Lào Cai: “Tsi muôx têx li sđ heik, tuz lênhv pênhz phax tsi moz siêz uô hâux lưv seiz shuôs lênhx nênhs muk lol đhâu hâur thax tsav tsi trơưk chei”

Sik thav đros chor sâu xor xưv VOV, đại tá Nguyễn Phi Khang, Chỉ huy tsar Bôv Chỉ huy Bôv đôiv pênhz phax tỉnh Lào Cai khav tinhv, ntơưv Lào Cai cux qênhz pov iz cxiê txuz muôx nênhs chox lênhx nênhs mul ok đhâu hâur thax tsav tsi trơưk chei. Tsuv nhav, no cux zos iz kro hâur seiz car tsi yuô truôx jông thax tsav ntus đriv, taz sik tsi muôx têx li sđ heik, pênhz phax chuôz têk paz chor nênhs mul lok đhâu đriv têz tsi trơưk chei:“Đhâu qênhz shuôs, tsi muôx canr bôv, chiến sĩ tưs tsi uô jông hâux lưv zok muôz, lok sik paz chor nênhs mul lok đhâu đriv têz tsi trơưk chei. Taz sik, phiv liv đuô zos muôx px paz thiêz têx lênhx nênhs nhoz jê 2 saz đriv têz ntơư liv zôngv pâuz cxuô têx cêr mul lok đhâu thiêz six hơưv, hnuz nhôngs chor tuz lênhv nhoz seiz jor cêr chiê chox kriê cêr trâu têx lênhx nênhs li heik sâuv mul lok đhâu ntus đriv tsi trơưk chei”.

Txix thâuv đhâu tsiêz têz qơưk txos nhiv no, luôs hâux lưv seiz car đriv têz reik đros phax tar moz Covid-19 tâu Bôv đôiv pênhz phax tỉnh Lào Cai sir jos fuô uô jông. Lưv lươngv Pênhz phax ntơưv qơư cux tưz yơưz phơưz 2 txuz cik txos “uô cxâuv têx cui tinhv lok sâuv mul lok đhâu ntus đriv tsi trơưk chei” thiêz “xa, lênhk tol chor nênhs mul lok đhâu đriv têz tsi trơưk chei”. Iz chas ntơư, Bôv đôiv pênhz phax Lào Cai cux tsênhv tror qênhz yuôx iz txuz xưk iz zav li heik sâuv thiêz.

Lơưr Đại tá Nguyễn Phi Khanh, đhâu qênhz yuôx, qênhz nus tso pov, nhiêx txiêx chiê ntiêr nênhs chox kriê cêr mul lok tâu đhâu đriv têz li heik co lok six ntâu, viv li txơưv tiêk pâuz uô li ntơư zos uô cxâuv chei, taz sik lơưr cux six lênhk nhav uô. Tsuôk xav lok sâuv têx nhiêx ntiêr yêz meir, yêz taxi thâux xa muk lol đhâu lưv lươngv muôx vax huôv xưz tưz yax 2, 3 bâus lơưv. Seiz pov muôx ntâu phiv liv li ntơư, nhiv kruôr đhâu, Bộ chỉ huy Bôv đôiv pênhz phax Lào Cai cux zênhx max heik trâu Uỷ ban tỉnh tso tơưv ntâuz ntơưr xa trâu têx ngênhx, ntơưv qơư cov sir jos đros uô hâux lưv seiz car têx lênhx nênhs muk lok đhâu đriv têz tsi trơưk chei. Đại tá Nguyễn Phi Khanh heik:“Vav chiê siêz tiêk, cxuô cấp, cxuô ngênhx, ntơưv qơư zuôr sir jos uô luôs hâux lưv yax kriê lok phax tar moz, lar heik zos ntơưv thax tsav ntus đriv, tsuv uô li chas chiê muôz hâux lưv uô trâu px cov lơưr tsi uô têx cxâuv chei li heik sâuv. Lưv lươngv hâur thax tsav cux tsuv sir jos qênhz yuôx shuôs qơư nox nhoz, uô ntâuz ntơưr nhoz muk lol, zênhx max phax tir their tâu jông”.

