Jax thưr 2, hnuz 04/7/2016:

Lào Cai: Tsôngv box tsi moz siêz trâu qơư y tế

Lơưr Tsênhv qơư y tế huyện Văn Bàn, tỉnh Lào thôngz sâu, 6 luz hlik hâur shôngk shông no, xav hur si têx lênhx nênhs moz tuôx seiz njuôk shuôs, kho moz lơưr Bảo hiểm y tế ntơưv têx qơư y tế hâur thax tsav huyện tưz txo grêk tsơưs 20 cxênhz lênhx pir li shông 2015. Sâu jênhv ntơưv thax tsav qơư tso pov, tsênhz tiês tsôngv box zoz qơưx seiz njuôk shuôs moz tsi tiêk txo grêk mak ziv hnuz ziv chôngz lênhx. Hâux lưv tso tơưv seiz njuôk shuôs moz choz trâu têx qơư y tế cux tsar ndê pir li shông uô ntêx. Taz sik shông no, yênhx cxênhz lênhx tsôngv box ntơưv no ho muk seiz njuôk shuôs moz ntâu trâu tsêr kho moz đa khoa huyện.

Lar heik zos ntơưv xã Hòa Mạc, huyện Văn Bàn, shông 2015 tror đrav ntêx, qơư y tế thâuv tưs tưz zos qơư xuz thơưx trâu tsôngv box hâur xã njênhs njôngr chiê tuôx seiz njuôk shuôs, kho moz. Taz sik nzênh trâu shông no, chor nênhs tuôx sêiz njuôk shuôk moz tưz tsơưs jux juk. Pos Hoàng Thị Thắm, Trạm tsar Trạm y tế xã heik pâuz, qir tiv buôk ti  uô muôx li no zos viv phênhv thêv bảo hiểm y tế hâur xã shông no trâus txo grêk tsơưs. Tas nro xã muôx zuôr xar 3.400 lênhx nênhs cxaz chuôz bảo hiểm y tế, taz sik phênhv nhiêx thêv trâu bảo hiểm y tế tsuôk zos 13 tsov đeiv. Chiê uô lơưr tsưr ziv no, hâux lưv seiz njuôk shuôs, kho moz trâu têx lênhx tsôngv box trâus moz siz lok têx nhiêx cux tsi txâuk. Pos Thắm heik:

“ Shông 2016, thâuv nênhs moz tuôx seiz njuôk shuôs, kho moz mak ntơưv qơư y tế  tưz tsi muôx đaz tsi. Pir li kho moz njưk, lar mak tsuv muôx yuôx trâu nox, trâu hâuk cov txâuk tax tuk moz jông taz sik pêz tsuôk muôx têx yuôx iz kro mê njik trâu nox hâur 5 hnuz. Li ntơư nênhs moz tsuôk tuôx iz jâuk, uô tsi tâu trơưk lơưr tsưr ziv, zoz qơưx, lưv jiês lưv jâuk lơưr cux tsi xar tuôx”.

Yuôr ntơưv qơư y tế xã thax tsav tox siêz Khánh Yên Trung, cux sâu jênhv xưk li ntơư. Xav li hâur shông 2015, iz luz hlik muôx nhos 500 lênhx tsôngv box tuôx seiz njuôk shuôs, kho moz ntơưv qơư y tế xã lơưr bảo hiểm y tế. Taz sik shông no, cux txo grêk tsơưs, tsuôk yuôr nhos 400 lênhx iz hlik. Iz chas ntơư, đros têx cui tinhv tso tơưv, xav kror đruôz đraz iz kro yuôx muôz trâu iz lênhx nênhs nox kho moz đhâu thâuv yưx tas têx nhiêx seiz njuôk shuôs moz, tsuôk yuôr 30 cxênhz đeiv, chor nhiêx no tưz tsi txâuk chiê kho moz. Pir li shông uô ntêx, qơư y tế tsuv tso ntâu lênhx nênhs moz muk trâu têx tsêr kho moz thênhv siêz viv muôx tsi txâuk yuôx, chuôz zênhx…. seiz njuôk shuôs, kho moz. Pos Trần Thị Lan, nhoz jok Én 1, xã Khánh Yên Trung, huyện Văn Bàn heik:

