Lào Cai: Huyện pluôs li chor chuôz zis uô kaz ciês shir phaz thâuv muôx tênhv tênhz têz qơưk tơưk

Xar muôx iz hli lok no, xav txix thâuv muôx tênhv lok, tix lâus Thox Seo Cuôv, jok Vả Thàng, xã Tung Chung Phố, huyện Mường Khương hnuz tưs cux shir phaz hênhr. Tưz tsik zos tix lâus xưz mak pox nhuôs hâur jok cux li, txix lâul, hluôk, nhuôv zâu, lênhx tưx cux shir phaz thâuv muôx tênhv lok txos jêx jok. Tsênhv ndo txos ciês uô ntêx hnuz muôx tênhv, tix lâus Cuôv muôz chor nhiêx cxênhx txuôs tâu chox muk zuôr ciês iz luz ti vi thiêz kê tênhz lok tơưl pov cêr lul. Cux khov muôx oz kror co mak tix lâus luz tsêr txix hnuz co txos nhiv no muôx lok six chôngz nênhs tuôx sêiz ti vi. Tix lâus Cuôv shir phaz hêik: “Thâuv ntêx tsik muôx tênhv mak luz nênhx txov nhêv hênhr, tsâuk ntux mak tsik pov cêr, nox mor tsuv tơưl tênhz trox a, têx tuz nhuôs cơưv ntơưr cux phiv liv. Nhiv no muôx tênhv mak sêiz tâu tiv vi, cux zuôr nzir têx zav sir zongv tâu lok zôngv, hêik cxuô mak lok six shir phaz”.

Jok Vả Thàng zos iz hâur chor jok txov nhêv tiv zix nhoz xã Tung Chung Phố, huyện Mường Khương. Iz phênhv hâur têx phiv liv co cux zos tsik muôx tênhv tênhz sir zôngv. Tsik muôx tênhv tênhz mak tsik muôx tas nro hur si, txix muôx tênhv tênhz têz qơưs tơưk pov cêr txos pox nhuôs li jênhv pâuz. Txix ntêr lok no, hâu nov xã ntâu tsưr ziv chiê paz pox nhuôs cxuôv yêiz thiv pluôs cux uô tsik tâu, viv tsik muôx tênhv. Nhiv no muôx tênhv tơưk pov cêr lul, zôngx ziv trâu tsôngv px sđ hlôngr yiêz tsưr ziv huôv tsar cêr uô nox. Zơưv Vương Sử Ngọc, phưv chủ tịch UBND  xã Tung Chung Phố hêik: “Đhâu thâuv tâu têz qơưk yưv pênhr muôx tênhv tênhz, pox nhuôs puôr lênhx lok six shir phaz. Tênhv zos kror lok six zov chênhr hâur yênhx chuôz zis li xênhz huôx; txix thâuv muôx tênhv pox nhuôs tâu nriêr pâuz cxix cxuô têx xor mông lok huôv tsar kinh tế xã hội; muôx tênhv cux paz pox nhuôs hlôngr yiêz đuô tsưr ziv uô nox txix cxôngx nzor trâu sir zôngv têx kror yiêz jông đuô; đuô li, muôx tênhv cux paz trâu tiv phaz uô côngz xưv cxuôv yêiz thiv pluôs tâu zôngx ziv đuô”.

Đros trâu jos Vả Thàng muôx tênhv tênhz têz qơưs sir zôngv thiêz hâur ntu nhiv kruôr đhâu tsik ntêr no, 3 luz jok tox siêz txơưr đuô nhoz xã Tung Chung Phố zos Văng Leng, Dì Thàng thiêz Tả Chu Phùng cux tưz muôx tênhv tênhz sir zôngv. Njuôk xav hâur 3 luz hli đraz shông 2017, tênhv tênhz zuôr tâu tik lok txos trâu oz luz jok tsênhv tsik tâu muôx tênhv nhoz 2 xã La Pan Tẩn thiêz Cao Sơn, ntâuk chiv trâu luôs hâux lưv tik  tênhv tênhz cxix cxuô trâu chor jêx jok nhoz huyện pluôs Mường Khương. Zơưv Nguyễn Hữu Đang, giám đốc tênhv jos huyện Mường Khương, tỉnh Lào Cai puz pâuz: “Xav jênhv Mường Khương zos huyện muôx cêr muk lok phiv liv, qiv hơưv phiv liv, thax tsav phênhv ntâu zos tox trôngz poz jêz viv li thâuv kriz uô pêz tsik so hêik pâuz trâu Công ty tênhv tênhz Lào Cai chiê muôx têx tsưr ziv khưx phưx têx phiv liv chaz tênhv sêi trâu chor chuôz zis sir zôngv; thôngx cxix kruôz kriê jông trâu pox nhuôs pâuz sir zôngv tênhv ngaz tuk thiêz muôx chêx cur”.