Tsênhz tiês cux tso pov, pir li zuôr xar 200 cêik cêr đriv têz mak chor nênhs pheiz seiz jor, uô hâux lưv phax tar moz ntơư cux tsênhv tsơưs, lar heik zos chor lưv lươngv hâur thax tsav ntus đriv đros bôv đôiv pênhz phax uô têx luôs hâux lưv sâuv muôx kênh jiês tsi tâu truôx, viv ntâu phiv liv. Trơưk li Thiếu tá Nguyễn Như Khánh, Zênhx Tsar Zênhx Pênhz phax Bát Xát ( Lào Cai), chiê cxaz nzir lênhx nênhs đros uô hâux lưv nhoz têx qơư seiz jor cêr, tổ đội qênhz yuôx, Zênhx tưz tso tơưv tsưr ziv sik paz uô nuv, thor chuôz tsar nzir têx lênhx jênh quân, tuz lênhv, công an txix têx xã ntus đriv hâur thax tsav seiz car. Hâur thax tsav qơư cux jông siêz, thôngx ziv đros tsưr ziv uô co, taz sik chiê taz por uô tâu jông thiêz tsi so hâur niêx hnuz, thâuv tưs tưz muôx lênhx nênhs nhoz ntơưv têx qơư co seiz jor cêr, qênhz yuôx mak uô tsi tâu. Thiếu tá Khánh heik pâuz:“Phiv liv viv tsi muôx nhiêx txiêx paz trâu têx lênhx đros uô hâux lưv co. Lok thâuv têx ntu cuz nxor mak cux fuô kriê, tso lênhx nênhs uô hâux li ntơư, taz sik chiê uô tsi so mak lok six phiv liv. Ciês trâu têx thâuv luz cheix uô kôngz, ntâu lênhx nênhs tsuv muk paz chuôz zis uô liêx têz  mak uô hiêv txos hâux lưv no, cux uô tsi tâu”.

Nhiv no, sâuv tas nro thax tsav  đriv têz ntơưv Lào Cai cux tsênhv muôx 11 taz viv Zênhx Pênhz phax li lênhx nênhs uô hâux lưv muk lol qênhz yuôx, qênhz shuôs hâur niêx hnuz hmo. 52 qơư seiz jor cêr mak nhoz trơưr thơưv hnuz thơưv hmo, cxiv uô tsêr fênhz suôz nhoz hâur thax tsav cuz nxor, zôngx ziv muôx têx li heik sâuv hâur 6 luz hlik lol no. Xav tinhv luôs hâux lưv phax tar moz Covid-19 cux tsênhv yuôr ntâu phiv liv, Bôv đôiv pênhz phax tỉnh Lào Cai tsênhv nriêr tsưr ziv, uô  khor truôx têx qơư nox nhoz seiz jor cêr lus muk lol đhâu, tsưx phưv truôx đriv têz chiê taz por đas jos, luz nênhx trâu canr bôv chiến sĩ tso siêz uô têx luôs hâux lưv zok muôz./.

                              (An Kiên-Riê Lâux cxeik, nhênhv)

