Jax thưr 6, hnuz xiêz  4/9/2015:

Sơn La bax cơưv shông cơưv yiêz

 

 

Tsêr cơưv cxênhx oz xã Phiêng Càm kuôk tsênhv qơư huyện muôx 120 cêik cêr. No zos huyện li luz tsêr cơưv phiv liv tiv zix. Hâur têx hnuz no shux xênhz cxênhzz iz thiêz cxênhx oz tưz piz tuôx tsêr cơưv. Cưk kriê ntơưr thiêz chor shux xênhz tsênhv taz tov đros qêz suô têx khâuz, vuôz tsuôz hâur tsêr cơưv ntơưr thiêz iz ndis chiê bax kriz shông cơưv yiêz. Cưk kriê Nguyễn Văn Bình, Hiệu trưởng tsêr cơưv ntơưr xã Phiêng Cằm, huyện Mai Sơn, tỉnh Sơn La puz pâuz:

Băng: “Pâuz tâu phiv liv li co, Ban giám hiệu tsêr cơưv tưz hêik chor cưk kriê ntơưr hâur tsêr cơưv ntơưr txix ciês hnuz 2/8 muk trâu chor jêx jok yiêz yax kriê, hêik shux xênhz tror tuôx cơưv ntơưr. Viv li lok six shir phaz txos hnuz 20/8 chor shux xênhz tưz tuôx zuôr cxuô”.

Tsik yuô phiv liv li tsêr cơưv ntơưr xã Phiêng Cằm, taz sik tsêr cơưv ntơưr nhoz xã Nà Bó ho muôx ntâu luz jok nhoz đêz tsêr cơưv ntơưr muôx 20 cêik cêr. Chor shux xênhz phênhv ntâu zos mênhx cxưx Thái thiêz Hmôngz. Tsêr cơưv li cxuô zav tsênhv muôx tsik tâu txâuk, tsik muôx tsêr trâu shuv xênhz nhoz đêz tuôx cơưv, niêv txir zus mor. Chor qar cơưv ntơưr muôx tsik cxuô, tsuôk tax tâu trâu kriê thiêz cơưv ntơưr xưz. Hâux lưv hêik chor shux xênhz tuôx tsêr cơưv cux lok six phiv liv. Bax trâu shông cơưv yiêz, cưk kriê ntơưr tsuv muk hêik cxuô lênhx shux xênhz chiê tror tuôx cơưv ntơưr. Cưk kriê ntơưr Nguyễn Văn Hùng, phưv hiệu trưởng tsêr cơưv ntơưr cxênhx oz Nà Bó, huyện Mai Sơn, tỉnh Sơn La hêik:

Băng: “Xã Nà Bó ho muôx iz cxiê luz jok nhoz thax tsav oz viv li shux xênhz muk lok njiz ntâu phiv liv. Muôx iz cxiê lênhx shux xênhz mak tuôx trâu tsêr cơưv, tsuv muk tas 20 cêik cêr. Chor shux xênhz nhoz đêz mak tsuv ntiêr tsêr nhoz lok sik nhoz đros chor cưr tix nênhx tsa thiêz chor tsêr nhoz jê tsêr cơưv chiê cơưv ntơưr”.

Ziv phiv liv zos chor cưk kriê ntơưr ziv pov zuk tsuv muôx txơưx jênhv trâu shux xênhz. Hâur yênhx hnuz, txix thâuv sơưr nzor, chor cưk kriê ntơưr bax cxuô zav chiê muk hêik cxuô lênhx shux xênhz tuôx cơưv ntơưr.

Tưz tsik zos tsêr cơưv ntơưr cxênhx iz, cxênhx oz njiz phiv liv xưz, mak chor tsêr cơưv ntơưr nhuôs zâu nhoz Sơn La cux zos chor tsêr cơưv ntơưr đos đis lav cơưv.

Ntơưv xã Chiềng Yên, huyện Vân Hồ tưz ntâu shông lok no, chor nhuôs nhoz 8 hâur 12 luz jok cux tsênhv cơưv ntơưr hâur luz tsêr cơưv, tsênhv zos muôz shôngz uô lav cơưv. Chor tsêr cơưv li co txos chêix ntux sor thiêz ntux nas mak sor cuz, xâu nas, chêix ntux no mak lok six no. Ntơưv chor qơư cơưv no, tsik muôx tsêr vêv xênhz thiêz qơư uô si. Cưk kriê ntơưr Phạm Thị Huyền, Hiệu phưv tsêr cơưv nhuôs zâu Chiềng Yên, huyện Vân Hồ puz pâuz:

Băng: “Chor cưk kriê ntơưr thiêz chor nhuôs tsuv cơưv ntơưr hâur qơư cơưv zoss chor tsêr uô đos đis, tsik  taz por. Vav njôngr  cov tsêr cơưv thiêz cxuô zav tsuv tâu cxiv  uô cov jông đuô”.

