Ntâu chuôz zis, lox tôngv đêz qơư nhoz tror nhoz ntơưv Sơn La chiê nox tsiêz taz por phax tar jông caz moz

Yuôr oz pêz hnuz xưz tix lâus Nguyễn Văn Tưởng li chor thợ tưz zuôr so tiêr têx faz nja tsêr cov yiêz jông trâu niêv tix Nguyễn Thị Xuyến nhoz phường Quyết Thắng, thành phố Sơn La luz tsêr cxiv uô yiêz. Tix lâus Tưởng oz niêv txir xar tiêk thâuv uô tiêr choz zok tsêr trâu tsưr tsêr tas mak zuôr lok trâu zuk kuz qơư nhoz xar Tứ Cường, huyện Thanh Miện, tỉnh Hải Dương nox tsiêz đros niêv txir. Taz sik tix lâus Tưởng tưz xar đuô lơưv:“Chuôz zis shir phaz nhoz nox tsiêz ntơưv Sơn La, uô ntêx zos sir jos đros sơưr đơưk phax tar caz moz lênhx tưs cux tsuv muôx txơưx jênhv, cux zos por vêv trâu chuôz zis thiêz côngv thôngx”.

20 shông tuôx uô côngz xưv ntơưv huyện Mai Sơn, tỉnh Sơn La, shông tưs niêv tix Vũ Thị Miện oz niêv txir cux chiê mê nhuôv lok huyện Đầm Hà, tỉnh Quảng Ninh nox tsiêz đros pos zơưs, niêv têik zơưv txir. Niêv tix Miện puz pâuz, tsưr ziv no tâu niêv tix oz niêv txir xar đuô ciês thâuv hnor Sở Zoz thôngz Vận tải tỉnh Sơn La hêik pâuz lok tso tsês chor jiês yêz thâux kruô muk trâu Quảng Ninh. Tas nro chuôz zis lênhx tưs cux pôngz siêz, taz sik cux xav jênhv tâu tiêk tsik muk lok, tsik nhoz siz jê chôngz nênhs thâuv moz Covid-19 tsênhv txơưr txar phiv liv zuôr paz trâu côngz xưv qênhz yuôx, phax tar caz moz tâu uô jông đuô:“Đros sir jos tir tar caz moz, cur chuôz zis xav jênhv uô truôx jông lơưr tsưr ziv lênhx tưs nhoz kror tưs mak nhoz truôx jông kror co, tsik muk lok ntâu, nhoz siz jê chôngz nênhs. Viv li pêz cux zuôr nhoz ntơư no chiê nox tsiêz xưz tsik muk trâu kuz qơư lơưv. Pêz cux tưz phax tar jông txix muk lok tâus cêr mak chox đêiv bos kror ndâux, tsik muk trâu têx qơư chôngz nênhs”.

Têx hnuz no, chor tôv phax tar caz moz Covid-19 têx jêx jok, tiểu khu, tôv dân phố nhoz tỉnh Sơn La tsênhv sir jos uô hâux lưv yax kriê txos cxuô qơư thiêz cxuô lênhx nênhs cov pêx xênhv sơưr đơưk pâuz chiê uô jông phax tar caz moz. Lơưr co hêik trâu chor nênhs muk lok txix têx thax tsav qơư txơưr, têx qơư công nghiệp pâuz. Tsik muk trâu têx qơư txơưr, shux xênhz lok so tsiêz mak tsuv hêik pâuz y têr thiêz tsik muk njiz têx nênhs txơưr. Đros chor nênhs txix têx qơư muôx caz moz li Quảng Ninh, Hải Phòng, Hải Dương mak tsuv hêik pâuz y têr cov sêi thiêz uô lơưr qơư y têr, Ban chox kriê phax tar caz moz li hêik kriê. Zơưv Quàng Văn Lại, zos tsar chor paz nênhs chiv chir seiz jor dân phố số 10, tôv 3, phường Quyết Thắng, thành phố Sơn La puz pâuz:“Pêz tsênhv tsưr tsix uô vêv xênhz, yax kriê txos trâu cxuô lênhx nênhs pâuz lok côngz xưv phax tar caz moz. Shông no ntâu chuôz zis nhoz đêz tưz nhoz ntơưv no chiê nox tsiêz, pêz tưz cxiv tsa tâu tsưr ziv tok tsiêz tsâu sor, taz por ngaz tuk phax tar caz moz”.

Chiê paz đros côngv thôngx, chính quyền cxuô cấp sir jos tir tar caz moz uô ntêx tsiêz, thành phố Sơn La cux hêik cxuô lênhx nênhs hâur thành phố zos yênhx iz lênhx chiến sỹ sir jos phax, tar caz moz, nzor pov, hêik pâuz chor nênhs uô cxâuv thiêz tsik hêik pâuz y têr chiê muôx tâu tsưr ziv tir  tar cov truôx jông, tsik chiê muôx yưv caz moz thiêz siz cik moz hâur côngv thôngx./.

(TTTB-Lik Thox cxêik nhênhv)

Jos K’Long li lênhx đảng viên uô tâu hâux lưv jông

Tos pêz hâur luz tsêr lox đar, muôx cxix cxuô têx chuôz zênhx yiêz jông, lâuk jos K’Lèn, Bí thư chi bộ K’Long, xã Hiệp An, huyện Đức Trọng, (Lâm Đồng) shir phaz puz pâuz, khov shông no ntux nas jông, chiv cheix sâu tâu jông, chiv pax tsiêz no tsôngv hâur jos tror sâu tâu chêx cuk siêz. Chuôz zis tưs cux muôx nhiêx txiêx zuôr têx chuôz zênhx zuôr trâus chiê nox iz luz tsiêz lov jêv.

