Jax sâu thưr 3/4/10/2016:

Jax tiv 2: Têx uô tsi zos hâur paz txưv ziv chuôz zis pluôs nhoz Tân Phong

          Lơưr cuiz tênhv paz txưv ziv chuôz zis pluôs zos thax tsav đề án ngaz tul tsôngv box phuôv tsar kinh têr xã hôiv, thax tsav txar qơư nhoz trâu tsôngv box nhoz niêv đêx Đà cxiv tsa tsêr meir đêx tênhv Hòa Bình, xã Tân Phong, huyện Phù Yên, tỉnh Sơn La muôx 60 ziv chuôz zis tâu paz txưv nhux đas, buô, yik. Taz sik, tsôngv box heik hâux lưv xeir ziv chuôz zis pluôs tưz uô ntâu ziv chuôz zis pluôs tsi tâu jênhv nôngz tsiêx. Đề án 1460 li cui tênhv tsênhz mênhx zos ziv chuôz zis tâu paz txưv tsuv zos chuôz zis txar cxôngx thax tsav niêv pas đêx Đas tuôx, ziv chuôz zis pluôs, taz sik têx mak xã Tân Phong uô ho tsi zos li ntơưv. Niêv lâuk Hà Thị Khuyên nhoz jos Vạn, xã Tân Phong heik:

          “ Kror uô ntêx hâur đề án 1460 no zos tsês trâu têx ziv chuôz zis tâu txar cxôngx niêv pas đêx Đà tuôx cxôngx shông 1985, shông 1986, taz sik thâuv mul khiêz phêv mak ho uô txơưr, mul txos co, zơưv tsar jos ho heik tiêk tsuv ru cxênhz”.

          Chuôz zis pos Đinh Thị Bính zos chuôz zis pluôs, zos chuôz zis txar cxôngx niêv pas đêx Đà chiê zuôr qơư uô tsêr meir đêx tênhv Hòa Bình tuôx nhoz jos Vạn, cux tsi muôx bê nhoz hâur têx chuôz zis tâu paz txưv, pos heik: Muôx têx lênhx li tix lâuk Đinh Văn Hải zos iz chuôz zis nhiv kruôr pheiz chuôz, zos tsar công an xã Tân Phong li tul tuz mak ho tâu paz txưv. Taz sik jênhv phênhv paz txưv zuôr nhux thiêz nhiêx txiêx uô guôx lơưv mak tsi pov nhux nhoz tưs:

          “ Zơưv tsar công an xã tul tuz cux muôx tsêr cxiv jông cux tâu paz txưv. Zơưv bí thư li mê nhuôs, 2,3 lênhx nênhs txơưr thiêz pheiz chuôz mak mê nhuôs txơưv tâu paz txưv”.

          Lơưr Phóng viên li nriêr pâuz, hâur têx chuôz zis jênhv paz txưv nôngz nhux, buô jiês no phênhv ntâu zos têx chuôz zis muôx luz nênhx jông, zos lênhs tov xã li tuz nhuôs. Jos Vạn muôx 11 ziv chuôz zis tâu jênhv nhux cxôngx đề án 1460 mak muôx txos 6 chuôz zis muôx luz nênhx bluô nux; zos cán bộ xã, jêx jos li tuz nhuôs. Muôx têx tsar jos li tas nro chuôz zis puôr lênhx tâu jênhv nhux, taz sik tsôngv box pluôs mak pôngz cuô muôs thor tâu paz txưv cux tsi tâu! Kror no tso pov iz hâux lưv tsi tsênhz mênhx hâur uô đề án paz nênhs pluôs.

          Chiê taz por côngz fênhx, uô ntêx thâuv paz txưv trâu têx ziv chuôz zis, tsar jos tsuv tsưr tsix khiêz phêv chiê tsôngv box xeir têx chuôz zis tâu paz txưv. Taz sik, ntâu ziv chuôz zis tsôngv box jos Vạn puz pâuz: Lơưr tsi tâu khiêz phêv mak tsuôk tâu hu tuôx ru cxênhz, muôx ziv thâuv tuôs txos tưz tas lơưv... Đrâuv hâux lưv uô tsi tsênhz mênhx hâur xeir lênhx nênhs tâu paz txưv, tsưr ziv paz txưv cxôngx nhiêx txiêx tsôngv box chiv chir mul zuôr nhux, cán bộ xã, huyện mul seiz shuôk thiêz thêv nhiêx cux zos iz kror tsi huv đros zos tsi tâu seiz car txos qơư. Ntâu chuôz zis ntơưv jos Vạn puz pâuz, muôx ntâu chuôz zis tâu paz txưv mak tsi pov nhux, buô, yik nhoz tưs. Zơưv Đinh Văn Ái nhoz jos Vạn puz pâuz:

          “ Ntâu ziv mak tsi pov nhux nhoz tưs, lav mul kêr nhux lol txơưv tâu chor nhiêx txiêx paz txưv, yuôr nhux mak tsi muôx. Kêr nhux mul Đăng cir trâu xã, xã côngz jênhv lơưv mak txơưv tâu”.

