Yên Bái sir jos tir tar caz moz Covid-19 cik lok hâur têx qơưk công nghiệp

Txơưv tiêk cux tsênhv uô nox li kuz, taz sik xar muôx 3 ciêz lok no, Công ty Cổ phần An Tiến Industries, qơư Công nghiệp faz Nam tỉnh Yên Bái uô jông đuô hâur côngz xưv phax, tar caz moz Covid-19 trâu tas nro 200 ntâu lox tôngv. Lơưr co, uô truôx jông hâux lưv cêv kuôk hâur ntu uô hâux lưv. Thâuv so nox mor mak nhiv no tưz muôx qơư thêir thiêz nox trơưk hax; chor qơư uô hâux lưv sik phêiz nox trơưk six hơưv. Tix lâus Vũ Quang Hưng, công nhân Công ty puz pâuz: cxuô lênhx công nhân cux tâu hêik cov uô jông hêik pâuz lok y têr ntơưv qơư por vêv uô ntêx thâuv zuôr muk hâur tsêr mêir uô hâux lưv:“Hnuz tưs pêz cux tsuv hêik pâuz y têr trâu công ty mak hnuz tov kaz thiêx tâu muk uô hâux lưv, tsuv hêik pâuz uô ntêx thâuv 11 six iz tas hmo mak hnuz tov kaz thiêx tâu muk uô hâux lưv”.

Txơưv tiêk ntâu doanh nghiệp tưz sir jos uô jông têx tsưr ziv phax, tar caz moz, taz sik lơưr ntâuk gri, tênhv qơư uô hâux lưv ntơưv ntâu doanh nghiệp muôx chôngz nênhs uô hâux lưv uô cê, công nhân ho nhoz ntơưv ntâu qơư sik txơưr, viv li zôngx ziv cik tâu caz moz zos kror lok six siêz. Đros qênhx shênhx co, Ban sêiz car têx qơưk công nghiệp tỉnh Yên Bái tưz sik côngv đros tsênhv qơư qênhz yuôx caz moz tỉnh tsưr tsix kruôz kriê têx tsưr ziv lok phax tar caz moz, uô tsưr ziv thiêz ntâuk gri qênhx shênhx siz cik caz moz hâur doanh nghiệp. Tiv zix, tưz tso nhân viên y têr njuôk shuôk caz moz trâu 200 ntâu công nhân ntơưv 10 doanh nghiệp nhoz hâur thax tsav qơư công nghiệp. Zơưv Đặng Quang Hưng, Phưv Giám Đốc Cty Cổ phần An Phúc puz pâuz:“Hâux lưv CDC Yên Bái cux xưk li Ban sêiz car qơư công nghiệp tưz njuôk shuôk caz moz trâu 20 cán bộ, nhân viên  hâur pêx công ty zos iz kror hâux lưv lok six muôx tsiv gri thiêz ndar six hơưv hâur ntu phax tar caz moz Covid-19 nhiv no”.

Tưz đhâu 29 hnuz, Yên Bái tsik pov muôx nênhs trâus moz Covid-19 yiêz, xav txix pov muôx lênhx nênhs trâus cik moz uô ka ciês zos nhân viên uô hâux lưv ntơưv khách sạn Như Nguyệt 2, thành phố Yên Bái, qơư cêv kuôk tsêx trung chor nênhx nhênhz chơưv saz đrâuv têz qơưk. Ntơưv chor qơư công nghiệp hâur tỉnh, hâux lưv uô nox cux tâu uô truôx jông. Taz sik tsik zos li mak chor doanh nghiệp ntơưv no tsik uô jông côngz xưv phax, tar caz moz. Viv đhâu qênhz yuôx nriêr pâuz hâur ntu đhâu muôx 11 lênhx nênhs nhoz jê, njiz tâu chor nênhs trâus moz thiêz 200 ntâu lênhx nênhs nhoz jê, njiz tâu chor nênhs njiz tâu chor nênhs moz zos công nhân iz cxiê công ty hâur qơư công nghiệp zos chor nênhs tsuv muk cêv kuô tsêx trung thiêz cêv kuôk ntơưv tsêr. Zơưv Trịnh Huỳnh Yên, Trưởng ban sêiz car chor qơư công nghiệp tỉnh Yên Bái puz pâuz: đros muôx zuôr xar 4000 lênhx công nhân tsênhv uô hâux lưv ntơưv 35 doanh nghiệp, đros moz Covid-19 tsênhv txơưr txar phiv liv, Ban tưz sir jos uô hâux lưv phax tar moz Covid-19:“Cux tror qênhz yuôx thiêz sêiz kaz truôx jông chor nênhs tuôx thiêz lok txix têx qơư muôx caz moz lơưr cơ quan Y têr hêik pâuz, tiv zix zos uô jông têx tsưr ziv phax, tar caz moz tưz tâu hêik kriê. Kriz uô njuôk shuôk đas jos trâu chor côngz nhân uô ntêx thâuv zuôr muk hâur qơư uô hâux lưv. Sik côngv đros Tsênhv qơư qênhz yuôx caz moz tỉnh cxiv uô tsưr ziv hâur qơư công nghiệp cux xưk li bax uô têx tsưr ziv chiê tsưr tsix cơưv shâuv lơưr Ban chox kriê phax tar caz moz Covid-19 tỉnh Yên Bái li chox kriê”.