“ Canr bôv qơư y tế lok six moz siêz uô hâux lưv seiz njuôk shuôs, kho moz taz sik têx yuôx muôx tsi txâuk, lok six tsơưs. Cur vav chiê siêz tiêk, têz qơưs zuôr moz siêz txos ntâu đuô thiêz, muôz txâuk têx yuôx tuôx trâu ntơưv qơư chiê têx qơư y tế côngz pheiz têx yuôx  tâu zôngx ziv trâu tsôngv box, tsôngv box li tsi trâus muk lok đêz seiz njuôk shuôs, kho moz ntơưv têx tsêr kho moz thênhv siêz”.

Tsênhz tiês, iz phênhv viv têx nhiêx thêv khiêz kho moz lơưr chei, cui tinhv bảo hiểm uô tsi tâu trơưk siêz xar, iz phênhv viv qơư y tế muôx tsi txâuk txux chi, tsưr ziv, pênhr xưv kho moz, tsuv muk chơưv kho trâu têx tsêr kho moz thênhv siêz viv li ntơưv Văn Bàn nhiv no, lênhx nênhs moz tsuv muk ntâu  trâu têx phòng seiz njuôk shuôs đa khoa huyện chiê tâu sơưv têx chei bảo hiểm y tế jông đuô, uô trâu têx qơư no hnuz tưs cux muôx ntâu lênhx nênhs moz tuôx seiz njuôk shuôs, kho moz. Pos ngô Thị Bích, Phưv Giám đốc tsêr kho moz đa khoa huyện Văn Bàn heik:

“ Ntơưv qơư y tế hâur xã, têx grê nhiêx thêv yuôx lok six fênhx zis viv li tsuv muk trâu hâur huyện, tiv iz phiv liv trâu nênhs moz tsuv muk lok đêz, tiv 2 zos uô trâu têx tsêr kho moz thênhv siêz muôx ntâu nênhs moz hênhr tuôx seiz njuôk shuôs, kho moz. Nhiv no tsêr kho moz tsênhv muôx tsi txâuk lênhx nênhs uô hâux lưv, têx nhiêx txiêx lok cux tsơưs, pêz tsêr kho moz tsưr ziv tsuôk muôx 100 luz txax trâu nênhs moz pư, nhiv no tưz ndê txos 178 luz txax mak 78 luz txax ntơư pêz tsi muôx nhiêx trâu, tsuv muôz têx nhiêx txơưr đuô hâur tsêr kho moz chiê phưx vưv,seiz njuôk shuôs, kho moz trâu tsôngv box”.

Qênhx shênhx têx qơư y tế xã jux juk tsi muôx nênhs moz tuôx seiz njuôk shuôs, kho moz cux uô ruôr hiêv txos têx tsưr ziv, hâux lưv choz trâu têx qơư y tế heik sâuv. Chiê uô cov tâu tiêr luôs hâux lưv zok muôz, têx qơư y tế tsuv tsưr tsix nzir ntâu tsaz yênhx y tế li: seiz njuôk shuôs moz trâu shux xênhz, trâu têx lênhx nênhs lâuk, trâu têx pox niêv xênhz tuz ci hâur chêr….chiê uô tiêr têx hâux lưv trơưk tsưr ziv tso tơưv. Txơưv uô lơưr cxuô faz tsưr ziv, taz sik tas iz đraz shông, xav hur si têx lênhx nênhs moz tuôx seiz njuôk shuôs, kho moz ntơưv têx qơư y tế li heik sâuv hâur thax tsav huyện cux tsuôk uô tax tâu 30%. Tưz tsi tâu heik txos seiz njuôk shuôs, kho moz cik txos tsưr ziv jêx jok yiêz lok y tế uô tsi tsơưs thax tsav, suôv qơư njiz phiv liv uô tsi tiêr cxuô luôs hâux lưv zok muôz. Hur si têx heik ntơư tsi tiêk zos tsôngv box sđ tsưr ziv, siêz xar njôngr, mak ntơư cux zos tas nro hâu nov huyện Văn Bàn thiêz têx cơ quan cik txos  tsuv đros seiz lax, đơưk cov tâu têx phiv liv hêik sâu./.