          Lok vênhv thix no, zơưv Cầm Văn Tân, phưv chủ tịch UB huyện Phù Yên, tỉnh Sơn La cux jênhv:

          “ Zos pêz tsi seiz car jông, têx tsưr tsix chính quyênx nhoz cơ sở tsi seiz car jông mak zuôr muôx qênhx shênhx mul kêr nhux chiê pov trâu xã tiêk tưz zôngv chor nhiêx txiêx tâu paz txưv chiê zuôr nhux lơưv. Six hơưv zuôr txos pêz zuôr chuôz tsar seiz car tas nro têx xã no”.

          Têx hâux lưv uô tsi tsênhz mênhx, tsi trơưk cui tênhv hâur xeir ziv chuôz zis pluôs thiêz paz txưv chuôz zis pluôs ntơưv xã Tân Phong, huyện Phù yên, tỉnh Sơn La tsênhv uô tsôngv box lok six tsi jông siêz. Uô li têz qơưk li têx phênhv paz txưv co puôk tuôx txos lênhx nênhs pluôs tsênhz tiês, thiêz puôk zos chính quyênx xã Tân Phong cxoz txưv uô cxâuv? Lo lul nus no lok six zuôr trâus tâu lênhs tov huyện Phù Yên seiz car chiê uô tsênhz mênhx./.

                      (Thanh Thủy- Txâur Vax cxeik nhênhv)

Phênhv thưr 3, hnuz xiêz 04/10/2016

PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 22)

                  Hnuz tso: Thưr 3 hnuz xiêz 04 hli 10 shông 2016

Nhạc hiệu chuyên mục “ Nhà nông cần biết”

Uô bluô nux txix tu zus keiz

( Hlôngr suôz)

Muk seiz shuôs Cù Văn Vừa qơư tu zus keiz li seiz pov tâu tas lênhx tsôngv box no têx tsưr ziv sir jos khưr huôv tsar uô nox. Zơưv Vừa heik: Thax tsav qơư no đrav ntêx zos har iêr tso tsês uô têz phaz tưz tsi uô đaz tsi, đhâu thâuv nhênhz chơưv, cơưv shâuv têx lênhx txơưx huôv tsar uô nox nhoz ntâu thax tsav tsưr  ziv uô, cur iz siêz truôx bo yưv pênhr tu zus keiz. Chiê cxiv kho thiêz uô tâu thax tsav qơư tu zus, cur tsuv pôngz tas yênhx puô tsov đeiv. Xuz thơưx lênhx tưs cux heik, tsi khênhr uô viv tas ntâu nhiêx txiêx li ntơư, thâuv tưs thiêx sâu tâu lok, taz sik hâur cur siêz thâuv tưs cux xar njôngr cov hla đhâu yeiz pluôs mak zuk thiêx sir jos li co….Nhoz thax tsav qơư ar nhav, har iêr li ntơư, nhiv no tưz yênhx qơư jông, đu lus trâu tu zus keiz đros thiêz muôx yênhx cxênhz tuk. Zơưv Vừa heik, xuz thơưx chuôz zis tsuôk tu zus iz paz 2, 3 puôk tuk. Jux juk tâu doanh nghiệp paz nôngz keiz tu zus, zơưv siêz truôx bo krêz đar qơư huôv tsar tu zus yênhx cxênhz tuk iz paz.

Chor keiz no jông gâux, kaz grêix thiêz jông zus hâur VN, tsi yuô trâus muôx moz, ndaz ndơưv têx zav nox muôx ntơưv qơư paz txo grêk tsơưs nhiêx txiêx yưx tu zus. Lar heik, grê muôs cux tâu đuô pir li têx zav keiz txơưr đuô….. Đhâu njuôk xav, iz shôngk zơưv Vừa muôs 3 fâuv keiz grêix, iz fâuv muôx nhos 2 tênhr. Đros grê muôs, xav kror đruôz đraz tâu 70 cxênhz đeiv iz cir, iz shông zơưv Vừa sâu tâu 400 ntâu tsov đeiv. Yưx hur si têx uz no cux tâu liv muôx yênhx puô tsov đeiv. 

Txix iz chuôz zis txov nhêv, txos nhiv no zơưv Cù Văn Vừa chuôz zis tưz ziv uô ntêx nyuôs hâur huôv tsar uô nox, cxuz cêr yeiz pluôs. Zơưv Hoàng Long Tam, tsar jok Làng Già heik: “ Zơưv Vừa tsưr ziv tu zus keiz tưz uô tâu trơưk têk, pêz tsênhv chêx tsôngk yax kriê trâu tsôngv cưr tix nênhx tsa sđ hâur jok sik đros seiz thiêz cơưv shâuv zơưv Vừa tsưr ziv uô nox chiê uô lơưr hâur luz nênhx….

Tsôngv box…..! Phênhv nôngx mênhx zuôr tsuv pâuz hnuz no tsuôk xâuk li no xưz. Phênhv no zos Đeix TNVN đros tsênhv qơư cxiz kôngz têz qơưs uô./.

                            (VOV4-Riê Lâux cxeik, nhênhv)