Zok nriêr hâux lưv uô ntơưv Yên Bái tror piz tâu kriz uô

Tix lâus La Văn Sơn, nhoz xar Liễu Đô, huyện Lục Yên puz pâuz, cux xưk li chôngz lênhx lox tôngv txơưr nhoz ntơưv thax tsav qơư, ntâu luz hli đhâu tiv phiv liv txix caz moz viv li tix lâus Sơn tsuv nhoz tsêr iz ntu ntêr, uô hâux lưv trơưk chêi, phênhv sâu tsik truôx. Hok chuôz zis mak muôx 4 lênhx nênhs, têx mê nhuôv tsênhv zâu thiêz tsênhv cơưv ntơưr, nhiêx sir zôngv hâur yênhx hnuz cux tas ntâu. Ciês thâuv pov qênhx shênhx caz moz tsik yuô phiv liv li chor hli uô ntêx, têx tsưr ziv phax tar caz moz tâu ntâu thax tsav qơư tso tsês jux juk, tix lâus Sơn tưz tuôx trâu thành phố chiê nriêr hâux lưv uô. Đhâu Tsênhv qơư Dịch vụ hâux lưv uô tix lâus tưz zok nriêr tâu iz kror hâux lưv uô ntơưv Công ty TNHH Công nghiệp Brother Việt Nam:

“Nhoz tsêr mak tiv phiv liv txix moz Covid-19 viv li muôx tsơưs hâux lưv uô, phênhv sâu kik. Nhiv no caz moz tsik yuô phiv liv, muk lok zôngx ziv đuô viv li cur tror tuôx nriêr hâux lưv uô. Cur xar mak tuôx uô trâu têx công ty zuk zuôr tsik cxơưx txos hnuz no uô kror hâux lưv no, cax ntus ho cxơưx txos nriêr têx hâux lưv txơưr, phênhv sâu lok cux zuôr truôx tuk đuô”.

Hok niêv tix Nguyễn Mai Hương zênhx zos cưk kriê ntơưr iz luz tsêr cơưv tư thục nhuôs zâu nhoz Yên Bái, tiv phiv liv txix moz Covid-19, chor qơư zoz zux, qơư sêiz jor têx nhuôs zâu tsuv so cơư kror trôngx tsês, niêv tix Hương tưz tsik muôx hâux lưv uô 4 luz hli ntâu lok no lơưv. Mê nhuôv tsênhv zâu, txir mak zos lox tôngv tự do, phênhv nhiêx truôx tuk hâur chuôz zis chênhr zos niêv tix li chor nhiêx paz tsik muôx hâux lưv uô.

Thâuv chor tsêr cơưv nhoz Yên Bái tror tâu kriz trôngx chiê shux xênhz tuôx cơưv ntơưr, niêv tix tưz nriêr tâu iz kror hâux lưv uô ntơưv chor nhuôs zâu côngv thôngx nhoz Tsênhv qơư paz trâu pox niêv tỉnh Yên Bái:

“Cur lok six pôngz siêz thâuv muk uô sưv têx hâux lưv lơưv ho tsuv so mak cux njiz ntâu phiv liv. Nhiêx hli tâu sơưv hâur yênhx hli thâuv so mak tsik tâu nhiêx lơưv, cux zos tiêk chuôz zis zuôr tsik muôx phênhv sâu chiê sir zôngv. Nhiv no tror tâu uô hâux lưv mak shir phaz hênhr, viv tror muôx nzir phênhv sâu yênhx hli chiê cxơưx trâu luz nênhx”.

Zơưv Hoàng Văn Bồng, Trưởng qơư hêik pâuz hâux lưv uô Tsênhv qơư Dịch vụ hâux lưv uô tỉnh Yên Bái puz pâuz: Txix hli 9 txos nhiv no, xav iz hnuz taz viv piêr pâuz đhâu zalo, Facebook, fanpage trâu xar muôx 80 lox tôngv. Txos nhiv no tưz muôx zuôr xar 400 lox tôngv nriêr tâu hâux lưv uô, chuôz ndê lok six chôngz lênhx pir li 4 luz hli uô ntêx.

Txix tsênhv tsênhz nênhx lox tôngv xar nriêr hâux lưv uô, Tsênhv qơư Dịch vụ hâux lưv uô tỉnh Yên Bái tưz nriêr pâuz thiêz nus đhâu 900  ntâu công ty, doanh nghiệp hâur thiêz đrâuv tỉnh. Đhâu nriêr pâuz têx doanh nghiệp tsênhv tsuv xêir zuôr muôx 10 cxênhz ntâu lox tôngv, ciês ntơưv tỉnh muôx 3 cxênhz ntâu kror hâux lưv uô, muôx têx doanh nghiệp mak tsuv xêir zuôr chôngz lênhx nênhs uô hâux lưv li Công ty xơưk tsôngv yo Trấn Yên, Yên Bình, thành phố Yên Bái; sân gôn Yên Bái; qơư công nghiệp Minh Quân…zơưv Hoàng Văn Bồng hêik:

“Txix nhiv no txos tas shông, pêz zuôr tror kriz uô têx jiês cơưv hêik pâuz lok hâux lưv uô ntơưv têx huyện li Trấn Yên, Văn Yên, Lục Yên thiêz tiv zix zos ntơưv 2 huyện tox siêz Trạm Tấu thiêz Mù Cang Chải chiê chox chor nênhs lox tôngv tuôx uô hâux lưv ntơưv têx qơư công nghiệp nhoz hâur thiêz saz đrâuv tỉnh zos têx qơư tsik yuô phiv liv lok caz moz”.