NÔNGX MÊMHX ZUÔR TSUV PÂUZ

Cha Tuôv xênhv Vưx-lênhx nênhs txơưx uô nox nhoz thax tsav tox siêz

Xênhz zus thiêz hloz lox nhoz thax tsav tox siêz muôx ntâu poz jêz zuôr xar 50 shông, têx jiêv tsik muôx iz thax tsav qơư tưs txov nhêv li nhoz ntơưv thax tsav qơư no; tsik muôx txâuk nox, hnar, cêr muk lok phiv liv. Chênhr zos luz nênhx txov nhêv njuôr, tix lâus hêik: Cêr yêiz pluôs tưz đros đrêiv tix lâus chuôz zis hâur iz ntu ntêr. Thiêz txos iz hnuz, hmôngr jông hênhr, thâuv iz jiês cur tâu cán bộ xar yax kriê lok zơưv hloz Hôx li 8 lo luk kriê trâu pêx xênhv cxuô mênhx cxưx Hà Giang thiêz cur ndo njôngr: Tsôngv box tsuv huôv tsar tu zus nhux, tưv, buô…zos iz kro liv lox thiêz ho paz muôx qir mfông trâu kôngz lôngk thiêz tsoz chos. Hloz Hôx têx luk kriê co tưz cxơưz cxiz cur huôv tsar tu zus tsiêx cxu, đros têx chênhz zênhv muôx tâu; txos nhiv no, tu zus nhux đas tưz uô trâu cur tso siêz đuô. Tix lâus Tuôv nhiv no muôx 15 tuk nhux đas, đros tsiv gri muôx nhos 5-6 puô triệu nhiêx. Thâuv tâu nus tiêk tiv li chak tix lâus ho xêir tsov uô nox txix tu zus nhux đas, tix lâus puz pâuz: Đros trâu thax tsav qơư nhoz tox siêz, ntux yar ntux nas muôx ntâu txơưr txar phiv liv; chêix ntux no mak kruôr gis, tsik muôx jâuz…taz sik, chor nhux đas tu zus trâu thax tsav qơư no cux chưx tâuk chiê huôv tsar jông. Ntâu shông đhâu lok no, cur cê tu zus, cê zuôr muôs chor nhux đas sha mê nhuôs. Viv li, cur luz guôx nhux đas thâuv tưs cux muôx 10 ntâu tuk; muôx têx thâuv tsênhv tsar ndê txos 26 tuk. Đros chor nôngz nhux đas no, zôngx ziv zus, kaz grêix, tâu tuz luôv ciêz đrôngs nhiêv zuôr txos, viv li cux zôngx ziv muôs. Chiê muôx tâu zav nox trâu chor nhux đas, cur tưz tsês 2 ha ar chiê chos tâux. Đuô li, cur chos nzir poz cưk chiê muôx nzir zav nox hmôngr trâu nhux đas paz trâu nhux muôx đas jos jông. Đros chor qir guôx muôx ntâu, cur zôngv chiê zuôv qir trâu têx tsoz chos, chos jâuz, cê paz cxơưx trâu luz nênhx yenhx hnuz, cê muôs trâu ciêz đrôngs paz muôx nzir phênhv sâu trâu zuk chuôz zis.

Nhạc cắt

Muôx tâu phênhv sâu txix muôs nhux đas, cur zôngv chiê kho đuô vax tsêr, têx tsêr guôx, cxiv uô tsêr đa đêx, tsêr vêv xênhz. Đros ntơư, tix lâus cux xar txoz cxơưx trâu oz tuk mê nhuôv tsênhv cơưv ntơưr cơưv cov txos qơư. Viv thâuv ntêx, kinh tế txov nhêv tưz uô trâu tix lâus cxơưx tsik tâu trâu oz tuk nhuôs nxêik hloz muk cơưv ntơưr đại học, tưz tso ntơưr tsês muk zuôr txir cxiv tsa chuôz zis. Tưz tsik zos txơưx uô kinh têr, tix lâus Tuôv tsênhv zos iz lênhx tsar jok uô ntêx hlo trâu cxuô luôs hâux lưv; tix lâus tsênhv paz trâu sơưr đơưk lok tsưr ziv huôv tsar cêr uô nox. Cux chênhr zos li hêik co, tưz paz cxươz cxiz trâu tix lâus muôx tâu cungz bê “Lênhx nênhs txơưx uô nox”, zos Hôiv Nôngx mênhx tỉnh hênhr kruôk. Tix lâus kror uô tâu co tâu xav xưk li zos têx trêr pax jông nhoz thax tsav tox siêz đêz đrôngl, tsênhv yênhx hnuz paz trâu tsôngv box hmôngz nhoz ntơưv thax tsav qơư tix lâus uô nênhx nhoz no. Zov chênhr đuô, tix lâus tưz sir jos yax kriê tix lâus chor mê nhuôv truôx siêz cơưv cov tiêr ntơưr, tov kaz yênhx lênhx nênhs muôx liv trâu xar hôiv.

Nhạc cắt

Phênhv “Nôngx mênhx zuôr tsuv pâuz” ciêz no tsuôk xâuk li no xưz. Phênhv no zos Đaix TNVN nhoz thax tsav faz Bắc uô đros muôx tsênhv qơư cxơưz cxiz uô kôngz têz qơưk đros paz uô./.

                        (Txâur Vax-Lik Thox  cxêik nhênhv)