Jax sâu thưr 3, hnuz 5/1/2016:

Ju lix Lào Cai: Têx jông thiêz phiv  liv

Lơưr thôngz sâu , xav txos iz jiês no, têx lênhx kruô tuôx seiz shuôs Lào Cai hâur shông 2015 tưz muôx txos 2 tsov lênhx kruô, chuôz tsar zuôr xar 50% pir li shông 2014, gra lok phênhv sâu tâu xar muôx 4.500 tỷ đeiv. Ntơư zos phênhv sâu tâu ntâu tsi tiêk hâur shông mak hur si hâur lịch sử ngênhx ju lix Lào Cai txix thâuv ntêx txos nhiv no, ntâuk hov cêr huôv tsar uô tâu jông luôs hâux lưv no. Zơưv Nguyễn Đình Dũng, Phưv Giám đốc Sở vênhx huôv thiêz ju lix tỉnh Lào cai heik pâuz:

“ Shông 2015, ju lix Lào Cai uô tâu iz cxiê luôs hâux lưv jông li: Muôx chôngz kruô tuôx ndis shuôs têz qơưs, muôx nzir phênhv sâu tâu txix ju lix…..Lar heik, têx uô tâu jông yax zos pênhr huiz tôngv tâu txix doanh nghiệp thiêz XH yưv pênhr uô têx dưv anr lox lok ju lix ntu 2011-2015 tâu 5.700 tỷ đeiv”.

Têx luôs hâux lưv uô tâu sâuv zos khov lok ntâu vênhv thix, hâur ntơư tsuv heik txos zos txox cêr muk chênhr Nội Bài-Lào Cai uô tâu tiêr txix kaz shông 2014 tưz paz lok six ntâu trâu hâux lưv no. Cêr muk lok lur thiêz txos sei đros trâu muôx zuôr xar 300 luz yêz thâux xa kruô muk lok đhâu têx tỉnh ntơưv qơư tưz hu zâuv tâu chôngz lênhx, ntâu tuk kruô tuôx Lào Cai ndis seiz têz qơưs, hâur ntơư muôx tsi tsơưs lênhx kruô tưz tâu tuôx txos thiêz tror tuôx ndis seiz uô si. Niêv lâuk Đoàn Diệu Hương, nhoz Hà Nội tuôx heik li no:

“ Ciês shông no cur chuôz zis tuôx 2 jiês Lào Cai. Phênhv ntâu viv nhiv no zôngx ziv muk lok, xar muk thâuv tưs lok tâu. Li đrav ntêx mak ntâu jiês xar muk cux tsuv seiz lax muk seiz lax lok tưz muk tsi yênhx. Lào Cai mak heik cxuô lok six jông, lênhx tưs tsi tâu tuôx txos Lào Cai mak tsuv tuôx seiz, cur tuôx no ndis uô si, iz jiês tuôx nhiêk txơưr nhiêk, cux vav chiê siêz tiêk zuôr tsês njôngr six hơưv, hnuz nhôngs tror tuôx seiz ntâu jiês”.

Iz chas krêz đar six hơưv, tsưr ziv trâu huôv tsar ju lix, tsôngv kruô ziv hnuz ziv muôx ntâu cux zos iz phiv liv trâu ntơưv thax tsav. Pir li ntơưv qơư ju lix Sa pa-qơư jông jav trâu tsôngv kruô sơưr đơưk tuôx ndis seiz uô si thâuv tưz tuôx txos Lào Cai. Đrav ntêx thâuv tsi tâu muôx cêr muk chênhr, tsôngv kruô tuôx Sa Pa tsi yuô chôngz hâur six hơưv kaz ciêz lok sik têx hnuz ntênhs. Taz sik nhiv no, muôx chôngz lênhx ntâu tuk tuôx no zos kror zôngx ziv hâur niêx hnuz, yuôr lok six chôngz nênhs hênhr hâur têx hnuz so, hnuz ntênhs zos kror lax txar jav tâu. Zơưv Lù Văn Khuyên, tsar phòng vênhx huôv huyện Sa Pa heik pâuz, tsôngv kruô tuôx ndis uô si seiz têz qơưs ziv hnuz ziv ntâu viv li têx tsưr ziv uô ntêx zos khưx phưx xưz, yuôr lok sâuv muk ntêr mak huyện zuôr tsuv muôx têx faz tsưr ziv đơưk uô li chas cov fiv đros:

“ Đhâu thâuv muôx cêr  muk chênhr, tsôngv kruô tuôx Sa Pa lok six chôngz viv li huyện cux lok six phiv liv. Huyện tưz fuô kriê, tso uô iz cxiê qơư trâu têx yêz nhoz, đrêk chiê kruô muôx qơư tso yêz, tsưr tsix đoanx qênhz shuôs têx qơư lênhk tok kruô tuôx nhoz, so uô si, qơư muôs têx xiv huv uz no…chiê taz por truôx tuk grê, yax kriê, vênhv tôngv tsôngv box tsi sik txênhz, tsi truz kruô; yuôr iz cxiê txux chi vênhx huôv jông li: jok uô nuv, hmo ciêz gâux đrâul mak pêz cux tsênhv uô đuô, cxiv kho jux juk”.

Lơưr zơưv Nguyễn Đình Dũng, Phưv Giám đốc Sở vênhx huôv thể thao thiêz ju lix tỉnh Lào Cai, zos huôv tsar uô tâu jông li no, tsôngv kruô tuôx ndis seiz Lào Cai uô si muôx têx zuôr muôx txos 4 tsov lênhx kruô lok shông 2020. Ntơư zos iz kro jông, taz sik cux zos iz phiv liv trâu Lào Cai hâur tsưr ziv huôv tsar ju lix truôx. Chênhr viv li, iz chas hâux lưv fuô uô tsưr ziv njuôk hov, hu zâuv yưv pênhr uô têx dưv anr lox, cxiv tsa pênhr jos tsơưr lươngv siêz thiêz tuôr truôx tâu jông tênhx qơư vênhx huôv ju lix zos luôs hâux lưv zuôr trâus txos, tsuv bax uô jông txix ciês nhiv no li muôx têx cxơưz gra tâu huyện Sa Pa thiêz TP Lào Cai yênhx thax tsav ju lix têz qơưs hâur six hơưv zuôr txos:

“ Sở vênhx huôv thiêz ju lix tỉnh Lào Cai seiz lok têx muôx tsênhz zuôr cxiv tsa cui tinhv uô jông luôs hâux lưv ju lix lênhk tok tsôngv kruô, muôx têx uô lơưr trâu hur tiz si têx lênhx nênhs tsar yêz taxi, tsar yêz lox thâux xa kruô muk lok ndis seiz têz qơưs, trâu côngv thôngx tsôngv box sơưr đơưk, doanh nghiệp. Têx cui tinhv ntơư zuôr paz trâu Lào Cai ziv hnuz ziv uô tâu jông hâux lưv ju lix lênhk tok tsôngv kruô sơưr đơưk tuôx nox nhoz, ndis uô si”.

Đros têx sir jos hâur huôv tsar ju lix, Lào Cai tsiv nhos zos Tây Bắc tỉnh zov chênhr lok ju lix heik taz thiêz hur si têz qơưs heik cxuô./.

                               (An Kiên-Riê Lâux cxeik, nhênhv)