Bôv đôiv pênhz phax Kon Tum sir jos tsav txênhz

phax tar nênhs phamv cxâuv zax zênhz

Tsuôk hâur hli 4 thiêz hli 5 nhiv kruôr đhâu, lưx lươngv pênhz phax kon Tum tsik so ruôr tâu 2 txuz nhiês zuôr muôs zax zênhz cxov tâu 4 lênhx nênhs. Sâu tsês tâu 60.000 ntâu luz yuôx zax zênhz thiêz 2 cir zax zênhz uô kror li poz jêz. Tas nro chor zax zênhz no tsênhv tâu chor nênhs co gra txix lào lok hâur Việt Nam chiê muôs. Đại tá Phạm Ngọc Phú, chỉ huy trưởng Bôv đôiv Pênhz phax tỉnh Kon Tum puz pâuz, qênhx shênhx nênhs phamv cxâuv sâuv thax tsav ntus đriv Kon Tum ziv hnuz ziv phiv liv. Chor nênhs muôl muôs, thâux gra zax zênhz txix Lào lok Việt Nam ziv hnuz ziv txơưr txar ntâu. Đhâu nriêr pâuz ntơưv thax tsav cux xưk li ntâu xor mông sik txơưr, lưx lươngv Pênhz phax Kon Tum tưz xav jênhv, chor nênhs nhiês muôl muôs zax zênhz tsênhv hlôngr đuô thax tsav txix têx tỉnh faz Bắc thiêz Bắc faz Trung lok trâu thax tsav Tây Nguyên. Muôx thax tsav ntus đriv buôs ti oz têz qơưk Lào thiêz Campuchia, muôx trôngx đriv ntiêx têz Bờ Y, viv li chor nênhs nhiês zuôr muôs zax zênhz xêir tsov Kon Tum chiê thâux gra zax zênhz txix Lào lok Việt Nam. Đros qênhx shênhx chor nênhs phamv cxâuv no chuôz ndê, lưx lươngv Pênh phax Kon Tum bax kriz uô ntâu tsưr ziv chiê tir tar. Thiếu tá Nguyễn Văn Sỹ, Trạm trưởng trạm trôngx đriv ntiêx têz Bờ Y, Đônx pênhz phax trôngx đriv ntiêx têz Bờ Y puz pâuz:“Pêz tưz sir jos kriz uô hâux lưv nriêr pâuz xor mông txix saz ntus đriv têz qơưk Lào. Chuôz cxaz lưx lươngv thiêz chuôz zênhx qênhz yuôx. Tiv zix zos hâux lưv sêiz kaz jông nênhs muk lok đhâu ntơưv trôngx đriv chiê nriêr pâuz tâu chor nênhs fêv têx huôx tôngv, tiv zix zos chor nênhs phamv cxâuv muôl muôs zax zênhz”.

Xav jênhv trôngx đriv ntiêx têz Bờ Y zos kror qơư zov chênhr mak chor nênhs nhiês zuôr muôs zax zênhz xêir chiê thâux gra zax zênhz txix Lào lok hâur Việt Nam, lưx lươngv pênhz phax Kon Tum sik côngv truôx jông đros lưx lươngv Hải quan trôngx đriv hâur hâux lưv qênhz yuôx têx yêz muk lok, cxuô zav tsôngv kruô muk lok đhâu gra đros. Đros côngz xưv sik côngv truôx jông đros chor lưx lươngv hâur têz qơưk, lưx lươngv pênhz phax Kon Tum cux uô jông hâux lưv nriêr pâuz xor mông txix saz đrâuv ntus đriv chiê tir tar zax zênhz tâu gra lok hâur zuk têz qơưk. Zos Bôv đôiv pênhz phax li lưx lươngv chênhr hâur tsav txênhz phax tar nhiês zuôr muôs zax zênhz, Thướng tá Dư Văn Diệp, Phưv trưởng phongx phax tar zax zênhz thiêz nênhs pham cxâuv, Bôv đôiv Pênhz phax Kon Tum puz pâuz, đros thiêz kruôz kriê txux chi trâu chor cán bộ chiến sỹ, taz viv cux tsênhv sir jos kriz uô ntâu tsưr ziv chiê tsav txênhz phax tar chor nênhs phamv cxâuv phiv liv no:“Pêz uô jông côngz xưv qênhz yuôx, nriêr pâuz chor nênhs nhiês zuôr muôs zax zênhz chiê tir tar ndar tâu six hơưv. Uô jông côngz xưv qênhz yuôx lênhx nênhs, têx yêz muk lok đhâu ntus đriv. Yax kriê, zoz zux pháp luật trâu pêx xênhv sâuv thax tsav ntus đriv pâuz chiê sik đros tir tar, hêik pâuz chor nênhs phamv cxâuv zax zênhz. Sik côngv đros lưx lươngv công an saz têz qơưk đrâur chiê nriêr pâuz qênhx shênhx, tsav txênhz, tir tar chor nênhs nhiês zuôr muôs zax zênhz txix Lào lok Việt Nam thiêz txix thax tsav ntus đriv lok hâur têz qơưk”.