Tuôx trâu Mường Khương hâur têx hnuz no, cux zos chor cêr gâuk lêv nhoz têx saz trôngz poz jêz, taz sik đros co cux muôx têx ndêx tik xor tênhv tênhz muk trâu yênhx jêx jok, yênhx ziv chuôz zis, paz muôx cêr shir phaz thiêz luz nênhx tsâu sor đuô trâu tsôngv box./.

                                                                                                           (An Kiên-Lik Thox cxêik nhênhv)

PHÊNHV HEIK KRIÊ LOK CHÊI TTEZ QƠƯS

UB tỉnh Sơn La li cuiz tênhv tso tơưv luôs hâux lưv cxiv tsa xã nôngx cxênhz yiêz tỉnh Sơn La, ntu 2017-2020

1/ Ploz tsênhr njuôs xav:

          a/ Njiêz luv ploz tsênhr:

          - Muôx njuôs xav cxuô cxiv tsa xã (1) tâu thôngz đhâu thiêz tâu côngz fur tsênhz mênhx trơưk six hơưv: ploz tsênhr tax

          - Tso tơưv cui tênhv coar lik njuôs xav cxuô cxiv xã thiêz tsưr tsix uô lơưr njuôs xav: ploz tsênhr tax

          b/ Muôx txơưx jênhv heik kriê, ntâus grê: Sở cxiv tsa

          2/ Ploz tsênhr lok zaoz thôngz:

          a/ NJiêz luv ploz tsênhr:

          - Cêr zaoz thôngz txos tsênhv qơư xã: Ploz tsênhr zos uô truôx 100% cxôngx bê tông lok luôv trox cxeik; taz por yêz mul lol tâu yênhx shôngk

          - Cêr zaoz thôngz mul jêx jos: tsuv nquôr bê tông xi măng lok sik luôv trox cxeik hâur co: thax tsav I ntâu đuô lok sik bâuv 70%, thax tsav II ntâu đuô lok sik bâuv 60%; thax tsav III ntâu đuô lok sik bâuv 50%. Taz por yêz mul lol zôngx ziv hâur yênhx shông.

          - Cêr zaoz thôngz hâur jêx jos: ploz tsênhr thax tsav I, II tâu nquôr bê tông xi măng lok sik luôv trox cxeik ntâu đuô lok sik bâuv 50%; thax tsav III tâu zôngv têx poz jêz....uô ntâu đuô lok sik bâuv 50%; hur đuô, taz por tsi bluô hâur cheix lol nas.

          - Txox cêr tsênhv mul uô liêx têz ploz tsênhr zos uô 10% cxôngx têx chuôz zênhx muôx ntơưv qơư li poz jêz...taz por thâux tâu hax huv.

          b/ Muôx txơưx jênhv heik kriê: Sở zaoz thôngz vênhv teiv

          3/ Ploz tsênhr lok đêx liv.

          a/ Njiêz luv:

          - Têx mênhv chêx tsiv uô xênhz yar kôngz nuv tâu zưs đêx chuv tôngv tax cxôngx 80% ndê mul: ploz tsênhr zos lox đuô lok sik bâuv 80%

          -Taz por muôx txâuk theox chênhv tuôv zênhv tsôngv box zoz qơưx thiêz lơưr cui tênhv lok phax tar ntux nas ntơưv qơư: ploz tsênhr zos tax

          b/ Muôx txơưx jênhv heik kriê, ntâus grê zos: Sở kôngz nuv thiêz huôv tsar nôngx cxênhz./.

                                                                                                                                           (Thu Thùy- Txâur Vax cxeik nhênhv)