                                         ( Tuấn Xuân-Riê Lâux cxeik, nhênhv)

Phênhv thưr 2 hnuz 4/7/2016:

Hêik pâuz uô lơưr Đảng li nghị quyết đại hôiv 12

Phưv tsar ban Tuyên Giáo Trung ương, phưv chủ tịch Hôiv đôngx lý luận Trung ương Phạm Văn Linh dự thiêz sêiz car jiês cơưv.

Ntơưv jiês cơưv no, cxuô lênhx têiv plor tưz mnôngs thiêz sêiz lax 3 tsênhv njiêz: Têx tsênhv njiêz zov chênhr hâur pov cov chính trị muôz trâu Đảng li Đại hôiv 12: pov cov ntâuk gri uô lơưr Nghị quyết Trung ương 4 (khóa 11/ iz cxiê vênhv thix sêi đrơưv lok cxiv tsa Đảng nhiv no; pov cov ntâuk gri chêx cur uô jênhv vưv huôv tsar kinh tế-xã hội hâur 5 shông 2011-2015 thiêz tsưr ziv, jênhv vưv  huôv tsar kinh tế-xã hội 5 shông 2016-2020.

Hêik pâuz lok ntâuk gri chêx cur uô jênhv vưv huôv star kinh tế-xã hội 5 shông 2011-2015 thiêz tsưr ziv, jênhv vưv huôv star kinh tế-xã hội 5 shông 2016-2020, phưv tsar Ban Tuyên giáo Trung ương Phạm Văn  Linh puz pâuz, Văn kiện Đại hôiv 12 tưz ntâuk gri chêx cur  uô nghị quyết Đại hôiv 11 (2011-2015) thiêz tror tis njiê 30 shông hlôngr yiêz. Txix ntâuk gri no thiêz khov lơưr njuôk xav lok qênhx shênhx têz qơưk hâur têx shông zuôr txos, đại hội 12 li têx ntâuz ntơưr tưz muôx ntâu kror hlôngr yiêz, hêik tsênhz mênhx đuô tsưr ziv hlôngr yiêz chuôz ndê, hlôngr yiêz đuô nền kinh tế. Đại hôiv 12 têx ntâuz ntơưr cux tưz xav jênhv tsênhz mênhx đuô kinh tế thị trưởng lơưr xã hội chủ nghĩa; hêik lok têx tsênhv njiêz zov chênhr lok chor phênhv uô muôx yưv, muôs trâu ciêz đrôngl; pêx xênhv thiêz tsưr ziv taz por siz bâus xã hôiv hâur uô tsưr ziv no.

Tror khav tênhv nền kinh tế pêz têz qơưk zos nền kinh tế thị trưởng lơưr xã hội chủ nghĩa đros ntâu tsưr ziv sở hữu, ntâu thành phần kinh tế, Văn kiện Đại hội 12 no muôx ntâu kror yiêz hâur xav jênhv chor thành phần kinh tế li pưk txux. Tsênhv tsênhz, kinh tế têz qơưk muôx pưk txux zov chênhr; chor thành phần kinh tế zos chor phênhv paz zov chênhr trâu nền kinh tế têz qơưk. Chor nênhs hâur chor thành phần kinh tế co siz luôs iz zav, sik côngv thiêz uô lơưr chêi pháp luật. Thị trưởng muôx pưk txux zov chênhr hâur phêiz huiz tôngv thiêz phêiz kênh muôx chêx cur chor pênhr jos huôv tsar uô, zos tôngv jos zov chênhr chiê cêir chêx uô xênhz yar./.

(Đại biểu nhân dân-Lik Thox cxêik nhênhv)