Đros sir jos tir tar nhiês zuôr muôs zax zênhz đhâu ntus đriv, lưx lươngv Pênhz phax Kon Tum tsênhv yênhx hnuz sir jos khưx phưx têx phiv liv, uô cov tiêr jông têx jênhv vưv tâu choz. Têx chêx cur hâur ntu đhâu zos kror chiê yênhx lênhx cán bộ, chiến sỹ Pênhz phax Kon Tum tror sir jos tsav txênhz phax tar chor nênhs phamv cxâuv zax zênhz, paz tuôr truôx ngaz tuk trâu pêx xênhv./.

(TTTN-Lik Thox cxêik nhênhv)

Sir zôngv têx yuôx tsuôs tuô đrox huv đros

  Đros thiêz tsưr ziv gra siêz txux chi sir zôngv yuôx tsuôs tuô đrox, tuô caz hmoz truôx tuk; hâur 2 shông đhâu, Cục por hưv đrox tsuôs tưz đros Tsưr tsix Cropliefe VN thiêz Chi cục tsêz chos kôngz, por hưv đrox tsuôs tỉnh Sơn La fuô uô trâur nuv sir zôngv yuôx tuô đrox, tuô caz hmoz huv đros thiêz thôngz đhâu tsưr tsix 25 lớp kriê cxaz têx txux chi, tsưr ziv trâu 600 lênhx tsôngv box sir zôngv têx yuôx heik sâuv cov truôx tuk trơưk li tsưr ziv hêik kriê thiêz sâu khơưk por tsês têx hnaz, hưx trâu yuôx co. Trâur nuv cux cxiv uô 75 qơư trâu têx hnaz, hưx yuôx tuô đrox, tuô caz thiêz têx ntơưr yax mông; heik kriê tsưr ziv sir zôngv têx yuôx tuô đrox, tuô caz truôx tuk, huv đros ntơưv 4 hợp tác xã uô kôngz nuv muôs trâu luôs 2 chas têz qơưk đrâuv nhoz huyện Yên Châu; muôz sôr thax tsav chos 150 ntâu ha txir lưv tsiz thiêz 40 ntâu ha txir mo môngk muôs trâu têz qơưk đrâuv nhoz têx huyện: Mộc Châu, Yên Châu, Mai Sơn, Sông Mã. Luôs hâux lưv uô no nhoz hâur thax tsav chos têx ntông nox txir muôs trâu luôs 2 chas têz qơưk uô tâu lơưr jông, tsênhv tsênhz, zuôr trâul txos trâu tsôngv box; taz por gra siêz tsơưr lươngv, truôx tuk lol sâuv zôngv têx yuôx li chas cov huv đros chiê por hưv têx txir ntông, paz tỉnh muôx tâu têx txir ntông hur thiêz jông muôs saz têz qơưk đrâuv, muôx txâuk sôr  thax tsav chos txir lưv tsiz, mo môngk muôs trâu luôs 2 chas thax tsav, têz qơưk, hâur co muôx ciêz đrôngs Úc thiêz Mỹ.

