Jax sâu thưr 6 hnuz 5/2/2016:

Yên Bái tsoz phưz tsiêz trâu nênhs pluôs thiêz chuôz zis tâu sơưv cêr chêi

 

 

 

Jiês tsiêz liêz shông 2016, lơưr chor huyện, thị xã li bê ntơưr hêik pâuz, tỉnh Yên Bái muôx zuôr xar 9.200 chuôz zis, 30.000 lênhx nênhs tâu jênhv 450 tấn cxur paz chơưv yêiz plaz, iz lênhx nênhs tâu jênhv 15 cir cxur. Hâux lưv cungz muôx nhiv no phênhv ntâu tưz tâu muôz trâu nênhs tâu sơưv, taz por tsik muôx ziv chuôz zis tưs sâuv thax tsav tỉnh Yên Bái trâus yêiz plaz hâur jiês tsiêz no.

Ban vênhv tôngv “Hnuz viv nênhs pluôs” tỉnh Yên Bái cux khơưk muôz yênhx cxênhz kror huv tsiêz trâu nênhs pluôs sâuv thax tsav tỉnh. Đảng, têz qơưk li 8.300 ntâu kror huv cux tâu nganhx lox tôngv, xaz pênhz thiêz xã hội muôz txos ntuô trâu chor chuôz zis tâu sơưv cêr chêi hâur jiês no….Đrâuv têz qơưk li têx paz, nhoz chor huyện, thị xã, thành phố, hâur tsar tov tsênhv tsênhz nhoz tiv phaz, chính quyền cxuô cấp cux muôx ntâu kror tsov cưv txos chiê pêx xênhv sâuv thax tsav tâu tok tsiêz tsâu sor, shir phaz. Zơưv Vũ Lê Anh Thành, phưv chủ tịch UBND huyện Văn Chấn puz pâuz:

 “Đros chax chês siz hluz siz paz trâu chor nênhs tâu sơưv cêr chêi, nênhs pluôs, nênhs muôx côngz…huyện tưz tso chor đoanx muk chuôr yuô, khơưk muôz 620 kror huv trâu chor nênhs tâu sơưv cêr chêi, chor chuôz zis trâus yêiz plaz sâuv thax tsav”.

Tsiêz no, Ban chox kriê Tây Bắc khơưk muôz yênhx puô kror hax huv trâu nênhs pluôs thiêz nênhs tâu sơưv cêr chêi sâuv thax tsav tỉnh Yên Bái. Yênhx puô tsưr tsix, tiz nênhs cux tưz tuôx khơưk muôz huv trâu nênhs pluôs thiêz nênhs tâu sơưv cêr chêi nhoz tỉnh xưk li: Zênhx hangx tsênhv chêi xã hội, Hội siêz jông tân Sen, hội gâux muôv vir ndâuk Công an tỉnh Yên Bái….chính quyền cxuô cấp thirz chor tsưr tsix, tiz nênhs li tsov cưv txos tưz paz muôx cêr shir phaz, paz txo grêk tsơưs têx phiv liv trâu tsôngv box hâur jiês tsiêz. Tix lâus Bình Phúc Thăng, xã Viễn Sơn, huyện Văn Yên hêik:

 “Cur chuôz zis txov nhêv hênhr, tsik muôx ar uô xênhz yar, cxur cux tsik muôx nox. Tâu têz qơưk paz cxur thiêz nhiêx nox trâu luz tsiêz no cur lok six shir phaz, cur uô tsâus Đảng thiêz têz qơưk”./.

Tsuôk yuôr ozz pêz hnuz lơưv xưz tưz zuôr txos tsiez liêz shông 2016, njênhs tiêk tsôngv box pluôs nhoz tox siêz thiêz chor chuôz zis tâu sơưv tsênhv chêi nhoz Yên Bái lênhx tưs cox muôx tsiêz. Iz luz tsiêz shir phaz thiêz tsâu sor./.

