Tox siêz Mộc Châu-Qơư jông jav muôx chôngz lênhx kruô tuôx ndis uô, sêiz shuôs thax tsav faz Bắc

Tuôx trâu tox siêz Mộc Châu jông jav, tsôngv kruô zuôr tâu seiz njiê pov tox trôngz câuv har, têx shôngz ntông jông đros trâu đơưv trôngz Pha Luông muôx chuô lax nziês, trôngz yuôx zêx, têx pax tơưs yiêz, jông jav trơưk oz saz ntus cêr.

Đros co, cux muôx tsas tsuô Dải Yếm nhoz xã Mường Sang, huyện Mộc Châu zos iz hâur têx qơư jông jav, muôx chôngz lênhx ntâu tus tsôngv kruô tuôx seiz shuôs uô si. Iz chas sđ seiz njiê pov têx jông, lax chuô nziês hâur thax tsav no, tsôngv kruô zuôr tâu pov tus qox tsov iêr jông yax hâur VN tâu cxiv uô jông thiêz siêz. 30 ntâu zav jông sâuv tus qox zuôr paz lênhx nênhs tuôx ndis seiz pov cxuô tsar zav jông nhoz tox siêz Mộc Châu. Niêv lâuk Nguyễn Bích Hòa nhoz Bắc Từ Liêm, Hà Nội tuôx heik li no:

“Nhoz Mộc Châu lok six jông, kror cxiê qơư hur si, chuô lax nziês, cur nhiêv suôv qơư no, viv hâur đrôngs lok six pâus, tsi hur li nor. Chênhr viv, thâuv cơưv lớp, chuôs njiz têx fôngx zưs pêz quyết tinhv siz zâuv tuôx Mộc Châu, Sơn La chiê uô si. Cxuô tsar zav nhoz no lok six jông, muôx đêx ntưk, muôx trôngz siêz, pêz lok six nhiêv thax tsav qơư no”.

Tuôx trâu Mộc Châu, tsôngv kruô tsênhv tâu seiz pov tsôngv box Poz Ziz, Hmôngz têx txux chi, vênhx huôv jông nhoz tox siêz thiêz. Txix têx tsêr tsar lơưx thâuv nzor, zav nox kaz, têx txux chi, vênhx huôv nthuôr uô cêr lov jêv, ntênhs hội.... txos trâu têx cêr uô si li: Lêiv poz, muk chuôv shôngz, ntâuk los txir toz...puôr lênhx uô trâu tsôngv kruô sđ seiz njiê tsi đuôr, zos iz hâur têx hâux lưv cêr uô si lov jêv, uô trâu sđ muôx cêr sik thôngx siêz, tâu siz chuôs njiz, sik cơưv shâuv têx txux chi, tsưr ziv jông hâur luz nênhx niêx hnuz. Niêv lâuk Nguyễn Thị Hương, nhoz huyện Thuận Thành, tỉnh Bắc Ninh tuôx heik:

“Tuôx trâu Mộc Châu, txos tsôngv box, suôv qơư Mộc Châu, cur pov ntơưv no lok six jông, lênhx nênhs cux siêz jông, nhiêv tsôngv kruô. Hâur hnuz đhâu cur tưz muk seiz trôngz yuôx zêx thiêz tâu njiz têx nhuôv nhoz co, cur lok six shir phaz. Đhâu têx hnuz sir jos uô hâux lưv, gênhs; tâu tuôx muk ndis uô si li no seiz têz qơưk mak uô trâu zuk siêz cax thiêz jông tas hor ntâu, tưz tsi ndo gênhs, tsi ndo xar”.

Trơưk li pos Nguyễn Thị Hoa, Phưv Chủ tịch Ủy ban huyện Mộc Châu, ciês hâur hli 10 shông no, Mộc Châu tưz tok muôx nhos 75 cxênhz ntâu lênhx kruô tuôx ndis shuôs têz qơưk uô si. Kror no heik lol têx luôs hâux lưv ju lix uô tâu jông hâur iz shông tâu ntâuk grê zos phiv liv, đros trâu ntâu ngênhx kinh tế txơưr đuô tiv moz Covid-19 uô hiêv txos:

“Chiê huôv tsar uô tâu jông đuô ju lix hâur six hơưv zuôr txos, mak iz hâur têx hâux lưv tso tơưv, zos pêz zuôr uô li chas cov têx qơư ju lix hâur Mộc Châu tsuv seiz car jông, cux li sir jos huôv tsar uô jông đuô thiêz têx qơư ju lix; têx qơư uô lax luôv, tok tsôngv kruô sđ tuôx ndis shuôs cux tsuv tâu cxiv uô jông chiê muôx ntâu tus chôngz lênhx kruô đuô tuôx Mộc Châu ndis seiz têz qơưk uô si, li ntơư pêz vav chiê siêz tiêk, đhâu moz Covid-19, ju lix Mộc Châu zuôr khưx phưx tâu sei têx li heik sâuv”.

Nhiv no, hâu nov huyện Mộc Châu tsênhv taz tov chox car cxuô tsênhv qơư cxiv uô du lix, têx tsêr tok kruô tuôx nhoz, so ndis shuôs têz qơưs uô si, tsuv uô jông lơưr têx tsưr ziv lok phax tar moz Covid-19, iz chas ntơư gra siêz tsơưr lươngv têx hâux lưv uô txeik tok kruô, phưx vưv tsôngv kruô, tsi tsar ndê gri lok cxuô zav, moz siêz txos por hưv tsês cxuô heir nênhs ntơưv qơư têx txux chi vênhx huôv jông, chiê nưk muôx nưk têx jông txơưr tsi siz thôngx, tsiv nhos Mộc Châu zos qơư jông tiv iz chiê tsôngv kruô tuôx ndis uô si sêiz shuôk têz qơưs txos thax tsav faz Bắc./.

(Trấn Long-Riê Lâux cxeik, nhênhv)