          Lâuk jos K’Lèn heik, thâuv ntêx, tsôngv box hâur jos luz nênhx lok six txov nhêv, phênhv sâu phênhv ntâu khov txos 2,3 sào blêx iz chiv viv li luz nênhx six fênhx yeiz pluôs. Khov tâu Đảng thiêz têz qơưk tsov cưv yưv pênhr lok cxuô zav, krêz uô ntâu tsaz yênhx chính sách yưv pênhr, paz txưv nôngz tsoz chos, kriê tsưr ziv tsêz chos. Đros đoanx thêv, mặt trận thiêz chính quyênx têx cấp li yax mông vênhv tôngv- “đảng viên uô uô ntêx, jêx jos sik đros uô lơưr”, pox nhuôs nhoz no jux jus hlôngr yiêz siêz xar, yênhx trus txơưx zôngv công nghệ yiêz lok tsêz chos muôz siêz tsiv grê hax huv. Lơưr lâuk jos K’Lèn, xar cov pox nhuôs njênhs njôngr thiêz uô lơưr, đros pưs txux zos iz lênhx đảng viên zuk tsuv zos lênhx nênhs uô ntêx nyuôk: “Uô ntêx zuk tsuv bax yênhx tưv txux chi trâu zuk, pâuz cxix cxuô Đảng li chủ trương, cêr chei thiêz têz qơưk li pháp luật thiêx li zôngx ziv yax mông, vênhv tôngv pox nhuôs uô lơưr. Đrâuv co, thâuv uô hâux lưv tul tsi, zuk cux tsuv zos lênhx nênhs uô uô ntêx, pir li uô tsêr chiê tsêz chos kôngz nuv lơưr công nghệ siêz…Zos tsuôk yax mông xưz tsôngv box tsi to tâuz, zuk tsuv uô thiêz zuk tuz nhuôs cux uô, thâuv pov muôx chêx cuk pox nhuôs thiêx li uô lơưr”.

          Heik txos lâuk jos K’Lèn, tsôngv box hâur jos K’Long lênhx tưs cux seiz tsiv grê. Zơưv Phan Mai Khoa, Phưv Bí thư, Chủ tịch Hội pêx xênhv xã Hiệp An, Huyện Đức Trọng xar li no, tsi zos xar trâu zuk, zơưv K’Lèn zos Bí thư chi bộ jos K’Long, lâuk jos thiêz zos đảng viên uô ntêx nyuôk hâur cxuô côngz xưv chiê tsôngv box nhoz no cơưv shâuv uô lơưr. Đros côngz xưv cxiv tsa đảng, cxiv tsa cxix luôk chinhr trị truôx vênhs, chi bộ jos K’Long thâuv tưs cux zos iz hâur têx taz viv uô ntêx nyuôk ntâu shông tax hur si truôx vênhs đros chor đảng viên muôx txos 25 lênhx, hâur co ntâu lênhx đảng viên zos tsôngv box mênhx cxưx tsơưs nênhs. Chêx cuk no muôx Bí thư chi bộ jos K’Long zơưv K’Lèn li gôngr côngv lok six ntâu. Zơưv Phan Mai Khoa heik:

          “Đ/c bí thư chi bộ jos K’Long zos nênhs mênhx cxưx tsơưs nênhs taz sik ho uô lok six jông têx jênhv vưv tâu choz, hâur co muôx côngz xưv cxiv tsa đảng, cxiv tsa cxix luôk chinhr trị nhoz ntơưv qơư tax chêx cuk siêz”.

          Jos K’Long muôx 90% ntâu zos tsôngv box mênhx cxưx tsơus nênhs K’Ho, phênhv ntâu nhoz uô nênhx khov txos hâux lưv uô kôngz. Hâur têx shôngk jê ntơưv no, đrâuv huôv tsar uô nox uô hâuk, pox nhuôs hâur jos thâuv tưs cux sir jos uô muôx chêx cuk têx phongz yaox tưr thik nhiêv têz nhiêv qơư, têx tsaz yênhx, cxiv vênhv tôngv zos tiv phaz phuôx tôngv. Cxôngx co, nôngx mênhx ziv hnuz ziv hlôngr yiêz, têx cêr uô nênhx pôngz kaz tâu tso tsês, luz nênhx ziv hnuz ziv hlôngr yiêz jông. Lâuk jos K’Lèn, Bí thư chi bộ jos K’Long heik:

          “ Têx mak xar njôngr uô tâu tsênhv yuôr lok six ntâu, cur xar njôngr têx cấp têx nganhx tror cxơưz ties hâux lưv yax mông, hâur co tsov cưv txos hâux lưv heik kriê tsôngv box tsiv uô têx xiv huv kôngz nuv muôx tsiv grê kinh têr siêz”.

          Đros têx gôngr côngv jông hâur côngz xưv cxiv tsa đảng, cxiv tsa cxix luôk chính trị thiêz huôv tsar KTXH jêx jos, lâuk jos K’Lèn, Bí thư chi bộ jos K’Long tưz jênhv tâu lok six ntâu ntơưr kruôk cxôngx huyện Đức Trọng thiêz tỉnh Lâm Đồng. Tsiv nhos zos đảng viên uô ntêx nyuôk, zos lâuk jos tâu tsôngv box njênhs njôngr thiêz tâu tuz nhuôs cơưv shâuv uô lơưr./.

(Quang Sáng-Txâur Vax cxeik nhênhv)