Nghệ An: Siz zuôr cxênhz jê nhoz mênhx cxưx nênhs Đan Lai

          19 shông, niêv lâuk Lê Thị Hóa- nhoz jos Cò Pạt, xã Môn Sơn, huyện Con Cuông tưz muôx 2 tul mê nhuôs. Taz sik, tul hloz tâu xênhz thâuv Hóa tâu 16 shông, tul txir 17 shông tsênhv trâus moz hlưz tâuz hâu.

          “Nêz siz zuôr thâuv tsi tâu txưv shông mak niêv thiêz txir pok puz siz zuôr? Niêv thiêz txir puz zuôr. Nhoz hâur jos pok muôx ntâu gơưv siz zuôr nzor li nêz? Phênhv ntâu zos siz zuôr thâuv tsi tâu txưv shông. Xênhz zus mê nhuôs trâus moz li no cox pok xar tiêk zos tiv zuk zuôr txir nzor? Muôx ntâu qir tiv taz sik phênhv ntâu zos siz zuôr nzor mê nhuôs thiêx trâus moz li mo. Cur cux tsi pâuz uô tul tsi thiêz.”

          Nhoz uô nênhx pêv har jôngr, hâur đêx Khặng, xã Môn Sơn, huyện Con Cuông, mênhx cxưx Đan Lai tsuôk muôx 2 xênhv nênhs zos xênhv Lê thiêz xênhv La, viv li qênhx shênhx siz zuôr cxênhz jê muôx ntâu, uô muôx yưv têx tsi jông trâu cxênhx nênhs tov kaz no. Pir li niêv lâuk Lê Thị Thảo zuôr tul txir zos nênhs côngv iz xênhv nênhs thâuv tsi tâu txưv shông, viv li thâuv xênhz tul nhuôv tuz hloz, shông no tưz tâu 3 shông mak tsi tâu txơưx thav lul:

          “ Nêz siz zuôr thâuv hor ntâu shông: Cur 16 shông, cur tul txir 17 shông. Nêz zos lênhx nênhs cxênhz jê, zos li viv li chas ho tsi nriêr pâuz chiê zuôr lênhx nênhs tsi cxênhz jê: Viv nhoz no tsi muôx theox chênhv mul đêz, thiêz cux tsi muôx lênhx tưs tuôx no. Cưr tix muôk nus siz zuôr cox pok cxơưx trâu cxênhx nhuôs tov kaz no: cur cxơưx thiêz...”

          Têx shôngk đhâu, tâu têz qơưk tsov cưv yưv pênhr thiêz paz txưv, tâu têx lênhx nênhs jông siêz paz txưv, nênhs Đan lai li luz nênhx nhoz hâur đêx Khặng tưz jông đuô tuôx, tsi yuôr chuôz zis trâus yeiz...Lơưr pos Vi Thị Lý- Chủ tịch Hội pox neiev xã Môn Sơn, huyện Con Cuông, chính quyênx tiv phaz tưz muôx ntâu tsưr ziv zaoz zux, yax mông...taz sik pox nhuôs li cêr uô nênhx tsênhv pôngz kaz, cêr mul lol phêv liv, viv li tsi tâu tir tar tâu qênhx shênhx siz zuôr cxênhz jê. Ntâu lênhx nhuôs nhiv kruôr muôx 13-14 shông tưz siz zuôr uô txix gơưv. Tsi taz li ntơư, iz cxiê tsênhv siz zuôr hâur xênhv nênhs, uô tsi jông trâu cxênhx tuz nhuôs tov kaz li tsi khênhr hloz, tsi txơưx njê...Pos Vi Thị Lý heik:

          “ Qir tiv nhoz no tiv iz zos tsi pâuz thôngz. Tiv oz zos tsôngv box li kinh tế. Viv 12,13 shông tsi tror mul cơưv ntơưr tsuôk nhoz tsêr xưz. Niêv txir cux seiz txix gơưv trâu, thâuv mê nhuôs muôx txix gơưv mak txơưv tas nghĩa vụ txos thâuv xênhz zus mê nhuôs mak tsi muôx đas jos thiêz muôx ntâu zav moz gênhs...”

          Lơưr UB huyện Con Cuông li pov cov, qênhx shênhx siz zuôr thâuv tsi tâu txưv shông nhoz huyện chuôz ndê tuôx. Cxôngx shông 2011 txos shông 2016, huyện Con Cuông muôx 103 lênhx siz zuôr tsik tâu txưv shông, hâur co pox niêv tsav 80%. Môn Sơn zos xã muôx lênhx nênhs siz zuôr thâuv tsi tâu txưv shông siêz tiv zix, 51 lênhx nênhs, phênhv ntâu zos hêir nênhs Đan lai. Têx gơưv niêv txir siz zuôr côngv iz xênhv thiêz siz zuôr cxênhz jê, cux muôx yưv ntâu. No zos qênhx shênhx tsuv pov tôngv, uô zênhr shar zov chênhr txos hêir nênhs Đan lai cxênhx nênhs tov kaz no li luz nênhx thiêz hêir nênhs Đan lai zos iz hâur têx mênhx cxưx tsơưs nênhs hâur tas nro têx mênhx cxưx hâur Việt Nam./.

