Jax sâu thưr 2, hnuz xiêz 5/10/2015:

Ninh Thuận: Gra siêz luôs hâux lưv kriê tsưr ziv uô nuv trâu tsôngv box heir nêhs tsơưs

 

 

 

Muôx 80% ntâu tsôngv px uô liêx têz, px huyện Ninh Sơn pâuz tâu têx zuôr trâus txos tsuv uô lơưr tsưr ziv yiêz hâur uô kôngz lôngk, tu zus tsiêx cxu chiê gra siêz phênhv sâu tâu nju. Đros cơưv lớp kriê cơưv tsưr ziv uô kôngz tâu 2 hlik, tix lâus Châm Sen, heir nênhs Raglai nhoz xã Mỹ Sơn, huyện Ninh Sơn tưz pâuz tâu ntâu tsưr ziv huôv tsar uô kôngz lôngk, cê uô lơưr hâur chuôz zis têx kôngz cê kriê trâu tsôngv cưr tix nênhx tsa sơưr đơưk hâur jok đros uô trơưk. Uô lơưr têx tsưr ziv tưz cơưv tâu, tix lâus Sen yưv pênhr chos 2.160 xưv phaz poz cưk nôngz NK-7328, uô trơưk têx canr bôv cxiz kôngz tsưr ziv kriê. Đros ntơư tix lâus Sen cux khơưz kror trâu đêx cov muôx txâuk đêx zưs poz cưk thâuv ntux kruôr gis. Viv li, txơưv ntux nas tsơưs, taz sik tix lâus chuôz zis 2.160 xưv phaz têz poz cưk cux hloz lox jông, sâu tâu nju. Tix lâus Châm Sen heik:

Băng: “Lớp cơưv cxaz tsưr ziv uô kôngz lok six muôx liv trâu zuk thiêz trâu côngv thôngx. Lơưr cưk kriê Hoà tsưr ziv kriê pêz uô kôngz, iz tsoz kuôk iz tsoz  li chas, tsưr ziv zuôv qir, kriê trâu ciês qir hâur têx têz, zuk pov têx kôngz hloz huôv jông viv li zuk cux lok six shir phaz”.

Iz shông ntâu lok no, Phongx Lox tôngv-xaz pênhz thiêz XH huyện Ninh Sơn tưz krêz tâu 30 lớp kriê tsưr ziv huôv tsar uô nox trâu xar muôx iz cxênhz lênhx huôv tsar tu zus nhux tưv trok chiê muôs, chos ndêz, tu zus keiz, chos txir mox mix, tsêz chos blêx, poz cưk…. Têx lớp cơưv huôv tsar uô kôngz lôngk no tưz paz tsôngv box muôx nzir tsưr ziv uô nox, chuôz tsar phênhv sâu tâu nju, cxuz cêr yeiz pluôs ntơưv qơư. Lar heik, hâur cheix ntux kruôr gis, tsôngv box tưz muôx tsưr ziv hlôngr uô têx kôngz fiv đros li: Chos kok liêz, chos têx jâuz tâuv…. Zơưv Trần Thế Quang, Tsar Phongx Lox tôngv-xaz pênhz thiêz XH huyện Ninh Sơn, tỉnh Ninh Thuận heik:

Băng: “Đhâu thâuv cơưv tas lok, tsôngv box tưz pâuz uô lơưr têx tsưr ziv kriê li: Tu zus nhux tưv trok maz chiê muôs, muôx phênhv sâu tâu nju. Tsưr ziv zos hli 9 no pêz tror krêz nzir 4 lớp thiêz chêx tsôngk trâu tsôngv box heir nênhs tsơưs chiê tsôngv box pâuz tâu têx tsưr ziv huôv tsar uô nox, cxuz cêr yeiz pluôs”.