Txix ntâu tsưr ziv tsênhv tsênhz, đros tsưr ziv phax tar truôx jông caz moz, tsik chiê muôx yưv têx phiv liv lox, Ban sêiz car têx qơưk Công nghiệp tỉnh Yên Bái thiêz têx doanh nghiệp tsênhv sir jos uô cov truôx jông oz tsưr ziv cê phax, tar caz moz, cê uô nox cov tâu truôx jông./.

(Đinh Tuấn-Lik Thox cxêik nhênhv)

Nhuôs zâu heir nênhs tsơưs li vax huôv tâu tsoz phưz, kruôz kriê

Trơưk li Cuiv nhuôs zâu LHQ (Unicef) hêik pâuz, sâuv ntiêx têz, 4 lênhx nhuôv nxeik, muôx iz lênhx trâul luôs lưv tus zuôv uô đaz uô tuôs; 6 lênhx nhuôs tuz mak muôx iz lênhx trâul zuôv uô têx tsi trơưk chei. Nhoz pêz têz qơưk, tsi tâu muôx thôngz sâu tsênhz mênhx lok têx li heik co, taz sik, sđ cux pâuz, muôx ntâu txuz zuôv têx nhuôs zâu uô đaz uô tuôs tưz thiêz tsênhv muôx yưv.

Chiê txo grêk tsơưs têx txuz nhuôs zâu trâul zuôv uô đaz uô tuôs, chor uô niêv uô txir tsuv kruôz kriê mê nhuôv lok têx tsưr ziv zôngx ziv uô li: Pâuz txos têx nhuôv zâu trâul txưr tsi tâu đros luôs uô chiê paz mê nhuôv txar jav têx tsik jông. Heik pâuz lok sik moz siêz txos thâuv sđ seiz njiê luôs lưv tus tsênhv xar tsưr ziv uô ruôr hiêv txos nhuôs zâu li: Muôx lul heik tsi jông hêv txos mê nhuôv lok sik ntâul tsiv nhuôv zâu thiêz sik hâuz nziêk mê nhuôv seiz njiê lơưr qơư mok…, tsuv paz kriê trâu nhuôs pâuz tsênhz lok têx zôngx ziv trâul luôs zuôv uô đaz uô tuôs iz zav li: Luôs lưv tus cor mê nhuôv têx qơư mok, trâul ntâuk tsiv, trâul nziêk đas…. Thiêz sđ cux muôx têx heik tsênhz trâu mê nhuôv pâuz lok sâuv têx zôngx ziv trâul chor nênhs fêv ntêk cxov zos mê nhuôv muk trâu têx qơư tsi muôx lênhx tiz nênhs, tsi tâu niêv txir tso chei, tso luk. Sđ tsuv sik đros uô têx hâux lưv phax tir thêir zos pov muôx iz hâur têx li heik sâuv chiê por hưv nhuôs zâu thiêz heik trâu chuôz zis, hâu nov ntơưv qơư pâuz. Zos pov muôx têx tuk tsi tsik jông yưv siv trâu nhuôs zâu, pêz sđ tsi tâu muôz iz, muôz trâu nhuôv êr. Iz cxiê lênhx uô niêv uô txir nhoz TP HCM heik:“Cur tus nhuôv nhiv no muôx 4 shông, taz sik thâuv mê nhuôv nhiv kruôr muôx 2 shông ntâu ntơư, nưk tưz qir pâuz tâu iz cxiê têx tsi jông, zuk tưz qir kriê mê nhuôv pâuz lok têx li heik sâuv lơưv. Iz zav li tsi chiê luôs lưv tus puôs thiêz nưx zuk têx flu. Thâuv nhoz jê đros luôs lưv tus tsi pâuz mênhx zos lênhx tưs, mak tsuv tâu niêv txir jông siêz, tso luk thiêx tâu nhoz đros. Thiêz thâuv muk lol uz no tâus cêr zos njiz trâul chor nênhs lâul luôs zuôv lok sik uô li chas ntơư, mê nhuôv tsuv kuôx, kưx cov đror chiê chiv chir por hưv zuk, lok sik luôs têx nênhs lâul hnor, lơưr tuôx đros paz max”.