Cxuô hâux lưv tror tâu kriz uô, ntâu doanh nghiệp nhoz Yên Bái tsênhv sir jos uô hâur ntu no chiê uô cov tâu tiêr têx tsưr ziv tưz tso tơưv hâur shông 2021. No cux zos iz kror paz trâu chor lox tôngv ntơưv thax tsav qơư zok nriêr tâu hâux lưv uô, muôx tâu phênhv sâu truôx tuk./.

(Thừa Xuân-Lik Thox cxêik nhênhv)

Hâux  lưv tsoz phưz đas jos xênhz zus nhuôs trâu têx lênhx pox niêv thiêz nhuôv mok thax tsav tsôngv box heir nênhs tsơưs

Jok tsôngv box K’Ho nhoz tox siêz Lâm Đồng cux jông xưk li luôs luz jok txơưr đuô, sik đros huôv tsar uô nox, cxiv tsa luz nênhx vav mênhx, tsâu sor. Têx tuz nhuôs zâu mak đhiê uô si lov jêv lus, chor pox niêv lok max khưr uô cxuô luôs hâux lưv, tsoz phưz, txoz cxơưx trâu têx nhuôs. Xar tiêk luz nênhx iz txưv muôx cêr sor siêz, shir phaz lus li ntơư, taz sik 20 shông uô ntêx lơưr luz nênhx tsi jông li heik co. Nhoz ntâu jêx jok muôx kênh jiês ho hnor mông têx lênhx niêv trâul đaz chox, trâul đaz tuôs thâuv xênhz zus mê nhuôv, lok sik muôx têx tus nhuôv mok nhiv kruôr xênhz zus tâu lok txơưv sir tsi nhoz, tsi muôx txox siê…..

Kuôk no muôx 20 ntâu shông, thâuv co tsôngv box khênhr xênhz zus mê nhuôv hâur tsêr, tsi muk tsêr kho moz. Zos lênhx pox niêv tưs phiv liv xênhz zus, lok sik trâul moz gênhk mak lơưr khênhr hu têx txir nênhz tuôx uô nênhz kho xưz. Lơưr phênhv ntâu khênhr njênhs trâu chor lâul thiêz nênhz zêis. Cêr cor cav co muôx nhoz hâur tsôngv box heir nênhs tsơưs li luz nênhx niêx hnuz. Niêv lâuk Y Bốp thiêz niêv lâul Y Lon, heir nênhs Xơ Đăng nhoz tỉnh Kon Tum heik pâuz:

“Thâuv tưs zuk muôx moz gênhk, lok sik xênhz zus mê nhuôv mak mul hâur xuz jôngr txiêr iz cho hmaz liêz gra lok tsông, muôz chor cuô hmaz ntơư plênhr, cxuôv tas nro trâu zuk iz chêr, co zos uô cov iz chêr ntâus. Kuôk no cux muôx nhos 2, 3 shông muôx 2, 3 lênhs cux uô li ntơư, chiv chir xênhz zus mê nhuôv hâur tsêr xưz, tsi muôx lênhx tưs tu”.

Thâuv ntu txix têx shông 90 txos shông 2000, chor pox niêv nhoz tox siêz đêz đrôngs, tsôngv box heir nênhs tsơưs thâuv tưs cux trâul tuôs ntâu (muôx nhos 400-900 hâur 100 cxênhz lênhx trâul tuôs). Lar heik, nhoz chor thax tsav txov nhêv li: Bình Phước, tsôngv box S’Tiêng mak muôx txos 1.018 hâur 100 cxênhz lênhx nênhs trâul tuôs. Txos iz ntuk tov kaz no, têx li heik co tưz jux juk tâu txo grêk tsơưs đuô, taz sik cux tsênhv muôx nhoz iz cxiê thax tsav qơư, iz cxiê heir nênhs tsơưs. Chor pox niêv heir nênhs tsơưs trâul tuôs ntâu đuô 4 bâus pir li nênhs Choz Tsiz. Giáo sư, Tiến sĩ Nguyễn Thị Ngọc Phượng, kuz Giám đốc Tsêr kho moz Từ Dũ, TP HCM heik pâuz:

“Cur tsi so muk trâu cxuô tỉnh, lar heik zos têx thax tsav txov nhêv, mak thiêx njiz iz ntênhs tuôs zos iz tus pox niêv hluôk xưz, nhiv kruôr muôx 20 ntâu shông, tưz tsi tâu muôx 30 shông. Nus tiêk viv li chas ho tuôs, lơưr thiêx heik, zos xênhz zus tsi tâu mê nhuôv, uô nênhz kho tas lok tsi jông, chox muk nhoz trâu tsêr kho moz hâur xã, hâur huyện thiêz hâur tỉnh, thâuv muk txos tsêr kho moz tỉnh tưz trâul tuôs lơưv”.