                              (CTV-Txâur Vax cxeik nhênhv)

PHÊNHV NÔNGX MÊNHX ZUÔR TSUV PÂUZ

“Nôngx mênhx zuôr tsuv pâuz”

Chos jâuz sâuv thax tsav ar têz tsi muôx đêx

Tix lâus Nzêix Xênhv Zax tsênhv lok six hluôk-Tix lâus xênhz shông 1993, cơưv tas ntơưr Khoa quản trị uô lax luôv tsêr cơưv Đại học Tây bắc shông 2015. Iz txưv zos Bí thư đoanx hâur lớp, ho sir jos cơưv txux chi thiêz uô tiêr cxuô luôs hâux lưv hâur đoanx, viv li tix lâus Nzêix Xênhv Zax zos iz hâur 5 lênhx shux xênhz tâu xeir muk cơưv ntơưr thiêz uô hâux lưv trâu Israel, 11 luz hlik cơưv thiêz uô hâux lưv hâur Tập đoanx zuz tsoz chos lox tiv 3 Israel qơư uô têx zuz tsoz chos tưz uô hlôngr yiêz tâu tix lâus tsưr ziv, siêz xar.

Viv moz siêz cơưv shâuv tsưr ziv uô, Nzêix tưz thor lênhx tsưr tso kêr 100 xưv  phaz liêx têz. Iz chas six hơưv cơưv thiêz uô trơưk cui tinhv, Nzêix uô lơưr têx tsưr ziv tưz cơưv tâu txix têz qơưk Israel mak tix lâus xar, ntơư zos fiv thiêz muôx têx uô tâu ntơưv Việt Nam, chiê uô trơưk sâuv zuk thax ar têz mê co. Qir zuôv Nzêix sir zôngv zos qir tsiêx cxu, têx kuôr blêx....muôz vâuv tsês uô qir thiêz zưs mê njik đêx trâu. Six hơưv uô siv sâuv 100 xưv phaz ar têz no tưz uô tâu trơưl têk, trơưk tsưr ziv.

Hli 8/2016, Nzêix Xênhv Zax tror lok Việt Nam thiêz qir têk hlo uô têx zuz tsoz chos. Đros thiêz têx nhiêx hli txuôs tâu iz kro mê njik, Nzêix tsês chiê thêv nux grik, zuôr meir gruk đêx, zuôr car đêx thiêz đhok uô qơư zưs đêx trâu têx zuz tsoz chos. Hli 11-12/2016, ntu jok Chiêz Kâuz lok zos jok Rừng Thông, tix lâus thax tsav qơư nhoz qir nzênh trâu têx luz hlik ntux kruôr gis yax-Cux zos thâuv luz six hơưv têx jâuz ntus hâur pâuk, jâuz krưr, txir lưk suôr thiêz kix đok, jâuz cxưz.....zos Nzêix uô zuz, chos hloz huôv jông sâuv têx têz por tox đo tsênhv kruôr gis guôr, têx đrox tsuôs nhoz iz ndis njưk tuôs tas ntơư. Ntâu lênhx tưz zok nriêr tuôx nuk txos Nzêix têx tsưr ziv uô zos li chas. Chos tâu jâuz thâuv luz cheix ntux kruôr gis yax viv li Nzêix lok six shir phaz thiêz khav tinhv, đros trâu têx hâur đêx muôx nhiv no nhoz iz ndis jok, zos uô lơưr tsưr ziv zưs đêx li heik sâuv, tsôngv box sơưr đơưk hâur jok muôx têx chos tâu 2-3 chiv poz cưk iz shông, tsi tiêk uô tâu iz chiv li nhiv no xưz. Iz chas ntơư, đros thiêz têx por tox đo nhiv no, tsôngv box muôx têx chos tâux chiê tu zus nhux tưv, zuôr grêix.....

Nhạc cắt

Tix lâus moz siêz lus zok nriêr hâur đêx, uô siv chiê uô tâu cxuô zav zuz tsoz chos nhiêk txơưr nhiêk, sir jos nriêr doanh nghiệp sâu zuôr têx xiv huv uô tâu thiêz cxiv tsa tsưr ziv krêz lớp kriê trâu tsôngv cưr tix nênhx tsa sơưr đơưk uô trơưk. Nzêix njuôk xav, zos truz tâu têx xor tênhv lox, cxiv uô tâu qơư trâu đêx, zưs đêx mak hâur cheix ntux kruôr muôx têx zuôr zưs tâu đêx trâu nhos 10 ha hâur hur si jok zuôr xar 30 ha liêx têz uô kôngz. Têx nhiêx yưx uô njuôk xav tas nhos 100 ntâu tsov đeiv.

Nhiv no, Nzêix Xênhv Zax zos Bí thư chi đoanx jok Chiêz Kâuz lok zos jok Rừng Thông. Tix lâus tsênhv heik thiêz zâuv têx lênhx hluôk nênhs muôx txux chi, tsưr ziv đros uô lơưr tsưr ziv heik no trâu hâur zuk chuôz zis têx vax jâuz, liêx têz. Trâur nuv hợp tác xã car uô đreiv luôs hâux lưv chos jâuz thiêz têx ntông nox txir hur cux tsênhv tâu Nzêix thiêz chor hluôk nênhs xar njôngr, njuôk xav zuôr fuô uô hâur six hơưv tsi ntêr no.

  Tsôngv box....! Phênhv " Nôngx mênhx zuôr tsuv pâuz" hnuz no tsuôk xâuk li no xưz, phênhv no zos Đeix TNVN đros tsênhv qơư cxiz kôngz têz qơưk uô./.

                                      (VOV4-Riê Lâux cxeik, nhênhv)