Trơưk li zơưv Nguyễn Lữ Gia, canr bôv dưv anr por hưv nhuôs zâu-tsưr tsix chơưv paz têx mê nhuôv zâu, lênhx nênhs fêv zuôv nhuôs zâu uô đaz uô tuôs muôx têx zos lênhx tiz nênhs tưs nhoz jê iz ndis thax tsav sđ têx tuz nxeik nhuôs zâu. Chênhr viv li têx lênhx uô niêv tsuv bax kriê têx tsưr ziv uô nênhx trâu nhuôs chiê paz chor mê nhuôv chiv chir por hưv zuk tus khênhx. Nhoz thax tsav tsôngv box heir nênhs tsơưs, chor uô niêv uô txir kriê mê nhuôv pâuz têx tsưr ziv li heik sâuv khênhr tsi yuô tâu moz siêz txos. Thiêz chênhr têx lênhx uô niêv uô txir heir nênhs tsơưs ntơư, ntâu lênhx lơưr cux tsi tâu pâuz tsênhz lok têx riêz nênhs, trâul nênhs fêv liv zôngv, hâuz nziêk li uz li no uô têx kror tsi trơưk chei, viv li cux tsơưs moz siêz txos chor mê tuz mê nhuôv. Chênhr zos têx li heik tas co, sđ tsuv sik đros moz siêz nriêr pâuz, kriê tsưr ziv uô nênhx jông, tsiv txiêx trâu têx tuz nhuôs.

Trơưk li pos Vũ Kim Hoa-Phưv Cục tsar cục nhuôs zâu, Bộ Lox tôngv Xaz pênhz thiêz XH: Hâur ntu muôx moz Covid-19 huôv xênhz, chiê por hưv nhuôs zâu, Cục nhuôs zâuv tưz đros têx tsưr tsix ntiêx têz cxiv uô 11 tsưr ziv yax mông, fuô kriê lok sâuv taz por truôx tuk trâu têx nhuôs zâu nhoz thax tsav trâul kuôk cêv cux iz zav li ntơưv chuôz zis, phênhv ntâu moz siêz txos phax tir thêir tsi chiê nhuôv zâu trâul kuôz zuôv uô đaz uô tuôs, trâul ntâuk tsiv, paz max lok têx tsưr ziv cêr uô nênhx jông…. Têx tsưr ziv uô co tưz tâu yax kriê sâuv têx Đeix, ti vi, ntơưr pov tsir thiêz fuô kriê txos trâu têx qơư kuôk cêv hâur thax tsav qơư nhoz:“Pêz sđ tsuv qênhz pov nzor mê nhuôv têx tsi jông. Iz zav li mê nhuôv nyei, nhuôv cxơưx, lok sik mê nhuôv chiv chir nưk nhoz nưk iz kro tsi xar uô si đros luôs lưv tus, tsi xar heik lul nhoz jê đros luôs têx…. Mak tsuv pâuz tsênhz lok têx li heik co chiê muôx tsưr ziv paz max. Chor uô niêv uô txir cux tsuv tsi so moz siêz txos mê nhuôv, đros mê nhuôv heik lul, thav pêv chiê mnôngs têx nhuôs heik zuk li tsưr ziv, siêz xar chiê muôx tsưr ziv paz zênhx max trâu mê nhuôs”.

Thâuv muôx têx tus tsi yưv siv cik txos chor nhuôv zâu li: Zuôv nhuôs zâu uô đaz uô tuôs, uô ruôr hiêv txos têx nhuôs đas jos, uô tsi truôx tuk trâu mê nhuôv, têx lênhx uô niêv uô txir tsuv hu ciês trâu tus sôr xor tôngx têz qơưk por hưv nhuôs zâu 111 chiê tâu heik kriê, por hưv, phax tir thêir nhuôs zâu tsi trâul têx nênhs fêv kuôz zuôv uô têx tsi trơưk chei, uô ruôr hiêv txos nhuôv zâu luz nênhx…../.

(VOV4-Riê Lâux cxeik, nhênhv)