Chor nênhs nhênhz chơưv cux phênhz tsênhz mênhx qir tiv têx lênhx pox niêv trâul tuôs ntâu, co zos cêr đêz, muk lol phiv liv, tsi yuô muôx yêz thâux xa. Co zos têx uô tuôr thênhv lok kinh tế, lok vênhx huôv, cêr nênhx phôngz cxưx pôngz kaz. Iz zav li: Njênhs têx lâul heik, njênhs nênhz zêis đuô canr bôv y tế. Lar heik, ntơưv tsôngv box heir nênhs tsơưs hâux lưv “tsoz phưz đas jos truôx tuk trâu lênhx niêv” tsi tâu huv đros têx cêr nênhx vênhx huôv ntơưv qơư;  canr bôv y tế thiêz tsôngv pêx xênhv cox tsi pâuz cur lul, cur tsi pâuz cox lul heik zos kror uô tuôr thênhv lox txos têx li heik sâuv.

Txix têx tsênhv tsênhz li co, pos Nguyễn Thị Ngọc Phượng thiêz chor cơ quan y tế, têx tsưr tsix saz đrâuv luôs 2 chas têz qơưk, hnuz ntơư tưz xar tsưr ziv cxiv tsa đêx anr thiêz sir jos uô luôs hâux lưv “muôx lênhx nênhs paz txeik mê nhuôv trâu chor pox niêv xênhz zus mê nhuôv hâur jêx jok”.

Hnuz xuz thơưx, xav hur si muôx nhos 37 lênhx nênhs, zos heir nênhs Tày, Mơ Nông, S’Tiêng cxaz chuôz. Chor pox niêv vir ndâuk co puôr lênhx zos Hôiv pox niêv vênhv tôngv thiêz tso muk cơưv cxaz nzir têx txux chi tsoz phưz đas jos xênhz zus nhuôs 6 luz hlik. Phênhv ntâu têx pox niêv vir ndâuk cơưv cxaz têx txux chi heik sâuv, lơưr cơưv tas ntơưr txix lớp 3-lớp 5; tsaz yênhx xeir cơưv zos tuôr têk, kriê hâux lưv uô. Hla đhâu têx phiv liv ntơư, tsaz yênhx tưz muôx têx yênhx côngz thiêz paz uô hlôngr yiêz tsoz phưz đas jos xênhz zus nhuôs trâu têx lênhx niêv thiêz nhuôv mok nhoz thax tsav tsôngv box heir nênhs tsơưs, txov nhêv. Iz lênhx pox niêv vir ndâuk đhâu thâuv cơưv tas têx txux chi ntơư tror lok tưz yênhx lênhx canr bôv y tế, cưk yuôx. Niêv lâuk Nxêz Xênhv Thox, heir nênhs Hmôngz nhoz tỉnh Hà Giang heik:

“Kuôk no 2 luz hlik, iz tus nhuôv uô ntêx thâuv zuôr zus lok ntơư, mê nhuôv tưz xiêr tas, uô tsi tâuk pa hlo li lơưv. Cur tsuv uô tas cxuô faz tsưr ziv txix têx txux chi cơưv tâu hâur tsêr cơưv mak chor cưk kriê tưz kriê trâu zuk co chiê chơưv paz, 15 phênhz tov kaz lênhx nhuôv ntơư thiêx uô pa nto thiêz kuôx. Nhiv no mak 2 niêv tuz puôr lênhx nhoz khax kha, tsi uô chas lơưv”.

Txos nhiv nor, đhâu 25 shông uô tsaz yênhx muôx lênhx nênhs paz txeik mê nhuôv trâu chor pox niêv jêx jok xênhz zus nhuôs,  têx lênhx pox niêv vir ndâuk xênhz zus nhuôv trâul tuôs ntơư tưz txo grêk tsơưs lơưv4 jiês. Nhiv no tas nro têz qơưk muôx nhos 2.600  ntâu lênhx nênhs uô têx hâux lưv li heik sâuv nhoz têx jêx jok txov nhêv. Tror uô thiêz tuôr truôx hâux lưv co, paz uô tâu jông têx luôs hâux lưv huôv tsar hâur niêx shông thiêz ndar txos trâu têx hâux lưv huôv tsar truôx chor pox niêv vir ndâuk, nhuôs zâu li đas jos lok shông 2030./.

(VOV4-Riê Lâux cxeik, nhênhv)