Nhạc cắt

Tsưr ziv sir zôngv yuôx tuô đrox, tuô caz hmoz huv đros

Uô ntêx thâuv zuôr tsuôs yuôx tuô đrox, tuô caz hmoz: Tsuv bax cxix cxuô têx zuôr trâul txos trâu lênhx tsuôs yuôx li: Tsôngk tril yo hnar uô têx nuv co, câuk mov, tsov kror muôs, ntâuz bos kror ndâux, lôngx têk, khâu trax; bax têx chuôz zênhx tor yuôx li: Thôngz, pak đo tor yuôx, thôngz tsuôs yuôx tưz tâu qênhz yuôx shuôs tsi to, tsi cxênhv yuôx. Sir zôngv têx yuôx tsênhv nhoz, ntiv jông hâur hnaz. Qơư đo tor yuôx tsuv nhoz jê thax tsav zuôr tsuôs yuôx, đêz hâur đêx xênhz huôx, đêz qơư tu zus tsiêx cxu.

Thâuv tor yuôx, tsôngv box sđ njuôk chor yuôx thiêz đêx chiê tor cov huv: Muôz đêx nquôr hâur thôngz iz đraz, đhâu co sđ muôz yuôx trâu thiêz đo cov têx yuôx zax, mav tror muôz đêx nquôr nzir tor shơư trâu, thiêz đo tor cov yuôx zax tas jông hâur đêx. Tsi tâu muôz ntâu zav yuôx lok đo tor shơư uô cê, viv uô li ntơư muôx têx zuôr uô têx yuôx ntâu hênhr taz sik cux muôx têx uô trâu têx yuôx tsi jông, tuô tsi tâu têx caz hmoz tuôs, lok sik uô tơưs cuz, uô tsi jông txos tsoz chos, tsiêx tu zus thiêz lênhx nênhs sir zôngv. Chênhr viv li, tsuôk tâu đo tor têx yuôx thâuv zuk tưz pâuz tsênhz, uô trơưk li heik kriê sâuv têx hnaz yuôx, hưx yuôx lok sik canr bôv kỹ thuật tsưr ziv kriê, thiêz chor yuôx tưz đo tor tâu mak tsuv zôngv ciês. Thâuv tsuôs yuôx, tsuv muôz tuk car tsuôs tis trâu têx caz hmoz chiê yuôx yiê tâu muk txos thiêz ntuz ntâu têx caz. Thâuv tsuôs yuôx mak tsi cxoz chiê chuô njơưx têx yuôx ntơư tuôx ntuz zuk lol sik tsuôs đros chuô iz sênhv têx yuôx thiêx tsi ntuz zuk. Tsi tâu nox hâuk, hâuk zênhz, tsi tâu muôz têk cor zuk têx grêix iz kro kror tưs hlo, lar heik zos kror muôs, lok six riêz nênhs.

Đhâu thâuv tsuôs yuôx tas: Tsôngk tril yo, têx chuôz zênhx lox tôngv, thôngz tsuôs yuôx tsuv nzuôr hur si thiêz tsuv tâu muôz tsês nưk nhoz nưk iz kro đros trâu chuôz zis qơư trâu têx yuôx tsuôs tuô đrox, tuô caz hmoz. Tsi cxoz muôz têx yuôx sênhv, đêx nzuôr chuôz zênhx, thôngz tsuôs yuôx nquôr ntơưv têx hâur đêx xênhz huôx côngv thôngx. Tsi tâu zôngv têx hưx, hnaz yuôx tuô đrox, tuô caz tưz zôngv đhâu uô têx zav nuv txơưr đuô, tsuv muôz por tsês thiêz phâuk têx hnaz, hưx yuôx co ntơưv têx qơư đêz hâur đêx xênhz huôx thiêz thax tsav tsôngv box nhoz./.

(Bích Thủy-Riê Lâux cxeik, nhênhv)