Tsôngv box hâur thax tsav huyện Ninh Sơn nhiv no tsênhv njiz ntâu phiv liv tiv muôx tsi txâuk đêx huôv tsar uô kôngz lôngk. Phongx lox tôngv-xaz pênhz thiêz XH huyện tsênhv tror krêz têx lớp cơưv tsưr ziv huôv tsar uô nox lur hnuz nhôngs, kriê tsôngv box hlôngr yiêz tsưr ziv uô kôngz, tu zus tsiêx cxu, tsi chiê trâus yeiz pluôs hâur cheix kôngz lôngk tsi tâu siêr. Têx liêx têz tsi jông uô kôngz, ngênhx kôngz nuv huyện kriê tsôngv box muôz hlôngr chos tâux chiê tu zus tsiêx. Lar heik, ntơưv qơư tsênhv kriê têx tsưr ziv yuôr trâus trâu tsôngv box cơưv lok sâuv uô cxuô zav nuv chiê muôx nzir phênhv sâu. Zơưv Trần Văn Hoà, canr bôv tsênhv qơư cxiz uô kôngz-tu zus shuôz njêl huyện Ninh Sơn, tỉnh Ninh Thuận heik pâuz:

Băng: “Đhâu kriê tsưr ziv uô nuv trâu lox tôngv tox siêz, lar heik zos tsôngv box heir nênhs tsơưs, xuz thơưx nhiv kruôr kriê tsôngv box cux tsi pâuz têx hâux lưv ntơư zuôr uô li chas. Taz sik thâuv cơưv tâu 2 ciêz mak tsôngv box tưz pâuz tâu têx muôx liv thiêz jông hâur luz nênhx. Tiv iz zos tiz jông tơư, kriê iz kro jux juk, uô tâu zôngx ziv, cơưv lok têx muôx tsênhz ntơưv qơư. Txix ntơư tsôngv box pâuz têx jông lok sâuv zuôr qir, tsuôs yuôx tuô, lov caz hmoz tho nox uô ruôr hiêv kôngz, chiê tsôngv box moz siêz tu, uô têx kôngz”.

Txix têx uô muôx liv ntơư, tỉnh Ninh Thuận tsênhv cxơưz tiês luôs hâux lưv kriê tsưr ziv uô nuv trâu tsôngv box hâur têx thax tsav tox siêz. Têx tsưr ziv uô tâu hâur huôv tsar uô nox li: Chos ndêz, chos poz cưk, uô têx xiv huv txơưr đuô….tsênhv hâu nov ntơưv qơư kriê trâu tsôngv box, cưr tix nênhx tsa sơưr đơưk huôv tsar uô cov tâu truôx. Tỉnh cux xav luôs hâux lưv kriê tsưr ziv uô nuv zos iz hâur têx hâux lưv zov chênhr, paz tsôngv pêx xênhv heir nênhs tsơưs hla đhâu yeiz pluôs thiêz huôv tsar truôx vênhk sâuv zuk thax tsav, qơư nhoz./.

                                (TTTP HCM-Riê Lâux cxeik- nhênhv)

 

 

 

 

 

 

 

Phênhv “cxiv tsa Đảng” hnuz xiêz 5/10/2015:

Uô jông luôs hâux lưv cxiv tsa Đảng

 

 

Txix ciês kror hêik xuz thơưx thiêz tsênhv njiêz, Đảng li dự thảo pov cov chính trị 12 hêik txos côngz xưv cxiv tsa Đảng. Zơưv Phan Văn Kính, nhoz phường Nghĩa Đô, quận Cầu Giấy, Hà Nội xav tiêk: Cxuô Đại hội Đảng jê lok no puôr lênhx hêik côngz xưv cxiv tsa Đảng uô ntêx ciês hâur pov cov chính trị. Hâur co, ntơưv Đại hội 10 Đảng hêik mênhx “Sir jos gra siêz Đảng li đas jos lênhx tov”. Hok hâur pov cov chính trị muôz trâu Đại hội 12 tưz hêik cxix cxuô txos côngz xưv cxiv tsa Đảng lok shưz xar thiêz lênhx tov. Zơưv Kính ntâuk gri siêz pêz Đảng muôx ntâu kror tsênhz mênhx thâuv cán bộ, đảng viên thiêz pêx xênhv li siêz njênhs trâus Đảng trâus txo grêk. Thiêz trơưk zơưv, iz hâur têx qir tiv chênhr zos tiv iz phênhv tưs chor cán bộ, đảng viên li shưz xar trâus txo grêk:

Băng: “Cur xar mak iz hâur têx qir tiv uô trâu côngz xưv cxiv tsa Đảng tsik jông zos đảng viên li shưz xar tsik tâu uô jông. Jiês no tso vênhv thix cxiv tsa Đảng mak muôx tsi gri lok six zov chênhr. Viv zos uô tsik jông côngz xưv no mak zuôr phiv liv txos têz qơưk thiêz xav jênhv Đảng li lênhx tov trâu têz qơư. Cur xar mak no zos vênhv thix lok six zov chênhr thiêz tsuv uô sêi”.

Trung tướng Nguyễn Quốc Thước, kuz tư lệnh quân khu 4, kuz ủy viên trung ương Đảng khóa 6, têiv plor côx hôiv khóa 8, 9, 10 li têx ziv chênhv mak hêik tsênhz mênhx, ndax ndênhk. Tsov cưv txos cxiv tsa bộ máy têz qơưk cov jông, Trung tướng Nguyễn Quốc Thước hêik tiêk, pêz tsênhv kriz uô Đại hội Đảng cxuô cấp ndar txos Đại hội Đảng 12, thiêz no zos six hơưv Đảng thiêz têz qơưk tsuv xav jênhv tsênhz  uô lơưr nghị quyết trung ương 4, nriêr tsưr ziv chiê khưx phưx têx phiv liv.

Băng: “Cur vav tiêk, Đại hội Đảng 12 zuôr txos zuôr bâux tâu cơ quan lênhx tov siêz tiv zix. Tsuv zos kror chiê tas nro Đảng thiêz pêx xênhv uô trơưk. Zos muôx iz luz cơ quan siêz tiv zix jông bâuv li co mak cur njênhs tiêk, têx vênhv thix txơưr đuô li nox nhiêx têz qơưk, uô tsik jông hâur nghị quyết trung ương 4 zuôr tâu txo grêk”.

Zơưv Nguyễn Trọng Phúc, zos kuz viện trưởng viện lịch sử Đảng, học viện chính trị Hồ CHí Minh xav tiêk: Muôx têx kror tsik jông hâur luz nênhx, cux chênhr zos iz kro uô phiv liv lox txos Đảng. Lơưr co, tsuv uô jông Bộ chính trị li chỉ thị chox kriê lok Tổng bí thư Nguyễn Phú Trọng li luk hêik suôx câuv ntơưv jiês cơưv Trung ương tiv 11. Zơưv Lê Xuân Bích, Hội nênhs sâu Văn Việt Nam hêik tiêk: Cxuô lênhx hâu nov tsuv gra siêz lok chính trị chiê cxiv kho têz qơưs cov ziv hnuz ziv huôv tsar truôx.

Băng: “Hâur Đảng li văn kiện lok côngz xưv cán bộ, cur pov Đảng lok six sâu jênhv têx kror jông, hloz Hôx tưz kriê lok côngz xưv cán bộ. Pêz Đảng tsênhv tsov cưv txos thox cxov cán bộ muôx yênhx tưv, muôx shưz xar phưx vưv pêx xênhv. Cur lok six shir phaz thâuv muôx chor lớp cán bộ no trâu Đảng. Kror zov chênhr zos yênhx đảng viên li sir jos, tâu đảng, pêx xênhv njênhs njôngr zuôr phưx vưv trâu têz qơưk jông đuô”.

Cxiv kho Đảng cov tâu truôx jông, zuôr cuêz tênhv tas nro ntu hlôngr yiêz. Kror tsuv uô zos tror nriêr tâu chor tsưr ziv chiê tir tar cov tâu têx kror tsik jông. Đại hội Đảng jiês tiv 12 tsuv xêir tsov tâu chor cán bộ muôx txâuk tsưr ziv, txux chi, tuôr truôx chính trị. Đros ntơư, tsuv muôx tsưr ziv tsênhv tsênhz chiê uô cov tâu tiêr cxuô luôs hâux lưv zok muôz./.

                                                      (Minh Châu-Ly cxêik-nhênhv)