Đros chênhz yênhx khưx phưx têx phiv liv, Cưk kriê ntơưr thiêz shux xênhz nhoz tỉnh tox siêz Sơn La tsênhv bax jông tiv zix cxuô luôs haux lưv trâu shông cơưv yiêz. Taz sik, chiê gra siêz tsơưr lươngv kriê thiêz cơưv ntơưr, cxuô nganhx zuôr tsuv yưv pênhr uô tsêr cơưv ntơưr thiêz hlôngr yiêz đuô luôs hâux lưv kriê cơưv ntơưr nhoz thax tsav tox siêz./.        `

                                                                            (Thủy Anh-Ly cxêik nhênhv)

 

 

 

 

 

Phênhv “Chêi têz qơưs” hnuz xiêz 4/9/2015:

Phênhv 4: Têx quy tênhv hêik lok lênhx nênhs Vax huôv thiêz px luôs hâux lưv hâur hiến pháp shông 2013

 

 

Grê 37:

1, Nhuôv zâu tâu têz qơưs, ziv chuôz zis thiêz xã hội tsưx phưv, choz kriê; tsik tâu ruôr hiêv, kuôz zuôv nhuôv zâu uô hâux lưv hnar, tsik uô ruôr hiêv txos nhuôv zâu vax huôv thiêz đas jos.

2, Chor hluôk, tâu têz qơưs, ziv chuôz zis thiêz xã hội tso muk cơưv ntơưr, uô haux lưv, muk uô si đros trâu huôv tsar cxuô luôs hâux lưv uô tsưx phưv têz qơưs.

3, Lênhx nênhs lâuk, tâu têz qơưs, ziv chuôz zis thiêz xã hội sêiz tsiv grê, tsưx phưv đas jos thiêz đros huôv tsar tsưx phưv têz qơưs.

Grê 38:

1, Cxuô lênhx nênhs sđ tâu vax huôv tsưx phưv đas jos thiêz tir thêir cxuô zav moz gênhk.

2, Txưr tsik uô hêv txos lênhx nênhs txơưr đuô hâur côngv thôngx luz nênhx thiêz đas.

Grê 39:

-Tsôngv px tâu vax huôv muk cơưv txux chi

Grê 40:

-Cxuô lênhx sđ tâu vax huôv cơưv shâuv, nhênhz chơưv khoa học, công nghệ.

Grê 41:

Cxuô lênhx sđ muôx vax huôv tâu sir zôngv cxuô zav vênhx huôv chox lok huôv tsar uô hauar luz nênhx.

Grê 42:

Tsôngv px sđ tâu vax huôv njuôk xav zuk hêir nênhs thiêz sir zôngv niêv txir luk hêik.

Grê 43: Cxuô lênhx sđ tâu vax huôv uô nênhx, tâu vax huôv tsưx phưv tênhx qơư.

Grê 44:

Tsôngv px tâu vax huôv uô nênhx đros têz qơưs; Zos uô ruôr hiêv txos têz qơưs, tsuv trâus tik cêr cxâuv hnhar.

Grê 45:

1, Tsưx phưv têz qơưs zos px luôs hâux lưv uô tsiv grê.

2, Px tsuv tâu muk uô tuz lênhv đros cxiv kho tsưx phưv têz qơưs.

Grê 46:

Tsôngv px muôx vax huôv uô trơưk Hiến pháp  thiêz chêi lix qox têz qơưs, đros tsưx phưv têz qơưs; uô cxuô luôs hâux lưv zos đrêiv chêi tso tơưv hâur côngv thôngx.

Grê 47:

Cxuô lênhx sđ tsuv tâu thêv sê trơưk li chêi tso tơưv.

Grê 48:

Nênhs luôs oz chas têz qơưs nhoz VN, tsuv uô nênhx trơưk Hiến pháp thiêz chêi têz qơưs VN./.

                                                       (Tuyết Lan-Biên soạn-in đĩa-văn bản)