(Tuấn Xuân-Lik Thox cxêik nhênhv)

 

 

 

 

 

 

Jax sâu thưr 6, hnuz xiêz 5/2/2016:

Ntux yiêz sâuv thax tsav jos Cho

 

 

 

          Muk txos trâu hêir nênhs Cho cxuô luz jêx jos nhoz Hầu Thầu hâur têx hnuz no, tưz pov njôngr hêir nênhs Cho tsôngv pox niêv vir ndâuk shir phaz lul sik tưr xơưk cxuô tsôngk trik yo trâu zuk tsêr nênhs chiê tok nox tsiêz shông 2016. Trơưk li niêv lâuk Tẩn Thị Tuấn, nhoz jos Gia Khâu, xã Hồ Thầu, huyện Tam Đường thav tiêk: Hêir nênhs Cho bax cxuô tsôngk trik yo chiê hnar hâur têx hnuz tsiêz cux zov chênhr cơưs; viv têx yo xơưk trâu chor pox niêv muôx txir thiêz xơưk trâu chor nxêik tsik tâu muôx txir, jông tsik siz thôngx thiêz têx câuk mov xơưk trâu tuz thiêz nxêik cux jông  txơưr lơưv ntâu.

           “Tsôngk trik yo xơưk trâu têx mê nhuôv tuz nxêik, tus lox tus zâu cux jông txơưr tsik siz thôngx. Trik yo xơưk trâu chor tuz hluôk, tsuv xơưk cov jông, uô kaz côngz mok mok thiêz tik ntâu luz nhiêk khơưv trau”.

          Hêir nênhs Cho huôv tsar cêr uô nênhx cux gruôs, ziv chuôz zis tưs cux tu zus tsiêz cxu, kêiz buô ntâu bax tok trâu luz tsiêz thiêz cxaz nzir trâu pluôs nox hâur yênhx hnuz hâur ziv chuôz zis. Hêir nênhs Cho nox tsiêz cux krưr cxuô zav mor txâuk puôz đuz; ntơư zos muôz têx kuôr blêx chox lok hlơưr, muôz chor hmôngr yâur shơư trâu têx cxur cov cxur đuz thiêz muôz tâuv, grêix krưr shơư trâu hâur đruôz đraz, hâu cov siêr chiê nox hâur luz tsiêz.

          Hêir nênhs Cho nox tsiêz cux uô đaz kruôk, lêis pox côngz zơưv côngz, chiê pox côngz zơưv côngz lok por hưv tsêr nênhs, hla trâu shông yiêz, sđ nhoz khax nhoz jông, khưr tâu nox tâu hnar, tsik muôx moz gênhk. Zơưv Tẩn A Ty, tsar jos Gia Khâu hêik pâuz nzir:

           “Hêir nênhs Cho nox tsiêz, chuôz piz nox hâur luz hli  12 tas; cxuô zav bax trâu luz tsiêz zos kêiz, buô, mor txâuv puôz, nduôr, tsôngk trik yo…”

          Hâur têx hnuz ntux yiêz no, tsôngv px hêir nênhs Cho nhoz jos Hồ Thầu cux tsênhv lov jêv đuô cxuô shông, viv muôx cêr lênhv poz jêz muk txos ntuô jos, zôngx ziv trâu tsôngv px thâux kôngz lôngk muk lok, huôv tsar cêr uô nox. Chênhr zos li hêik ntơư, tsôngv px hêir nênhs Cho tưz hlôngr yiêz tsưr ziv huôv tsar tu zus tsiêx cxu, tsêz chos kôngz lôngk zos đrêiv tsưr ziv yiêz thiêz hâur luz tsiêz no, tsôngv px hêir nênhs Cho nhoz thax tsav hêik sâu, tưz muôx tsiêz nox shir phaz lul. Pos Tẩn Thị Nhẫn, phó chủ tịch uỷ ban xã Hồ Thầu hêik pâuz nzir:

           “Tsôngv px ntơưv no tưz muôz zav nôngz poz cưk, nôngz blêx sâu tâu nju chox lok tsêz chos zos đrêiv tsưr ziv kriê thiêz nhiv no tsik yuôr ziv chuôz zis tưs pluôs. Đros ntơư, xã cux tsưr tsix muôz huv tsiêz krưr puz trâu chor ziv chuôz zis muôx côngz têz qơưs”.

          Ntux yiêz txos hêir nênhs Cho thax tsav jêx jos  Hồ Thầu, pov njôngr tsôngv px ntơưv no shir phaz lul tok tsiêz shông yiêz 2016./.

                                                (Tsu vưx, cxêik nhênhv-Thuý Ngoạn, CTV)