsi so muk uô hâux lưv vênhv tôngv yax mông, kriê cxaz têx txux chi tsưr ziv trâu tsôngv pox niêv vir ndâuk sđ; hâur co muôx hur si lok sâuv paz chuôz zênhz uz no, txux chi tsưr ziv chiê têx pox niêv vir ndâuk muôx six hơưv cơưv tiêr ntâuz ntơưr. Pos Lưu Thị Quế, Chủ tịch Hội Liên hiệp pox niêv huyện Trạm Tấu heik pâuz:

“Pêz chêx tsôngk trâu têx lênhx muôx txux chi đuô kriê cxaz têx zuôr trâus txos trâu lơưr. Têx lênhx mak muôx txir lok sik chuôz zis tsi jông siêz, tsi thôngx ziv mak pêz đros têx ngênhx chiê yax kriê trâu chuôz zis pâuz to tâuz, pâuz tsênhz chiê jông siêz, thôngx ziv tso nhoz hâur đảng, cxaz chuôz xênhz huôx. Đros thiêz têx lênhx pox niêv tsi tâu pâuz ntơưr mak pêz đros Phongx zoz zux tsưr tsix têx lớp kriê hâur pâuk ntơưr ntơưv têx jêx jok trâu lơưr”.

Đảng bộ huyện Trạm Tấu nhiv no muôx 2.028 lênhx đảng viên, cxaz chuôz xênhz huôx nhoz 30 chi, đảng bộ ntơưv qơư. Chor đảng viên pox niêv hâur tas nro Đảng bộ zos 605 lênhx, tsav zuôr xar 30%, taz sik đảng viên pox niêv heir nênhs Hmôngz tsuôk muôx 79 lênhx, tsuôk tsav xar muôx 4%, tưz tsi tâu xav txos chor pox niêv no zos canr bôv xã, canr bôv hội.....

Chiê đơưk uô cov tâu luôs hâux lưv xeir zuôr pox niêv heir nênhs  tsơưs nhoz hâur đảng, six hơưv đhâu Đảng bộ huyện Trạm Tấu tưz sir jos hlôngr yiêz têx tsưr tsix chính trị XH li tsưr ziv uô nuv, gra siêz chêx tsôngk têx hluôk nênhs, hội viên; tsi so phuôx tôngv têx phôngz yaox sik tưr, muôz qơư jông trâu tsôngv box sđ cơưv shâuv; đhâu ntơư qênhz pov, xeir têx lênhx uô tâu hâux lưv jông, muôx txux chi tsưr ziv chiê tsa nhoz đảng viên. Cấp ủy đảng, hâu nov cxuô thax tsav qơư cux bax tsưr ziv, sir jos đros cxuô chi bộ jêx jok vênhv tôngv têx nxeik shux xênhz heir nênhs tsơưs, đhâu cơưv tas ntơưr cấp 2 tror sir jos muk cơưv têx cxênhx cơưv siêz đuô thiêz. Iz chas ntơư, cxuô tsưr tsix đảng tưz chuôz tsar tiês uô hâux lưv yax mông, choz kriê têx tsưr ziv, txux chi jênhv pâuz lok têz qơưk, lok đảng trâu tsôngv box sđ, hâur co muôx têx lênhx pox niêv heir nênhs tsơưs. Zơưv Thox Xênhv Zax, Bí thư huyện ủy Trạm Tấu, tỉnh Yên Bái heik:

“Pêz chox kriê jông cxuô cấp ủy đảng nhoz hâur Đảng bộ huyện niêx shông, niêx hli tsuv cxiv tsa, kriê cxaz bax tsês chiê huôv tsar đảng viên. Uô li chas chiê huôv tsar đảng viên tâu mak pêz tsuv yax kriê, zoz zux, heik têx nhuôv cơưv tas ntơưr, zuôr txir zuôr pox niêv cov txưv shông, xênhz zus nhuôs trơưk cui tinhv mak thiêx tso tâu nhoz hâur đảng. Cux lok six phiv liv viv li pêz tsuv sir jos xưz. Tsưr ziv mak têx pox niêv vir ndâuk muôx txux chi, uô tâu trơưk tsênhv chei mak tsov cưv uô ntêx hlo chiê tso nhoz hâur đảng. Xeir zuôr lênhx nênhs txix têx lênhx nxeik hluôk mak hâux lưv no cux tâu moz siêz txos, heik cov sâu bê txix ciês thâuv tsi tâu zuôr txir, tsênhv cơưv ntơưr hâur tsêr cơưv mak tưz xeir tsês....”.

 Nhoz tox siêz Yên Bái nhiv no, ntâu thax tsav qơư tưz cxiv tsa tâu têx cxaz blêx cxơưz cxiz cơưv ntơưr; hâur ntơư muôx tsôngv box Hmôngz, Cho, Tày têx chuôz xênhv cux tưz cxiv tâu cuiv nhiêx cxơưz cxiz cơưv txux chi. Txix têx li heik co, tưz paz cxơưz tâu lok six ntâu lênhx shux xênhz muk cơưv ntơưr, lar heik zos cxơưz paz têx nxeik shux xênhz muk cơưv. No cux chênhr zos iz kror jông trâu hâux lưv huôv tsar đảng viên pox niêv nhoz thax tsav tox siêz đêz đrôngs./.

                       (Đinh Tuấn-Riê Lâux cxeik, nhênhv)